SAKHAW CHUNGCHANGA INKAWMNA – 1

December 6th, 2015 6:13 pm by Hnam sakhua

                Sakhaw chungchâng thu hi hmasâng ata tawh khawvêl mihring hnam tinin an lo buaipui tawh ṭhin leh tûna an la buaipui mêk leh an la buaipui zêl tûr pawh a la ni cheu mai. Mihring an lo mâwl lai hunah leh tûn thlengin mi tam takin an thil hmuh leh tawn hriat atangin rin dân leh zeldin dân an neiin, hun lo inher chho zêlah rin dân thar leh zeldin dân thar neih belhin Sakhua chu a tîra thing tiak te reuh te anga lo ṭiak kha a lo ṭhang lian chho zêl a, lian pui, sang tak angin a lo awm a, a ṭhente phei chu a lo zar ta de du hlawm a ni.

Read more »


THUPUAN BU HI ENGTIN NGE I LO PAWM VE? (Neronic View AD 64-68 VERSUS Domitianic View AD 95-96)

December 6th, 2015 6:12 pm by Dr John

1. THUKHUH KEU-HAWNNA
Johana Hnêna Isua Krista Thupuan Chhuah Bu (Book of Revelation) hi Bible-a Thil lo thleng tur Hrilhlâwkna/Thupuan (Eschatology/Prophecy) lam hawi Lehkha Bu pawimawh tawp-khâwk a ni. Thuthlung Hlui-a Thil lo thleng tur hrilhlâwk te kha an tawp dân tur sawina a ni ber. Genesis bu-ah khân, lei leh vân leh thil zawng zawng siam ţan dân leh lo awm ţan dân a inziak a, Thupuan Bu-ah hian lei leh vân leh thilsiam zawng zawngte tawp dân (leh Chatuan inţan dân) a inziak thung a ni.

Thupuan Bu hi a chhunga thu inziak hmasa ber Greek “apokalupsis” (unveiling/uncovering- khuhna hawng, keu-hawng) tih hi a Bu hming leh kohna atân hian hman nghal mai niin alang. He Thupuan Bu hi Apostol Johana’n Patmos Thliarkâr-a a tân laia a hnêna inlâr, Tholeh Isua Krista khân, Thil lo thleng tur-te a hrilh a, chungte chu a ziak ta a ni. Thil awmdân-te chhui kualin, Apostol Johana’n Thupuan Bu a ziak hun hi Roman Emperor Domitian Lallai A.D 95 vêl niin alang.
Read more »


Duh duh herchhuahna YouTube

December 6th, 2015 6:05 pm by

Kei leh ka chhungte chuan YouTube a ni kan en, TV kan en tawh lo. Kumin March atang khan kan DTH subscription kan ti tawp, TV ( as in traditional sense) kan en tawh lo. Kan TV-a kan en tam ber chu YouTube, chromecast hmangin a ni.

Sihhmui a Tlawng lei chim reng mai ang chi Bailey bridge hi World War II a Allies ho hmanrua tha tak pakhat kha a ni ve a. Awle, Bailey bridge siamdan lo thlir ang.

Tin, “Bailey” tih hi a siam chhuaktu hming a ni. Ka lo hre ngai lova, kan lo ngaihtuah ngai lem lo bawk a.

2005 ah Spikey an an lam lai video YouTube a mi a rawn post kha YouTube ka en hmasaber a nih ring. Ti chuan funny clip leh music video etc.. en nan te kan hmang chho zel a. Tunah chuan engkim mai hi a awmin ka hria. Zirna lam, entertainment, news, documentary tha tak tak. Naupang tan a thalo thei tam tak pawh a awm avangin parental control hman a tha ang.
Read more »


Ka Nunkawng Kaihtawi!

December 3rd, 2015 1:15 pm by Henry Vangchhia

Naupan laia Shillong a sikul kal thin han nih ve takah chuan a khaw hming ngawt mai pawh hian lung ati leng a, chutih lai a pawlrualpuite min ngaih tir leh thin. Kumpinu-in India a awplai a an hmunpui pakhat a lo nih thinna khan hlutna siamin, belhchian pawh a dawlna chhan niin a lang. A ram neitu Bakthak (Khasi) ho hi an tribal nihna tam takah la lang thin nachungin, kum tam tak Kumpinu thutchilh an nihna a hriat theih viau thin awm e.

St. Anthony’s High School-ah ka lut thin a, Don Bosco hostel a ka insuan luh hma zawng chuan ka pa u, ka ni Biaknemi, w/o Paul Z. Hauhnar (fam) te in-ah ka khawsa thin a, Laitumkhrah, Beat House ral lehlam, Bakthak ho Presbyterian biak in chhak chiahah, Meena Cottage chu ka awmna thin a ni nghe nghe.
Read more »


ZIN KAWNG THUI SI TAWI BAWK SI

December 1st, 2015 11:41 pm by Dina Pa

Gospel Centenary lawm turin hla kan zir a. Kohhranten project ah neiin KHB a mi hla sak ngai loh deuh deuh kan zir bawk a. “Galilee ah Lalpa Isua zirtir pahin a leng bawk thin” tih te kha a thu a ulh euh oh nen kan sa ve tham tham thin kha a nia. Centenary zaipawlin hla kan han zir a. Kan conductor chalkawlh khan “Lalpa ropuina” tih kha min han zirtir a. A slur a sak dan kha a sipai khawp a.”A lo la la-a-a-ang ang’ tih lai phei chu a sa sawt awk awk mai a. Mahse khatia sa ve mai tur kha kan ni lawi si. Kan hotupa min zirtir dan a ni tlat alawm. Mahse tuan tul vangin vawi tam zir thei ka ni ta lova. Centenary zaipawl member ni ve tepin ka awm a. Ka ni ta lo a ni. Ka vui love. Vanneia siamin Usher ah min la telh ve hram a. Dr.HLa hnuaiah trening kan nei a. A hneh sawh teh e. Centenary programme chu Sipai lammual ah hmangin kan hmanhlel ve khawp a. Sap khual ho lah kha an ngal rek kha a chum buang mai a. Broiler ar ngal ang mai a ni. Chutiang khatiang khan Gospel centenary lawmna a ka tih tur chu ka zo a. Khing thil hnu ah khian a ni ka zinkawng chu ka zawh ni.

Engtizia teh reng nge ni 1994 kum khan sawrkarin sikul tan hma tur a ti mauh mai a. Centenary lawmna hnu khawi pawh tel hman loin kan khaw lam pana chhuah zui mai a ngai si a. “Tuan tul vanga ka liam ni khan maw…..chawhnu zin lamtluang a thui ngei e”
Read more »


LADC Gen. Election Result kimchang

December 1st, 2015 8:19 pm by Bucko

LADC MDC INTHLAN FINAL RESULT
.
Sangau East : F. Rohnuna, MNF- 633 votes.
Sangau South : ST. Laldailova, INC- 664 votes.
Sangau West : C. Lallungmuana, INC- 625 votes.
Cheural : L. Lawmkima, INC- 479 votes
Lungtian : H. Biakzauva, MNF- 649votes.
Lungpher South : C. Lalhnuna, MNF- 791 votes.
Vawmbuk : T. Zakunga, INC- 849 votes.
Bualpui West : V. Zathang, MNF-564
Bualpui East : K. Vanlalsanga, INC- 569
Lawngtlai Bazar : C. Sangchhunga, INC- 521votes.
Lawngtlai Vengpui : VL. Hmuaka, INC- 838votes.
Lawngtlai Chandmary : C. Lalsawmzuala, MNF- 707
Lawngtlai Council Veng : Manghmunga Chinzah, MNF- 840
M. Kawnpui : N. Sangnawni, INC- 1239 votes.
Bungtlang South : JC. Ngurluaia, INC- 646votes.
Sakeilui : Suresh Chakma, INC-
Sekulh : Apetow Lawmsanga, INC- 1257 votes.
Tuithumhnar : KC. Malsawmdawngliana, INC- 971 votes.
Vathuampui : C. Lalneihkhuma, INC- 955 votes.
Lawngtlai College Veng : Lalchhuanawma, INC
Lawngtlai -III : T. Lalengmuana, MNF-
Lawngtlai AOC : LR. Dingliana, Independent
Paithar : V. Zirsanga, INC-1090
Diltlang South : Laltlawmlova Chinzah, INC-814
Chawngte P : Andrew Laltlanzara, MNF-854
.
INC : 16
MNF : 8
Independent : 1
Thu Nawi : Read more »


Halleluiah Chorus & Amen

November 25th, 2015 3:33 pm by Sangpuiipa

Kan Kohhran zaipawl in kan sak ania, ka tel ve nghe nghe a. Video hi phone camera a lak anih avangin a fiah vaklo. Halleluiah Chorus leh Amen tih hla a ni.

Halleluiah Chorus hi chu hmun tin maiah kan sa thiam fur hlawm a, amaherawhchu Amen tih erawh hi chu Mizoram pum huap ang pawhin sa thei an la vang angreng hle. Keini thingtlang khua ang atang chuan thil ropui ve tak a ni e.

 


September 2015, Mizo(ram) Diary

November 24th, 2015 8:45 pm by chhana

1st. Tuesday: India ram pumah petrol leh diesel man tihniam a ni a, Mizoramah pawh tihniam niin hman hman nghal a ni. Petrol chu litre khatah Rs. 2-in a hniam a, diesel man chu litre khatah pawisa 50-in a hniam thung.

2nd. Wednesday: MZP general headquarters chuan ‘Mizo zirlaite tana hnam dang nupui/pasal nei lo tura inzirtirna leh intiamkamna ní siam’ an lo rel tawh angin an hmang a, Mizoram hmun hrang hrangah hnam dang nupui/pasal nei lo tura inzirtirna leh intiamkamna hun an buatsaih. MZP tarlan danin, Aizawlah chuan college leh sikul eng emaw zatah hun an hmang a, MZP hruaitute’n Mizo ngei nupui/pasala neih a ṭul dan leh ram leh hnam humhalhna kawnga a pawimawh dante an sawi. Intiamkamna tura hming ziahna an buatsaihah zirlai sang chuangin hnam dang nupui/pasal nei lo turin intiamkamna hming an ziak a ni. Read more »


August 2015, Mizo(ram) Diary

November 24th, 2015 8:44 pm by chhana

1st. Saturday: Aizawl ṬKP Coordination Committee buatsaihin Aizawla Central Church Bial leh Republic Vengthlang Bial-te chuan Aizawl Civil Hospital tan thisen unit 57 an pe a, a petute mipa 52 leh hmeichhia panga an ni.

2nd. Sunday: Baptist Church of Mizoram chuan tun hnaia missionary tura an lak thar mi 13-te tirh chhuahna hun an hmang. Tirh chhuahna inkhawm hi biak in pathumah neih a ni a; Lunglawn East biak inah mi pali, Rahsi Veng biak inah mi panga leh Serkawn biak inah pali an tír chhuak a ni.

3rd. Monday: VL Remruatpuia (25) s/o Thansiami, Dinthar, Aizawl chu an veng chhunga tuihâwk luankawr (side drain)-ah chesualin a tleng a, side drain tawpa khâmah tlain, ká chhawn lohin a thi.
Read more »


I DAWNKIR VE THIN EM

August 18th, 2015 6:31 am by H.zate

Ziektu: H.zate
Hmar Run

Khang hun liam ta te kha nimin maia thilthleng ang maiin rilruah chuan a la thar a. NGaihtuah a titamin suangtuahna a ti kal thui ngei mai. Ngaihtuah nasat vanga kir leh thei tur zawng nise a kir awn awn awm a sin. Khang nunhluite kha suangtuahnaa chiang siin thlir hian a lang lo. ‘Nunhlui thamral tur hi dawn ve la’ tia auh lawm lawm che ka nuam. Mahse, a rem tawh awm si lo. Hlim taka kan awm a, kan nundan zawng zawng kha a nuam vek maiin ka hria. Khang hunlai te kha ngaihtuah kir chang hian rilru-ah a thara lunglen a tizual leh thin. Hlim taka kan lenza lai te kha i dawnkir ve thin em?

Kum tir ani a, Kan sikul chu mi hran hranin kan bel a. A then a hlui,a then a thar niin kan hlim tlang em em anih kha. ni khat chu kan class-in Social work kan nei a, kan sikul bul vel kan tifai a. kha mi ni atang khan anih kha he khawvelah hian i piang ve tih ka hriat a ka thinlung zawng zawng i luah zawh tak ni. Mipa tam zawkin ‘ khang kha chu hmeichhia ten ti mai rawh se’ an tih laiin nang chuan ‘ a hna a rum em mai’ tiin min tihfai pui anih kha. khami ni atang khan ka thinlung i luah zova, Ka hming min zawt chunga ka thiltih min han pui ngat phei kha chu ka zamchhe lutuk kha ka hming pawh ka hrilh theilo tep che anih kha. Ka hming hrilh chein ka kun chu hawichhuaka min lo en reng a kan mit a intawh laia ka zam a ka laih nasat zia kha aw. tichuan nang pawhin i hming min hrilhin kan roll No te kan inhrilh a, kan vengte nen lam. Tichuan nangmah vangin kha ni hreawm tak kha hre hman lo lekin nuam ka lo ti ve ta anih kha. tichuan, kan inkawm nel chho ve zel a. a buaithlak ta ber chu inpawl rual siin room khatah kan awm lo kha ani. Chawlhlawka kan class-a i rawn len hun ka nghahhlel thei zia kha hre ve chu ni la mak min ti zawk hialin ka ring. Beisei taka lo thlir chein ka lo nghak che a, mahse, i lo lan ve leh ka be tha ngam leh thin lo che. Nitin deuh thaw kan inhmuh takah chuan ka ngainatna che a zuala, kan inkawm nel a. a tawpah phei chuan kan inzui ta rawt mai anih kha. mahse, kum chanve a liam chuan kan vannei nge an vanduai zawk pawh ka hre lo, zirtirtu indaihohna vangin section thiatin room khatah kan thu ho ta a, nuam ka va han ti thin tak em.
Read more »