The Da Vinci Code Dâwt Sawi Hailanna- Part-2

November 29th, 2014 2:44 pm by Dr John

Kâr kal tâ-ah khân Part-1 ah, Dan Brown-a Dâwt Sawi lian tak tak 7 kan hailang tawh a. Vawiinah Point 13 dang kan Chhunzawm leh dawn a ni. Dan Brown-a hian Lal Isua leh Bible te, kan Thurin leh Judate, Protestant Kristian-te leh Roman Catholic-te nasa takin a bei a, a suasam-in, a sawichhia a. Chuvangin, Kohhran-te leh Lal Isua ringtu tawh phawt chuan kan ngaihthah mai mai tur a ni lova, Brown-an Lal Isua leh Bible a Sawichhiatna Thawnthu Bu “The Da Vinci Code” etc. pawh hi kan hnualsuatin, kan ngaisâng lo ngam tur a ni.
Read more »


Chakma Awm Tamna Ram (Mizoram) Zinna Thlalak Thenkhatte:

November 29th, 2014 2:34 pm by Bucko

November thla laihawl vel a Chakma ram ka zinna thlalak thenkhat te:

1. Vathuampui

Hei tak hi chu Chakma tam lohna Vathuampui khua atanga tlai nitla tur thla ka lak a ni a, a mawi hle. Thlalak hi i zoom chuan Simeikhu ni awm tak i hmu anga, hei hi simeikhu nilovin Boeing thlawk lai a ni.
Read more »


The Da Vinci Code Dâwt Sawi Hailanna-1

November 23rd, 2014 6:00 am by Dr John

Thuhmahruai
Lal Isua’n “Êng fate aiin he khawvêl fate hi an tûnlai kawngah chuan an fing zawk” (Lk.16:8) tia a lo sawi tawh angin, he Dan Brown-a Ngaihruat Lasi Thawnthu Phuahchawp “The Da Vinci Code” hi Kum 2003 khân chhuah (published) a ni chauhva, tunah hian khawvelah 40 million copies an hralh dêr tawh a, ţawng hrang 40 chuangin an letling tawh. Lal Isua ringlote hian Lal Isua chanchin a chhe thei ang bera ziakna thehdarh leh sawidarh dân chu an thiam hle tih a lang chiang khawp mai.
Read more »


Isua Thlahtu Davida Hi Tu Davida Ber Kha Nge?

November 21st, 2014 9:18 pm by Dr John

1. Thuhmahruai
Matthaia 1:6-ah,Jesaian Lal Davida a hring a. Tin, Davidan Uria nupui lakah Solomona a hring a” a tih laiin, Luka 3:31-ah chuan, “chu mi chu Melea fa a ni a, chu mi chu Menna fa a ni a, chu mi chu Mattatha fa a ni a, chu mi chu Nathana fa a ni a, chu mi chu Davida fa a ni a” a tih leh daih si a! Lal Isua thlahtu hi tu Davida ber nge ni ta? Solomona-pa Davida nge, Nathana-pa Davida zawk hi?

2. Matthaia Leh Dr. Luka Chhui Dân A In-Ang Lo
Matthaia leh Dr. Luka hian Lal Isua thlahtute an chhui dân hi a in ang lova. Matthaia hian Isua hi a pa Josefa lam aţangin a chhui a, Dr. Luka hian Isua nu Mari lam aţangin a chhui ve thung a. Amaherawhchu, Lal Davida-ah ve ve an chhui lut a ni. Chip-chiar deuh zawkin lo en zui ila.
Read more »


Beautiful Mizoram (H Vangchhia Pual)

November 16th, 2014 9:17 am by Bangalore_Blues
YouTube Preview Image

2014 October, Mizo(ram) Diary

November 16th, 2014 9:15 am by chhana

1st . Wednesday: National Voluntary Blood Donation Day a ni a, Aizawl leh district headquarters ṭhenkhatah hman a ni. Aizawlah chuan Aizawl North College-ah hman niin, parliamentary secretary Joseph Lalhimpuia’n a hmanpui a; thisen pek rûnpui huaihawt nghal a ni. Aizawla National Voluntary Blood Donation Day hmanna hi Association for Voluntary Blood Donation, Mizoram State AIDS Control Society, Aizawl Civil Hospital Blood Bank leh Aizawl North College-te buatsaih a ni a; thupui chu ‘Give the gift of life – Donate blood’ tih a ni.
Read more »


FARKHAWI DAI-AH

November 16th, 2014 9:14 am by H.zate

FARKHAW DAI-AH
H.zate

Thlasik a thaw a ‘Ber’ thla ani a, tlai nitla tluka mawi a awmlo ang kan tih laiin daiah Japanhlo lo par ve bawk nen lunlen hi a kaitho ngawih ngawih a, chu-a-chhap ah zalengtin in kan nghahhlelh em em Lal pian hun a lo ni bawk nen, mahni mizorama awm siin thinlungin Bethlehem dai a fang ngawih ngawih tawh mai. Krismas thlennan ni rei a awm tawhlo. Mi khua te ang bawkin Farkawn khaw nula Tlangval hmun danga thiamna sang zira chhuak te pawhin mahni khua ngeiah tiin hawn zai an rel sang sang tawh a, chutihlai chuan Puia pawh chu an khawlam pan a haw tumin a insiam mek a, a hmangaih em em; Farkhaw Mawitu tia a lo chawi thin hmuh hlan a nghakhlel a ni. Read more »


RINNA CHHAWNG THUM TE

November 9th, 2014 6:48 am by PKfanai

“Khawngaih takin, Vawi khat tal beram hmulin mi fiahtir leh ang che” (Roreltute 6:39.)
Rinna hi chhawng thum angin a sawi theih awm e.

Chhawng khatna chu Kristiante hian chhinchhiahna eng emaw leh taksaa hriatna lo lang nasa tak kan neih loh chuan kan ring thei lo thin. Gideona angin beram hmul chu hriat nan kan hmang a, a huh chuan Pathian chu kan ring duh chauh thin. Hei hi a dik bawk e, mahse a la famkim lo a ni. Chutiang chhinchhiahnaa kan innghah chuan Pathian Thu ni lo, chhinchhiahna emaw hriatna zawn fo a ngai ang.
Read more »


PATHIANIN MANGAN LAIIN HNA A THAWK THIN

November 2nd, 2014 6:57 am by PKfanai

“Lalpan zankhuain khawchhak thli na tak a rawn tleh tir a, tuipui chu a nem kirtir a, tin, tuipui chu lei charah a chantir a, tin, tuite chu a lo inthen ta a.” (Exodus 14:21)

He chang hian Pathianin thima hna a thawh, thlamuanna thu lawmawm tak chu min hriattir a. Pathianin Israel fate Tuipui Sen an kai theihna tura an tana thil a tih sakna tak tak chu an men lai leh mit hmuh lai ni lovin, “chu mi zan, zankhuain” a ni zawk.
Read more »


Piantharna

November 2nd, 2014 6:01 am by ltachhakchhuak

Kum zabi 17-na laia Pietist harhna atanga lar ta em em PIANTHARNA chuan mizoram chu kum 1899 bawr atang a rawn hrut tan ve det det a. Kum sangbi tharah meuh chuan nasa em emin mizo mai nilo, sap pachal ngei pawh “pianthar” loh hlauin a hman hlel a, theologian thenkhatin hnial thlak an tum mek bawk!
Hetiang em em a piantharna ngainat leh duhluat avang hian setana beihna alo lang ve chat a, chu chu hei hi a ni;

Piantharna dik takah chuan rinna(faith) leh simna(repentance) hi a hmasa zet ang a. Chumi hnuah Isua hnung a zui ta ani tih lanna atang baptisma hi a chang tur a ni. Entirnan, Mipakhat chuan kawng thui tak a kal hnuin ticket a la a, bus-in an khaw lam a pan thin. Hetiang chiah hian kawng thui tak hian rinna leh simna hi a entir a, ticket hian baptisma a entir a. Bus- a chuan hian chhandamna a entir a ni.
Read more »