mi(sual).com

Mizoram ah “lehkha chhiar mi” an tam

May 14th, 2013 3:00 pm by Sandman

India rama research an neih ah chuan Mizoram hi India rama lehkha chhiar mi tamna ber zinga mi a ni! A lawmawm thin e. Lehkhar chhiar mi an tih hian zirna lam lehkhabu telhloh a ni e.

TOI: 4 NE states top country’s ‘reading chart’

SHILLONG: A recent report released by Union human resource development minister MM PallamRaju in New Delhi has revealed that youth from the northeast top the “reading chart” in the country.

The reading of “leisure or non-text books” among the literate youth is the special focus of the study. As compared to the rest of the country, the performance of NE states is much superior. In fact, the region has performed much better than Maharashtra, which is the topmost state of the country in terms of economic well-being.

The results revealed that Nagaland, Manipur, Mizoram are at the top slot with 67 per cent (85% urban and 59% rural readers) followed by Assam with 41 per cent (55% urban, 38% rural readers). “It shows that these states are far ahead of Maharashtra with 34 per cent (39% urban, 28% rural) readers. The rest of the NE states, along with other states, are at the bottom of the table with only 24 per cent and 23 per cent readers respectively,” a state government official quoted from the report.

[Read more at source]

Posted in Mizoram, News | 17 Comments »

UN urges people to eat insects to fight world hunger

May 14th, 2013 1:17 pm by Awmtea Leo Khiangte

Mizo tawngin ka let buai vel peih ta lo mai. Website lamah pawh comment a tam khawp mai.

Eating more insects could help fight world hunger, according to a new UN report. The report by the UN Food and Agriculture Organization says that eating insects could help boost nutrition and reduce pollution. It notes than over 2 billion people worldwide already supplement their diet with insects. However it admits that “consumer disgust” remains a large barrier in many Western countries.

chaw

Posted in Copy Paste, Health, The food gallery | 19 Comments »

Lo in veng lawk ila

May 13th, 2013 11:30 pm by sisen

(source : Facebook Thudik leh News Group)

Thlipui emaw a lo thleng dawn niai hriat chuan a hma atangin lo tilawk rawh:

1. Gas/Electric/ Thuk te/cable etc, off, timih vek tur
2. In chhungkaw members kimin ei tur leh tui leh nachhawkna pai far tur.
3. I mobile kha a hmain charged full thlap rawh.
4. Petrol/ diesel etc lak khah vek tur.
5. Damdawi mamawh tur inrin lawk tur.
6. I compound ah thli lenthluk theih thing etc a awm em ?
7. Rangva inchung nei te tan angle rod hman belh tur.
8. I account/ document/ cheque chhe thei te polythene in tuam la, ak rawh, emaw safe ah him takin dah la, i fb etc ah chhungte idahna hrilh rawh.
9. Torch light batteries thar/fully charged neih ngei tur. Lighter & mombati nen.
10. I mobile ah radio connect rawh emaw radio te nei rawh.
11. Thli tleh hma ngeiin i in check la, darthlalang/ tukverh etc chhiatloh nan engkim ruahman rawh. Tukverh bulah tawm suh.
12. Motor/bike etc chahbi kawl sa vek a tha.
13. I in him lai berah tawm/mu rawh.
14. I awmna a him loh chuan hmun him lamah riak chhuak rawh.
15. leimin tawlh mai thei hmun tlansan tur.
16. Inchunga tuizem te thliin a thlawh mai loh nan tikhat sa vek rawh..
17. Palh thila tlanchhuak thei mai turin in ralring rawh..
18. I Lalpa tawk turin i in peih tawh em ?

HENG HI FREE ADVICE MAI A NI E. I finna hmang ang che.

Posted in Advice, Copy Paste | 13 Comments »

Mizo vek kan ni:

May 13th, 2013 8:00 pm by Lersia

“Hmar welfare te chuan mahni hnambila inlakhran tumna rilru nen tun kar thawhlehni (14.05.2013) hian Sakawrdaiah convention an huaihawt dawn a ni awm e” tih thawm riva a awm a, hnam bil in lakhran tumna a ni tih chiang tak chu awm mah suh se, hnam bil inkohkhawmna chuan beng a verh ve hrim hrim mai. Kan Hmâr unau ten han sawifiah vat sela a tha awm e.

Mizoram zimte ah hin mi nuaih 10 chuang awrh (vai ho zawng zawng nena belhkhawmin) chauh kan cheng a chuvangin keini Mizo hnam te hi inthendarh tham kan awmlo tih hria ila a tha awm e. Kan pi leh pu ten râl leh sa hlauhawm laka an lo sah chhuah ram tetakte chu thendarh hlauhawm dinhmunah a ding fova. kum 1993 inthlan khan PNC chibing in candidate a lo tling nawlh a. Chu thil avang pawh chu a ni mai thei, inthlan a lo hnaih leh meuh chuan mi then khat mahni a tling zo lo tura ngaih ten thû thiam taka vai vir in chibil chawkphur zawngin pawl hran hran dinin hma an lo la chiam tawh bawk a ni.

Kumin inthlan a lo hnaizel a, CYMA chuan thubenglut bengverh tak dawngin 23.01.2013 khan Cental YMA chuan heng Hmar welfare Committee te hi a lo ti ti pui tawh a, Hnambil hminga Politics kalpui leh Hnam bila Kohhran din tha a tih loh chhan te an lo hrilh hre tawh a ni awm e.

Ka’n tarlan nachan tak chu ….. Hmar unau te ka sawm duh a ni, nangni hi kan unau zinga chhungkaw hlun ber leh hnam a chiang ber in ni hial awm e!! Mahni tawng ngei a Bible leh Hlabu te nei in, thiamna khawvelah pawh Zofa te thluak bawm tih theih hial turin mi ropui tak tak Zoram ti hmingtha tu tur tam tak in awm teuh a, he tia kan lo thlamuan pui ve em em che u lai hian kan pawnpui in sin tawm hi phel darh in rawt kan va hlau em!!! Hmar nau hai inthuruol pui dingin ka fil che u…

Posted in Opinion | 13 Comments »

Press Release – Mizoram CSC-VLE Association

May 13th, 2013 5:00 pm by kaya kipgen

Mizoram CSC-VLE Association in Press Release ni 11-05-2013 zana a neih bawhzui na atan leh Association thiltum te tih hlawhtlin ani theihnan, Common Service Center kaltlanga e-Distrcit service hrang hrang Tribal, Residential leh Income Certificate etc.. pekchhuah thin chu tiam chin awmlovin an pe chhuak dawn lova. He thil hi pawi kan tiin, mipuite hriatthiamna kan ngen tak meuh ani. Thuthar a awm leh hma loh chu Certificate dil tur reng rengin DC-ah kal mai turin kan ngen bawk ani.

Press Release
Ref: CSCVLE/MEDIA/PR/2013-001
11th MAY 2013

1. India mipuiten sawrkara hamthatna hrang hrang mahni kawtkai ngeia kan hmuh theih nan Central Sawrkar chuan CSC Project a kalpui a. CSC Project hi Public Private Partnership (PPP) mode-a kalpui niin mipuite tan Common Service Center din a ni. Mizoram chhungah pawh he project hi State sawrkarin a kalpui a, CSC 136 lai Mizoram hmun hrang hrangah a din a. Mizoram chhunga CSC Project enkawl tur hian State Sorkar chuan Implementing Agency turin hun rei tak ZOOM Developer-in an kalpuia, hemi hnuah hian kum 2011-ah ZENICS-in a thawk chhunzawm ta a ni. He project enkawl nan hian thlatin CSC pakhat zelah Rs. 7500.00 sanction a ni a. India sorkar chuan CSC te hi ngai pawimawhin thingtlang internet awm lohnaah VSAT te a pe a, Electric avanga harsatna sutkian nan Solar Power Scheme 90% Centrally subsidy-te February 2013 khan a siam ta zel bawk a ni. Heng Center enkawltu tur sawrkarin a thlanchhuah, Village Level Entrepreneur (VLE) te hian mahni sensoa dawrte luahin, khawl, bungrua leh mamawh hrang hrang service pek nan kan intum chawp a. Keini VLE te chuan CSC Project hi Zoram mipui tan a ni tih hriaiin kan phak tawk ang zelin thahnemngai takin kum 2011 atangin hlawkna awm lovin kan kal pui ve a ni. CSC atanga service pekchhuah tur G2C leh B2C hrang hrang te Central sawrkar chuan a duang lawk vek a. Nimahsela kum hnih hnuah pawh heng service-te hi CSC-ah hian pekchhuah theih turin ZENICS hian hmalakna hlawhtling a la nei mumal lova. Tin, Solar Power chungchangah te pawh engmah hmalakna hmuh tur a la awm lo leh VSAT installation nikum lam atanga kalpui tawh vawiin thlengin a la zo chuang lova. Hengte avang hian CSC Project hlawhtlin hi ZENICS hian a duh lo niin keini VLE Association chuan kan ngai a ni. He project, Prime Minister Flagship programme hlawhtling tura hma la duh tur Implementing Agency hi sawrkar hian min ngaituahsak turin kan ngen takzet a ni.

Posted in Information, Mizoram, News | 12 Comments »

MLA inthlan boycott thlenga hmalak tum

May 13th, 2013 2:30 pm by Sangpuiipa

Ni 6 May 2013 (Thawhtan) khan Tuipuiral NGO co-ordination committee neih a ni a. He committee ah hian Tuipuiral huamchhunga harsatna hrang hrang kan tawh mek motor kawng chhe lutuk te, zirtirtu indaihloh leh police station te kan mamawh ang phuhruk a nih theih nan hetiang hian sawrkar nawr tumin ruahmanna siam a ni:

1. Heng harsatna kan neih te hi sawrkar in min ngaihsak tawkloh vang ni ah ngai in Dt.13.5.2013 atang in lungawiloh lantir nan Tuipuiral huamchhung chhungkaw tin ten puan dum zar vek tur a ni. (Hei hi kalpui tawh a ni a, puan dum hi thuthar awm hma chu zar tur a ni).

2. Ni 15 May 2013 (Nilaini) hian sawrkar in min ngaihsak loh zia puanchhuahna Press Conference, Aizawl press club ah neih nise.

3. He hmalakna hian awmzia a neilo a nih chuan Ni 25 May 2013 atanga Ni 31 May 2013 thleng Khawbung Centenary Auditorium ah chaw nghei a nawr tura kalkhawm tur a ni.

4. Heng hmalakna te hian awmzia a la neilo cheu a nih chuan bialchhung office leh zirna in khar mai bakah MLA election boycott thlenga a tul dan anga hma lak zel tum a ni.

(Source: ENTU)

Note:-Khawbung Branch YMA chanchinbu ENTU a chhuah ang ang in ka rawn post tawp e.

Posted in News | 5 Comments »

Nu Lehkhathawn. (Mothers’ Day Pual)

May 13th, 2013 1:10 pm by PKfanai

(Admin note: Sorry, nimin current a mumalloh avangin kan rawn online theilova, a tlai tawh deuh na in kan rawn chhuah tho e)

Ka fa duh tak,

Ka kum tea lo tam ve tak avangin, ka tawng te a lo fiah ta lo deuh a, ka sawi ngai I hriat loh ka hlauh avanga ka sawi nawn ka sawi nawn anih pawhin, min hrethiam hram ang che. Tawng I thiam tirh I la tawngfiah theih hma si a, I duh zawng ngen a, I sawi ngai I sawi I sawi thin lain dawhthei takin ka lo ngaihthlak sak thin che kha.

# Ka khup te lo chak lovin, ka lo tlu naih naih palh anih pawhin, I naupan laia I tlu tur venga I kuta ka chelh thin che kha hre chhuak ve thin la, I tlu palh I tah bai bai chang a, hmangaih leh duat taka ka kaihthawh thin che kha.

# I hnaah buaiin, I nupui/pasal fanaute tan I hun awl hman zawh I thlahlel tih pawh ka hria e. Ka thusawi hmanlai leh thing ve tak tak te chu min ngaihthlak sak ve hram thin la. Tawng I thiam hma leh I thiam tirh a I thusawi hriat thiam tuma dawhthei tak a ka beng ka dawh hram hram sak thin che leh, ka hun ka pek thin che kha hre rengin I hun min pe ve hram hram thei ang em?

# Ka lo upat tak avanga mahni taksa pawh thunun tha hlei thei lova, khuma zun ka cheh mai mai anih pawhin, I naupanlaia I zun leh ek hmangaih taka ka thiar sak thin che kha hre rengin, min hau mai lovin, min then/sukfai sak hram hram thei ang em?

Posted in Lifestyle, Luangliam, Mizo Society & Culture | 7 Comments »

Zu han in tak loh tawp mai hi chu -II !

May 12th, 2013 3:00 pm by lushai_er

(Chhunzawmna…)

Khatianga ngaihdan sakhat leh ngawltawt chhuah lui tlat mai kha ka lo ni na vang vangin, thilmak danglam deuh mai chu ni 14 November 1991 khan ka chungah a lo thleng thut mai a, tun tleng pawh hian mak ka la ti tawp thei lo a ni. Ka sawi fo tawh angin damdawi ngaihsak vak lo mi hi ka ni a; damdawi tha ber a ka rin tlat thung erawh chu, “Hayward’s Brandy” hi a ni. A rim hi Scotch rim nghir ngher ai pawha ka duhzawk anih avangin, kha leh chen kha zu dang in zen zen lovin chawei dawn ve leh a ka in ber pawh a ni nghe nghe a; a man pawh a tlem daih zawk bawk a ni.

Zep nak emaw, nikhat chu ka nupuiin, “Ka u te ho hi zunthlum deuh vek an ni a, kei pawh ka lo ni ve reng mai thei a; chuvangin damdawiah ka in entir duh” a ti a. Kei chuan Shillong khawpui laili tak a Roman Catholic fatherte din leh fel-fai eltiang maia enkawl leh vawn that bik tlat ‘Nazareth Hospital’ ngei maiah ka hruai ta anih chu. He hospital hi hmanlai Shillong Catholic Bishop Secretary, Rev. Fr. M.Bianchi, S.D.B. khan a din dawnin, Damdawiin chelek bera a hman tur Spanish Sister te chu Spain ram atanga Shillong khawpui an lo luh theihna tur ‘Visa’ te lo hmuhsak turin min ruai nghe nghe a ni.

Tin, heti hi a ni a, nurse pakhatin kan nu thisena ‘Blood sugar’ a awm leh awm loh fiah nana a thisen a han laksak hlek hnu khan, ka thisen pawh chu ngaihthat nan ‘ar-chil’ zat emaw lek tur chu min han laksak ve ta bawk a. Nimahsela, ngaihtha feta ka thisen result ka lo nghak ve kha, ka lo nghak sual hui mai zu ni reng a. Kan nupa thisen endikna result a lo chhuah meuh kha chuan le, ka thisenah chauh khan, ‘Blood Sugar’ tam zet mi kha an hmuchhuak ta a, keimah aia lo inringhlel daih zawk ka nupui kha chu a fihlim zawnalh ta mai a ni.

Posted in Copy Paste, Mizo Society & Culture | 13 Comments »

Haulawng Lanu ( A Dream Came True)

May 12th, 2013 11:00 am by H.zate

By H.zate

Hmar Run.

http://www.lenruolkhawvel.wordpress.com/

Part II

Hetia Haulawng Lanu chanchin ka sawilai hian Haulawng chanchin hi tlem tal hrilhlo che a ka awm chuan Nula chauh ngaihtuah mai min lo ti pal hang e. Haulawng hi Mizoram chhimlam a Thenzawl leh Lunglei inkar a awm ani a. In 525 awmin, Chhungkaw 444 an awm a,Mihring 2175, mipa 1137 leh hmeichhia 1038 an cheng a, Hospital (PHC) pakhat a awm a, sub- centre 2 a awm bawk.In 500 khua e tihlo ah chuan Kohhran lamah chuan rual anpawl ve khawp mai ,Baptist Church Of Mizoram 4, PCI 1, UPC (NEI) 3, Salvation Army 1, SDA 1, Isua Kohhran 1, Church Of God 1, an awm a. zirna in lamah chuan High School 2, middle School 3, Primary shool 7, Aganwadi 8, awmin, Tourist Lodge 1, PWD IB 1 Community Hall 1 Hausiampa Hall M ṬKP Inkhawmpui 2013 Photo Exhibition buatsaihna leh Khelmual Zokhuma memorial Field, MṬKP Inkhawmpui 2013 Pandal innghahna,Tin, Sawrkar Department hengte ho hi a awm ve bawk; Soil and water conservation(R.O), Agriculture Department (AEO) , Medical Deptt (M.O), Vety Department (VAS), E&F Deppt (RO), Mizoram Rural Bank, Industry Deptt, Bsnl Telephone Exchange, Horticulture Deptt te a awm bawk ani.

Hetiang mai te hi ani, Ka nun a danglamna thlentu Haulawng Lanu tualchaina chu. A va te ve tiin ilo ngainep ngawt ange, a te nang a A Lian ani. A mah aṭang hian missionary tamtak an chhuak a, Pastor leh Rawngbawltu tamtak Ramchhung leh Rampawn ah an chhuak a, MṬKP President Rev Zohmingliana hi Haulawng Khua ani a,chumai ala ni hleinem, tun MṬKP Inkhawmpui hi MṬKP President Khua a a thlenna awmchhun te zinga mi ani ve tlat. Chumai anilo, NEICC Secretary Pu Rev Lalnunzira (Rev Zohmingliana MṬKP President nau) hi Haulawng khua hi ani asin. BCM missionary Panga leh Pastor pathum anchhuak tawh bawk(BCM bikah). Tin, Haulawng MṬKP Inkhawmpui hi Mizoram inkhawmpui liana Pre-registration hmanna hmasa ber ani bawk.

Posted in Luangliam | 6 Comments »

Mizoram ah Burma mi nih a vanduai thlak khop

May 12th, 2013 9:00 am by T.K-a

Burma mi ni lo tan chuan hrethiam suh e,

Khawlvel ah pian dawn in Burma mi nih thlang sa an awm ka ring bik lo. Mizoram ah Mizo ni turin pian hma in siamtu Pathian hnen ah duhthlang kan awm lo hrim hrim. Mahse, Mizo le Burma mi tiin kan lo piang e.

Ram harsat vangin Mizoram ah Burma mi, tun hma Lushai/Mizo cithlahtu te chi leh hnam pui te, an rawn in pulut e. Ramri ah Immigration Policy mumal awm suh, sum a pawimah ni mai, sang tel in Mizoram ah Burma mi an lut char char e.

Mizoram ah duhsak deuh leh hlawkpui deuh chu Vote te neih tir hmiah hmiah a, duh lo deuh chu Burma mi ti tlat thin a.

Posted in Corruption, Politics | 17 Comments »