September 2nd, 2010 3:40 pm by lalrihema
Tun hnu a ka han chhut vel mai mai hian, kan pi leh pu te kha ‘phakar’ riauna an nei tlat in ka hria. In lo chhut ve thin emaw, ka hre lo a.
1. Chaw kang ei chu vangvat in a zuk duh. (tunhma kha chuan lo a buh thar, vaibuh pawlh miah lo, buh tui tak kha ei a ni thin a. Chawkang, ut chhe lutuk ni si lo, te kha chu tui tak a ni ringawt. Naupang ei ve phal lo in, anmahniin an ei tan tan thin )
2. Ar-thial/ar-ngum ei chu phunchiarna. (ar-thial/ar-ngum pawh anmahniin an ei hmak hmak mai )
3. Sakhi thangawk ruk chu sakeiin a seh duh. (hei hi chu insawithaihna tawngkam a ni awm e)
Han sawi zel ka tum lai in ka bo deuh tak duak chu a. Rawn thawhbelh tur in nei ngei in ka ring.
Posted in Mizo Society & Culture, Opinion |
92 Comments »
September 2nd, 2010 3:22 pm by Fonz
Don’t be angry if I seem blue each time we meet
Someone that you once knew, that you say used to be so close to you
its just that I’m so afraid someone might steel away I’d loose my mind
that I can’t help my self the way I feel sometimes I’m the jealous kind.
Read more »
Posted in Music and lyrics |
36 Comments »
September 2nd, 2010 1:30 pm by aduhi
Inrinni zing a ni a, ka pa chu a ni leh ni lo angin Inrinni bazar ah a kal a. Ar puahsa hi a rawn lei a, fridge ah chuan a dah a. A mak ka ti angreng.
“Mi chawei ah i sawm emi a, Pa?”
“Sawm lo e. Naktuk zana in thiante ho nen in kan atan ka ti mawle. I putea pawh a rawn chhuk leh ngei dawn sia,” ka pa chuan a ti a.
“Ni dawn tak. Naktuk zan hi World Cup final a ni tak. Wai Wai te kan lo chhum leh mai mai ang chu ka lo ti a.”
“I nu sawm la, in pahnihin in kang dawn nia.”
Nau hmeichhia pahnih ka nei a, ka nu chu sawm ka tum lem lo, nula leh tlangval ho tana ar kang ruk ruk atan chuan ka khawngaih ve. Eli chu mahse ka sawm lo ang, a ni hi chu inleng ho kawmtu ah a tha. Vicki ka sawm ang, a peih chu ka ring chiahlo a mahse thu hi a awih ve hrim hrim a, min hnial lo ang.
Read more »
Posted in Fiction |
47 Comments »
September 2nd, 2010 12:25 pm by Tetea
The Zuziz Band
Kar hmasa lam thil ni mah se thlalak tlem azawng mi(5ual) ho tan ka’n rawn share ve mai mai ang e.August 28, 2010 khan Police Officers’ Mess, Egmore, Chennai-ah Chennai Mizo Welfare Association chuan Chennai-a Mizo awm thar te pualin Freshers’ Day a hmang a. Mi thahnem tak kalin programme hlimawm tak nen he ni hi hman a ni.
Note: All photos courtesy of Raymond Colney. Keichu ka zin daih. 
Read more »
Posted in Event, Pictures |
41 Comments »
September 2nd, 2010 12:01 pm by alchemist
Thuhma…
Vawi tam tak sawi a ni tawh a, mi ziah chhiar tur lah a tam tawh. Inhnialna leh in hauhna a thlen a, thu ziak hmanga indona pawh a chawkchhuak zing ta hle mai! Mahse, sawi sawi hnuah pawh a then te hi chu kan fiah duh loh lui niin a lang. Engpawh ni se, he thu ziak hian a chhiar tute ah “Mizo” a chianna tak tak min neih tir se ka ti hle a ni.
Khiangte hnam ka ni a, Mizo ka ni. Kan chhungkua in kan hriatphak chin kan thlahtute chhuan tam fe ata tawh Mizoram a piang leh seilian, Mizoram chhul chhuak kan ni a. A lui ruam thuk tak tak leh tlang sang tak tak te hi mahni ta anga lo chei bawl a, thing leh mau leh nungchate pawh duat taka enkawl a, a ramin a pekchhuah eitur chi hrang hrang hmanga lo inhnangfak thin kan ni.
Pipute ata tawh Mizo nisa a piang ka nih avangin ka Mizo nihna hi thlanah ka la liampui dawn a. Ka duh emaw duh lo emaw, Mizo ka ni a, ka thisen zungzam a bet tel tlat tawh anih avangin ka thlak danglam thei tawh lo. Chuvang chuan Mizo ka nihna hi lawm takin ka pawm a, ka pawm sathliah mai a ni lo, ka chhuang in, ka chapo pui em em zawk a ni. American hoin American an nih an inchhuan tluk zet a nasa in Mizo ka ni hi ka inchhuang a, ka zahpui ngai hek lo.
Read more »
Posted in Mizo Society & Culture |
43 Comments »
September 2nd, 2010 10:00 am by lzboikhar
Lungphur phengphehlep a niin ka hria a, lungphur thak ka huat em avangin ka khawih ngam lova. Phelhsep hmangin ka la a, thu a awih phian. A lai takah hian rilruin ka rin tlang thla chhin a, a lehlam ve ve design hi a danglam tlem khawp mai.
Ka han en chiang zawh poh leh a design-tu ropui zia ka hmu a. He lungphur hian zirtirna pakhat min pe a … “Heng phengphehlep mawi tak hian nasa takin vun a ti thak thei” tihte mai hi …
(click for larger size)
Posted in Pictures |
51 Comments »
September 2nd, 2010 8:00 am by renthleilal
He pangpar hi Frangipani an ti in ka hria. Mizo hian engtin nge kan koh ve le? Hmanah Serkawn(Lunglei) a kan awm lai chuan ‘Kristian Chhungkaw Par’ kan ti thin a. Mahse Aizawlah leh hmun dangah hian Kristian Chhungkaw Par tiin an lo hre miah lo, a hming hre lo kan tam zawk tlat. Engtin nge a hming in koh ve thin?
Posted in Pictures |
66 Comments »
September 2nd, 2010 5:15 am by Goldmember
Post tawi kan han hmer khawm leh e
Help Me – Mpach
Samsung Corby Pro ah hian internet Airtel gprs ka hmang ve thrin a, computerah a tlang ve thei tlat lo mai…in tanpuina ka nghak fan fan a ni e.
Autorun.Inf hi – Rba_Hauhnar
Ka computer system-ah hian autorun.inf a awm nge maw ni, pendrive vih luh hian pendrive ah hian a kai zel, USB Disk security hian a hmu a, mahse a delete thei si lova, c drive chhung “del c:\autorun.in /f/a/s/q” command hmanga ka zawn hian a hmu bawk si lova, engtin nge ka tih dawn? min han pui teh u
Read more »
Posted in Whatever |
21 Comments »
September 2nd, 2010 2:02 am by Keimah Thingtlangpa
Favang tlai nitla tur dul ruih mai hnuaiah chuan chu ka la kal ngailohna khua chu fang turin ka han lengchhuak a. Tlai nitla turin tlang a chhun pawt ruih mawi em em mai chuan chu khua chu a timawi zual em em a. Ka suangtuahna chu a kan kawm a, nitla tur mawi tak mai ka han thlir vang vanga..hetih laitak hian aniang ‘TLAITLA ENGMAWI’ tih hla pawh kha an lo phuah ang ti tein ka han ngaituaha, nitla mai tur chuan ka lung a ti leng em em a. Nunhlui ngaiin ka kiu vawng vawng hial a ni.
Chu nitla tur ngaihtuah chung chuan ka kal zel a. Thilmak ka hmu ta! Lasi note ang maia hmeltha, a hmaifang lah chu sawiseltur awm lo khawpa dik hi a ni a. An dawrah chuan thil kan leia, ka han kawm vel a. Sawiseltur pakhat erawh ka hria a nuihzawnga a biangsum lang kelh ngaihno bei takin rilru a hneh em em nghal mai kha a huatthlala em em kha ka sawisel a ni. Kha nula awh tleitiri kha..
Kawlvalenchham ram maw i tuanna? Aw tuan ve theih ka nuam ngei e,
Chutin i sakhmelmawi leh anka nen tawn ka nuam ngei e,
Read more »
Posted in Fiction, Music and lyrics |
20 Comments »
September 2nd, 2010 12:03 am by laldoma
Inspired by Television ?
National Geographic ? channel ka en a America rama electric hrui chhia an zawm lai a rawn tilang a, ka rilru ah chuan khang electric hrui chhe zawmtu te kha PA ka tita riau mai a a chhan chu engdang vang nilovin in tamtak, kawtthler leh Factory lian pui pui ten hna an thawh theih nana a pawimawhber kawlphetha a awm theih nana an NUN THAP a a chhelai siamthatu an nih vang a nita ber awm e. Tihsual palh vaih chuan awh khaih! tih ruala a chatthla ta tihna tur hmunah ei an zawng a ni.
Ka ngaihtuahzui ta zel a
Reader Digest te, Lengzema chanchinbu a mizotawnga lehlin thawnthu (tak tak) te kan han chhiar a a ziaktu tamtakte hi ram changkang lo a mite chuan ziakve tlaklo a kan ngaihte an ni a. Mahse ram kan sawinin theih loh sapram a mite chuan kan (ram changkanglo) ngaihdan ang hian an ngaive lemlo a ni ang hmun sangtak an tan an dah sak a ni. Truck Driver mai mai (mai mai =changkang heklo) thuziak pawh Best selling Magazine-ah an chhuah sak duh a helamah saptawng atanga lehlin a nih a vangin an chhungkua chanchin an rawn thaikawite chu bianga mittui far chungin kan lo chhiar ta a ni.
Read more »
Posted in Opinion |
44 Comments »
