Heng urea an phurh hi Agriculture Department Fertillizer Control Act bawhchhia annih avangin Agriculture-in an chungthu an ngaihtuah phawt anga; chumi hnuah Way Bill tellova phurh a nih avangin Taxation Department chuan an chungthu hi an ngaihtuah ve leh dawn a ni.

2^nd. Tuesday: Mizoram Board of School Education (MBSE) hnuaia HSLC Examination 2010 chu tan a nia; he exam hian 18^th February thleng a awh ang. Tun tum exam-ah hian center 78 a awma; candidate mipa 7,408 leh hmeichhia 7,530 an vaiin 14,398 an awm dawn a ni.

3^rd. Wednesday: SCERT hnuaia English Language Traning Institute (ELTI) chuan school headmaster-te tan Awarness Programme in English Language Teaching (ELT) a buatsaiha; he hun hi Parliamentary Secrectary Pu Chawngtinthanga’n a hawng.

4^th. Thursday: Excise & Narcotics Department-a Anti-Narcotic Squad-te chuan Chawnpui venga Pi Lalhmingthanga ina khawsa mek, Elvis Denghmingthanga (27) s/o L.Thangseia (L) Sakawrdai Hmarveng nia insawi hnen atangin Spasmo Proxyvon mum 630 an man.

5^th. Friday: Mizoram police-te chuan 22^nd. January-a Burma mi 33 an mante chu court thu angin Indo-Myanmar ramria thawnkir turin an hruai.

6^th. Saturday: Parliamentary Secretary Pu KS Thanga chuan Sialsuk YMA tuikhuahna tur lung a phum. He tuikhuah tur hi a dung meter 180, a vang meter 80 leh feet 30 laia thuk tura ruahman a nia; Mini Hydel Project pawh siamtheih tura ngaih a ni.

7^th. Sunday: Champhaia Salvation Army Biak In thar chu Territorial Commander, Col.Samuel Charan-in a hawng. He Biak In sak nan hian Rs 11,000,00/- lai senral a ni.

8^th. Monday: Red Ribbon Football Tournament a tel, East Lungdar Football player’s-te chuan Aizawl Civil Hospital-ah a mamawh apiangte hman atan thisen an pe.

9^th. Tuesday: Mizo National Youth Front (MNYF) chuan tunlai power supply thalo chungchangah sorkar demnan Aizawl khawpuiah mombati an sem. He an thiltih hi mi thenkhat chuan ‘Zawngin a ngumkhak a hmulova; a thiante ngumkhak a nuihzat’ tih ang deuh khan an sorkar lai pawha eng an nih bikloh thu an sawia; hetianga thawk tha bik niawm taka thil an ti hi a nuihzatthlak an ti hle.

10^th. Wednesday: Mizoram puma khaw 866-a Sub-Center/IPPI Booth 1209-ah  naupang kum nga hnuai lamte zenghri danna pek anni.

11^th. Thursday: Aizawl District Fire Prevention Awarness kal mekah vawiin khan group no 10-te’n Sihphir leh a chhehvel khuate tan Sihphir Community Hall-ah kangmei laka fimkhur tura infuihna leh in zirtirna beihpui an thlaka; mipui an kaltha thawkhat hle.

12^th. Friday: Digital Audio Bible, Mizo Version chu Bible House-ah Bible Society of India, Aizawl Auxiliary President Rev. C.Rosiama’n a tlangzarh. He Mizo Digital Audio Bible (Mega Voice Ambassador) hi World Cassette Outreach of India siam a nia; a man pangngai Rs 750/- tur a ni naa; a tlangzarhna hmunah hi chuan Rs 700/- a hralhchhuah a ni thung.

13^th. Saturday: Naktuka Valentine Day lo thleng tur pualin (Blood for Your Valentine) Mizo thalai a thei apiangin Aizawl Civil Hospital-ah thisen an pea; he an thisen pek hi units 145 lai a ni. Valentines Day puala thisen petute zingah hian Blood for Your Valentine King leh Queen thlan nghal a nia; King-ah singer TBC Zaithanpuia, runner-up Rider RS-ate an nia; Qween-ah reader Zikpuii, runne-up singer Zoramchhanite thlan anni.

14^th. Sunday: Mizoram Synod hnuaia pastor bial hrang hranga hmeichhiate inkhawmpui chu zanin khan a tiak hlawma; inkhawmpui hmanna hmun pakhat Kulikawn Biak Ina neiha chawhnu inkhawma Pastor-in thu a sawi laiin hmeichhe pakhat chu pulpit-ah lawnin Pulpit Bible a paih. He hmeichhia hi Kulikawn V/C leh YMA tangrualte chuan man nghalin Kulikawn Police Station-ah an hlan nghal.

15^th. Monday: Chief Secretary Pu Vanhela Pachuau chuan Chief Secretary Conference Hall-ah Mizoram sorkar-a secretary-te thil pawimawh a sawipuia; secretary-te chu an department chan theuhvah court case leh court order-te ngaipawimawh turin a hrilh.

16^th. Tuesday: Assam Rifles 3 Corps-a General Officer Commanding, Lt.Gen.NK Singh chuan Aizawl a rawn tlawha; Mizorama venhimna leh ramria venhimna chungchang Governor leh Aizawla sipai lam hotute a sawipui.

17^th. Wednesday: Bungthuam Branch YMA chuan 13^th. November 2009-a Tuikuk hel hovin an kahhlum tak Zarzokima,(17) s/o Lalngilneia hriatrengna lung chu amah an kahhlumna hmunah an phun. He hun hi Langkaih Group YMA leh Mizo Students Union hruaitute’n an hmanpui a ni. He lungphunah hian “Helai hmun hi November ni 13, kum 2009-a Bru Revolution Union-te’n kan YMA member, Zarzokima an kahhlumna hmun a ni” tih an ziak a ni.

18^th. Thursday: UPC-te chuan Mizoram hmun hrang hranga an Biak Inah Mizorama UPC International a luh kum 60-na an lawm. Mahni biak In theuhva dar vawi 60 theuh an vuak bakah jubilee mei an deta; jubilee lung an phun nghal bawk.

19^th. Friday: Sailo lal zinga damrei ber, Lalrumruta, kum 2006-a boral ta lung chu a tu leh fate’n Rulchawmah an phun. Lalrumruta hi 1921-ah lal tanin 1945-a lal ban a nih thleng khan Rulchawmah a lal a ni. Tu leh fa 294 a nei.

20^th. Saturday: Tual an thah vang nilo, tualthattute an chawimawi avanga mi tamtak dem hlawh Mission Vengthlang Branch YMA chuan an hmingchhiat thup nan YMA Platinum pual anga ngaih theih turin mi harsate in an sak sak. He in hi a dung ft. 18, a vang ft. 12-in an saa; a saknan hian vengchhung mi hmingchhiat thup duh zualte’n Rs 37,630/- lai an thawhkhawm a ni. A hmain hetiang hian tum nga lai an lo tih tawh avangin Mizo mipui rilru lelo tamtak chuan an hmanlai thiltihte chu theihnghilhin an fak leh hle nghal mai.

21^st. Sunday: Bible Society of India (BSI) chuan vawiin atang khan an kum 200 tlinna lawmna St. Paul’s Cathedral, Kolkata-ah an nei tan. He hunah hian West Bengal Governor MK Naraynan chu khuallian a nia; Mizoram Chief Minister Pu Lal Thanhawla chu khual zahawm a ni. Bible Society of India rawngbawlna hi BFBS rawngbawlna peng pakhat angina 21^st. February 1811 khan Kolkata-ah tan a nia; 21^st. February 2011-ah kum 200 a pumhlum dawn a ni. BSI kum 200 tlin lawmna hian nakum thleng a awh ang.

22^nd. Monday: Kristian Thalai Pawl (KTP) din champhaphak vawi 56-na a nia; Mizorama Branch KTP hrang hrangte chuan Central KTP-in ruahmanna a siam: Vantlang tana thiltha tih, Thisen pek leh branch intihhlimna hun atana hman nise a lo tih angin mahni remchan dan ang berin an lawm hlawm a ni.

23^rd. Tuesday: Higher & Secondary School Games 2010, Aizawl District chu khelh tan a ni taa; he hunah hian school 75 atangin infiammi an fuankhawm a ni. Ruahman lawk ang chuan he hun hian 27^th. February thleng awh tur a nia; football bikah hian tel an thathnem deuh avangin ruahman aia an zawh har maitheih thu an sawi.

24^th. Wednesday: Pu C.Chhuanvawra lehkhabu ziah, ‘R.Vanlawma leh kei’ tih chu Aizawl Press Club-ah Minister Pu S.Hiato-in a tlangzarh. Pu C.Chhuanvawra hian a lehkhabu ziah hi MJA library-a dah turin a pe nghal a ni.

25^th. Thursday: R.Laltanpuia (47) Champhai Kanan Veng chu Tuipui chhak Chhungte rama an ramvahnaah a ramvah pui Lalchhunga (43) s/o Thandailova Champhai Kanan Veng ami vek chuan a luah a kap palha; Champhai Civil Hospital thlenpui a nih hnuin a boral.

26^th. Friday: Chief Minister Pu Lal Thanhawla’n tunhma kum sawm chuang liam taa (an sorkar lai) eirua puhna  thubuai chu Aizawl District Judge Pu T.Saikunga hmaah sawi a nia; Pu T.Saikunga chuan Pu Hawla’n thiamlohna a neihloh thu sawiin thubuai chu a titawp nghala; amaherawhchu he thutluknaa lungawi lohna nei an awm chuan appeal mai theih a nih thu a sawi nghal.

27^th. Saturday: 17^th. February atanga neih tan Mizoram State Arm Wrestling Championship vawi 13-na chu Engineer’s Club Babutlangah zawhfel a nia; mipa chak ber chu J.Vanlalhruaia Rangvamual niin hmeichhiaah Laltlanmawii Keifang chu chakber a ni bawk. He championship-ah hian Rangvamual chuan Gold-6, Silver-3 leh Bronze-3 lain team champion anni.

28^th. Sunday: Nimin tlai ni tlak atang khan Mizorama Judaism-te chuan an hnam chhanchhuaha an awmna champhaphak ‘Purim Kut’ chu ruai nen khaw hrang hranga an Community tinah an hmang. He hunah hian naupangte chu an in cheirang nasain an hlim hle a ni. Estheri bu chhiarchhuah a niin an hnam boral duhtu Hamana hming an lamrik apiangin nasa takin bengchheng an siam thin.

]]> http://www.misual.com/2010/03/18/february-2010-mizoram-diary/feed/ 0 http://www.misual.com/2010/03/18/zirna-tha-kan-tih-hi/ http://www.misual.com/2010/03/18/zirna-tha-kan-tih-hi/#comments Thu, 18 Mar 2010 08:31:36 +0000 Lianhmingthanga Sailo http://www.misual.com/?p=26776 Mizoram hi Ziak leh Chhiar thiam ber nih tumin hma nasa takin kan la a. Adult Education kan ti, SSA kan tibawk. Mahse, hei hian kan ram Education Standard hi a tithat phah lemlo niawm tak a ni!Kan Minister zahawm tak te hian kan State hi India ram State zinga Ziak leh Chhiar thiam tamber State- a siam tumin nasa taka hmalak tur a nih thute, hma an lak mek thu te nasa takin an sawi thin a. Mahse, tun thleng hian thiamna tak tak nei hi an la chhuak tlem khawp mai!!

Ka ngaihdan chuan, kan Sawrkar hnathawk zawng zawngte hian an fate hi Sawrkar sikul- ah dah vek se la (tih luihna in!) Zirtirtu te pawh an fate anmahni sikul- ah luhtir ngei sela. Department Officers leh Directors, Chief Secretary thleng hian an fate hi Mizoram chhunga Sawrkar sikul- ah luhtir se, an zirtirtute pawh an tang ang. Tin, tun hma ngawt ai chuan an sikul pawhin hma asawn ang a. Result pawh a hma aiin an ngah daih zawk ang.

]]> http://www.misual.com/2010/03/18/zirna-tha-kan-tih-hi/feed/ 24 http://www.misual.com/2010/03/18/bak-khawngaihthlaktak/ http://www.misual.com/2010/03/18/bak-khawngaihthlaktak/#comments Thu, 18 Mar 2010 06:03:50 +0000 LesFauves http://www.misual.com/?p=26763 Thlalak ka post thiam ve ta…. Misual ho hian nalh min lo tih pui ve beisei in ka lo post ve chot mai a ni e.

Mu in Bak a ei tur lai… Khimi lai khian Bak khi a la dam lehnghal.

Hei pawh hian engemaw tak chu a chan duh hmel khawp mai….

1. Fashion ( Handset pawh tel in:))
2. Electronics Materials
3. In leh lo
4. Chawtha leh eitur tha.

A tawp lam atanga  vei a tan ka it zawk mang tak hlek hlek . Dik tak maw diklo tak maw?

Kan mamawh ber pakhat tui hi hnianghnar hle mah ila a thianghlim si loh chuan kan hriselna in a tuar thin a ni a ti a. Pu Darzika chuan, Mizote chu hnam inlungrual thei tak kan nih avangin kan ram leh khawtlang tana thil tha lote chu kan duh phawt chuan kan paih bovin, kan hlamchhiah thei a, he kan inlungrualna hi kan hman thiam phawt chuan State dangte entawn tlakah kan ram hi kan siam thei a ni a ti a.

PHE Department-in tui leh thianghlimna kawng zawh tura mipui te a kaihhruaina kawnga mipui ngaihdan a la thin chu fakawm a tih thu a sawi bawk. He Workshop ni 3 chhung awh tur, hawnna inkhawm kaihruaitu Pu Lalrothanga, Director, Communication & Capacity Development Unit chuan, mipui hnena tui thianghlim pek hi sorkar mawhphurhna a ni a, hriselna chu taksa mai bakah rilru pawhin a mamawh a ni a ti. Workshop hawnna inkhawm hi Er.Lalhruaia EE PHE Serchhipin lawmthu sawiin, a tin a. Chawhnu lamah thupui thlan bik hrang hrang Pu Lalrothanga, Pu H.Lalduhkima leh Pu Lalhruaia te hnen atangin ngaih thlaka zirho a ni.

He workshop ah hian Serchhip District khaw hrang hranga Village water & sanition committee member thahnem tak bakah tlawmngai pawl leh VC member-te an tel a ni.

via http://lamkaldaily.blogspot.com

55mm FL, ISO 200, F/5.6

48mm FL, ISO 100, F/5.6

40mm FL, ISO 200, F/7.1

48mm FL, ISO100, F/7.1

Studio picture a tluk thei lo tlat mai… lo hrethiam mai teh un…

Kawlhawk-a a rawn tang bawk a, models leh zaithiam thlalak laiin ‘soft drinks’ min rawn supply a, a va han lawmawm teh reng em…

Zaithiam 3 in thlirtute min awi a -

Mimi Renthlei

Mami Varte

Mimi Lalzamliani

Sawitu: Mi tu pawh Kristian-a inchhal, ‘Bible hi Zirtirna diklo theilo…’ ti a pawmtu chuan kan Thupui hi 100%-in a ‘A men’ thlap tura ngaih a ni. Hei hi a pâwm lo a, hnial kalh emaw, sawi mawi emaw a tum a nih ngat chuan Kristian-ah inchhal lo mai rawh se. Porn Movie reng reng, a tir phat atanga atawp thlenga Mipat Hmeichhiatna Uchùak tak tak hlir pholanna, hur tur mi va zirtirna a ni. Chuti khawpa Film bawlhhlawh leh thil tha lo chu Sual a ni lo a nih ngai chuan Khawvelah hian sual a awm lo ka ti hial ang!

Pâwngsual leh Sex hman khaw lohna ti hluartu, Kan Socity hial ti chhia a khawvel lama min tlan tir theitu nibawk- Blue Film kan tih mai, (Porn Movie) hi Sual satliah mai ni loin Sual tenawm berte zinga mi a ni a, Sentan-a ram zauhnana hmanraw tangkai ber a ni bawk. Mipat Hmeichhiatna hi Nupa kara hman tura Pathian siam a ni a, Nupa pawh ni lo, midangte va tih zauthau tumte che vel en hrim hrim hi Pathian duh zawng a ni lo ang tih hi mimawl ber tan pawh hai rual a ni lo. Kristian te phei chuan a chhin pawhin kan en tur a ni loa, kan dô bur zawk tur a ni.

A kua zawng zawnga an han innawr ngawng ngawng maite phei hi chu… Setana meuh pawhin “ém èm a” zu ti hial ta ve ang! Khawvelin a buaipui, Sorkar zawng zawngin an khap, Nu&Paten fate en atana kan duh loh, a rukin an lo en fô ang tih mah kan hlauh em em ‘Porn Movie’ hi Kei zawng Debate mah nise, a sawimawitu leh a thlawptu nih ai chuan “Ka thei lo” ti a, chanvô phat mai pawh ka duh hial zawk ang. Ka lawm e!

Hnialtu: Porn Movie en hi ‘Sual’ a ni ti a au au ho hi inti fèkfawn, ngaihdan chimlim tak tak nei, a ruka en hrat tak leh hmuhnawm ti ber bertu te an ni a, a thu a ‘Sual’ titu te mai an ni. Heng mite hnial thei tura nungdama ka la awm hi ka lawm hle a ni. Mi thenkhat tan chuan a tha lo zawnga min hruai thei zawng a ni ngei e. Mahse, mi zawng zawng tana en him lo leh sual anga sawi erawh ka pawm lo hulhual. Thil reng reng chu a hmangtu leh a dawngsawngtua zir a ni. Chem zum pawh tual thahna hmanraw tha tak a ni a, Hruihrual inawhhlumna tha tak a ni a, Porn Movie pawh chutiang tho chu a ni. A en hrim hrim hi ‘Sual’ a ni… ti a, Nupa rèka en leh zel an han hmer tel te phei hi chu thu an ngam mah mah ka ti.

Tih èmah chuan Chhungkuaa kan en thin, tunlai Film thenkhat te hi han thlir teh… Pawngsual, Tualthah, Rukruk, Uire-na, Thisen chhuahna leh Tharum thawhna a va tam em! Heng Film tamtak te ai chuan Porn Movie/ Sex Video/ Blue Film te hi a thianghlimin an taksa khawilai mai pawh ben thawk thawka ei tlak khawpin a fai em em vek mai a, Nupa nun hlimna mai bakah fai leh taksa invawn thianghlim te pawh min zirtir tel a sin. Pathian thilsiam thiam zia leh ropui zia a pholang chiang hle bawk a. Tin, chawp leh chilha han hman nghal mai theih zirtir tha, nupa hlimna a keng tel miau a, engtikawng maha ‘Sual’-a chhiar chi a ni lo hrim hrim. Sex a daihriat la nei lo nupa zeilo ve tak te tan hlei hlei a hlû, zirna Skul/ Film tha tak zu ni hawt a! Kan Pathian meuh pawh khian he ngaihdan hi min tawmpui ngei ka ring.

‘Sual’ ni a i hriatna; I en avanga thil sual ti ta anga i inngaihna kha a pawi zawk. Chuvangin ngaihngam takin en la, hmuhnawm ti takin thlir la, chumi avanga ngaihtuahna sual leh thil tha lo nangmah atanga a chhuah loh a hnu enge pawi? Enge ‘Sual’ a nih na? Nupa a han en dun te hi a nuamin a hlimawm a sin! Nupa Sex life a ti nuama, chu chuan inthlakhlelhna min neihtira, inthlakhlelhna chuan hmangaihna a ti pûng bawk a. Chu chu Pathian pawhin Sualah a puan ka ring lo. Ka lawm e!

He Debate-ah hian kan za-in Sawitu puitu/ Hnialtu puitu kan ni. A tawpah chak zawk kan puang ang; I Debate ang u le!

Kum tam ala liam lo, khami tum kha….. Zan lama ruah tlem a tlak avangin chumi tuk chuan khua a thiang thain ni chhuak pawh a tang nghal at mai a. Hliap tu zochhum leh khawdur te a kian tawh avangin khaw hawi a nuamin tlang tin mual tin an lang thlur sung mai a. Fur khaw hnawm leh khaw cheng te pawh an liam zo ta, favang thla a lo inher chhuak leh ta reng mai. Favang thla meuh hi chu a nuam a ni. Thal khaw rum sa huam huamin min uap lova, thlasik khawvawt leh vun khichar ten min la nuai lova, fur ruahtui bawhawk leh thosi ten min tin san tawh bawk nen.

Chutiang ang khaw boruak nuam tak kara a pui a nawi, a lian a tea an phutsak liai liai lai chuan ka thian duhtaka chu a lo indawm kun ngaih mai a. Tlangval a pumpa ve lem, heti tia pui, luhlul, harh leh thothang tha, chutia inngaihtuah lungleng a, mahni leh mahni inkawm a, suangtuahna rama a cheng ta veng veng mai chua mi a ti ngaihngam zan lo va. A hma lawk chawlhkar kalta maia a dawn “lehkhathawn” chu a phawrh chhuak leh a.

Kan chhiar dun zing tawh hle na a, chumi tuk chuan kan chhiar dun leh ta tho va. Chhiar zin avanga a thu inziak khawih danglam a, awmze nei thei tur chu ni sela zawng, ka thiana chuan chu lehkha chu vawi za nu-fa zet a chhiar chhuak ngei awm e. Chu lehkhathawn kara thu inzep tlemte chuan ka thiana thinlung sak leh ngawhngawl tak chu tui ang a tinem zo va, dawl ang a zawr tir zo ta anih hi. Chu thu tlemte chu ka thiana tan chuan hriatthiam a harsa hle a, lungchhiatthlak a tiin, tuar thiam har a ti takzet a ni. He lehkha a dawn ni phei kha chuan aw……. Kawnga leh Kawlhawk te angin tawngkam a thiam ve vak si lo.

Ka thiana lung len thinzia kha a hrechiangtu ka ni. A tawnloh Di a tawn leh theih nan tiin beiseina nen tawn leh ni tur thlir chung zelin hun leh ni te a hmang liam thin a. Amah ngaia a lunglen leh a khawhar thinzia te pawh ka hriatchian pui khawp mai. Chutiang taka ka thiana lungdum tu Sensiari chu hmuh pui ve a, a ruala an khaw lama zin ve turin ka rilru te pawh ka siam ve hial anih kha. Mahse khang ang zawng zawng, ‘Valmawia lunglenna te, intawn leh ni tur thlira a ruka a lo nghahhlelh em em thin te, leh kei ngei pawh ina beiseina nena ka lo thlirpui ve thinna te’ chu a thlawn zo ta. Dik tak chuan ka thiana tan chuan tawrh thiam zawng a har takzet a ni. Ka dem hauh lo ve.

Ka thiana chu ka hrethiam thin khawp mai. A duhlai Thasensiari lah mi vanduai bik te’na an chan ang, hrisel loh rukna leh insawiselna neuh neuh tur natna benvawn te a vei hlauh mai a. Han en mai chuan hrisel tha pangai awm takin a lang na a, mi hriat lovah erawh a tuar nasa hle thung. Heti chung si hian, a hrisel lohna chuan ‘nula fel, zaidam, hawihhawm leh hlim thei tak’ nih a hlawhna te a dal chuang lo. Khawsik tlun hluah hluaha a awm chang te leh khawhar taka chhun leh zan inang renga a hman ral thin te chu tumahin an hriatpui hauh si lo.

Hlim hmel a chhuah hram hram thin avangin khumbeta a nat tak tak hma phei chuan a damlo ani tih tu’n an hriatpui lem lo. Mahse a ni zawng a van a duai a ni e; kha leh chen dam khawchhuah tuma a beih hram hramna te kha a thlawn zo ta vek si a. Chutiang chuan a nu leh pa te, a unaute, kalsan hreh em em chungin leh a ngaih em em, a hmel tal hmuh leh a chak em em a Di Valmawia hmu hman lova a liam mai tur pawi tih avanga mittui tla zawih zawih chungin thihna kut vawt chuan thla a zar hnan ta.

Ka thiana chuan a Duhlaii a hmuh hnuhnun ber tum kha a chhui kir lo thei lo. Chumi tum chuan a Duhlaii chu an khaw lam a pan dawn a, an inthlah a ni awm e. Tichuan kal mai turin bus ah a chuang tawh a; bus kal tur tukverh atangin rem leh rem lovin a rawn dak chhuak tawk tawk a, inui tak chungin an invai liam ta anih kha. Khami ni kha he khawvela nungdama an inhmuh tawpna ber ni tur a ni tih an hre hauh lo mai pawh nilovin, chutiang chu an suangtuahna pawhin a fan pha reng reng lo a ni.

Hre lawk chu ni ta ngat se….. khati mai kha chuan an inthlah liam hauh lo tur. Inthawt lawkna pawh awm hauh lovin mualzapui kar dana an len laia kumkhua atana inhmu leh tawh lo tura a Duhlaiin a liamsan ta mai chu ka thiana chuan hriatthiam harsa a ti hle a ni. Ka thiana hriat ve miah lohvin a Duhlaii chuan tawrh zawh rualloh tur natna khirhkhan tak a lo tuar a; lungleng leh khawhar em em in a natna khumahhun leh darkar tin a chhiar liam thin a. “Valmawia a lo thleng mahna,” tiin beiseina derthawng tak nen nitin a lo thlir thin a ni. A thih dawn darkar ah meuh chuan zah pawh dawn zo tawh lovin a hmangaih, a ngaih em em, a Duhlaia hming chu lamin kawngkhar lam a la melh tawk tawk; chutiang chuan beiseina beidawnthlak tak nen a chatuan ram a pan ta a ni. Heng thu te a hriat hian ka thiana chuan lungawi har a ti a, a lung a chhiain a tuar na hle a ni.

Pangpar mawi tak te paw’n chuai ni an nei a, zing ni chhuak eng mawi tak enna pawh thlang kawla a liam meuh chuan thimna in ro a rel leh thin a ni lawm ni. Mihring chu nung turin khawvel ah a lo piang a, thi leh mai turin a nung a, a dam chhung zawngin harsatna, manganna, beidawnna leh lungngaihna te’n a chim buai reng fo thin. Hlimni lo her chhuak ve te lah hian rei a daih lo fo thin bawk si. Hringnun a lo tawp hunah dai kai rual loh thihna hlimkawr ruam a zawh a, rauthla khawvela chatuana nung tura khawvel chhuahsan in, lei vaivut a siam chu vaivut ah vek a kir leh thin. Thihna chuan milian, mite, tumah a thliar hrang si lova, chu thihna chu tuma tan maha pumpelh theih a ni lo.

Heng zawng zawng hi ka thiana chuan a hre chiang khawp mai. Mahse pangpar mawi tak chu a lo chuai anih pawhin, a tuk leh lawkah a ang chiah a lo parh chhuak leh a, zan thim ber pawh zingtian ar a khuan meuh chuan kawl engin a hnawt tiau leh thin. Thlasik khawvawt hrehawm ber pawh a liam meuh chuan nipui a lo thaw leh a, thlasik khawvawt avanga hnah hlui til ta te pawh thal boruak a lo thawt meuh chuan hnah thar chawrno te’n an lo thlak leh thin a; chutiang zelinchhum dum ber pawh lo zing mup mup thin mah sela, a kian hun meuh chuan khawtha leh ni eng mawi tak a lo chhuak leh thin. Valmawia leh a duhlai Thasensiari tan erawh chuan engtik ah he khawvelah hian mah nungdama intawn leh ni a herchhuak leh tawh ngai dawn si lo. Thihna thim leh kut vawt tak chuan kal kai rual loh turin an inkarah leikhichat a zam a, rauthla khawvela intawn leh hma zawng kumkhua atan a thenhrang ta. Beiseina nena an lo thlir dun thin zawng zawng te chu engmah lovah a chuang zo ta a, chatuan atan a thamral ta.

Hun leh ni te a liam ve zel a. Hmana an tlai len dunna leh an sulhnu hlui a fan kir ni te a lo her chhuak a. Engkim mai a ngai reng a la ni. Inkham lo leh inning lo taka an thut dunna te leh tlai nitla tur an thlir dunna hmun te pawh a nih dan ang ngai ngaiin a lo la awm reng a. Ka thiana tan erawh engkim a danglam zo tawh si. A thil hmuh apiang te chuan a Duhlaii a hriatchhuah tir a; engkim mai chu a lung tileng tu mai an ni a, an sulhnu hlui te pawh a hmu chul rup vek mai. Choak hram takngial pawh a tahpui lo chauh zawng a ni e! Sulhnu hlui te chuan a rilru an ti thar leh a, nunhlui liam tawh te a mithhla ah an thar leh a, chu chuan suangtuahna khawvel ah a hruai lut a; a suangtuahna leh chhingmitthla chauh lo chuan a lunglai hnemtu a Di lenna laitual a thlen zo tawh lo. Aw…. hla phuah thiam chu han ni na se, heti hian a ti mai tur:

“Sul leh tuan hmun hlui fan chang in,
Thinlai a thar nang ngaih a zual
Lunglai ka vai hrilh a hai ngei
Duhlai khawnge i awm tak le”

“Thlafam chang lungduh liam hnute
Theih se aw tawn leh ka nuam
Fang ila rauthla lenna pialral
Ka lungdi ka tawng mahna”.

Favang nitla tur eng mawi tak chuan ka thiana mut pindan chu a chhun eng no raih a. Ni tla tur chuan a thlir nuam tawk tur chauhvin tlangtin mual tin a en riai a. Kawmthlang lamhnai tuikhur kianga sehawr thing tar tawh tak zara vakul leh thangfen te paw’n mawi an tiin tawrh har an ti ve ni ngei tur a ni, an inchhawn raih raih mai bawk a. Chhemdam thlifim chuan mual tin ruam tin a hrut a; furpui liam ta ina a chawm, thing hnah chawrno hlap te chu a chhem fawn delh delh a.

Chu favang khawvel mawina te chuan ka thiana rilru leh ngaihtuahna te chu a hruai kawi a, a khua a harin a lung a leng kher mai. “Hringmi sakruang leh anka nem tawnni her chhuak leh dawn tawh ngai lo pawh ni se, aw ka Duhlai, zantiang tawnmang lamah tal lo leng thin ang che. Then tawh lohna tur pialral rammawiah tal min lo nghak reng ang che aw….” tia mahni chauhva phun mawlh mawlh chungin thlang lenkawla liam mek vangpui ni tla tur eng no riai chu a thlir vawng vawng a.

“Hmanah hlim te’n laitual i len laiin
Zo awi ngirtling leh sirva te tualchaina
Phaithing chhawl hnuai ramdai ah
Chham ang i zal ta maw
Tawn leh ni her chhuak tawh lo mahse
Nghilhni reng ka nei lawng che”