Archive for the ‘Travel’ Category

Himalaya tlang lam ve thung

Friday, May 4th, 2012

Himalaya tlang hi khawvela tlangsang ber Mt Everest awmna a nih avangin leh a in zar pharh thui em avangin, The Great Himalayas tih a ni hial a, a hming hrelo pawh kan awm kher awm lo ve. Mahse kan hriat dan erawh chu a in chenlo deuh hlawm mai thei. Kan naupan lai, a tak a kan la hmuh ve hma kha chuan, tlang hlawm khat lianpui turah kan lo ngai thin a. Tunah pawh Himalaya leh Mt. Everest la thlei hrang thiamlo kan la awm nawk em aw?

Himalaya tlang hi Pakistan ram atangin khawchhak lam hawiin, Jamu & Kashmir, UP hmarlam, Nepal hmarlam, Sikkim hmarlam, Bhutan hmarlam, Arunachal Pradesh hmarlam thlenga lo inzar pheiin, Arunachal Pradesh khawchhak lam atangin chhim hawi zawngin alo kawithla ta a Nagaland leh Mizoramah lo zuih thla in, alo hniam thla hret hret a, Mizoram pawhin a hniam lai kan lo chang ve a ni.

Nepal bika Himalaya tlang hi hlawm(Range) hrang hrang in an then a.

(A sin deuh a, tarmit nen lo thlir mai teh un..)
(more…)

Posted in Pictures, Travel | 15 Comments »

Tedim khua ve thung aw

Monday, April 30th, 2012

Zofate inhriat pawh nan khawpui kan neih thlalak te han pholan tha in ka hria a. A hma-a in pholan ho pawh ka ngai hlu hlawm hle.

http://sialkal.com/Tedim%20khua%20by%20zolawkta.jpg

Pic 1: Tedim hi khua sei ve tak a ni a, a chanve vel chauh lang ang a ni.

http://www.sialkal.com/Tedim%20khua%20by%20zolawkta%20(1).jpg

Pic 2: Tedim Vengpi – Khaw laili lai tak
(more…)

Posted in Pictures, Travel | 41 Comments »

Hakha ka kal!

Wednesday, April 18th, 2012

2012 March thlatawp lam khan Farkawn lam atangin Hakha/Halkha ka thleng chho ve nawlh pek a, a nuam dangdai hle mai.

Sawrkar lamin khaw inkar kawng a laihsak loh vangin khua leh khuate chuan,”Chuta tangin chumi thleng keinin kan lai ang e,” tiin hnatlangin motor kawng an laitlang ruah mai a ni. Hakha/Halkha thlen hma chuan blacktop ani lova, duhthusamin a khu a, engineer-te design anilo bawk a a kawng ingelh nasa hle bawk.

Halkha/Hakha hi Chin hills capital atana Burma sawrkarin a ruahhman chhan, “Helai hmun hi capital tlak a ni,” antih chhan an sawi thin ang ngeiin a ram a parh tha em em mai a. Meghalaya ram ang tak ani ringawt mai. A ram hi a dar tha em em a, khaw zauhna tur mel 40 a thui chutiang ram ruak chu ala awm cheu mai.

Hakha/Halkha:

(more…)

Posted in Lifestyle, Pictures, Travel | 58 Comments »

Champhai ah kan misual

Tuesday, April 17th, 2012

Socio Economic & Caste census lam thil avangin Champhai lamah kan va phei a. Kan misual upa min Pu Shailendra in ka kal tih a hriat veleh min rawn contact vat a. Rih dil lamah te hun chep tak karah min va kalpui a, a nuam khawp mai.

Rihdil

Champhai lam atangin Paeia leh Chhuaklinga te Pu Shai-a chawhlui min buatsaih sak min rawn kil pui ve hmanlo mahse min hmu tur hrim hrim in an lo kal ve a. A va nuam tak em!
(more…)

Posted in Adventure, Event, Travel | 28 Comments »

South India fang lawk ang u!!

Thursday, April 5th, 2012

Phone Camera hmang in South India mawina i thlir lawk ang u..

Botanical Garden,Ooty. He hmun hi anuam khawp mai, boruak a dai nuam in chhungkua a kal nan ka it khawp mai.
Botanical Garden, Ooty

(more…)

Posted in Pictures, Travel | 16 Comments »

Rih Dilah kan Hairehai e…

Tuesday, March 27th, 2012

Sunday chawhma inkhawmbanah, Champhai a, States lam atanga ka mikhual te chhungkua hruaiin, misual.commer thenkhat te leh Facebook thiante bakah, silent readers ho nen Rih Dilah kan va MI a. Mahse Rihdil tui chu kan dai lo. hahaha.


(more…)

Posted in Adventure, Event, Pictures, Travel | 107 Comments »

Palak Dil – Mizorama Dil Lian Ber

Monday, March 12th, 2012

1. Thu Hmatheh:

Kum 1986, Shillong-a lehkha zira ka awm laiin Mizo țhian zaho awmkhawm chu hnamdang tlangval hian “Mizoramah dil lian te, tlang lian te, lui lian te in nei ve em?” tiin min rawn zawt a.  Kan țhianpa chuan “Mizoramah chuan Dil lian tak pakhat kan nei a, a hming chu RIH DIL a ni a, mahse Burma ramah a awm,” tiin a chhang a. Chu hnamdang tlangval chu a nuih a za khawp mai a. Fiamthu kan thawh-ah min ngaihsak a ni.  Hetih lai hian ka rilru chuan, “Mizorama Dil lian ber chu Palak Dil (Pala Tipo) a ni a, Tlang sang ber chu Phawngpui a ni a, Lui lian ber chu  Beinô (Chhimtuipui/Kolodyne) a ni,” ka lo ti rilru ve neuh neuhva.  Mahse, kan boruakin a zir loh tak em avangin ka sawi chhuak duh ta lem lova.

A ni lah taka, Mizorama Dil lian, Tlang sang leh Lui lian te hi Chhim lamah, Chhimtuipui District (tunah chuan Saiha District leh Lawngtlai District a ni ta) huam chhungah vek a awm a. Mahse, Zofate hian an chanchin hi kan hre tlem hle a, ngaihsak an hlawh vak lo bawk.

Burma rama awm Rih Dil hi a lâr zawkin ngaihsak a hlawh zawk emaw tih tur a ni a. Engnge a chhan ni ang? tiin ngaihtuahna thui tak min pe a. Tunlaia Chhim lam ațanga issue hrang hrang – Political, Ethnic Identity leh Union Territory te nen hian eng emaw ti taka inzawmna a nei em?

Zofate inpumkhatna atana kawng pawimawh tak zinga pakhat a ni thei ang em? tih thlengin min ngaihtuah tir hial a ni. Chuvangin, Zofaten Palak Dil (Pala Tipo) chanchin hi chiang leh zuala kan hriat theih nan te, Zofate inpumkhatna atan leh in-unauna tinghettu atana a țangkai beiseiin ka rawn chhawpchhuak a ni.

(more…)

Posted in Adventure, Mizoram, Opinion, Travel | 27 Comments »

Hyderabad Zin (Trial version) Part II

Saturday, March 10th, 2012

Trial version III: CU lamah – nula rim

Sawi tawh ang in ka zin chhan pakhat chu ran ngo zawn a nih kha. Ka zin chhan pahnih chu ka zo ta a, University  of Hyderabad (CU tiin an sawi lar zawk a ni awm e) lamah ka in sawn phei a.  Eng vang teh kher nge maw ni CU ah hian khaw dang sial ah pawh ka in ngai vak lo a, ka tlangnel nghal khawp mai a.  Ka zir pui thian thenkhat chu awm se min zahpui hial ang chu. Ka cham chhungin an puipate; an lehkha thiam chhuanvawr tawlawl te  nen a inkawmna hunte, an diplomacy  thiam hmingthang hruaina hnuaiah campus fanna hun te, pawl hruaitu hlun nen inpawh taka titi na hun tha tak te, nula lamah forever young badminton khel tlan kual vel lai te ka zuk hmu in, kha tih hun lai a CU in pui ber Room no 421MH-C ah tlangnel takin ka zuk tal ve hman a, ropui ka tiin hlawk thlak ka ti tak zet a. Mahse sawi tawh angin CU lama ka hun hman pawh hi a tu tak tak mah ka zuk bel chiang kuang hmang lova, a rei lo lulai em a, a trial version a ni leh deuh ber in ka hria.

CU ah hian Mizo zirlai 50 dawn an awm thu leh an in lungrual thu te ka ngaithla a. Sawmnga (50) rual zinga chuan nula 20 /25 tha lam chu an awm ngei chu a rinawm, 25 vel zingah chuan a ‘mel hawih’ deuh te pawh an awm ngei an tih chu ka ring a. Mi 2, ka thiannu thin leh ka unaunu (second cousin) an awm a, an ni paih pawhin 23 an awm a. Chung zinga 5 chuan campus tlangval emaw khawtual mi(Hyderabad a Mizo tlangval) pawh lo ngaizawng sela 15 tha lam chu beisei awm an awm ngeitur a  beisei a ni a.
(more…)

Posted in Adventure, Travel | 12 Comments »

Hyderabad Zin (Trial version) Part I

Saturday, March 10th, 2012

Khawnge zin mi ang ziazang in ka ram fan thu hi kan ziak leh thawr teh ang. A hma lama Thenzawl zin ka ziah kha a tawi in ti teh sek bawk a. Tun tum chu khawnge bung hnih chi ngat hi aw ni ang le. A tawpna pawh a a bung vut tawh lo ang chu maw. March thla hi kan zin cham a ni a, kan rawn post ve mai mai ang e.

Zin chhan ber :

Khawi kipah pawl kal ila tlangval pawnthuah khai lai tan hi chuan ranngo zawng hi kan ni hrim hrim a. Engvang pawhin ka zin chhan chu chhuanlam dawrawm leh ropui pawh siam teh reng ila ranngo zawna zin hi number one a ni lo thei lo a ni. Hyderabad a Mizo zanga (500) pawh tling tha thum lo zinga nula 250 vel zuk thli thlai tur a zin chu ka thupui ber pakhat, pawimawh em em mai a ni a.

Mahse, thiante leh chhung te bula zin chhuanlam turin a hming in Social Science khawmpui lian Indian Social Science Congress 2010, vawi sawmthum leh pathumna zuk chhim turin ka kal ve ni a. A pahnih hian hlawhthling ngei beisei in ka zin kawng chu ka zawh ve beuh beuh a.

Trial version I : Khawmpui mak leh dang dai tak chu :
Social Science khawmpui a nih avangin Social scientist ho an fuan khawm dawn emaw tih nak alaiin chu lam reng reng a ni awzawng lo mai a. Scientist pangai pure science lam rawng kai deuh Mathematics te, Science and technology policy studies lam te, Medical Science leh Agricultural Science lama mi thiam nen lam an fawm khawm vek a.

(more…)

Posted in Travel | 9 Comments »

WT*B* Wednesday: Vairama awm te tana hriattur pawimawh

Wednesday, March 7th, 2012

Tih tur, tih loh tur lampang a ni lo. Vai dilchhut tak tak te’n zawhna tamtak min zawh kan nin em em mahse chhan loh theih si loh chhan dan tur a ni.

Lehkhazir, hnathawk, awm mai mai, midum ngaizawng leh ngaizawng lo, spa a thawk leh thawk lo, UPSC coaching kal leh kal lo, pasal te zuia awm leh awm lo, nau sual deuh te venga awm leh awm lo… aaa India ram hmun hrang hranga Mizo awm, vai thian siam tur te leh siam mek te tana chhiar ngei ngei chi a ni. Duhthusam phei chuan han print chhuak ula, thian thar in siam veleh copy khat han pass zeuh ula, zawhna leh chhanna stage ninawm lutuk kha in kalpel nghal a ni mai. Office hnathawk te phei kha chuan office printer leh photocopier hmang khan a copy siam teuh ula, Mizo inkhawm leh hunah sem ula.. te ka tia.

English in ka ziak dawn a nia. “Ka hrethiam ve lo”, “Diksawnari nen lo chuan” ek e bal e ti ho kha, Simpul English a ni, pawl 7 pass chuan in hrethiam vek ang.
(more…)

Posted in Advice, Lifestyle, Travel | 68 Comments »

« Older Entries