Archive for the ‘Religion’ Category

LALRAMA MIHRINGTE PATHIAN KAN NIHNA

Thursday, August 16th, 2012

Tun tumah hian ‘Pathian kan nihna’ a hma lama ka lo post tawh kha sawi zauhna i lo nei dawn teh ang. Hei hi a duh tan en lêt leh theih a ni e:Pathian kan nihna

Pathian chu Pathian a lo nihna hmunah, a nihna ze kim tarlanna te, mihring chu a hringchan tisa leiah lêng mah sela, Nunna Lalram chhunga a nihna tak i lo sawi dawn teh ang.

Kan tisa mihring chu he leia a len vel lai reng hian kan hringnun hriatnaah Lal thu hriattirna a lo thleng a. Chuta Lal inpuannaah chuan, Nunna Lalram chhunga chatuan taksa famkima kan dinnaah chuan mihring ni tawhloin Pathian kan ni tih kan lo hre ta a. Chu chu,”Mihring nihna hlip thlaa Pathianah min siam ta,” angin a rawn sawi a, hei hi tawngkam dang a hman avangin ngaihthiam loh tur leh hriat thiam loh tur a awm lo a ni. Tichuan, Pathian nih thu chu he thuhriltu hian a han puang chhuak ta a ni. Lal mi nihna taka dingte chu chatuan taksa leilunga kan dinnaah chuan mihring ni loin, Pathian kan ni vek a ni. Chu thu chu Lal chuan thuhriltu hringnun hriatnaah a rawn puang ta a. Chu thu chu a han hriat phat chuan Lal chu a fak ta nghal a ni.

“Pathiante dinnaah chuan Pathian chu Lalah a thu e,
Mihringin Lalram a luah thei si lo.”

“Pathian,” a han tih hian, mihringte chu kan sawi tàk ang khan Lalram chhûngah chuan Pathian kan ni a, chu kan nihna tak chuan, “Pathiante,” tiin a han lam a ni. Chu Pathiante zingah chuan Pathian chu Lalah a â–¶hu niin a han sawi ta a ni. Hei hi a dik hle mai. Kan nihna niin kan hre ve hlawm em aw? “Pathiante,” tia vuah kan nih hi.
(more…)

AW ZORAMMAWI, KA PIAN KA SEILENNA

Wednesday, August 15th, 2012

Phuahtu ~ Thangluaii

1. Aw zoram mawi, ka pian ka sei lenna,
Chatuan lal nun zia chawi a hmangaihna,
Leh tlawm ngaihna te ,rinawmna , diknate;
Ngilneihna te nen sir ah an hnawl ta e,
An hnawl ta e

Aw zoram mawi puan ang tharin,
Izan kal chawl tawh rawh;
Chhak lam ni chhuak chuan min rawn en ta e,
Thim athil tih te chu paih in,
Eng thuamin inthuam tawh ru,
Inthuam tawh r’u.

2. Ngai teh kan ram hmangaihtu au aw chuan,
“Aw zoram, i lamlet chuan ka hnen ah.
Lo kir leh la,keimah lo chu Pathian dang.
I nei tur ani lo,” tiin min au,
I chhang dawn lawm ni?

3. Hnam dang sakhaw dang vuantute zawng chuan,
Aw ,an hai leh thin,hmangaih tu au aw;
Hawh teh u, i ngaih tuah chiang teh ang u l,
Keimah lo chu pathian dang nei suh la,
Tiin min sawm e.

THALAITE LEH THEOLOGY

Wednesday, August 15th, 2012

THALAITE LEH THEOLOGY ZIR

By. Laldintluanga

Mizoram chhim leh hmara Pastor hmasate kha Cherra Thelological college-a zir chhuak te an ni hlawm a. Kum 1930 vel atang khan thuhril thilpêk nei tha Tirhkohte kha chu pastor atana nemngheh an ni a. Hun a lo kal leh deuh a, Cherra zir zo chauh Pastor-ah nemngheh tawh tur tiin kohhranin a rel a.  Chu policy chu mi thenkhatin an helh deuh a ni ang, mi hlimte ânhla pakhat chu, “Cherra zir kher an tha bik lo, Petera pawh Cherra-a a zir kan hre bik lo va. Cherra chhuak lo pastor-te hian thusawi an thiam hlei hlei” an ti thin an ti. Harhna boruakin min nan apiangin heti lam boruak hian min chim ve zel a. Pathian thu zir ngaihtheih lohna emaw zir mi te ngaihsan lohna hian tun thlengin kan ram min la chiah a, mi vengva chin (Intelectual)-a ngaih zingah meuh pawh he ngaihdan la vuan tlat hi mi engemaw zat kan la kawl tho mai hian Theololgy zir kan la ngaihpawimawh loh zia a ti lang. Chuvangin kan thupui ‘Thalaite leh Theology Zir’ tih hi sawi tawk awm thei lo khawpa pawimawh a ni.

Theoology zir a tulna chhan:

Harhna a lo thlen apiangin harhna hruaitute boruak kengtu ber an ni a, zir mite ai khan ngaihsan an hlawh zel bawk a. Thusawi lamah nise a sawi thiam leh sawi huai hlei hlei an ni bawk si a. Mi tam tak tan chuan zir mite han mamawh vak ngaihna a awm lo reng a ni. Kum 1950 chho velah khan Mizoramah ‘Khuangtuaha pawl’ zirtirnain a hrin chhuah ‘Ramthar zai’ an tih kha a rawn lar hle a. Heng ‘Ramthar zai’ an tih te hi a phuahtu ber hriat a har tawh hle naa, kohhran invawnna leh Pathian thu zirna aia mahni awmhawp thu ti rautute thu leh hla a ni tih an hla atang hian a hriat a ni. Chung an hla thenkhat te chu: –
(more…)

Hringnun awih lai

Tuesday, August 14th, 2012

History lam chu pen san rih lawk teh ang.

Aw ka hringnun, chatuannun hlu pa atanga i hmuh ni khan,
Leilungah hlutna lehpawimawhna neiin iding chhuak ta si.

Chung Pathian kut nghahna i ni ta e.
Nangmahah awmin; nang pawh amahah hun felin i awm ta sia.

Aw ka Lal chenna ka hringnun, i par mawi rimtui chhuahla,

I lei dam chhung hunte chu ka chatuan lalna ni angche.

Lal vangin i kiangah hnamte lo hahdam se,
I awka chhuak chu lei hring mi tan, damna leh chawlhna tling ni zelrawh se.

Lawm lai ni leh lungngaih ni te, chatuan malsawmnaah par chhuahtir ang che.

A kiansan lawng cheka Lal chuan,
I nun kawng chu a remruatnaah a tlantir mek zel e.

Nang lo chu khawvelah keimah an awm si lo.

Keimah i ni e, min tihna hmunah leilung Pathianah i dingchhuak ta si.

Leilungte Pathianin khawvel chhandam ni zel rawh se.

Ka Pian Ka Sei Lenna

Monday, August 13th, 2012

He hla hi ka rawn share ve teh ang che u, M.E.A hun laia Lalhmunsiam(Siamtea) phuah a nih hi.

1. Ka pian ka sei lenna Lalpa zawn chhuah ram mawi,
Van ropui Lal rorelna ram zi ding chhuakah;
Hunbi ram awm tura ruat ngei,
Leilung reng a lan hmain Pathianah ka awm tawh.

Chhandam ngai ve lo leh,
Tlan pawh ngai chuang lote;
Pian tirh atanga sualna neilo te,
Tho leh fa mai pawh ni lova,
Pathiana zi ding chhuak ten;
Hnehna hla thar kan sa.

2. Lei Eden, Sinai dan ka rawn tarlan hma khan,
Ka dan zamah hunbi ram, thiam loh chang i ni;
Ranthleng leh Kalvari kar tluan,
Pa Pathian Isuain hringnun pawh mâk i ni.

3. Fapa ram chan ka ruat, anchhedawng lei ram saw,
Salem Lalah Isuaa leilung rah hunte;
Tirtu niin ka lo awm tawh,
Lalte Lalah chatuanin, ka rawn tir Lal Isua.

(more…)

Kraws daihlim hnuaiah

Sunday, August 12th, 2012

Roreltu chuan Kraws-a khenbeh turin mi sang tam tak an tir liam tawh a, mi sual tam takin an dam chhung ni vai liamna turin he thing anchhedawng hi an lo pu tawh thin a, tuman hriat zui an hlawh ngai lo. Mi sualte hremna tura an ngaih, lei leh vana pawh awm tlaka an ngaih loh avanga thinga an khaikante thihna hmun Kraws-ah chuan kan Lalpa chu khaikanin a awm a; ni e, thinga khaikan apiangte chu anchhedawng an ni reng a. Mahse kan Lalpa an khenbeh tikah khan chu thing anchhedawng ni kumkhua tur chu chawisanin a lo awm a, a daihlim hnuai chauh pawh kan thla chau tan daihlim nuam lo niin…chu Kraws, mite ngaihsan reng reng loh pawh chu mipui maktaduaih tam takte lunglai kuaitu ber a lo ni ta.

Kalvari tlang thing Kraws chunga chuan hrilfiah sen rual loh ‘Thukna pui’, kum engemaw zat Pa hmangaihnain a lo khuah tawh chu sahin a lo awm a, lei mihring rilruin a chhiar thiam ngai loh tur ‘Thukna ropui’ chu tarlana lo awmin –Ranthleng, Thing anchhedawng leh vana Lallukhumte chu phiar zawmin an lo awm ta a, Salem Thar tuala len hma hauh pawhin Thlarau zakhamna changin Kraws daihlim hnuaiah chuan awmhmun kan lo rem thei ta. Nun chuan hnah hlui khawng thilin chawrno a chhuah thar leh a, beiseina nung nen hringnun kan dungchhir leh thei ta zawk a nih hi.

Miten an iai leh an thinhrik, mangphanah pawh an duh loh Kraws ngei kha hringnun thlalera khualzin vakvaiten dangchar tihhnawnna tura chawlhna nuamah a inlet ta hlauh thung a. Hmana mite duh loh kha he lei nun nena thleng pawh a choawm tawh a, a daihlim tem tawhtute chuan hloh kha hlepah chhiarin Isua Kraws-a ennawm lo lang chu thlir reng an duh zawk thin. Dana fel lohna hmutu chuan khawngaihnaah lawm luh a chang thin a, Darthlalangin kan hmel fai lo lai min hrilh a, tuia kan sil ang mai hian Dana kan sualna lo lang chu Kraws tuinung chuan hruk faisakin kan awm thin.

(more…)

Pawisa bag(purse) chhunga Isua thla.(Sunday pual)

Sunday, August 12th, 2012

Rel-a passenger ticket enfel tupa chuan Rel pindan lian tak chhunga mipui chuang tam tak ticket chu a check fel zel a, mi an taw tem avangin a sawt thei lo hle a. Mipui karah chuan chhuata pawisa bag hlui tawh tak, pawp hrep hrup hi a char ta a, “Hei tut a nge? Tu pawisa bag nge?” tiin a han lek chhuak a, tuma’n an chhan mail oh avangin a chhung chu a han en a, pawisa tlem leh Isua thlalak hi a lo awm a ni.

Putar pakhat hi a rawn ding chhuak a, “Ka ta a nih kha, min pe rawh,” a rawn ti a, chu putar chuan hahmai pakhat mah a nei tawh lova, mahse hlim hmel pu tak hian, “Khawi ka bag chu” a ti han leh a.

Checker chuan, “I ta a ni ngei tih I fiah a ngai a lawm, engtin nge ka pek ngawt theih ang che” a lo ti a. Putar chuan, “Ka bag chhungah khan Isua thla ka dah a, ka pawisa nen” a han ti leh a. Checker chuan, “A! engati nge nangma thla tar lova, Isua thla I dah the hlauh va…” tiin a han zawt leh a. (more…)

PIANTHARNA

Sunday, August 12th, 2012

Mihring hi a piangthar thei lova, Pathian hriattirna erawh chu a hriain a thlamuanpui thei ani. Pathian hriattirna thu chu a takin a hriattir mihringte hnenah a tungding thin a ni. Piangthar tih awmzia, Kristian sakhuana ina a pawm dan leh a zirtir danah chuan mihring Isua Lal leh chhandamtua pawmtu te leh an pawmtirte chu piangthar an ti a ni. Misual chhe lailet der kan ni tih hi a tel bawk. Sakhaw inzirtirna chikhat ve mai a ni a, anpawl tih ngheh nana an mite an kaihhruai leh an zirtir thin dan chu ani. Pathian lam kawngah awmzia reng a neilo.

Pathian ruatnaa mihring lo piangchhuak tawh te chu an piang nawn tawh ngai lova, a pian nawn theih bawk hek loh, hetiang bawk hian a pianthar leh theih loh bawk ani. A piangchhuak hmasate chuan a piang hnuhnung, thangthar lo awm zel tur te avangin rei tak kan dam thei lova, thang lo thar zel te tana an leilung luah tur tibuai lovin a piangchhuak hmasaleh pholan hmasakte chu seng zelkan ni thin.

(more…)

Sakhaw hruaitute thusawi

Friday, August 10th, 2012

“Miin i chunga an tiha i duh tûr ang bawkin mi chungah pawh ti ve rawh.”
– Isua Krista (Christianity)

“Thatna chuan thatna a hring a, sualna chuan sualna a hring.”
– Buddha (Buddhism)

“Sawi aiin ngawih hi a lo tangkai zâwk a ni.
Chapona aiin inngaihtlawmna a ropui zâwk a; thinrim aiin inremna a ropui zâwk a lo ni.”
– Mahavira (Jainism)

“Mi thate ngainat nih a tha a, mi sualte huat hlawh a tha bawk.
Thatna chu thatnain thungrûl la, sualna chu diknain thungrûl ang che.”
– Confucius (Confucianism)

“Ka chunga thate chungah ka tha a, ka laka sualte chungah ka tha a. Tichuan engkim mai hi a tha a ni. Tih tak meuhva tite chu tih tak meuhvin ka thungrûl a, ti mai maite chungah pawh tih tak meuhvin ka ti a. Tichuan engkim mai hi tih tak nain a khat thin.”
– Lao-tze (Taoism)

“Thatna chu a tha reng a, sualna lah a sual reng a ni.”
– Zoroaster (Zoroastrianism)

“Mi retheite chunga that chhuah a, an thlan tla a ro hma ngeia hlawhfate hlawh pêk tûr a ni.
– Mohammed (Islam)

Bible a zu(wine/uain) lanna te..

Thursday, August 9th, 2012
Thuthlunghlui ah hian wine/zu/uain hi chi kua lai mai sawi rik a ni a. Chung te zinga panga chu han en hmasa phawt teh ang:
1. yayin- Wine lar ber ti ila bible ah chuan sawi rik tam ber a ni. Vawi 143 zet a ri a ni. Alo lan hmasak berna chu Nova ah khan a ni. Nova ruih kha yayin hi a ni(Gen 9:21). Wine pakhat mi lungngaite hnena pek thin pawh kha yayin tho hi a ni(Thuf 31:6). Ruih theih anih avangin inchin tawk hriat a ngai(Isa 28:1. Gen 19:32. 1sam 25:37. 2Sam 13:28). Lal Samuela rui lo tura an tih zu kha yayin hi a ni a, dan theihnghilh tir tu a ni(Thuf 31:5). Nuihza bura siamtu thin zu kha yayin hi a ni bawk(Thuf 20:1).
2.tirosh- Septugiant ah ve thung chuan “oikos” tih a ni ve thung. Tirosh chu hebrai tawngah “sawr chhuak” tihna – yarash atanga lo kal a ni. Chuvangin grape tui sawr chhuah hlim, ruih theih a nih hma a nih hmel a ni. Authorised version leh Revised version chuan “uain thar” tiin an leh leh kherna pawh hi a sual tamin a lang lo.
Revised standard version chuan hmun 34 zetah “uain” tiin a dah a, hmun 4-ah chuan “uain thar” a ti ve tho bawk(Hosea 4:11.9:2). Talmud- ah ve thung chuan “tirosh” hian fak a kailo hle mai a; “engvangin nge ‘tirosh’ an vuah? A in thin te chuan an retheih phah thin a vangin(Talmud: Joma 76:2)” a ti kher a ni. Talmud lamdan atang hi chuan “retheina” tihna a nih hmel a, chuvangin “tirosh” hi chu a that vak a rinawmloh ani taksa tan.