mi(sual).com

Hruaitu nih hi thil hahthlak tak a nih hmel a. Ram khat han hruai ngat phei chu a hahthlak dan tur zia hi ka ngaihtuah mai mai thin. Chuti chung chuan ram hruaituah(CM) ka ngaituahnain ka han indah chhina, hna ka ngah nghal khawp mai.

A hmasa berah chuan hruaitu tha nih ringin mipuiin min han thlang tlinga. Sorkarna kan han siam a,ram khata hotu ber(CM) ka ni ta ruau mai! Rinawmna thu ka han tiama,CM office ka luaha. Hna ka thawk tan dawn ta.

Ram khat hotu ber ka han nih chinah chuan mipuiten ka thu leh hla an ngaithla thap mai si a,ka tawngkam hman ka fimkhura,ka tihtheiloh tur chu sawi mai mai ka duh lova. Term leha ka tlin leh duh vanga ka tawngtam chuan term lehah ka tlak phah dawn avangin ka tih theih tur chin chiah ka sawi ang.

(more…)

Kumin kum tir lam khan, “Power Supply mumal lo lutuk hi!!” tih thupui hmangin ka Post tawh a. Congress Sawrkar demna rawngkai lek lek thute ka chhakchhuak hial a nih kha.Tun hnai deuh atang khan hma kan sawn ta fu mai. Current awm loh a khat ta deuh a, phun ang thawm pawh a reh ta viau. Current hmanga eizawng mite paw’n tluang takin an hna an thawk thei ta. A lawmawm ka ti hle a ni.

Kan sawisel luai luaite hian insiamthatna rilru an put a, an insiamtha a nih chuan kan sawiselna titawp satliah mai lova, fakna awka kan chhuah thin hi a tha lawm ni? tiin ngaihdan ka han nei thar deuh thut a. Tun hnai-a kan Power Supply dinhmun lo ziaawm chho ta avang hian kan sawrkar hi fakna awka Post hran meuhvin ka han chhuah ve a ni e.Hun lokal leh zel turah Ram hmangaihna thinlung dik tak pu chung zela hmalam min panpui turin ka ngen nghal a, duhsakna ka hlan bawk e.

Ka lawm e.

Zoram inthlanpui hmachhawn turin party tin chu an inbuatsaih a, thil hrang hrang au hlaa hmangin tlin ngei tumin an inbuatsaiha. Inthlan chu kan lo nei..vote an han chhiara, NC(Congress) chu chiang em em in, Mizoram inthlanna party la tling chiang ber ni turin sorkarna an siam a. An au hla chu-NLUP a ni!

Mizoram chuan sorkar hmelthar kan hmu a. Sorkarna an siam hnu lawkah kan pu ber chuan,”eirukna chu a zung nen kan phoro ang” (a sawi ang diak diakin ka hre ta lo) tiin mipuite min thlamuan a,hah a va dam ta em! Tumah eiruk ngam an awm tawh lovang-kan phoro dawn tlat!

(more…)