Archive for the ‘Poetry’ Category

CHHÎNG ZO CHE AN AWMLO!!!

Tuesday, September 16th, 2014

Ka awm a nawm loh in min awmpui a,
Ka damloh in min duatin min dawm tlat a;
Ka khawhar hlauin ka kiangah i awm reng a,
Ngaihsak ka ngaihin min ngaihthah ve ngailo.

Ka bawrhsawm laiin min bawihsawm reng thin a,
Ka thlantui leh i mittui inpawlh chial mai te!!
I kut lum vang vang lo dam zia leh hlut zia te kha
I kuah vawng vawng kha ka van ngai ber mai em!
(more…)

A hmasa ber atan ka poem “Siesta” a duh duh thlitfim/faksel turin……

Thursday, July 17th, 2014

SIESTA

Whilst fleeing in an imaginary town,
A traveler’s beckoned by a ravishing sound,
So he lays his feet upon the garden causeway;
Hilariously, taking one step to the next on the way,
‘Tis encircled with the salubrious wind, truth to say; (more…)

Beidawng aurawl!

Saturday, January 25th, 2014

Felna an phum bo a,
Dikna puan ang an hnawl maw?
Eiru an chawisang a,
Bumtu’n parthi a awrh maw?

Khawnge i ropuina?
Chhuan tur eng nge i neih le?
I hming an hre lo a,
Chhuan tur reng i nei lo e.
(more…)

Coloured?

Thursday, October 3rd, 2013

This poem, written by an African child, was nominated for the Best Poem of 2005

Colour

When I born I black;

When I grow up I black;

When I go in sun I black;

When I scared I black;

When I sick I black;

And when I die I still black.

 

And U white fellows

When U born U pink;

When U grow up U white;

When U go in sun U red;

When U cold U blue;

When U scared U yellow;

When U sick U green;

When U die U grey;

And U call me coloured.

BEIDAWNG SUH

Sunday, September 22nd, 2013

BEIDAWNG SUH

I Thlâ chaklo hliam tuar chu a tlu sawp renga
Tanpuitu âu turin âw reng a chhuah thei lo.

I taksa chu i thunun thei rêng rêng tawh lova,
Tanpuitu au turin din chhuah zai reng a rêl thei lo.

Beidawnna in thihpui khawpin a ti mangang che a,
Tanpuitu âu turin beiseina rêng i nei tawh lo.

Khawvel mi te chuan i chahthâk hun thlirin an en thup che a,
Chhandamtu erawh chuan i thawh hun nghak in a vil reng che.

Khawvel mi te chuan “a tlin lovang” an ti che a…
Chandamtu erawh chuan “ i thei tih ka hria” a la ti fan si!!

Angel ten an vil reng che a, Chhamdamtun a mit reng a la sawn lo;
Tho la ding ta che i hliam a dam e; tunah Krista chu pan rawh.

“Misual thi tur an khenbeh khan, chhandamna lui a hmu
Amah angin sual mah ila, min la ngaidam duh e…”

Zra: 19.07.2013
(more…)

LUNGHNUR

Monday, September 16th, 2013

Nau ang ka nuih pui kha,
Nau ang ka tahpui ta,
Par ang ka lawm thin khan,
Pal ang min do ta si.

Chûn iang min chawitu kha,
Chanloh leng a chang ta,
Ka hlimna par mawi khan,
Ka tan luaithli a hlan.

Duhten ka pawm thin kha,
Der thiam leng alo a ni.
Suihlung ka rual thin khan,
Sirah puan ang min hnawl.

Rinawmna tiamtu kha,
Rian khua ti sei tu mai.
Hmangaihna hlantu khan,
Hnutiang min chhawn ta si.

Kumtluang min tiamtu kha,
Ka belh a rem silo.
Lenlai ka chenpui khan,
Lengdang a bel ta si.

Sul ang ka zui thin kha.
Sulhnu min chhuitir tu,
Ka hlimna parmawi khan,
Khiangawih a rel ta si.

Ka Zirtirtu

Thursday, September 5th, 2013


A rel thiam ngei e chung Khuanu’n,
Mimang piang zaleng zawng tan,
Alo duang e kei ka tan Zirtirtu;
Nunkawng tluangtea ka zawh theih nan.

Chun leh Zua hmangaihna dawng phalo tan,
Chun chang a chang a, zua chan a chang thin.
Chhiahhlawh nun ianga hna zahawm thawk in;
Tuk chhuak in ka tan a inhlan.

Thiamtin hrila finna pe tu,
Heilo liam a rawngbawltu ropui,
A kim thei lo’ng ram kalsiam pawh;
Ka fak ka zirtirtu tello chuan.

He ni bik i tan liau liau lo thleng ah hian,
I phu ngawih ngawih chawimawina kan hlan che a,
Kan theih tawk tlem hle mah se;
Kan zah che a, kan chhuang a che.

Aw!! Ka Zirtirtu,
Khua hual in dam reng la,
Ngalfim in chawl nang che.

YMA

Monday, August 19th, 2013

Zo hnahthlak thalaite kuangkuahtu
Zofate tan i hlu, i mawi, i bel fakawm
Kan chawi zel ang che i sakhming mawi
Young Mizo Association

***     Mahse maw i sakhming an sel
Nang zawng i hming a mawi hluan e
I zungpui par sawr fe tumtu te vang leh
I hming mawi hmanga sahmim tih puar tumte vangin
Chul suh, tang la, i mawina par tir leh ta che

He pawl mawi, thianghlim hming hliau mek hi
A hmangaihtu zo lanu val rualte mawh a ni lo
Hawh u, YMA hmangaihtute, i tho ang u
I din thar leh ang u kan lungrualna YMA

Hringnun thim lam

Sunday, August 18th, 2013

Ropuina lamtluang zawhin,
Chak takin tlan thin mah la;
Chu hringnun lamthluang chuanin,
Thlanmual a chhun tho si a.

Hmangaihna par chu tlanin,
A zu thlum tak pawh dawt la;
Chu lawmna puarpawleng chuan,
Mittui a ngiat tho si a.

Vanglai hi nuam ti takin,
Hlimna nen hmang ral mah la;
Chu hun tawi a ral hun chuan,
Tarin min hmuak tho si a.

Thian tha tak tak te siamin,
Hun hlimawm tak hmang mah la;
Thenna chuan lo hmuak chein,
Khawhar a thlen tho si a.

Chhungkhaw ropui tak neiin,
Vanram tlafual chen mah la;
Lungduh te an liam niin,
Tahna a thlen tho si a.

Thalai ni si:

Thursday, August 15th, 2013

Zing thawh bak thawhchhuah nei lo.
Balance ai a Battary ngah zawk ziah,
Thawhrimna ai a Thawmhnaw dah pawimawh;
Ruâlelna ai a rualawhna riru dah sang thin..

Naupan lai a nu leh pa te châwmhlawm,
Nupui neih hnu a nupui te châwmhlawm;
Upat hnu a fa te châwmhlawm,
Châwmhlawm a hringnun hmanral tum.

Modern lo ti a mi hmusit a,
Stylish lo ti a sawi sel chiam chiam tu te u;
In chung a pik e; retheih luat avangin,
In thlah ten chaw an la nghei ngei ang.

Kutdawh ngailo Pî leh Pû te,
Thawhrimna leh tawrhchhelna nen he ram ah hian;
Mahni, chhungkua leh ram an lo intodelh tawh a sin!!!
Zam suh tûâi tir tang ta che, rual khum in lêng rawh khai ….