Mizoram Synod Choir Album 2010-hi i lo en ve tawh em ? An zaithiam kher mai, tlangval an la awm em aw? An ‘pasalding’ ngawt ang! Aw sin ho kha chu nula vek an la ni awm e, ‘zaituahthiam, hmelhawih, nupuiding bawk si !’ Teh daih a, kan subject kan kal pel nghal ringawt mai!
Kuminah Zoram nghawr nghing khawpa music video-album siam tute an ni a, Kristian thalai tam takte leh nu leh pate’n an zai ngaihthlak an chak avang te, thlarau lama hlawkna beisei chungin leh mi neih ang neih ve duhna avangte pawh a ni ang, mi lei sa lo copy an awm leh teuh tawh nia, rukru-ah an in ngai lem lo!
A original cover nei tel hauh silova computer hard disk-a lo kawlte leh mobile phone etc-a lo bluetooth kual ho zawng zawngte kha rukru vek in ni! Mi puanpho seng khalh thinte in haw viau mai thei, a changkang lo a ni mai a, i ruk dan kha a changkang deuh a ni mai thei e!
Sual pawmzamna – Sualna hi chi hrang hrang a awm a, hmana sual ni a ngaih thinte kha khawvel intlansiakna kawnga hma kan sawn mekna hian sualah a chhiar hleithei tawh mang lo va, hlemhletna leh rinawm lohnain mipuite min chiah hneh em a, rual pawl duh ve si, mi nih ang leh mi neih ang duh ve si avangtein sual ni a kan ngaih thin suala chhiar phal tawh loh hi Mizo mipuite hian kan kawl teuh tawh nia. Helam hi kan sawi tum lam a la ni lo cheu mai; hmasawnna tak tak pawchhuak silova changkanna lam pana kan tlan zel avang hian kan dai tleu a, tihsual nei miah lova inhria khan pawi a lo khawih phah ta a ni.
(more…)
