mi(sual).com

Aug. ni 30 zan dar 7 vel khan Serchhip Dinthar Vengsang a mi Pu Vanlalnghaka(41) chu Tuikum lui kamah Rulngan ni ngeia hriatin a chukhlum. Pu Vanlalnghaka hi zan len den tumin tlai khawthim hma deuhvah a thawkchhuak a, ruahsur in Tuikum lui a tihlen nasat deuh avangin haw mai tumin a insingsa a, Tuikum lui kama Pu Zosiama leilet enkawltu Paliana(Pawih) riahna thlamah chanchinthar reilote an ngaithla dun a, chumi hnu ah a riahna thlam – Dawngzawl rama Pu T.Rosiama thlam pan turin a chhuak a, thui pawh a kal hma in Rulngan chuan a ke dinglam kawn sir deuhvah chukin a na ti lutuk chu a te chiam a, Paliana chu a thawm hria in a tlanchhuak a, a bawihsawm nghal a, a thim em avangin Pu Vanlalnghaka chuktu Rul pawh chu a hmu hman ta lo a ni.

http://lamkaldaily.blogspot.com/2010/08/rulngan-in-pu-vanlalnghaka-chukhlum.html

August 25, 2010, Nilainia chhuak Vanglaini chanchinbua kan hmuh danin, Health department sum cheng nuai 130 mahni thua Chiahpuama lo dah vetu, LDC-cum-Cashier, Chawngrinsangi leh Vanlalsawmi te chu tun hnai khan Court-in (Judicial Magistrate Michael Lalrinsanga’n) thiam a chantir a, an thubuai chu tih­tawp a ni! He thu chanchinbua ka chhiar hian mak ka ti tawp thei lo!!!

Vanglaini-a kan hmuh angin, Health department sum cheng nuai 130 chu kum 2008 khan Chiahpuamah dah ve a ni a, chu chu chiahtawih a lo nih takah khan hriat chhuah a ni. Hemi chungchangah hian Health department Director-in police-ah FIR a thehlut a; chumi ang chuan police-te’n an chhui zui ta a ni.

Vanglaini-a kan hmuh danin, sorkar sum Chiahpuama lo dahtu hi Health Directorate-a cashier, Chawngrinsangi leh Vanlalsawmi niin a lang a, anmahni thuin an dah niin a lang. Kei mi mâwl ngaihdan chuan, mahni thua sorkar sum Chiahpuama an lo dah ve ngawt kha, engti kawng zawng pawhin an thiam lo hulhual a, an pute thua lo dah pawh ni se, anmahni leh a dahtirtu chu an thiam lo hulhual a ni.

- http://vanglaini.org/ ah chhiar zawm theih.

- http://vanglaini.org/

Health department pawisa nuai 130 la chhuak a, Chhiah puama dah chungchanga thubuai siamsak tawh, Directorate-a UDC-cum-Cashier, Chawngrinsangi leh Vanlalsawmi te chu Judicial Magistrate, Michael Lalrinsanga Sailo chuan an thubuai a tihtawpsak.Health department sum Chhiahpuama dah chungchangah hian Health Director, Dr. N Pallai chuan November 12, 2008 khan Aizawl Police Station-ah FIR a thehlut a, police-in an chhuizui a ni. Police-in an chhui zawh hnuah Court chuan tun hnai khan thutlukna a siam a; Chawngrinsangi leh Vanlalsawmi te hi thiam a chantir a, an charge na zawng zawng chu a sûtsak a ni.

Thuhretu hrang hrangte a koh hnuah Court chuan, Chawngrinsangi leh Vanlalsawmi chu police lamin criminal case awrhtir tha ti mah se, criminal case awrh tur khawpa an dik lohna a hmuh loh avangin thiam a chantir a ni. Chhiahpuam pawisa táng zinga tel, Health department pawisa nuai 130 chu a neitu dik tak pek lêt leh a that thu Court thutluknaah tarlan tel a ni.

Engtin nge hetianga sorkar sum diklo taka pei pun tumna leh a hlawkna mahni(mimal) a tel tum a, thil ti te hi sorkar hian thiam a chan tir theih le? Mak  ka ti ngawih ngawih mai a!! An hausa emaw sorkar fawng vuantu chhungte an nei tha a ni tal ang!! mi5ual ten engtin nge kan ngaih le?

Ka hriatna tam tawk loh vang nge, kan pute hriatna tam tawk loh zawk vang…?  Mizorama “two wheeler Taxi” kan hmang ve tur hi ka ngaih a ngam zan thei lo. The Maharashtra Navnirman Sena (MNS) leh IT Professionals ho te pawhin Regional Transport Authority (RTA) hnenah Hinjewadi leh Talwade area vela Two wheeler Taxi hmang turin Proposal an theh lut a. (Sakaal Times : 20.08.2010)

Hyderabad lamah pawh a that dawn leh dawn loh ngaihtuahin “open discussion” an nei mek bawk. Heng bakah hian India ramah chuan Goa leh Kochi (Kerala khawpui hmasa berah) te chuan an hmang mek tawh bawk. Heng zawng zawng bakah hian Bangkok leh Nigeria ramah te an lo hmang tawh bawk a. Thachilek (Myanmar) Golden Tri-angle area an hmang bawk.

A maherawh chu vawiin tlengin Asia ram a Two Wheeler Taxi hman hi a that zawkna hi hmuh chuah anih kan la hre hran lo. Thailand ah te chuan  “Two Wheeler taxi” chungchangah Workshopte neiin kum tin an la sawi ho tlut tlut reng zawk a ni.

(more…)