Zaithiam Mimi Lalzamliani pasal Pu James Malsawmtluanga, Laipuitlang chuan a bialnu hlui Lalrempuii Fanai, Chanmari leh a nupui bialpa hlui Vanlalhruaizela, Venghlui-te’n a mobile phone-ah thu dukdaklo leh thu bawlhlawh an thawn ṭhin bakah Facebook-ah a nupui thlalak bawlhlawh ṭhenkhat an dah chu an nupa inkarah leh mimal nunah harsatna siamsak tumna a ni, tiin Bawngkawn Police Station-ah FIR a thehlut.
Thulakna: Mizo Aw
Manchester City chuan 3-2 a QPR an hneh hnuin 2011-12 Premier League Champion an ni ta! Zabaleta 39 mins, Dzeko90 mins, Aguero 90 mins. Cisse 48 mins, Mackie 66 mins.
Hetiang reng renga Premier League season hmuhnawm hi a la awm ngai lo. Goal Difference hmangin Man City chu 2011-12 Premier League champion an ni ta a. Man Utd chuan Stadium of Light ah 1-0 in Sunderland an hneh a, hetih lai hian Man City chuan 3-2 in QPR an hneh a, an champion ta. League-ah hetiang reng renga tension sanna inkhel hi a la awm leh lovang. Kum 44 hnuah a vawi khat nan Man City chuan Premier League nomawi an chawi leh ta e..
(more…)
Mizoram Police chuan tunhnai khan Mizoram chhunga Bank hrang hrangte, Electric Power petu line pawimawh leh nitin mamawh supply-na hmun pawimawh a thawkte chu HPC’D'-te’n bitum an tum thei tih intelligent report a awm avangin, inralrinna thu a chhuah mek nia sawi a ni a. Aizawl khawpui khawi laiah emaw bomb tihpuah tum ni awma sawi a awm bawk.
Intelligent lam aṭanga Police-te’n report an dawn danin, HPC’D’ te hian power line pawimawh tak Manipur to Mizoram, Loktak Hydel Project leh Jeribam inkar tihchhiat an tum bakah, National Highway No.54, Silchar leh Aizawl inkara lei (bridges) leh culvert-te tihchhiat mai bakah, Aizawl khawimaw laiah bomb tihpuah an tum niin sawi a ni.
Hetih lai hian Zirtawp zan khan Aizawl Tuikhuahtlang-a PHE tanky lian chu tûr phul tum ni awma thuthang a awm avangin Police ṭhahnem takin zankhuain an veng a, mipui lam pawh an chi-ai hman teuh hle tih thudawnna chuan a sawi. Hemi chungchangah hian Aizawl SP chuan, tunlai boruak thlirin, fimkhur thu-ah Police-te hian an veng chauh niin a sawi.
Thulaknaah chhiar zawm rawh.
May 7,2012 a Facebook-a Chanchinthar (Zofate inhriattawnna) group-a kumin HSLC Examination chungchang tarlan a nih dan avanga MBSE-in Bawngkawn Police Station-a May 7-a FIR a thehluh kal zelah, thu post-tu, Fiaha Chuauhang inti, Vanlalfiaha s/o Lalbiaktluanga, Bungkawn, Aizawl chu man a ni tawh a, interim bail-a chhuahtir mek a ni.
Vanlalfiaha hi IT Act Section 66 (a) (Punishment for sending offensive messages through communication service,etc)leh, IPC Section 500,intihhmingchhiatna (defamation)ziah luh a ni a; IPC 500-na hnuaiah hian kum 2 tàntir leh poisa chawitir theih a ni a, IT Act 66(a)-ah hian kum 3 tantir leh Rs. 5,00,000 thleng a chawitir theih a ni.
MBSE chairman, Rev.Dr Lalchungnunga chuan, Vanlalfiaha leh a nu leh a pain ngaidam an dil a, amah hi sawrkar hnathawk a nih avangin FIR hnukkir turin an ngen tih a sawi a, mahse an tihsual an pawm (admit)-na lam awm loh avangin, an ngaihdam dilna chu an la pawm loh thu sawiin, “Ngaihdam dilna ai mahin, FIR thehluh withdraw tura ngenna a ni ber, ” a ti.
Vanlalfiaha hi interim bail-a chhuah mek a ni a, Court-ah anticipatory bail a dil a, May 18-ah ngaihtuah a ni ang.
Ni 30 chhunga LSC an pekir lo a nih chuan IPC 420 hmangin hma kan la ang : Brigadier SP Rawat
Assam Rifles DIG SP, Rawat chuan Assam Rifles ram chhunga pass (LSC) nei zawng zawngte chu ni 30 chhunga an LSC te thuneitute kuta hlan vek tura a ngen thu leh, hei hi an tihlawhtling lo a nih chuan a tul anga hmalak a tum thu a sawi.
Nimin chhun khan Assam Rifle Range, Khatla-ah chanchinbumite kawmin Brigadier SP Rawat chuan, kum 1890 aṭangin Assam Rifles te hian Aizawl khawpui chu an luah ṭan thu sawiin, “Hemi hnua pass awm te chu a lem leh siamchawp vek an ni,” a ti. Heng LSC te hi vawiin aṭanga chhiara ni 30 chhunga Revenue Department emaw DC-ah emaw an pekir lo a nih chuan IPC 420 angin hma lak a tum thu a sawi bawk a ni.
Brig. Rawat chuan Assam Rifles te chu Zokhawsang lamah an insawn mek tih sawiin, tuna an luah mek ram, acre 105 zinga acre 89.39 chu an chhuahsan dawn tih a sawi a. Mahse, Assam Rifles te hi Company pakhat chu Quarter Guard-ah hian an la awm reng dawn tih a sawi a. Aizawl khawpui atanga Assam Rifles sawnchhuah chu tute mahin politics-a hlawkpui tum lo se a duh tih a sawi bawk.
Thulaknaah chhiar zawm rawh.
Tunlai hian tarmit chi hrang hrang, to tak tak leh tlawm tak tak avan tam tawh tak em! Siamtu hrang hrang, Oakley, Ray-ban, Prada, Armani adt. an tam hle mai. A tlawm chi thlengin hla phuahsak hial anlo ni tawh a (Cheap Sunglasses – ZZ top). Chutih karah chuan Google company chuan dangdai deuh mai tunah hian a duang mek a, a zo ṭep maithei a ni.
Tarmit han vuah a, kan hmai zawn a data lo lang zut zut mai tur han ngaihtuah chuan science fiction tepawh a ang thei lek lek duh awm e. Tichuan April thlatir khan Google chuan tarmit, internet connection nei tunah hian a duangin a buaipui mek tih a puang a. Chu tarmit chuan smartphone leh PC te hmanga kan thil tih ṭhinte tithei vek turin an sawi nghe nghe.
Kumin January thlaa Hunthar Veng UPC (NEI) Biak In suasam a nih hnu leh, hmanni lawka Thingdawl khua Presbyterian Biak In leh Catholic Biak In suasam a nih hnuah, nizan (May ni 7) khan Kolasib Vengthar Biak In chu mi tu tih hriat lohte’n a ṭum hnih nan an suasam leh ta.
He Biak In an suasamnaah hian Bible leh lehkhabu pawimawh tak tak eng emaw zat hâl a ni a, satanic sign hmuh tur a awm bakah thuziak eng emaw zat an hnutchhiah a.
Kan thian, nau ang tak taka kan nupain kan neih Nl.V.Sawmveli (Nunui) chanchinthar neih thu kan hria chu ka lawmpui hle mai. Tata Institute of Social Sciences (TISS), Guwahati-ah ah Asst. Professor hna a hmuthar tih chu a ni.
Nimum khan US-ah university hrang hrangahte paper a rawn present a, keini pawh min rawn thlenchilhin a khawsa zia kha entawn tlak a tam ka ti hle. Mifing leh lehkhathiam nisi kha inngaitlawm, chapo lo leh hawihhawm tak mai leh eng mizia paw’n an kawm theih, kei, miphawk tak leh uangthuang tak pawh a levelpui ang maia min kawm thiam ani tlat. Ka chhuang viau a ni. Hetiang mihring ingaitlawm leh rilru tha, lehkhathiam hi Mizo thalaiah hian rawn pungzual sauh sela ka ti hle mai.
Hyderabad Mizo Association lamin an chanchinbua an chhuah dan hi kan tawmpui ang che u:
Hetah an khawn thu kan post tawh kha. A hnuaia mi hi a chhunzawmna angah ngai ang.
Nimina Mizoram police officer-te ṭhukhawm chuan, Sinlung Hills Development Council (SHDC) huam chhunga mipuite thlamuan turin Mizoram police-te chuan Flag March neih an tum a; HPC [D] chhiah khawnna lehkha hmute chu pe lo turin an hriattir.
Police officer-te hi nimin khan DIG Range, Zorammawia hovin an ṭhukhawm a; SHDC huam chhungah hian Mizoram police-te’n lirthei hmanga ralthuam ṭha nena khawlai fan (Flag March) neih an rêl a; flag march hi ṭhuang thumin an nei ang.
Aizawl: Mizoram-a infiamna discipline thenkhata infiammite chu neih inang kawp (same sex) avangin harsatna an tawk chho mek ni-a hriat a ni a. Hemi chungchang hi Mizoram State Sports Council (MSSC) beng pawh thleng tawh a, eng anga kalpui zel nge a tum tih erawh hriat a la ni lo.
Mizo hmeichhe infiammi thenkhat, an hmeichhiatpui kawp thin (same sex) an awm thu hi MSSC Secretary Lianzuala chuan tun hnaia Mizoram Volleyball Association (MVA) buatsaih MVA Cup final khelh a hmanpuinaah a sawi chhuak a. “Sports Association hrang hrangin kan buaipui leh harsatna kan tawh mek chu an players, an hmeichhiatpui ngaizawng(patil) te an ni,” a ti.
Heng hi sports association engemawzatte harsatna a nih tawh chuan a tihrêm dan emaw, siamthat dan tur emaw ngaihtuah vat a tul tih Lianzuala chuan a sawi a. Same sex inkawp chungchangah sports association thenkhat atangin report an dawn tawh thu leh buaipui ngai tak thil a nih thu te sawiin, “Harsatna min thlen a nih chuan kan damna tur kan ngaituah a ngai a, kan tan tlàn a ngai takzet dawn a ni,” a ti a. Thenkhat chuan hetiang mi, mahni hmeichhiatpui kawpte, phai lama hruai ngam loh an nei hial tih sawiin, he thil hian team-ah harsatna a thlen a nih chuan a tuartu chu Mizoram a ni dawn tih a sawi bawk.
Thulaknaah chhiar zawm rawh.
You can unsubscribe anytime!
