Archive for the ‘Mizoram’ Category

Pi Pute Lunglai Luahtu- Rihdil

Saturday, August 11th, 2012

DAPTATRÄW, tiin bul han tan phawt mai ang aw! han ti ila chu(h) in lo phur hlawm dawn em mai, sawi chhunzawm lehlo mai ang. A hming ringawt pawh lo ning tawh in awm nain, vawi khat chu han thai lang leh hram ila; ‘Lalhna Sipai leh Chhanchhuahnakhawpui’!!

Kan thupui nen bul tanna a inrem lo em mai, pu HV-a te an lo ner leh hman pek ang e; hel kual vak tawhlo mai ila. Zofate thinlung leh ngaihtuahna luah reng thintu, Jordan lui leh Gallili dil te’n a rawn thlak tâk Rih Dil chu, Zofate thinlunga hmun a rawn chan thar leh zel nan a chanchin i lo bel chiang teh ang u.

”Kan pi leh pute kha Kâwl rama an khawsak laiin, Rihi leh a nau hmeichhia chu a nuin thihsanin nuhrawn an hrawn a. An nuhrawn chuan a huat em avangin a pasal chu thah tir turin a zâwl thlu a.

Ni khat chu Rihi nau chu a pain ramhnuaiah kalpuiin a that a, a nghawng a mfik a, a hnute a hleh sak bwk a. A lu leh a hnute chu a paih bo ta daih a. Rihi chu a nau lo haw tak loh avang chuan a mangang ta em em a. A tuk hma takah chuan a nau zawng turin a kal ta a, a va hmu ngei a, mahse a mau hnute chu a hmu zo ta lo a. Chuti anga beidawng taka a nau ruang a tah a tah lai chu Zatih(Lasi) hian a lo hmu a, a khawngaih em em mai a.

(more…)

Lalhnam sipai leh chhanchhuahnakhawpui – part-4

Friday, August 10th, 2012

Chumi zawh chuan General-te atanga tanin Sipai inpêkna thuthlung chu lehkhaah kan thisenin hming kan nem hnan leh diat diat ta a ni. Hemi ni tak hian sipai hming ziak, thisena hming nem zawng chu 92 kan ni. Kan chênna hmun ram chu Thangchhuah ram tih a ni a, kan chênna khua pawh chu Chhanchhuahnakhawpui tih a ni ta bawk a. Tichuan, Chhanchhuahnakhawpui chuan Lalhnam Sipai kaihhruaina hnuaiah ke a pên ta a ni.

Hun hlimawm leh harsatna tamtak Lalhnam Sipai chuan a paltlang a, thihna tum hnih kan tawk a. Nl. Lalnunpuii chu ni 1, Thlazing thla, 1991-ah Sipai thuam famkim nen Darlawn bazar-ah thlah liam a ni a, Nl. Lallâwmkimi chu kum 1994-ah Chhanchhuahnakhawpuiah thlah liam a ni ve leh bawk a ni. Tin, Khuangchawi thla, 1991-ah kan generator chu tekin a rawn deng a, tlangval sawm rual zet chu an let phung mai a, Tv. C.V.Lalremruata chu nikhawhre loin a awm a, mahse vanneihthlak takin chhan hman a ni hlauh bawk a ni.

Awle, harsatna tamtak, sawi sên loh kan tawh lai te, khaw pakhatin min rawn chil an tum hunlaite awm bawk thin mah se, hlimna tamtakin min chênchilh reng a. Nupui pasal hmu zo mai lo turte pawhin nupui pasal kan nei ta nawk mai a, nupa tuak thar pawh sawm zet kan tling hman der a ni.

(more…)

Chhawr Loh Thlapui

Thursday, August 9th, 2012

Ṭhianpa Lexxpuia hian a thupui a ziak sual hret ani maithei!

Awmkhaw har changin ka hawi vel a
Kan hlîmlai ni ka ngai ṭhîn thînlaiah
Min hnêmtu nang lo chu an awm lo.
Nau âng nui a kan hlîmlaite,
Ka ngai ṭhîn thînlai-an dawn ve rawh.

Chhâwr loh thlapui a lo eng leh ta
Ka tan á¹­ahna a sei leh dawn mang e
Aw vawikhat tal min han chhang la, aw mampui
Nau âng nui a kan hlîmlaite,
Ka ngai ṭhîn thînlai-an dawn ve rawh.

Min han hnemla, i zun ngai hi’
Theih chang sela ka lam lo hawi leh rawh
Thinlai na reng a dam ve nan, min hnem rawh.
Nau âng nui a kan hlîmlaite,
Ka ngai ṭhîn thînlai-an dawn ve rawh.

(more…)

Lalhnam sipai leh chhanchhuahnakhawpui – part- 3

Thursday, August 9th, 2012

Ni 27, Pawltlak thla, 1991 a lo nih meuh chuan Chhanchhuahnakhawpui enkawla luahtu turin Lalhnam Sipai lâkna chu zan dar 7:00 atanging hming inziah luh tan a ni ta a, mi 22 an inziak lut nghal a. A hun lai na na na kha chuan Nunna Lalhnam tlangval ve lêm, Lalhnam Sipai han nih loh bik kha kan tum lo tlang hle a ni ang; Sipai pawh kan pung chak reng a ni. Hun a kal leh deuh a, kar lohah buh tin 70 hmun lai mai lo chu kan vat zo ta mai a.

Tin, kan sawi hmaih hauh loh tur chu kan hruaitute rilruah chuan kan khaw din chu Sakhaw hmun thianghlim, ruihtheihthilin a tihbuai loh leh nungcha zalenna hmun a nih tur thu an puan thin chu a taka a lo hlawhtlin theihna turin ni 7, Ramtuk thla, 1991 zanah zûk leh hmuam, ruihtheihthil reng reng leh nungcha tihhlumna hmanrua ang chi reng reng chu vawm khawmin hâlral a ni ta a ni.

Tichuan, hun a kal leh deuh a, ni 10, Ramtuk thla, 1991-ah chuan Zoram hmun hrang hranga Nunna Lalhnam thalai nula leh tlangval, Lalhnam Sipai tur zawngin Puithiam Rorelliana hoin feh chhuah leh a ni a, Ni 12 Ramtukthla 1991-ah Rawpuichhip atanga tanin mi 7 ngawt mai ziah luh nghal an ni a.

(more…)

Mit hahdamna – I

Thursday, August 9th, 2012

Tunlai chu ‘Hnam Sakhua’, ‘Nunna Lal Chhungkua’ tih vel post a tam lutuk a, mi(sual).com fan ruhkawl pawh ka thlep hnawp hnawp fo a ni ber e. Kan chhiar leh chhiar loh pawh ngaihtuah lem lovin inthlahrunna chhete pawh awm hauh lovin an rawn post tlut tlut mai lehnghal a. Tun tumah hian mitkham chhawkna atan thlalak hluiho hi ka rawn post ve a. A tul dan angin kan post chhunzawm zel a ni ang chu.

1. Hei hi Aizawl-a Helicopter rawn tum hmasa ber a ni. Tun thla atanga Helicopter rawn service tur nen a inthlau viauin i ring em le?

.
(more…)

Chhan loh aiah Petera…

Thursday, August 9th, 2012

Eng kan ti ta nge? han ti hluai dawn i la, a chhanna ngeiawm zet zet in pai leh fur dawn si a. Thunawi te te vawm khawm i han tum teh ang.

1. Kohhran zia rang…… han ti ngawt dawn i la. A zia leh a ran dan han sawi em em tur ka hre chuang lo a. Mahse, eng kan ti ta nge ni a, kohhran hi kan sawisel rawn tak luai luai mai le? tih hi ka ngaihtuah neuh neuh thin a. Fiamthu thawh nan a hman pawi ti hauh lo thalai rual, indeuhsawh nana Bible chang thur chhuak a, duh dah taka tawng ta mai mai kan va tam ta em! Tun hnaiah SYNOD in Chawlhni ah chuan inkhelh loh ni se tiin ngenna a chhuah a. A tam zawkin kan ngaihdanah chuan mahni huanglo dai tih a ni deuh furin ka hria a. Member te mn kaihhruai dan a famkim tawk lo nge ni a, hmaih lian tak kan nei aw??? tih hi ka ngaihtuah mai mai thin a. Min kaihruaitu tur pawh kan hmu sakhi lo chauh tawh a ni e. Eng kohhran pawh hian kan in ennawn a tul tak zetin ka hria.

2. Ramhruaitute hmel hmang….. hi a han chhe tawh mai mai khawp a. Eng pawh hi sawi se kan ring lo hul hual a tih theih awm e. Patling pui mai in tunlai khawvel ah Congress leh MNF lo atchilh ve tawk em em te kan la kat nuk lai hian thalai te hian kal ngaihna kan hre ta lo a ni ber mai awm e ka ti thin. Sawisel tur ringawt kan zawng ta. A chhan chu sawiselna kawng min kawhhmuh vang a ni. An policy leh rahbi tuk sual kan hmuhhmaih theih nan kan hmaah thudik chanve, ram hnuk khawih lo a an ngaih an rawn pho chhuak a. Kha kha ram hnuk a ni tih an hre leh si lo.

3. Thalaite nungchang…….. hian mu leh mal a nei pawhin ka hre tawh lo. Mawhpuh tur zawngin kan hawi ruai a. Nu leh pa pawh kan puh peih tawh lo, kohhran/ politics etc etc ah puh tur kan hmu tha tawh em a lo ni! Hmasawnna kawng beih ai chuan thut hmun a engkim hrevek a nih kan thlang ta hlawm a. Kan hmabak hi a va thim thin em… te ka ti mai mai a.

Nula rim leh Zawlbuk riah bansan a ni tawh a, kan ti ti hona hmun pawh thirzai velin min thlunzawm mai mai tawh a. Engmah zawm nei lo pawhin hmel te hla tak takah kan in hmu thei ta. Kan ti ti kotlangah hian nu leh pa te hi rawn dak ve se la, tunge an mawhpuh ang aw? ka ti thin. A tha zawnga thil sawikhawm awm lo, a kawi zawng a lak in ring ran mai, mahni aia tha leh fel hmu tawh lo leh thiam ber leh hre ber nih inchuhin kan tuallai lenna te a bawlhhlawh zo ta.

Aw… thalaite u, Zoram in min au e. “Tunge kal ang a, tunge KA tan thawkchhuak ang” tiin min au lawm lawm e….

P.S: Post a awm tha duh lo e mai phuailuai deuhin han theh chhuak i la. Chhan loh aiah Petera tal aw… :P

Lalhnam Sipai leh Chhanchhuahnakhawpui part-2

Wednesday, August 8th, 2012

Han sawi tak zelah chuan hetih hunlai na na na hi chuan tha a la zain ngaihtuahna a sâng vet vet bawk a mual nuam leh mar tha lai phei chu thlawhna tum hmuna siam kha kan huphurh lo ren reng.Chutah, Saphai ngawpui, Ngiau thing lian pui pui hlira khat mup mai kan han fan meuh chuan khaw dang hawi a har duh hle mai.

He Saphai ngawpuia Ngiau thingte hi kum 450 vel bawr niin, 4ft atanga 8ft. hawlh tlang thiau an ni hlawm a ni. He Ngiat ngawpui hian ngaihtuaha a tithui a, chakna min pe a, kan hawsan hnu pawh chuan kal leh thuai thuai min tichâk a, kan hotute thutlûkna nghakin Lalhnam Sikul lamah hun kan hman san leh ta rih a ni.

Tichuan, ni 26, Pawltlak thla, 1990 a lo her chuak a, Khawruhlian ram atang chuan Kelzâm ram leh Hmuizawl ram lut turin heng mite hi an feh chhuak leh ta a: Pu Rorelliana- Champhai, Pu Liantluanga- Thingsulthliah(T.s.t), Tv. Vanlalsiama- Champhai, Tv. Ramdinmawia- Darlawn, Nl. Lalnunthari- Darlawn, Tv. V.L.Hmunluahpuia- T.s.t, Pu C. Lalronghaka- Khawruhlian, Pu Engliana- Khawruhlian, Pu Parsala- Khawruhlian, Nl. Lalchhhanhimi- Khawruhlian, Tv. Lalduhkima- Reiek te an ni.

(more…)

Lalhnam Sipai leh Chhanchhuahnakhawpui – Part-1

Wednesday, August 8th, 2012

Source: V.L.Hmunluahpuia, Thingsulthliah

Tv. Marema(fam), Mualpheng te, Maruata(Darlawn) te ngawpui khâwk rum rum khawpa Lalhnam Sipai za rual zet aw râwl pawlh rem tura perhkhuang tingtang an thai laite kha aw! Hmanlai an chang zo ve ta reng mai.

Khatihlai kha chuan Chhanchhuahnakhawpui leh Lalhnam Sikul chanchin sawi tur hre vak lo leh tuipui vak lo deuh thusawite chu engmah kan ngai vak ngai lo. A chhan chu Lalhnamte tan chuan kan Pathian thu ber kha a ni miau a. Kan rilru zawng zawng khang thil pahnihahte khan a awm a, kan tan chuan chhanhimna khawpui, Lalpa lalna Vangkhaw awmchhun a ni miau alawm. Engpawh nise Chhanchhuahnakhawpui lo irh chhuah dan mahni hriat dan lam hawi hawiin kan tarlang ve reng reng teh ang.

Kum 1989, Ramtuk thla a New Lamka Manipur a Pu Tlangduha tual zawla Vohbîk Thalai Kût kan hman tum a, ‘Zofate Adama thlah kan ni lo,’ tih hla vawrh chhuah a nih tum khan Kulhbîng Vohbik Thalai chuan Mizoram Sawrkar, Art& Culture department hnuaiah hnam lam zir tur thalai mi 25 an thlan chhuah atang khan Lalhnamte phûrna a pe chhuak nasa em em mai a. Kan hnam lâm te chu Pathian thu leh neitu nihna atanga zirin; thla thum course-a an lo neih thin chu thla khat leh a chanve chhung lekin ( 1st Tau thla- 15th Tomir thla 1989) thiam nal taka zawh a ni ta mai rêng a ni.

(more…)

In einer dunklen Welt…

Wednesday, August 8th, 2012

Mäwlmanga chuan hawikhawthàwn nán tiin Tuttlingen khua chhuahsanin Amsterdam khaw lam a pan a. Chü khaw kawtthlër máwi tak pakhatah chuan insáng mawi êm êm mai, a bathlar leh a tukverh dawhthli vêla pangpar mawi zawng zawng deuhthaw vul chúkna hi a va hmu a. Hmuhnawm ti êm êmin a thlir dauh dauh va. A dinna kawtthlera lo kal tam tak zinga pakhat hnênah chuan, “Ka pu, hë insáng mawi tak hi tu in nge?”  tiin a zâwt a. Ani chuan, “Kannitverstan” tiin a chháng a.

Chu kawtthlër chu kalpèlin litengsäwl nalh êm êm mai Het Ei (=The Y!) tih hi a va hmu a, chu litengsäwl kam hrúla lawng intlar mawizia chuh…! “Aw! Kei mihring kumhlun lo mai mit hian sawtiang thil mawi lutuk saw engtinnge a hmuh theih zawk! A va ropui êm!”  a ti vawng vawng a. Chutia a mit tlai taka a lo hrài mék lai chuan chu litengsäwl lam pan chuan lawng mawi leh lian dangdai elkhèn hian chawlhhmun a rawn pan ruau ruau mai a. Indiaram hausakna leh mawina tinréng chawlûttu a ni tih a hre nghâl mai a. A kianga ding pa hnênah chuan, “Säw hausakna zozai saw khawilam mihring ta nge?”  tiin a’n zâwt lehpek a. A  kianga ding pa chuan, “Kannitverstan” ti bawkin a chháng leh a.

Kan á¹­hianpa Mäwlmanga chuan Pu Kannitverstan-a hausak turzia chu a ngaihtuah a, a thidang á¹­helh a ni ber e. “Hmm! Mihringte hi a va hausak theih ngäi êm! Kei lah heti mai hi ka ni si. Chawlh remchàn laiin Amsterdam ka tlawh thei a ka lo hlim tâwk ve êm êm á¹­hin a!” tiin a lungawi lo letling ta hial a. Ngui nghuaiin chawhnu thlangherah chuan a thlenna chawlhbûk lam chu a pan lêt leh ta a.

A hàw kawngah chuan mitthi vuia puan dum leh ngui lam sina ngui êm êma lo inzui nguah nguah hi a va hmu a. An ngawi á¹­huap a, a á¹­hen mittui a súr zung zung mai bawk a. Ehe! Mi ropui a thi a ni ngei mai! tiin a ngaihtuah a. A biak theih remchàn hnênah chuan tihian a zâwt leh ta a, “Ka pu, hei tunge in vui mék hi?”  A mi zawha chuan, “Kannitverstan” ti bawkin a lo chhang leh a.

(more…)

Ka hmelhriat thar, ka chhuan em em!

Wednesday, August 8th, 2012

A sei viau, i chhiar chhuah chuan i inchhir lo thung ang!

Midang ziak ka rawn nghat chawrh mai
:

Source: http://tkahnamte.blogspot.in/2011/10/hiv-positive-ni-tih-zep-lo.html

Lalchhuanzuali hi March ni 6, 1988 khan Aizawl Civil Hospital ah a piang a. A pa chu Lalnunfela niin, a nu chu Lalthlanchhuahi a ni a. An chhungkuain Venghlui, Aizawl ah an khawsa mek a. Chhuanzuali te unau hi 4 an ni a, hmeichhe pathum leh mipa pakhat niin, amah hi a upa ber a ni.

Sikul hi a kal kual ve nual mai a, Govt. Primary School, Venghlui an bul tanin, Govt. Bible Middle School, Venghlui; Hrawva English Medium School; Brighter Higher Secondary School; MICE leh Basilea ah te kalin, Class 12 thleng a zir a, a bak chu pasal a neih tak avangin a chhunzawm ta lo.

Khawtlangah a theih ang tawk tawkin a inhmang thin a, an Branch KTP in documentary an siam pawhin a theihna apiangah thahnem ngai takin a tel ve a ni. May, 2006 khan pasal a nei a, nau a pai zui a. A nau pai hi a fuh chiah loh avangin December thla khan doctor te chuan ‘bed rest’ turin an ti a, damdawi inah a lut a.

Nau pai apiang an tih thin ang bawkin Chhuanzuali pawh HIV hrik a pai leh pai loh an en a, positive a nih thu hi an hrilh a.

(more…)