Archive for the ‘Mizoram’ Category

Misleading Online News Header

Thursday, May 17th, 2012

Aizawl Police ‘outsourced’ security work to NGO?

Aizawl (mizonews.net): The word “outsourcing” took a new direction here after the city police sent a letter to the Central Young Mizo Association president on May 11 asking the non-governmental organisation to keep its ‘eyes’ open and ‘report’ any suspicious activities in YMA Group areas. Click for more

He news Mizonews.net a an thil ziah dan hi misleading deuh leh pawithui tak nithei in ka hria, helai para ah a inziah dan phei hi chu “The notice to the CYMA president is most alarming. Outsourcing security related works to an NGO is not only dangerous and illegal, but it will divide the Mizos,” a resident said, requesting anonymity”, a bias in ngeiawm lamah pawh a kal ka ti deuh. He news editor hian Police in YMA atanga tanpuina a dil ani zawk tih hi a hretiamlo nge a one-sided zawk, engvanga Police in NGO atanga tanpuina a dil chu “SEEK HELP FROM NGO” tih aia “OUTSOURCED” tih thumal hi hmang nge anih tih hi a hriat chak awm hle mai. Khawi hmunah pawh Police chuan an khaw mipui himna tur chuan mipuite ngei atangin intelligence report chu an lakhawn thina, chu chiah chu ani kan Police te chuan an tih ni.

Misual te enge in ngaihve dan?

Posted in Copy Paste, Mizoram, Opinion | 8 Comments »

DEBATE

Wednesday, May 16th, 2012

 THUPUI : YMA chak nan Member te ai in nu leh pa an pawimawh zawk. 

Movers: Keimah leh a duh duh etc

Opposers: Nangni…

Keimah:  Pu Speaker he thu dik awmsa sawi thei tur a hunremchang min petu hi chawimawi in awm rawhse…. kan Mizo thufing chuan Sial rang in sial rang a hring a, Sakawl in sa kawl a hring. Kawi pawh a kawm a that chuan a rah pawh a tha; a lo ti mathlawn lova, kan thang thar te leh kan thalai te YMA bu zawl a min awp keu tute hi kan nu leh pa te kan ti lo thei lo … A pawimawhna leh a hlutna bosal  lo tura  min kaihruai  tu tur chu kan nu leh pa te tho hi an ni tih sawi kher ngai lovin kan chiang tlang awm e…. hetah tak hian nu leh pa te YMA a an pawimawhna chungchuan zia chu a lang chiang hle a ni.

Pu Speaker, Thangthar te hian Zawkbuk Culture kal pel in, thingnawi fawm hun lai an  thlawh khum ve ta luklak si a.  YMA ze pui Tlawmngaihna, Mizo chhiatni thatni dan te leh mizo nun ze mawi dang dang te hi chhul chungah zir ngawt thu awm suh, nu leh pa te zirtirna zar zo vek a hria kan ni. Nu leh pa te hian min zirtir lo se YMA huang ah hian vai pawh kan tluk awm love.

YMA Chak kan tih hian enge a kawh? Kal pangngai a kal lova, hmasawn na kawng hrang hranga chak zawk a kal a ni mai lo maw? Pu speaker fate fuih a tur kal tu, entawn tlaka khawsa a zui lo thei loh nun entir tu chu nu leh pa te an ni… heng te a nih a vang hian Nu leh pa te hi YMA meichher chhemalh tu ah hian an pawimawh thlawt a ni ka ti a ni.

 (Ka sawi zawm zel ang han sawi ve phawt ula, debate kalphung pangngai ang takin aw…J)

Posted in Mizo Society & Culture, Mizoram, More than words | 44 Comments »

Mizo hmeichhe hmelṭha te

Tuesday, May 15th, 2012

Mizo hmeichhiate pawh hi kan lo hmelṭha tawh kher mai. He’ng thlalakte hi a neitute’n an lo hmu a nih pawhin an thinrim lo turah ngai ila, a ṭha lo zawnga post a ni lo bawk a, inthlahrung hauh lovin ka post hmiah mai. An ṭhat dan a inang lo ṭhiau lehnghal. In hmelhriatte pawh an lo awm maithei a, in hriat zawng an lo awm a nih chuan min lo biak nghal dawn a nia. Chuan, in duh duh kha lo thlang ve rawh u. Hmelṭha dang pawh an tam a nia. A khât tawkin la rawn post zeuh zeuh ila a ṭha nghe nghe ang.

1

2

(more…)

Posted in Mizoram, Pictures, Whatever | 58 Comments »

Zaithiam Pasal Buai

Tuesday, May 15th, 2012

Zaithiam Mimi Lalzamliani pasal Pu James Malsawmtluanga, Laipuitlang chuan a bialnu hlui Lalrempuii Fanai, Chanmari leh a nupui bialpa hlui Vanlalhruaizela, Venghlui-te’n a mobile phone-ah thu dukdaklo leh thu bawlhlawh an thawn ṭhin bakah Facebook-ah a nupui thlalak bawlhlawh ṭhenkhat an dah chu an nupa inkarah leh mimal nunah harsatna siamsak tumna a ni, tiin Bawngkawn Police Station-ah FIR a thehlut.

aaaa

Thulakna: Mizo Aw

Posted in Mizoram, News | 73 Comments »

ILP Chungchang

Monday, May 14th, 2012

Mizoram chhunga vai tam lutuk leh ILP pawh nei mumal lo a awm chungchang te hian sawi a hlawh viau rualin engtia han tih chiam chi nge tih hi hriatthiam a har a. Thuneitu lam demna leh duhkhawp lohna ang chi te pawh a ri nasa thin hle. Hman zanah DDK Aizawlah dan lam chungchang live phone-in programme ah khan ILP chungchang an sawi lai tak ka en fuh ve a, ka rilruah a awm ta deuh riau a, misual ho chhiar atan phuailuai ang reng deuhin kan tukpum ve thawr teh ang.

Vai awm nghuk reng hi ? : A ruka lo lut tawk chu awm ve reng mahse a tam zawk hi chu Mizo mipui ten kan sponsor vanga awm an ni. Sorkar hian sponsor tu neilo a luhtir ngawt lo, sorkar hnathawk (Gov’t servant) erawh chu sponsor an ngai lo. Tin, hnamdang, Mizoram chhunga Trade Licence nei te hian an dawra an chhawr tur hnamdang sponsor phalsak an ni bawk.  Hnathawk tur atana sponsor neia rawn lut si hi hnathawhna mumal pawh nei si  lo an vah huai huai chhan hi tu thiamloh nge ni ta ang? ILP application form leh ILP a inziak Pass holder leh sponsor te hriattur pawimawh hi ka han tarlang tuar phawt ang e.
(more…)

Posted in Economics, Mizoram | 32 Comments »

Theibal

Monday, May 14th, 2012

tb1

Theibal hi a bawr tha duh ve hle a,a rah hi sazaw leh sadang te pawhin an tlan thin an ti.

tb2

A rah hi a tui hmel viau na a,mahse a hut tlat mai an ti bawk.
(more…)

Posted in Mizoram, Nature, Pictures | 27 Comments »

HPC’D’ lakah sorkar thîkthu a chhe tan

Sunday, May 13th, 2012

Mizoram Police chuan tunhnai khan Mizoram chhunga Bank hrang hrangte, Electric Power petu line pawimawh leh nitin mamawh supply-na hmun pawimawh a thawkte chu HPC’D'-te’n bitum an tum thei tih intelligent report a awm avangin, inralrinna thu a chhuah mek nia sawi a ni a. Aizawl khawpui khawi laiah emaw bomb tihpuah tum ni awma sawi a awm bawk.

Intelligent lam aṭanga Police-te’n report an dawn danin, HPC’D’ te hian power line pawimawh tak Manipur to Mizoram, Loktak Hydel Project leh Jeribam inkar tihchhiat an tum bakah, National Highway No.54, Silchar leh Aizawl inkara lei (bridges) leh culvert-te tihchhiat mai bakah, Aizawl khawimaw laiah bomb tihpuah an tum niin sawi a ni.

Hetih lai hian Zirtawp zan khan Aizawl Tuikhuahtlang-a PHE tanky lian chu tûr phul tum ni awma thuthang a awm avangin Police ṭhahnem takin zankhuain an veng a, mipui lam pawh an chi-ai hman teuh hle tih thudawnna chuan a sawi. Hemi chungchangah hian Aizawl SP chuan, tunlai boruak thlirin, fimkhur thu-ah Police-te hian an veng chauh niin a sawi.

Thulaknaah chhiar zawm rawh.

Posted in Mizoram, News | 24 Comments »

Drugs & Sex: Mizote HIV+ min vei tîrtu

Saturday, May 12th, 2012

MSACS official website-in a record dân chuan October 1990 aṭanga March 2012 thleng khan Mizoram-ah blood test nei mi 1,88,186 (Nuai khat sing riat sang riat za sawm riat leh paruk) an awm a, chûng zîngah chuan HIV+ mi 6,829 (Sang ruk za riat sawmhnih leh pakua) an awm.[1] Hei hi mi 100 blood test a mi 3 zel HIV+ vei ang an ni. Hetih lâi hian AIDS vanga thi mi 295 chiah an la awm thung.[2] HIV+ nei mi 6534 (6829-295=6534) khawlaiah an la lêng tihna erawh a ni lovang! Mi sang eng emaw zat chu chhan (cause) dang vangin an liam tawh ang tih hriat a ṭha. Chutih rualin vei reng, blood test neih lêm loh vanga record loh erawh mi eng emaw zat an awm ang tih chu a rin hriat theih awm e.
(more…)

Posted in Advice, Health, Mizo Society & Culture, Mizoram, Opinion, Politics, Zu | 24 Comments »

Assam Rifles rama LSC neite sorkar-a pekir turin hriattir

Friday, May 11th, 2012

Ni 30 chhunga LSC an pekir lo a nih chuan IPC 420 hmangin hma kan la ang : Brigadier SP Rawat

Assam Rifles DIG SP, Rawat chuan Assam Rifles ram chhunga pass (LSC) nei zawng zawngte chu ni 30 chhunga an LSC te thuneitute kuta hlan vek tura a ngen thu leh, hei hi an tihlawhtling lo a nih chuan a tul anga hmalak a tum thu a sawi.

Nimin chhun khan Assam Rifle Range, Khatla-ah chanchinbumite kawmin Brigadier SP Rawat chuan, kum 1890 aṭangin Assam Rifles te hian Aizawl khawpui chu an luah ṭan thu sawiin, “Hemi hnua pass awm te chu a lem leh siamchawp vek an ni,” a ti. Heng LSC te hi vawiin aṭanga chhiara ni 30 chhunga Revenue Department emaw DC-ah emaw an pekir lo a nih chuan IPC 420 angin hma lak a tum thu a sawi bawk a ni.

Brig. Rawat chuan Assam Rifles te chu Zokhawsang lamah an insawn mek tih sawiin, tuna an luah mek ram, acre 105 zinga acre 89.39 chu an chhuahsan dawn tih a sawi a. Mahse, Assam Rifles te hi Company pakhat chu Quarter Guard-ah hian an la awm reng dawn tih a sawi a. Aizawl khawpui atanga Assam Rifles sawnchhuah chu tute mahin politics-a hlawkpui tum lo se a duh tih a sawi bawk.

Thulaknaah chhiar zawm rawh.

Posted in Mizoram, News | 30 Comments »

JUSTICE for Sarah

Friday, May 11th, 2012

A chanchin sawi hmain hetah hian petition va sign phawt rawh le.

Dinthanga, Zotlang-in a in luahtute chhungkuaa naupang kum 5 mi, Sarah Lalduhawmi d/o Lalliantluanga kut a thlak chungchangah police-te’n thubuai an buaipui mek a, he thubuai hi Court-a chargesheet thehlut mai turin peih thawkhat tawh a. Sarah-i hi Dinthanga’n kut a thlakna avang hian a nghawng hnuai lam zawng a zeng a, tunah hian a taksa englai mah chêt thei lovin a awm mek a ni.

Pic — Pee Dee Kop Khiangte
aa
(more…)

Posted in Invitation, Mizoram | 124 Comments »

« Older Entries