mi(sual).com

Hmanni chu ka fapa’n tui taka nursery rhymes a en lai ka thlir reng a, hei hi min ngaihtuah chhuah tir phawng mai. Mi kan an  avangin fa chu kan nei ve chu a ni ta reng mai, mahse ka fapa hi Mizo pawnto hla zirtir tur ka hre tam lo hle mai.  Kan ngaihtuah tak ngial a, “Tin dial ah tin dial ah” tih bak chu ka thleng mawlh lo.

Duhthu te han sam ve mai mai ila, Sap tih dan kan zir ta sa sa, Nursery Rhymes en theih a an siam ang te hian kan Mizo naupang pawnto te hi en tur awm ve ta sela, kan hnam humhalhna rahbi pakhat chu a ni ve tho lo ang maw?

Pawnto hla la hre deuh te khan min lo share ve teh u, kei Pa Junior hian ka mawmawh a ni e.

Hman deuh kha chuan Jeans han tih treh kher te hi kan ngaisanga a. Incheina lamah kan inuluk lutuk lem lo niin a lang. Tunah erawh chuan a lo dang leh ta, tih treh ai mahin, a smart tha tha, a rawng mawi mawi, a tight tha tha kan uar leh ta. Kan nun erawh kan uluk lo, a thawl ve thung ta tial tial  em?

(more…)

Misual-ah hian ka rawn sawi lang deuh zuai tawh a, Ni 13( inrinni) a Kawnpui a Ram kang thelhna lama kang meiin a tawh palh Tv. H. Lalrintluanga boral chungchangah Kawnpui Join YMA in kalphung atana a lo pawm tawh, Parawl/Hmeithai te chu an ruang vuiliam thleng YMA ten an buaipui ang a, a bak khawhar lenpui te pawh YMA angin Progamme siam leh kaihhruaina hman a nilo ang tih chu hman hmasak berna a ni a.

(Kalphung thar tur hi an dah dan tawngkam chiah ka chiang tawhlo, a kawh tum ber chu hetiang hi niin ka hria) Hei hian sawi zui a hlawh hle. Tv. H. Lalrintluanga te hi unau rual tak 14 lai an ni a, a unaute hi rawn kalin Inpui ber nghaktu a nih avangin an chamchilh rih dawn a, a unauten an luah zui zel dawn thu pawh an sawi bawk.

A In kalh nghal mai lo a, rilru na taka a Unaute leh chhung lehkhat te a In a an awm mek laiin, ruang thlak zan atangin YMA lam chu an inthiarfihlim nghal mai bawk a.

(more…)