Archive for the ‘Internet’ Category

Rawtna Tlêm – II

Wednesday, May 30th, 2012

A hmain rawtna tlêm ka rawn thawh tawh a, a hlawhtlinna erawh tûnlai sawrkâr ang deuhin hmuh tûr a tam tehchiam hlei law. Mahse rawtna te chu thehluh a thiang a, a bawhzui leh tihhlawhtlin lam erawh ruling party-te thu thu a ni, ti ta ila, a sawrkâr lutuk lo’ng chu maw… :-)

1. LIKE: Thu paws emaw kawmen emaw te hi Laik theih ni ta se, a va lawmawm dâwn êm! Net a tihmuan phah dâwn erawh chuan thuhran ni se.

2. SMILEY: Simaili-te hi uar lehzualin i hmang teh ang u. Sait danga simaili che thei an dah ang te hian kan simaili-te hi che ve neuh neuh ta se, a va hlimawm lehzual dâwn êm! Net a tihmuan phah dâwn erawh chuan thuhran ni se.

3. THLALÂK: Thlalâk paws dâwn a, imgur-dawt-kawm-a aplâwt hmasak kher ngai lo hian, dairek-in misual-ah hian aplâwt theih ta se, a va awlsam lehzual dâwn êm! Net a tihmuan phah dâwn erawh chuan thuhran ni se.

4. REMOVE/DELETE: Kawmen-te hi a kawmen-tu leh Admn. ten diliit/rimuv thei ta se, eng emaw lo chhut sual palh emaw, thuziak mawi lo deuhte pawh a lo awm palh thei a. Net a tihmuan phah dâwn erawh chuan thuhran ni se.

5. DUHTHUSAM: A hrim hrimin he sait-a luh hi i uar teh ang u. Kawmen ṭhenkhat erawh a phawkphawhraw mah mah em aw ka lo ti ve ṭhin. Puitling ṭheuh chu kan ni nain, zahmawh rawng kai leh midang sawi leh sêlna lam hi chu kan insûm zo ngang lo a nih pawhin tîmna nei tal ila a ṭha âwm mang e. He sait hi naupang leh tleirâwl/râwlthar lamte pawhin an tlawh ve ṭhin tih hre reng ila. Entawn tlâk leh mite mamawh phuhrutu a lo nih zêl theih nân he hmun hi thianghlim reng se ka duh hle a ni.

6. Ka lâwm e. Thingpui ka lo trîît ang che u (C)(C)

Thehmeh

Monday, May 28th, 2012

Thehmeh awmzia hi sawi kher lo pawha kan hriat vek a nih ka ring tho nachungin, kan sawi fiah ve rêng rêng teh ang. Thereng hrâm lai kan hmeh hlum chuan a reh hmak mai á¹­hin a, chumi aá¹­anga a awmzia chu lâk niin ‘reh hmak,’ ‘reh duak,’ ‘reh vang vang’ sawinâ’n an hmang á¹­hin. “Thereng vuak thlâk ang mai” tih leh “Pual lêng thlang tla” tihte nên pawh hian thuhmuna ngaih theih ni.

Kan lût a, kan luangliam a, kan lâm a, kan titi a, kan nui a, a tûl chuan kan ṭap zâ ṭhin. Puih ngai an awm leh inlungrual takin kan pui a, hnem ngai an awm leh thlamuanna bân kan phar lo ngai lo. Mi chi hrang hrang kan ni tih chu phat rual a ni lo, chuti ang chiah chuan kan thu phuh chhuah pawh a dang ngei e. Chu tak mai chu kan inpawhna a ni ang lawi bawk si. Magnet pawh + leh + chu a inpaih a, + leh – a inhîp zâwk ṭhin. Chuvangin mize inmil lo tak tak ni si hi kan nui ho leh dar dar chu a nih si hi!

Nimahsela, hun a lo kal a, kum te a liam a, tûnah zawng kum a uai thla tawh nge, vun a chuar tawh nge, lu a ṭuak tawh nge, tiang hawlin phei lai kan khâi tawh zâwk. He huang hi a nuam ka lo tih ve ṭhin tehlul nên, tûnah chuan a reh titih dêr mai. A ram mai ang chu ka ti phal teuh lo, mahse a nawmna erawh a hloh ṭhen ngei alawm. Site dang ka lût ve zeuh zeuh ṭhin a, post leh comment erawh ka pe ngai lêm lo. He huang hi ka tân chuan a nuam a, a nuam mai pawh ni lovin a mawi a ni. Nimahsela, heti ang reng kan nih chuan pêm rilru pu an awm mai ang tih te pawh ka hlau hlel lo ve.

Hawh teh u, i dinthar leh teh ang u. Midang el leh sên bânsan a, ṭâng dang bêl mai lovin kan vul lai i chên leh teh ang u khai. Site ṭhenkhat chu a ram titih tawh asin. Nimahsela, keini zawng i vawng nung zêl ang u. A hlutna chu member-te kutah a innghat a, a nawmna chu post leh comment pêkah a innghat bawk.

Sawi tûr a va tam tak êm! He site hi nula chu ni ngat se, kei zawng ka ngaizâwng (âtchilh) hial tawh ang chu! Chu chu HMANGAIHNA an ti! Sawi ve r’û…

Background-a thil in-download hriat theih dan?

Sunday, May 27th, 2012

Bul tan nghal pawp mai ang aw.

Tunlai chu Tata Photon, Airtel etc. 3G hmang kan nih fur tawh avangin unlimited connection hmang kan tam ta lo khawp mai a. Chutih laiin ren taka kan internet(3G/2G) pack thun sa kan hman laiin computer thenkhatah hian kan download chawp ni lo, computer background-a amaha thil in-download a lo awm hian data a hek duh khawp mai a, tum aia insen nasat a awl thin khawp mai. Eng thil nge in-download tih hriat mai theih bawk si loh a awm thin hi a buaithlak a ni. Windows atangin emaw, software eng emaw hmanga download activity nei hriat chhuah a, a tihtawp dan hria chuan min han pui teh u.

Ka automatic updates ka disable vek a, java update ka disable bawk a, windows start paha software lo inload a, amaha lo in-update thei nia ka hriat ka disable vek bawk a, antivirus auto update ka disable bawk a. Eng thil nge lo in-download char char hriat theih ka mamawh hle mai. Mahni-a data kan hman aiin system-in a lo pawh hek vangin kan inseng nasa lutuk dawn e a.

Internet Download Manager (IDM)

Friday, May 18th, 2012

Internet Download Manager(IDM) hi internet atanga thil download na ah chuan a tha ber ani hial awm e. IDM hmanga thil download te hi duh hun hunah a pause theih a, mahni duh hunah a resume leh mai theih thin. Computer lam harsatna vang emaw, power supply khaihlak vanga kan thil download lai mek tihtawp a tul pawh in tih tawp a, ni danga download zawm leh mai theih ani hi a thatna em em chu ani. Hei bakah hian a download speed hi an mahni sawi dan takin download speed pangai aia a let 5 a chakin a download theih an ti a, a dik pawh a dik viau in ka hria.

Download:

Facebook a thudiklo post avangin FIR

Tuesday, May 8th, 2012

Source: Vanglaini | PDF Link

Nimin khan Facebook-a group \henkhatah, kumin HSLC Examination-ah zirlai pakhat, distrinction-a pass-in MBSE-ah complain a thehlut a, ennawn a nih hnuah pakhatna aiin mark a hmuh san zawk thu leh, MBSE lamin topper nihna an pek theih loh thu tarlan a ni a; hei hi thu dik lo a nih avang leh, MBSE tihhmingchhiatna nia an hriat avangin, MBSE Secretary chuan nimin khan Bawngkawn Police Station-ah FIR a thehlut.

HSLC mark complain ennawn leh thu hi Facebook-a ‘Zoram Tân’ tih group-ah Lalfamkima Renthlei tih leh, ‘Chanchinthar (Zofate inhriattawnna)’ tih groupah Fiaha Chuauhang inti-in an post a; an post dan pawh a inang chiah a ni. Complain thehluttu anga an tarlan chu, Lalzikpuii d/o Sangdingliana, Bungkawn, Aizawl a ni.

Facebook-a an post dan chu – ‘MBSE- thu beng verh tak mai ka hria a, mahse kei mah tak chuan mi han zawh chian mai tur ka hriat loh vangin ka chiang ngam lo a. Bungkawn veng a hmeichhe pakhat, St. Paul’s school a\anga matric exam, tun result chhuak chiah a Dist. a an pass tir chu a mark an complain a topper ai khan a lo hmu sang zawk a nih chu…an sawi danin a class mate te pawhin topper tura an ngaih sa a ni awm leh nghal e, chuan MBSE chuan topper nihna chu an lo pek theih toh loh thu leh Media lam kal lo hram tur ten an lo ngen an ti a nih chu…a thinur thlak hle mai, MZP lam hnai kan awm chuan chhui chian a tha khop mai,’ tih a ni.

(more…)

Tùanthu

Thursday, May 3rd, 2012

Heta thlalâk hi i en chuan, i u leh nau hnai an nih i ring lo; vai chi khatah i ngai lo thei lo. Mak tak maiin hêng (Bodo-ho) hi kan unau hnäi tak, khi lam  (Y) aṭanga helama thlang min tlâk khalh (kan hmaa mihuai kal tate?), min hmakhalhtute an ni. An ṭawng hi kan ṭawng nèn chhungkaw inhlat lo tak a ni a, zu hi zu an la ti ve fan a (rinawm takin), pa (hringtu mipa) erawh chu a let thawkin fa an ti thung; an hnungzuitute min phatsan.

Keimahni ang bawkin scheduled tribe an ni ve a (ka sawi sual paw’n ka hriat dik loh vang a ni hran lo), keimahni ang lo takin an á¹­awng hi 8th schedule-ah a tel tawh bîk thung. Keimahni ang bawkin tunhmaa kutziak neia tibo tâ niin an inhre ve (keini ai chuan an chiang zâwk deuh; an kutziak hming pawh deodhai niin an sawi.); keini ai chuan an árháng zâwk leh tlat. Kan danglam lehna dang: kristian leh hindu leh bathou sakhua bia an awm bîk nawk.

Kan inthlauhna: maktaduai tél takmeuh! Assamah ringawt pawh bodo mi mtd 1 aia tam an awm.
(more…)

Is Facebook Making Us Lonely?

Monday, April 16th, 2012

Social media—from Facebook to Twitter—have made us more densely networked than ever. Yet for all this connectivity, new research suggests that we have never been lonelier (or more narcissistic)—and that this loneliness is making us mentally and physically ill. A report on what the epidemic of loneliness is doing to our souls and our society.

By Stephen Marche

http://www.theatlantic.com/magazine/archive/2012/05/is-facebook-making-us-lonely/8930/

Ka thupui ngai bawk

Friday, April 13th, 2012

Mizo Wikipedia

Hun a kal bek bek a, hma kan sawn ve zël e.

Ka rawn ziak hnem tawh thawkhat a, min ning fe fe chu in tam tawh viau vang tih ka hlau angreng. Mahsé tirhkoh pahnihten Tirh. 4:20-a ”Thil kan hmuh leh kan hriatte kha sawi lovin kan awm thei lo” an tih ang mai kha ka ni a, ka rawn sawi leh dawn a ni. Thuziak rawn thawh tlém tlémin kan pung ve bek bek a, a lawmawm hle a ni tih hi ka sawi hmasa duh a ni. Mahse engah vak kan ngai lo em maw ni, kan hman lo zâwk nge, thuziak peih tak tak chu pahnih khat chauh kan la ni a, tan a ngai hle a ni. Thil hriat ziktluak nei lo leh mi rawn tùr thu êm ziaktlâk lo nia kan inngaih vang a nih a rinawm a. A tha lo hlë a ni.  Hnam dang wikipediaa thuziaktute pawh hi thalai vek an ni tih hriat a tha a, hnam dang chung-en chatuan tùr chuan kan hnam hi i tlàwmsan lul lo vang u tiin ka fuih vè (khanglang) duh che u a ni.

Chulam vang ni lovin thuziak tùr kan hre lo emaw kan tih vang pawh a ni thei bawk. Pawl 9 i zir thleng em? Hriat pakhat tal i nei em? Tlangkang chanchin i hria maw? Tuipui thil pakhat tal i nei em? Cristiano Ronaldo i ngaisang maw? I thil hriat, ngaihsan, ladt. tawh phawt chu thlalâk nei chi a nih chuan a thlalâk tal rawn tar rawh. I mi ngaihsan zawng pian kum i hre lo maw? English wikipedia-ah en la, a pian kum leh a thlalâk chauh tal pawh rawn thawh rawh. I theih phei chuan i mi ngaihsan zawng chu chhawhchhi tuh thiam nge a nih vaihlo chil chak tih tal pawh i hriat chuan  (mahni mi ngaihsanzawng te thiltih, an larna chhan em pawh i hre lo maw?) (Thlalâk ladt. hi english wikipedia-ah hman tùr a awm vek). Thlalâk tar dan emaw i hre lo a nih chuan he thuziak hi en la, ”edit” tih hmet la, a copy tawp la, a thlalâk hming kha thlâk la a ni mai. A va awlsam tehlul em.
(more…)

Kan zain i bei ang u

Monday, April 9th, 2012

Wikipedia vawi hnih thum lai ka rawn sawi tawh a, tunah chuan Wiktionary ve thung aw!

Wiktionary chu engnge?

Wikipedia ang bawka a duh duhin an khawih danglam theih, an ziah belh theih leh an tihkhawloh theih thufiahbu (dictionary) a ni.  Hetah hian a phekpui a en theih. Tawng chi hrang hrangin a awm a, mizo tawnga a bultanna chu hetah hian a awm. Thuziak awm tawh zawng zawng chu hetah hian.

A kalhmang

Hetah hian eng tawng pawh a dah theih a, mizo tawng mizo tawng vëka hrilhfiahna te, sap tawng mizo tawnga hrilhfiahna te, chutiang zelin.

(more…)

The Case for Mizo Wikipedia

Thursday, April 5th, 2012

Ka thuziak hmasa lamah Mizo Wikipedia neih a thatzia leh a tangkaina thenkhat ka sawi tawh a, mahse thuziak dah (phal?) kan la awm meuh lo niin a lang.

Ka han sawi nawn leh ang e.

A hmasain, misual.com leh website dang ilo hmangtu tih loh chu Wikipedia-a han thawh thei tur vak kan tamin a rinawm loh va (Internet hmang thiam lovin engtinnge wikipedia-ah thu a ziah lem ang?). Internet hmangtu zingah pawh thuziak peih chu tlém te. Thuziak peih zingah pawh thuziak tùr hria chu tlém te. Thuziak tùr hre zingah pawh Wikipedia-a ziah tùr chi hria chu tlém te. Wikipedia-a ziah tùr chi hre zingah pawh ziah a tul ti chu tlem lehzual, ziah a tul ti zingah pawh a ziak tak tak chu hmeithai kara (pathlawi) zât lek kan lo ni ta a. Za-a sawm zel lo la ta ila: Internet hmang: 20000, thuziak peih: 2000, ziak tùr hria: 200, Wikipedia-a ziah tùr chi hria: 20, ziah tül ti: 2, ziak tak tak: 0.2!

Kan hun neih dan leh rilru senna lam hi a inang lo hlawmin kan thahnemngaihna hi a inpersan angreng hlawm a, kan tlém bawk si a, beisei san vak theih chu a ni lo. I tuizawng a nih loh vangin a tangkai lo tihna a ni lo va, kei ka tui vang ngawta pawimawh a ni hek lo. Mahni mum muma mum pahin eng eng emaw kan ti vêl mai mai a ni ber e… hringnun hi.  :D

(more…)