Archive for the ‘Information’ Category

Bangalore a North East mite Dinhmun

Wednesday, August 15th, 2012

via BangaloreMizo.info

Nimin (Aug 14) tlai dar 6:30 pm khan Ngukato G.Chishi (Naga lam hruaitu) te inah North East Leader hrang hrang te chu inhmukhawm in, Muslim issue chungchang ah meeting neih a ni a.

Hetah hian tunlaia rumour tam tak dawt thu leng, SMS vela inthawn avanga Bangalore a cheng NE mite, vau/ sawisak leh thi hial pawh awm anga sawi chu pawi an ti hle a. Amaherawh chu hetih lai hian NE mi thenkhat te chu vau leh kut thlak lo tuar zeuh zeuh te pawh an lo awm ngei bawk a ni. Thudik ngei an mahni a victim te hnen atanga kan dawn te hetiang hi a ni :

1. Neelasandra Koramangal bula cheng Tangkhul naga, Angam te chhungkua chu an In Luahna Muslim in nei tupa chuan, Muslim ho thuruk a hriat avangin, “Heta in awm reng hi a him lo, kan hmangaih si che u a, an tihnat hma che u in in thiarchhuak mai rawh u” tiin an in atanga in sawn chhuak turin an hrilh a. Anni chhungkua hi an thiante in ah an awm rih.

2. 13th Aug khan Neelasandra ah tho Naga Tangkhul community a an executive Committee member chu a Bike a chuanglai mi pahnih in an um a, mahse an umpha lova Ashok Nagar Police Station ah report nghal a, hepa chenna Area hi Police ten an enzui reng a ni.

(more…)

Ennawn ngai chu a awm a ni… (Pawl pawl ti ang aw tun tum chu!)

Wednesday, August 15th, 2012

Pawl zawng zawng hian tum an nei vek a. Ultimate goal ah chuan hnam humhalh leh nunze mawi chawisan ni theuh mah se kan kal dan a in ang hauh lo a. Mizorama pawl tam tak (political party tiamin)hi chuan branch an han din tawng a. An dinna lam ah khan enge an tum lam hi chu kalpah hian an sawi mai mai a.

Entirnan, MZP leh MSU te pawh school tam takah chuan inthlanna te an va buatsaih tawng a. An constitution tak ngial pawh chhiar chhuak lo kha hruaitu an ni ve leh mai bawk a. Khatiang deuh bawk khan pawl dang dang te pawh. General Conference nei eng ang mah se, an pawl thil tum vuana te chauh kha member an nih thin loh avang in an hmalakna pawh a hrang ta nuaih thin a ni.

Kan pawl din te hian a han huam zau thei laileng khawp a. YMA a vawite khat pawh thlan lai lo va, mithi lumen na a tlaivar lo…. kalna a pianga sawi chhetu leh kuang man khawn pawha pe tha duh lo pawh kha a thu chuan YMA member an ni tho zel mai a.

Hotu nih kan in chuh a. Nuam kan ti a. Hruaitu nih awmzia hi kan inzirtir lo reng reng. Hmanlai chuan Zawlbukah Val Upa te kaihhruaina hnuaiah an training tak meuh meuh a. Val Upa an lo nih ve meuh chuan an mawhphurhna an hai ngai lo. Keini ve chu kan lungawi lo a, pawl dangah kan pem a, kohhran kan sawn a.

Hei hi tunlai miten a kan hmaih len ber a ni. Hotu ni lo hruaitu chher chhuak tur chuan kha pawlah khan a inhnim phum ve a ngai. Chiah zeuh chauh kha a tawk lo. Va sawi hmuh a, lo kaihruai ve phawt la tih phei chu chi loh hul hual ani.
(more…)

Nazi Daktawr : Den Rem Rem!

Tuesday, August 14th, 2012

Khatia Herr Hitler a rawn parvul lai khan ram tam tak a rawn awp a, mi tam tak a man khawm a, a lal ram zauh zel a duh avangin khaw chhak lam hawiin USSR a dova, russia ram khawvawt lutukah chuan hitlera sipai te meuh pawh an che hleithei tlat lo! Nazi sipai te chu khawvawtin a hmet hlum teuh a, an hotute lu a hai tan! Tih dan an ngaihtuah a, an sipaite an lo chak leh theih nan experiment tih zai an rel ta ani.

Tin, an sipai te tan kher lo pawh experiment tam tak an ti tho va, hengte hi chu an german race hmasawn nan leh an inthlahpun chak theih nana tih a ni. Experiment tih nan hian an mitang mante an hmang thin a, heng mitangte hi an remtihna tel lo in, tih luihna in an hmang tawp mai zel a, ban tan, taksa peng lak chhuak sak emaw te pawh ngai se nachhawkna an hmang ngai lo.

Heng a hnuaia mi hi an experiment tih thenkhat te chu ani e, a chhiar belh duh chuan source (internet :-P ) ah in lo chhiar chhunzawm mai dawn nia!

I. FREEZING EXPERIMENT : Hitler’an USSR a va run khan an sipai tam tak Russia khaw vawt avangin an thi a, an sipai te thuam that nan he experiment hi an ti ta ani. An thil hriat duh te chu :-
a). Minung taksa hi eng tianga a vawh in nge a thih?
b). Khawvawt vanga damlo enkawl dan tha ber. (more…)

Puan thui khawl

Tuesday, August 14th, 2012

Post ka nei khat ta bawk a a lunglen thlak ve alawm le. Tun tum chu kan nitin khawsak na a pawimawh em em, a pawimawh ti a kan hriat langsar tak ni silo, Puan thui khawl chungchang hi kan zirchian pui hlawm teh ang che u. :-D

Khawl

Puan thui khawl hi a pawimawh khawp mai a. Kan thawmhnaw inbel mawi tak tak te hi puan thui na khawl atanga lo chhuak a ni a. Hetiang taka pawimawh nisi hi a lar ta lo em em mai a. Tunlai ah phei chuan puan thui ho bak chuan a hmuh pawh kan hmu khat ta hlawm viau mai.

Puan thu khawl hi kum 1790 khan English inventor Thomas Saint chuan a lo hmuchhuak daih tawh a. Khami hmalam leh a hnu lam hun engemaw chen kha chu kut hmang a thui vek a ni thin a ni. Tichuan khang hunlai a an khawl kha ti danglam a ti changtlung chho zel in tunah chuan electrict hmang chi te pawh a awm tawh a. A hman pawh an hmang nasa tawh viau mai.

(more…)

July 2012, Mizo(ram) Diary

Monday, August 13th, 2012

1st. Sunday: Upper Republic-a Pu Lalduhawma leh Pi Thazuali te fanu Lalduhzuali thla 11 mi chu an bathroom panna corridor sirah vak liamin an kawmthlang motor kawngpui cement slap-ah a tlathla a, a bek natakin a sawha thawm chhuah miah lovin a chatthla. Lalduhzuali hi Lalduhawma leh Thazuali te fa hmasa ber a ni a, nausen than tha leh chak tha tak a ni a, kal te pawh a zir ve tan tawh a ni.

An kawmthlang hi vantlang kawngpui, motor te tlan theihna a ni a, an inzawn hi cement slab-a siam a ni. Naute hi a vah liam hlauhthawn thilthuah an bathroom panna kawngkharpui chu an kharin an kalh deuh reng thin. Tun á¹­um hian a nu nen inah an awm dun a, a nu hian choka lamah engemaw a tih san zawk hlanin kawngkhar hi beng hawngin a lo vak liam niin a lang.

2nd. Monday:
Sangneihkimi (13), d/o Kaithanga, Kolasib Hebron Veng chu LPK truck-in Kolasib Electric Veng leh Tuitha Veng inkar kawngah a chíl hlum. Sangneihkimi hi pawl 4 zirlai a ni.

3rd. Tuesday: MHIP Gen. Hqrs chuan I&PR Auditorium-ah Mizo Customary Law chungchang zirhona an buatsaih a, Sr. Govt. Advocate-cum Public Prosecutor, RC Thanga leh Addl. District & Sessions Judge, KL Liana ten thu an sawi. Seminar-ah hian kohhran pawl hrang hranga hmeichhe pawl te, hmeithai association leh Hmeichhe Tangrual Pawl aiawhte an tel a ni.

4th. Wednesday: MNF party thalaite chuan Mizoramah eirawngbawlna gas a harsat avangin Aizawl khawpuiah meihawl an sem a, an meihawl sem chu ‘Hawla gas’ tiin a hming an vuah. MNYF-in meihawl an semna hi Millennium Centre tualah an tan a, Millennium Centre atangin a huhoa kawngzawh pahin kawngpui dunga meihawl an sem a, thu chi hrang hrang hmangin an aurual nghal. Kawng an zawh zawhah Supply Directorate-a gas emergency guota diltute hnenah meihawl an sem leh bawk.

(more…)

Fimkhur a tul (Breaking news lutuk lo, ni ve si)

Monday, August 13th, 2012

Assam State-a Bodo hnam leh Muslim intihbuaina avangin tunlai hian India ram hmun dangah hlet a chhuah mek a, Mizote kan fimkhur deuh chu a tul. 8&9 August 2012 khan Pune-ah muslim hovin North east mi an sawisa a, a lan danah chuan North east mi hrim hrim kha khawih an tum ber a ni awm e.

Tunah hian kan unaute zirlai leh hnathawka awm mekte hlauhlawpin a awm mek nia hriat a ni a, tawngtaipui an ngai hle. He thu hi a hrechiang zawkten an rawn post ka ring a, a hrechiang lo berin ka rawn post ta zawk a ni e.

Mizote hi kan inzarpharh ve ta hle mai a, hmun dangah pawh a kangkai lo vang tih a sawi theih loh va, mitin kan fimkhur a tul a, South India lam hi kawng engkima exream ta ngang hi an ni a, an tuar hma deuh bik a ni..a hrechiangten han thawh teh u le.

http://www.northeasttoday.in/our-states/northeast-students-professionals-panic-after-assault-in-pune/

Rapex

Thursday, August 9th, 2012

August ni 5 thawhtan zan khan, hnamdang ka friend pakhatin Rapex chung chang hi a lem nen a rawn post nawlh mai a. Ka rilruah chuan mizotawnga lehlina misual.com a post venghal alo lang a. Mahse, Pu HV-a te Pu Sandman-a te hovin an rawn post tho ka rin avangin ka thulh ta a ni. Mahse, kan tunlai misual boruak han thlirin boruak zangkhai deuh kan mamawhin ka hria a, ka han post leh hnuhnawh anih hi.

Khawvel ram inzawm khawm (UNO) in survey an neih a a landanin, Khawvela pawngsual(rape) hluarna ber ram chu South Africa khu a lo ni reng mai a. Hmeichhia 100,000(nuai khat) zelah 119(za leh sawm leh pakua) te khuan pawngsual an tawk zel anga chhut a ni a. Hei hi FIR thehluh chauh ala ni lehnghal a, Report loh zawng zawng nen chuan, a let li laia tam a nih an ring a ni.

Pi Sonette Ehlers-I chuan hei hi a vei hle mai a, a tihtlem dan a ngaihtuah nasa ta mai a. Tichuan, thil tha awm tak mai a siamchhuak ta a ni. Chu a thilsiam chu, mipa hman chi Condom ang deuh hi a ni a, hmeichhe condom a tih theih mai ang chu. A danglamna chu, a chhungah Piranha ha ang maia hriam a awm dawn a ni. Chu chu a hmingah pawh RAPEX tiin a vuah nghe nghe a, ‘anti-rape female condom’ tiin an sawi bawk. (more…)

Ngaihzual Nang Nen!

Tuesday, August 7th, 2012

Hetiang hmunah hian mahni telna lam rawn thehchhuah a nuam lemlo, mahse mi zawt an awm zeuh zeuh takah chuan ka blog ami ka rawn phawrh mai e hairehai :)

Venghlui lam a á¹­angin Chawngthu Sweet neitu Pi Hlimpuii te leh, Durtlang lam a á¹­angin Pi Mamawii w/o Dr.Rema te chuan, Mizo movie hmasa ber dawttu ni turin, Rebecca Saimawii chanpui tur atan min rawn sawm ve a. Makuri te nen lo inkawm á¹­hin kan ni bawk a, zak deuh reuh chung chuan NGAIHZUAL NANG NEN chang tur chuan ka ‘aw’ ve ta a; hemi kum hi 1986 a ni. Drama lam ti ngai vaklo tan chuan zam a awlin camera hmachhawn alo har ngei mai. Script chhah á¹­ha ve lel lawl tak mai chu min pe a, mahni á¹­awngkam hman á¹­hin nen inanna awm heklo le, mihring nunphung anga nunpui a tana sawi chhuah a har á¹­him á¹­hiam kher mai.

Nghilhlova (Otto band) nen chuan script zulzuiin kan han titi dun ta a, alo har hrep mai tih ka hre zual zel a. Tichuan, a thawnthu mil siin mahni tawngkam pangai chuan kan ti danglam ta vel a. A har deuh bawk nen, zak deuh bawk nen kalo meng hnual deuh thin ni ngei tur a ni, director-in meng deuh tura min han signal chuan ka meng leh kuau thin. Lak nawn leh kha awm vak heklo le, a hnua a movie an hralh hnu pawh chuan ka la meng ta kuau zel a nih chu.

(more…)

A te rên râwn viau nang a!

Friday, August 3rd, 2012

Israel ram hi a te rên râwn viau. Khawvelah rampui (country) te ber 100 na niin, mihring pawh khawvel 1/1000 chauh a nei a. A ram lenzawng hi 20,770/22,072 km2 chauh niin, Mizoram tiat vel awrh a ni (Mizoram 21,081 km2). Chutiang lek ni mahse, tunlai khawvelah hian thil ṭangkai tak tak alo siam chhuak/thawh chhuak hnem phian mai.

Han lehlin ka tum viau a nia (thiam ang tawk2 in) ka hman ngang lo, ka rawn dah tawp mai :P hairehai Kum 2006 ami a ni e!

1. Israel, the 100th smallest country, with less than 1/1000th of the world’s population, can lay claim to the following:

2. Israel has the highest ratio of university degrees to the population in the world.

3. Israel produces more scientific papers per capita than any other nation by a large margin – 109 per 10,000 people – as well as one of the highest per capita rates of patents filed.

4. In proportion to its population, Israel has the largest number of startup companies in the world. In absolute terms, Israel has the largest number of startup companies than any other country in the world, except the US (3,500 companies mostly in hi-tech).

5. Israel is ranked #2 in the world for venture capital funds right behind the US.

6. Outside the United States and Canada, Israel has the largest number of NASDAQ listed companies.

7. Israel has the highest average living standards in the Middle East. The per capita income in 2000 was over $17,500, exceeding that of the UK.

8. With an aerial arsenal of over 250 F-16s, Israel has the largest fleet of the aircraft outside of the US.
(more…)

Mizoram-ah Pawan Hans helicopter service

Thursday, August 2nd, 2012

Mizorama Helicopter Service neih turah, a hawnna inaugural flight neih tur chungchang vawiin khan Chief Minister Pu Lalthanhawla hovin Legislative Assemblya a office room-ah committee member ten sawihona an nei.

Helicopter Service hi Pawan Hans Helicopter Ltd enkawlna hnuaia kalpui tur a ni a. Helicopter service tur hi Dauphin Helicopter mi 6 chuanna tur chi a ni. A chuan man hi Meghalaya a an kalpui ang zulzuiin minute 1 ah cheng 50 a ni ang. Tunah hian a thlawhna tur kalkawng (route) 9 ruahmanin, Aizawl Thuampui Helipad chu a hmunpui ber tur, Main Operational Hub ani ang.

Heta tang hian Saiha minutes 50, Lawngtlai Minute 50, Champhai Minute 25, Khawzawl Minute 20, Lunglei Minute 30, Kamlanagar Minute 45, Hnahthial minute 30, Serchhip Minute 17 leh Kolasib Minute 15 ah te service thin tura ruahman a ni. Kar khatah ni 6, Pathianni tiam lova service thei tura tih, Helicopter service hi ni 16 atangin mipuite chhawr theih tura ruahman a ni a.

via Joseph LNTA @FB Chanchinthar

A chuan man minute khat ah cheng 50 a nih chuan Aizawl atanga heng khua a kal duh te tan chuanman chu hetiang hi a ni ang..

Saiha – Rs. 2500, Lawngtlai – Rs.2500, Champhai Rs.1250, Khawzawl Rs.1000, Lunglei Rs 1500, Kamlanagar – Rs2250
Hnahthial – Rs 1500, Serchhip – Rs. 850, Kolasib – Rs. 750.

FB Chanchinthar ah a chuanman hetiang hian an rawn post:

..