Archive for the ‘Education’ Category

Tîsa châkna

Thursday, June 7th, 2012

Mi pangngai nih chuan tisa châkna hi chhuah châng a awm lo thei lo. Chu chu sual a ni hran lo va, dan beh hleih theih pawh a ni bawk hek lo. ‘Mangpui’ kan tih te pawh hi taksain ṭûl a tih hunah min mantir mai a, tu nge ka duh lo ti thei che u?

June ni 6, 2012 chu zîng aṭangin ruah a tla cherh cherh a, ‘Transit of Venus’ ni tak a nih avangin khaw chhia pawh chu a huatthlala lehzual hle a, ruah sûr kârah chuan office kal tûrin nihliap nên ka inhawl chhuak ta a. Sikulpuikâwn bus stand ka thlen chuan a maka maka tam mipui an lo tlim hmur mai a. Bus a lo thleng a, luh kan inchuh a, kei lah pek chu a chuhhelh helhah ka la ṭang zui!

Chutia bus chhûngah tâwt taka kan din tlar lai chuan ka hma chiahah hian nula pakhat, ngo ving veng leh hmêl fel tak hi a rawn ding zân mai a. A tâwt êm avang chuan a sawi mawi dân berin sexy takin ka pawm tâwk chiah a. Chutichuan ngai teh, kei, kohhran ṭhalaiah pawh hruaitu ni ve hial hi ka lo pa mah mah a nih chu! Bus lah chu a tlân hur ang reng phian a, duh lo chung chunga ka dêp ka dêp tak kha, nuam lo veng veng tak a ni. Ani lah a che deuh sek a, a chet dân lah chu a ‘eng emaw’ riau lehnghâl! ;-) Thil dang ngaihtuah ka tum ngial pawhin ka thei hlawl lo, ṭawngṭai te chu khawi lamah, har tak a ni! Ka thin a phu zawih zawih a, ka âwm chu a hnungzâng nên a inhnêk rem êm avangin ka thin phu pawh chu a hre ve ngeiin ka ring. Zak viau mah ila zahin awmzia nei hek lo le, confi. takin ka dêp ta ngawt mai a ni! :-D

(more…)

Mizoram University a thil thleng mak: ~B. Thanga

Thursday, June 7th, 2012

May 15, 2012 khan MZU atangin phone call ka dawng a, Assistant Professor, Department of Mathematics(UG) a personal interview June ni 5 (Tuesday), 2012 zing 9:30 a neih tur a koh ka nih thu leh calling letter post a an rawn thawn thu ka dawng a. Interview nang hman ngei turin June ni 3-ah Delhi atanga thlawk chhoin June ni 5 zing dar 8:30-ah MZU tanhril chu ka thleng thla a, interview nei ve tur tho vai 3 an lo thleng tawh bawk a.

Zing dar 9 reporting tih kan calling letter-ah lang mahse dar 10 thleng pawh chuan in reportna an tih hmunah chuan tumah reng hmuh tur an awm lova, dar 10:15 velah chuan office a nu pakhat lo thu chu kan zawt ta a, a ni chuan interview chu a hma ni (June ni 4) a prepone a nih thu leh interview chu neih a nih tawh thuin min chhang a, interview prepone a nih thu engmah kan hriat loh thu leh information kan dawn loh thu kan hrilh a, kan tlan kual nak nak hnu chuan Deputy Registrar(Recruitment incharge a niin ka hria) roomah min ko lut a, a ni chuan Vice-Chancellor-in meeting a neih dawn avangin interview hun chu thlak a nih thu leh e-mail leh phone hmanga hriattir kan ni a, thenkhat te chu phone tlang theih kan nih loh avang a hre lo kan nih thu min hrilh a. Mahse hemi nia interview tura kal mi 4 te hian phone call emaw e-mail emaw pawh kan dawn loh thu kan hrilh a, kan inhnial deuh bak bak hnu chuan lungawi lo zetin a office chu kan chhuahsan ta a ni.
(more…)

Zíkmuná¹­ fʁawit-a – Aw hringnun!

Tuesday, June 5th, 2012

Mihringa mipat-hmeichhiatna (a inti-Mizo -ṭawng-thiam tam tak chuan hmeichhiat-mipatna tih tùr an ti; a engapawh chu ni sé, kan hriatthiam tlàn theih hi a dik chu a ni mai, tùn atán chuan) sakhúa a lo indin chhoh ṭan dàn bï chu hetiang hi a ni:

ka bï – – – mawng bï – – –  phawhrît bï – – – … adt. (Hêng thumalte hi i hriatthiam loh chuan Mizo thufiahbu lo en la)

Mihringte hi kan naupan lái aá¹­ang tawh zahmawh ringawt ngaihtuah kan ni a, chumi tùr rënga piang chu kan ni. Phat rual a awm lo. I nun han inbihchiang la, zahmawh ngaihtuah emaw, ti emaw, sawi emaw lova i nilèn ni chu kutzung thliah tham lek a ni mai lo maw? A ni. A dik. I pha thei lo. I hrisèl pangngai ni a ni, ka zawh che ni. Hei hi zahmawh a ni lova, thudik a ni. Chutia ka sawi tâk vànga thil dang zawng zawng aia zahmawh dah pawimawh (tùr) ka ni tihna em ni? Hnai lo ve, mipat-hmeichhiatna aia dah pawimawh neite hi khawvêlina mifing kan tihte chu an ni, lawi si a’na! Nang?
(more…)

MZU hna lakna ah Manipur mi tling an tam ber…

Friday, June 1st, 2012

via Awmpui Hualngo @ FB Special Report

Tunhnai Mizoram University hna lakah Mizo paruk chiah an tling a dang zawng chu hnam dang mi vek an ni, hengho zing ah hian Manipur mi an tam ber.

Kan ram Zirna insangah hian a ram leilungfa ten hna kan hmuh theih loh lai in kan thenawm state Manipur a tang a rawn kal ho hian hna an hmu thei hle a, engvangnge pawh ka hre bik lo, heng mi te hi an thiam bik em em vang pawh a ni si lo, nge duhsaktu tha deuh an nei a nilo maw? mi sawi dan phei chuan hna hmuh na tur a nih dawn pawt chuan cheng Nuai hnih, Nuai thum pawh an seng hreh lo an ti, a dik pawh ani maithei, (Manipur driving licence te pawh pawisa a awm phawt chuan neih a awlsam em mai) Kan ram zirnain a Manipur Meitei ho tlatlum sawt lutuk leh pung chak lutuk hi a ngaihthat thlak loh ka ti….

Diktak a sawi chuan MZU a hnam dang thawk ho hi mi thiamlo ve tak tak, phai lam University tha ah pawh an duh loh an ni tlangpui, chuti vak a ngaihsan tur bik an awm chuang lo, a thiam tak tak te chu an rawn thawk duh tak tak lo University tha dang an thawh an duh zawk zel.

(more…)

Animation

Friday, June 1st, 2012

Mizote hi Animation lamah hian kan la hniam em em a, a zirna man a to vang emaw ngaihsanna chang kan hriat loh vang te pawh a ni mahna. Animation lamah hian hna a tam em em a. India ramah ringawt pawh a thiam tan thawh sen loh a awm a ni. Naupang lawm mai mai kan tih ang hi a ni ngawt lova, a phenah hian sum tam tak a awm a ni :) .

Mizote hi hnam dang (vai) ho aiin art lamah hian kan sang zawk in ka hria, kan lemziak thiam tak tak te hi Animation industry ah hian lut se hi ka ti thin, Lemziah thiam tak tak, a nachang hriat loh vanga awm mai mai ka hmu hian an thiamna ka lo ui pui thin. Mi thenkhat hian creative a ngai e mai, bakah lemziah ka thiam silo hi an ti ngawt a, amaherawh chu taima tak a zir a thiam theih chi a ni. Tin, lemziah hi thiam a ngai kher lova, lemziah ngai lo chi peng hrang hrang hi tam tak a awm a ni.

A zirna hmun a kal theih chu a that rual rual in mahni a in zir pawh hian sang tak a thlen theih a ni. A pawimawh ber chu Portfolio/showreel tha tak siam a nimai. Certificate in awmzia a nei thui lo khawp mai. India ram a Animation zirna tha ka hriat Whistling woods, Maya Academy of Advance Cinematic, Picasso Animation, Frameboxx, ZICA leh a dang tam tak ah te hian zir chur chur te u, Doctor, engineer etc line ringawt zir lo hian :)
(more…)

The Paradoxes of English

Tuesday, May 29th, 2012

(Hman kuma kan training laiin class-ah hei hi min chhiartir a, ka lo chhiarliam mai mai a. Hmanni lawk khan mail ah ka dawng leh nawlh mai a, in lo hlimpui ve beiseiin ka rawn post a ni. A hlui angreng tawh a, chhiar tawh kan awm a nih pawhin lo chhiarnawn ve leh teh u).

Let’s face it – English is a crazy language. There is no egg in eggplant, nor ham in hamburger; neither apple nor pine in pineapple. English muffins weren’t invented in England or French fries in France . Sweetmeats are candies while sweetbreads, which aren’t sweet, are meat. We take English for granted. But if we explore its paradoxes, we find that quicksand can work slowly, boxing rings are square and a guinea pig is neither from Guinea nor is it a pig..

And why is it that writers write but fingers don’t fing, grocers don’t groce and hammers don’t ham? If the plural of tooth is teeth, why isn’t the plural of booth, beeth? One goose, 2 geese. So one moose, 2 meese? One index, 2 indices? Doesn’t it seem crazy that you can make amends but not one amend? If you have a bunch of odds and ends and get rid of all but one of them, what do you call it?

If teachers taught, why didn’t preachers praught? If a vegetarian eats vegetables, what does a humanitarian eat? Sometimes I think all the English speakers should be committed to an asylum for the verbally insane. In what language do people recite at a play and play at a recital? Ship by truck and send cargo by ship? Have noses that run and feet that smell?

(more…)

Zirlaite result complaint fee aá¹­angin MBSE-in sum hailut tam

Saturday, May 26th, 2012

The Zozam Times: Mizoram Board of School Education (MBSE) chuan HSLC leh HSSLC result complaint an dawn 458 aá¹­angin fee Rs. 2,12,150 (nuai 2.12) an hmu a, kum 2011 khan complain-tu 773 te hnen aá¹­angin Rs. 1,71,150 (nuai 1.71) an hmu bawk nia thu dawn a ni.

Exam result complaint man hi a to hle a, complaint form lak-chhuah man hi Rs. 10 niin mark belh á¹­hat man Rs. 100 a ni a, exam paper pakhat xerox (photocopy) lakchhuah man Rs.500 niin paper pakhat endik man Rs. 1000 a ni.

Heti chung hian kum 2007 aá¹­anga 2012 thleng khan result complaint 3220 an dawng tawh a, hengte hi HSLC 1302 leh HSSLC-ah 1918 a awm a ni.

Kum 2011 khan HSLC result complaint 222 lut zingah 15 an hlawhtling a, HSSLC result complaint 551 zing-ah 55 an hlawhtling thung a ni.

IITJEE-a kumina tling Mizo kan hriat theih te:

Friday, May 18th, 2012

India rama technical institute tha ber ber IIT (Indian Institute of Technology)-a zir tum tena entrance exam an beih thin leh mahni levela entrance har ber pawla an sawi thin IITJEE-ah kumin hian Mizo tlangval pathum an inziak tling a, an chhuanawm khawp mai. An ranking leh an sikul kalna chu hetiang hi a ni:

1. KC. Zalena s/o Lalduhsanga, Saiha (All India ST rank-118), Home Mission school chhuak.
2. Lalthazuala s/o H. Laltlanmawia, Salem veng (All India ST rank-449), Home Mission School chhuak.
3. Vanlalhruaia s/o V. Lalsawmliana,  St.Paul’s HSS chhuak (All India ST rank-884)

Game #2

Friday, May 18th, 2012

Game siam hi thil awl ai lo tak mai a ni ve tlat mai a. Amah erawh chu game kan program chhuah ve ngat hi chuan thil kan thiam belh fu zel a ni.

Office leh inah te I awm mai mai pah a I khawih mai mai peih chuan……[Picture Upload na Option hi Contributor User tan an dah lo tlat mai pek a, ka han upload chak ne, misual.com ah la la hian]

http://www.zosoftnet.com/?p=215

Download Link pawh a awm. DotNet Framework 2.0 / above computer installed lo tan buai thlak viau ang! A duh apiang in dawnload ula, in duh ang a in modify duh a nih chuan Source code pawh download theih ang!

Admin note: Pu zosoft, pic embed dan kha chu post a awm nual tawh. Tunah pawh i hosting server atangin i game pic chu a hnuaih hian ka lo hotlink e. Cheers :-)

Mara Rama Sap-hote Thiltih Mak

Friday, May 18th, 2012

Thu Hmatheh:
Sap ram, London atanga Mara rama lo kal Sap-hote Rev. Reginald Arthur Lorrain leh a nupui Mrs. Maud Louise Ulander Lorrain te khan September 26, 1907, tlai 4:00 PM ah Serkawr khua an rawn lut a.  Mara Lal Thylai Hlychho In hmun pekah, an mahni kutkawih ngeiin an chenna tur in an sa a. Hemi hnu hian an lo kal chhan ang takin tisa leh thlarauva Mara fate dawmkanna leh hmasawnna turte ngaihtuahin an hun pum an hmang chho ta a ni.

Heng Sap-hote tum ber hi Mara fate thlarau chhandam ni mahse, tisa leh thlarauva an dinhmun chawikan chu hnapui berah an rawn nei a. Tunah chuan Mara ram pawhin Chanchin Tha thlen atanga Kum 100-na (Maraland Gospel Centenary) hial a lo lawm ta a. Mara fate chu tisa leh thlarauvah khawvelah rual el phakin an lo chherchhuak ta a ni. Mara rama Sap-hote Thiltih Mak hi kawng hrang hrangin lo chhui ila:

1. Ziak leh Chhiar (Literature Work)
Mara rama lo kal Sap hote khan Mara ram an lo thlen veleh Mara tawng A, AW, B an siam hmasaber a. Hemi hnu hian Bible thu zirtir nan he A, AW, B hi tangkai takin an hmang chho nghal a. He A, AW, B hmang vek hian Mara hote chu an inbiakpawhtir ta a ni. Mara hote chu tawng (oral) leh zaizir (signs) te hmanga lo inbepawp thin an nih avangin, lehkha te, thingphek te, vaivut leh lungpheka Thuziak hmanga an han inbe-pawp thei ta mai chu atirah chuan mak an ti nasa a, ramhuai hnathawh-ah hial an ngai a ni.  Bible lehlin hi December 1908 ah an tan a, Thuthlung Thar chu kum 1928 khan zawhfel a ni a, Bible pumpui hi kum 1951 khan zawhfel a ni.  Mara Dictionary leh Grammar te, Chanchinbu -  Krizyhpa Chiamie (The Christian Trumpet) te, Hlabu te an siam bawk. Kan aia Chanchin Tha dawng hmasa zawk, thenawm Mizo hote aiin Bible pumpui hi kan nei hmasa zawk nghe nghe a ni.
(more…)