Archive for the ‘Education’ Category

Mizo á¹­awng.. (kan hnam á¹­awng!)

Saturday, August 18th, 2012

A hnuaia ka thumal leh á¹­awngkauchheh dahte hi a awmzia i hriat vek chuan i thiam hlë a ni mai thei… Kei chuan ka hre vek lo, thufiahbu ilo ka en loh chuan!

vanzam, vànchang rila vànchang kuai, zawh dawra suk tin ang, kèl e àwl, vàn karak, hawihkawm, tukrek, tukuruk, mërèk,  mingo, daiduk, pahrang, thïm (mahni nu leh pa mawng hlïm tiha hlïm tih anga thlûk tùr), fafu, fazai, hawih, laihri, bang (Vangchhia tiha vang tih nèn a thlûk a inang), tuahmei, rimnampa, tlun (kan nun a dang tiha nun nèn a thlûk a inang), hlah, hlahthlem, themtleng, thembû, khuangbû, khuangthli, rentin daih, ritvâ, kulva, akúl atái, vuitum, sapui, bualdim, chalngeng, hreungen, hùháng, hulùm, chhawihfa, chhawih, chut, khúangthlí, lelthang, riangtlei, pualva, huiva, khuai ang pem, lemlawi, vawmphuai, vawmkhuai, khisa, riang lo, châ (Ka pâ min hmangaihtu tiha pâ tih nèn a thlûk a inang), hawng lang maw?, zuksial, hawrh, hrüm (la hlüm  tiha hlüm tih nèn a thlûk a inang), hrám, zám, fáng, fáng hung law, ralvawm, khuaiva, fangfar, fairel, tlangrawn, tlangtlir/ tlang tlir, hriphaw, tlüng, thluai, lenkawl, tlaikhua, hringhniang, nghalrang, mímbung, narawh, na (vakul tiha va tih nèn a thlûk a inang), chá (hlá tih nen a thlûk a inang: hlá tih lëmah hnäi lo tihna hi :-D:-D   )

déng, séng, réng, héng ( a thlûk a inang vek), váng, sáng, hráng, záng, fáng (a thlûk a inang vek), kham, hlam, dam, van, ban ( a thlûk a inang leh vek…!)

virthli, chháwn, hlàwnmúal, rung, tlung, tlurh, riakmaw, rawih, (tuemaw) chháwnin min hém, virpilh, lurh, surhlo, hlurh hlurh, takam chem bo hawi, miria, mirawng, virpilh, bu her, changril, changsial, Aichhúng, ànpai, changsial a awn ruai e, a vâ chang i, ái ang tho, Bawrhsaia (!), berhva, changchi, khuangruah, lailung, liantuai, dawrh, tlawrh, tlawr, dawr, hulhù, (maktaduai lêt sàwm hi engtinnge mizovin kan sawi?), bawm ak thu, bawrh, burh, chawngphúl, bengngawng nuih, sirkàm, singkhawm, a khau kapin, bai dai baw harh, chǎlchàng,
(more…)

Hnamte chanchin – 3

Thursday, August 16th, 2012

Hnambing chanchin ziak lovin vawiin chu tuizáwng leh rilrua lo lang apiang kan sawi mai mai ang a, mahsé ram leh hnam chungcháng bawk a ni ang.

Khawvêla ṭawng pianpuitu ngah ber chu Chaina ṭawng a ni tih kan hria a, a lär ber leh pianpui lëm lote zir hlawh ber erawh sâp ṭawng a ni. Amaherawhchu sâp ṭawng pianpuitu hi khawvêlah a tam ber pathumna a ni. (Chaina ṭawngpui Mandarin leh sipein ṭawng Castilian dawtah). An tam viau tihna a ni chu, hindi pianpuitu ai pawhin. Bengali hi pianpuitu ngah berte zinga mi a ni ve bawk a, mahsé zirtu chu an tam vak loh kan ring ṭheuh awm e: an tam vak lo rëng bawk a.

 Tuma hnial rual lohvin sâp á¹­awng chu  khawvêl á¹­awng kan ti thei deuh mai awm e. Amaherawhchu hei hi ngaihtuah fimkhur deuh a ngai tih hi ka rawn sawi duh a ni. Chainaramah han kal chhin teh… Vairam hmun tam tak angin sâp á¹­awngin an biak theih vek tùrah i ngái rawk ang e…! I che sual dèr ang. Nangmah (mizo mipui náwlpuiah lo inngai ta la) angin sâp an ngáisáng vè tùrah i ngai lehpek ringawt ang e…! I che khawlo hlauh vang.  Mahni hnam an hmangaih a, changkàn pawh an changkäng rëng bawk.

(more…)

Engthàwlna ramah engtháwlin…

Friday, August 10th, 2012

Thil ho mai mai han sawi leh ta ila, a peihte ngaihtuah atan. Ho tiho pawhin an chhiar chuan hotë talin an ngaihtuah ve mai thei. Inhnial nuai nuai reng leh thu rip zet zet sawi sawi leh chhiar chhiar pawh a ninawm cháng a awm ve a. Thudik-kalh leh kalh lëm lo tam tak kárah thiam ril hranpa ngai loho pali-nga lek han sawi ila (thiam ril ngai sawi tùr ka hria e tihna ni lovin ;-)  ), in chhàn vek theih chuan a ṭha a ni mai.

 

  1. Liana:  Hmingi thuisawi tùr khu dâwt.
    Hmingi: Liana thusawi khi dâwt.
    Fela: Liana leh Hmingi khian dâwt an sawi ve ve.

    Zawhna: A tù ber khianin nge dâwt sawi ta?

  2. Aizawl pa Khawpuia hian Champhai pa Zova a bia a.

    Khawpuia: Aizawl paho chuan dâwt hlïr an sawi.

    Zawhna: Khawpuia hian Zova hi dâwt nge thutak a hrilh? Thudik hrilh ni ta se dâwt a hrilh a ni ve tho tihna a ni mai em?

  1. Awle khirh. Awle pakhat hian (a ṭawng theiah lo ngai ta mai ula :-P ) mipa naupang pakhat hi a rù a.  Naupang pâ chuan pe lêt tùrin a va díl a. Awle chuan tihian a lo chháng a:

    I fapa chungah hian engnge ka tih dawn i sawi dik chat theih chuan ka pe lêt ang che.

    Zawhna: Naupang pa hian awle-in a fapa a pêk lêt duh loh tùr thu sawi dik chat ta sela, awle hian naupang hi a pa hnênah a pe lêt tùr nge pe lêt lo tùr? 

  2. Seville khaw lumêttu/Lumêttu thukalh. Khaw pakhat (Seville)-ah hian lumêttu pakhat chauh a awm a. Chu khuaa mite chuan khaw dang lumettu an ruaiin an pan ngai lo hrim hrim a; mahni lu an inmeh loh vëk chuan lumêttu awm chhun chu an pan ṭhin a ni (mi dang an mehtir ngai lo tawp, an ṭhiante pawh). Chu lumêttu awm chhuna chuan an khuaa mahni lu mêt thei loho lu chauh a mehsak ṭhin mai bâkah, mahni lu mêt thei lo zawng zawngte lu chu a mehsak vek bawk ṭhin a.

    Zawhna: Tuinnge hë lumêttu hi lú mehsak ṭhin? (a lu hi meh ni ve fo bawk si se=nazarit mi ni lo ta se   ;-)   )

  3.  “Tuna ka thusawi mék hi a dik chuan Zermanram leh Chainaram hi ram iná¹­henawm a ni ang“ tih hi thudik nge dâwt?
Fâte zawha chhungkuaa intihhlim mai mai chi. Naupang thil ngaihtuah peihtirna atan a á¹­ha khawp e an ti. Mahsé a inkalhna emaw a chhànna emaw (an) hmuhchhuah thiam loh paw’n (mahni in-)thiam loh loh tùr.  Tar rual intihhlimna atan chuan a maksak mah mah.
In chhiar peih loh paw’n min dem mai lo ula, thil tifamkimtu atan a á¹­ha ve hrim hrim.

Ka ziah rei nèn ka ziak phuailuai phian.

Ka lawm e.

The Unsung Hero – Pu JJ Waterstone

Sunday, July 29th, 2012

Degree of freedom sawifiah hmasa ang

Physics lam zir miah lo hnena sawifiah a har thin fu a mahse sawifiah ka’n tum dawn ang e. Thil chet dan (mechanics) lam lo zir thinte chuan kan hre sa tawh viau ang. Mahse degree of freedom awmzia hi tunthleng hian Mizoram lama graduate zirlai leh master zirlai te’n min lo la zawt leh zeuh thin, hriatthiam mai a har a ni ang e…

Thil eng pawh hi a chet vaih chuan nihna (physical sytem) danglam a nei hmiah a. Chu a nihna thar chu thununtu a nei zel a ni. Entirnan: Kawng ngil takah Car I khalh ta a. Chu I kar khalh chuan a tlanchakna avangin thil thar a nei a ni. Chu a thil thar neih chu chakna a ni. Mi tu emaw han su palh vaih teh. An thih loh vek paw’n Civil Hospital casuality lam chu inti buai hle ang. I kut tumin na taka a hnek theih ai pawha na zawkin I Car khan mihring kha a hliam thei tlat a ni.

I Car-in chakna a neihtheihna chu engti zawngin nge kan teh theih ang le… A nihna takah chuan I car kha a chetsawn avangin chakna a nei a lo ni a. Chu a chakna chu hmu turin a kal thuizawng (spatial) chu hun hmanzat nen sem la, chuan I hmuhchhuah chu amah leh amah puntir bawk la, 0.5 leh car rihzawng nen han puntir leh ta la, a lo chhuak mai ang.

(more…)

Mizoṭawng tlema zäwng

Wednesday, July 18th, 2012

Mizoṭawng thumal ṭhenkhata a hawrawp tawp ber ‘h’ a kan thlak hian a participle form kan siam tihna a ni. Entirna : Ziak/ziah, Ṭhiat/ṭhiah, Chhuak/chhuah, etc.

Ziak/ziah : Article ka’n ziak ang e, ka ZIAH zawhah misual.com-ah ka post ang. (‘ziak’ tih hi kan hmang uar lutuk mah mah, hrethiam vek mah ila dik hlel deuh awm hian ka awm a tinuam lo ṭhin. Thil reng reng hi a tirah dik mang loa kan inzirtir chuan a dik lo hian kan hre rengin kan ṭhanlenpui tawh mai ṭhin a ni.)

Ṭhiat/ṭhiah : Helai in hi i ṭhiat mai ang u, kan ṭhiah loh chuan kawng a dip reng dawn tlat.

Chhuak/chhuah : Vawiin chu tei chhuak mai mai teh ang, mahse, chuah hi ka peih lo riau mai a.

Mahse/mah se : Hei hi kan hre hrang lo ta mai emaw tih tur khawpin kan hman pawlh nasa tain ka hria. A lam dan a inang chiah a ziah pawlh a awl a ni mai thei e.

Entirna : Ka ziak phawt ang a, mahse, uluk takin ka ennawn leh ang.

Mizoramah lehkhathiam tam hle mah se hna hmu an tam chuang lo.

Kan/ka’n : Hemite pahnih hi a inangin ngaihpawlh a awl hle. ‘Kan’ tih hi a huhoa thil ti sawina ang chiah kan hmang a, ‘Ka’n’ erawh hi chu ‘Ka han’ tih lamtawi a ni.

Entirna : Kan ram boruak nuam tak ni á¹­hin hi a lum ve ta hle mai.

                Ka’n comment ve ang e.

Ani/a ni : Hei pawh hi hman pawlh awl tak a ni a, a awmzia erawh a dang daih a ni. Ani tih hi amah(third person) sawina a ni. A ni hi chu thil nihna sawina a ni tawp mai.

Entirna : misual.com hi Mizote rohlu a ni.

MNF ṭhalaite chu Aizawl khawpui chhungah Congress Gas, MEIHAWL semin an vak kual a, “Pu Häwla hmingpum eng nge  ? …Meihawla”   :-D  tiin an au rual a, ani  chuan a haw lem lo.
(more…)

Windows 8 Release Candidate

Friday, July 13th, 2012

Windows 8 Release Candidate chu ka Virtual vel leh a, video ka siam hi a tha tawk em em lo na in in lo en ve chhin duh tak in. Mahse Windows 8 hi Table a hman a tan chuan a tha khawp mai a, eng tin nge ni ang keini Touch Screen hmang ve lo tan? A mawi viau na chuang in a success lo viau mai lo maw? Start Menu kan tih te pawh an dah bo tawh dawn tlat mai.

 

Mizo á¹­awng á¹­henkhat

Saturday, July 7th, 2012

Mizo ṭawng hi a har kan ti ṭhin a, a dik, a har rêng a ni. A ziah dân thu-ah phei chuan ziah dik thlap hi thil harsa tak a ni. Ama’rawhchu, fimkhur takin ziak ta ila tûna kan ziah dik loh tam tak hi chu a ziah dik theih ngeiin a rinawm. Thiam leh thiam lovin kan hman dik loh nia ka hriat 3 lek ka’n târlang ve ang e.

1. Thih chhan: Mitthi kan neih rêng rêngin ‘Thih chhan’ tiin kan ziak á¹­hin. Hei hi a dik hlel deuh. ‘Thih chhan’ chuan lukhâwng leh nghawng lian tham deuh a nei á¹­hin. Kha thihna kha a á¹­ha zâwng emaw á¹­ha lo zâwng emaw ‘chhan nei’ a ni tihna a nih ber mai chu. Isua rawn thih chhan chu keini misualte chhandama kan awm theihnâ’n a ni. Chuvangin ‘thih chhan’ tia ziak lovin ‘Thihna chhan’ tia ziah zâwk tûr a ni. Thihna chhan kan tih chuan natna emaw, accident emaw, eng emaw thil dang vanga thi a ni tihna a ni.

(more…)

To Singapore!

Tuesday, July 3rd, 2012

Synod Hospital Durtlang a Grace Home – HIV AIDS Hospice Medical Officer in charge Dr.Lalchhanhima Ralte chu 5th Asia Pacific Palliative Care Conference Singapore a 14 – 15 July 2012 a neih turah Grace Home chungchang a ziah chu present tura sawm niin India ram atangin ani chiah hi sawm ani. Hemi conference a Singapore President Dr.Tony Tan a ho a gala dinner neih turah pawh sawm tel ve leh niin lawm man hlan ani dawn nghe nghe a ni.

Palliative care hi Mizoram ah mai pawh ni lo, India ram angah pawh subject thar/concept thar ani a. Ram changkang zawkah chuan nasa taka kalpui ani a. A tawi zawngin a awmzia chu damlo benvawn – chronic diseases – end stage cancer, hiv aids etc, damdawi leh thil danga enkawlna leh vak awm tawh chuanglo, na lutuk leh hreawm lo thei ang bera hun tawp dawn lama awmtir ti ila a tawi zawngin.

Dr.Lalchhanhima Ralte hi HIV AIDS lama mi tui leh heng ang lama Mizoram ina kan mithiam chho zel tur ani a. International HIV conference ah te pawh kal fo tawh in. October 2012 a lo awm leh tur 19th International Palliative Care Conference, Montreal, Canada ah pawh Singapore a a present tur tho hi present tura sawm leh ani bawk.

(more…)

DU admission tawp ta, cutoff a sang hmel khawp mai…

Tuesday, June 19th, 2012

Vaivawm hi ka ti teh chawk a, khawnge tun tum chu Vaivawm lo lam kan post daih teh ang. Delhi University(DU) hnuai a Admission tih theih hun chu ni 18 June khan tawp ta. Tun kum a DU admission hi a awl vak hmel loh khawp mai a. Khawvel hmasawnna kal chho zelah mi fate an thiamna a sang chho zel a. Mark pawh 90% chuang chuang hmu an pung ta zel a. DU a admission duh ang hmu lo te chuan khawvela University tha lar Ivy League lama, Cornell University leh Dartmouth College lamah te admission an zawng ta. Kan College nei that St Stephens leh SRCC a luh aiin heng Univesity leh College a luh hi a awl zawk ni ngei tur a ni . Sap tawng a thu han past kual vak hi ka duh lo viau na a, ka let buang bar peih vel lo mai ang e. Cut and Paste ve thawr mai ang. A hre chiang duh chuan tukin a Delhi Times (internet lamah lo zawng ula) hi lo chiar ve teh u….

Source: TOI: 90 percenters get Cornell, Ivy League, but not DU

Rishi Sood topped his school with a score of 94.7% in his Class XII board exams. However, Rishi and his parents are worried about getting admission in a good Delhi University college. With his cumulative score – which is the sole criterion for admission in most DU colleges – Rishi knows that he will be rejected by the top colleges. But the science student, who had also applied to various foreign universities, has got accepted in most of them, with some even offering him scholarships.

(more…)

Zirtirtu Faktlak A Ni Em??

Wednesday, June 13th, 2012

Thenkhat chuan ho kan ti viau mai thei a, a then chuan fak tlak emaw entawn tlak emaw pawh kan ti lo mai thei bawk a. Mahse he zirtirtu hi kei chuan fak tlak ah ka ngai a, chuvangin ka han post a ni.

Mampui khua (Lawngtlai District) a High School (Deficit) Headmaster Laldinsanga Ralte hi fak tlak hle in ka hria. A fate hi Middle School an zawh thleng in Lawngtlai ah English Medium private school ah a kal tir a, High School an rah phak chinah chuan ama school ngei Mampui ah a kal tir vek a ni.

Engatinge Boarding School tha ah in dah ve mai loh, in tlin awm tho si a?? tih zawhna hi an tawng hnem ve bawk a  ni ang. A ni chuan,” Zirtirtu ka ni a, ka fate chu ka school ah kal se, an nungchang leh an lehkha zir dan hi keimah ngei in hre chiang ila ka duh a ni” a ti mai thin.

(more…)