Archive for the ‘Corruption’ Category

Setana Thlêmna Thang Hlauhawm Ber 3

Sunday, December 15th, 2013

Kan Hmêlma-pa Setana hian Ringtute min Thlêmna leh min Hnehna Hmanrua tam tak a nei a. Chung zingah chuan a Hlauhawm zual 3 a awm a. He Thlêmna-te hi Kristian zingah Pitar-putar, Nula-tlangval, Ramhruaitute leh Rawngbawltu tê ber aţanga Hotu-ber thlenga kan tawh ţhin zinga Hneh hâr tak an ni. Tirhkoh Paulan, “Chuvangin, dinga inring chu fimkhur rawhse, chutilochuan a tlu dah ang e,” (1Kor.10:12) a lo ti hial a. He Thlêmna-ah hian tlu lo turin inringin, i fimkhur ang u.

1. Wealth (Ro-Sum)
Sum leh pai, hausakna duh leh ît avangin mi tam tak an tlû a. Pathian Rawngbawltu fel tak tak pawh hman tlak lohvah an chhuak ţhin. Sum hmang hian Setana’n Ram Hruaitu ţha tak tak leh Pathian Rawngbawltu tam tak a lei tawh a, a lei mek zel a ni. ‘Sum tel lovin rawng kan bawl thei lova, hna kan thawk thei lova, kan nung thei lo’ tih hi thudik a ni. Mahse, Sum hi kan ngaih pawimawh ber a ni tur a ni lova, Sum hian kan thlarau nun leh rawngbawlna a hma-khalh-in, a tichhe tur a ni lo (1Tim.6:10).

2. Power (Nihna/Lâr Duhna)
Miin Nihna (position) emaw, Lâr (popularity) emaw an duh tawh chuan eng thil tih mah an hreh lo. Miţha leh mifelte tih-chhiat te, dik lo taka midang dawta puh (false accusations) te, Pawisa hmanga tute emaw rawih a, Mi chunga kut-thlâk te, Mi Zalenna lei te, Setana biak hial te  thlengin an ti duh mai ţhin. He thil hi khawvel mite zingah te, Politics huangah te chauh a thleng lova, Pathian rawngbawltute zingah pawh a thleng mêk a ni. Setana ngei pawh kha Nihna a duh avangin Van aţanga paithlâk a ni (Isaia 14:12-17).
(more…)

Chiahpuam Part II (Sawrkar hian hmalakna a nei tawh em?)

Sunday, August 11th, 2013

Kumin March ni 11 ah khan Mizoram Direct Marketing Limited chu Companies Act 1956 hmangin Mizoram sawrkar hnuaia Industries Dept Principal Secretary, Pu PC Lallawmsanga IPS chuan a hawng a. Website ah a lem a kan hmuh ang in www.mizodirect.mizoram.gov.in/ ah sawrkar official website angin tlangzarh a ni bawk a.

He company hian Chennai-based RMP Infotec Pvt Ltd leh Mizorm sawrkar inremna nikum December ni 12, 2012 khan MoU signed puiin Mizoram Direct Marketing Ltd leh Mizo Lifestyle Marketing Pvt Ltd leh Mizoram sawrkar chu March 13, 2O13 khan licence agreement signed pui angin a thang a. Kan hriatthiam dan ber chuan chiahpuam an tih ang kha a ni.

Mizoram Direct Marketing Limited chu formal takin July ni 16, 2013 ah Kolkata a Science City Auditorium ah launched a ni a. Hetah hian Pu Lallawmsanga pawh hi a tel nghe nghe a. Pi L Tochhawng, Chief Secretary sawi dan chuan kal lo tur a tih a nih hnuah thuawih lo in a kal lui ta a ni.

Mizoramah kan hriat lar hmain vairam lamah an lo chhui nghal a. Sawrkar website a ni bawk si a. Corporate Fraud Watch phei chuan Mizoram sawrkar hnenah a nihna diktak July ni 12 khan zawhna an pe nghe nghe a. Kerala lam phei chuan TV ah Governor hming meuh a chuan avangin an chhuah ta chuai chuai a. Tichuan August ni 2 khan sawrkar chuan official in Mizoram sawrkar siam company a nih loh thu leh thil tisualtu te chungah na tak a action lak a nih tur thu puan a ni ta a. An company website pawh chu lakthlak a ni ta a ni.
(more…)

MZU Hna Lak Chungchang

Friday, July 5th, 2013

-Vanlalliana Pachuau
Vanglaini meuhin editorial-ah MZU hnuaia LDC lak dan tur chungchanga MZP hmalakna a thlawp thu a ziak tawh a, MZU hna lak dan a duh lo tihna a ni a, hei hi ka veina a rei tawh a, tunah hi chuan huaisen takin duhzawng sawina remchang a inhawngah ka ngai ta a ni.

MZU hnathawktute hi RTI Act hmanga dil chhuah vek hi ka la duh a, a bik takin Vice Chancellor AK Sharma hun hnu lama mi zawng zawng hi dil chhuak vek ila, MZU-a hnathawktu awm sa chhungte an tamzia chu chiang takin a lang dawn a ni. Mizo ngei Registrar na hnuaiah hna lak a ni a, Mizo ngei VC an nih hnu thleng pawhin hna lakah reng reng hian tu chhungte emaw an inthun hmiah hmiah mai, hei hi chu ka hre chiang ve khawp mai.
(more…)

Mizoram Engineer Service Association thuchhuah ropui!!

Friday, June 28th, 2013

28.6.2013 khan Mizoram Engineer Service Association (MESA) chuan Vanapa Hall-ah General Body Meeting an nei a, chuta ah thurel-ah chuan Sorkar-a an thilphutte a hlawhtlin theih nan Work to Rule a an kal dan tur an sawi ho. Department tih atangin Work to Rule an kalpui dan tur sawi ho a ni a, Department hrang hrang Work to Rule an kalpui dan tur chu hetiang hi a ni.

1. Er. Lalrinzuala hnen atangin PHE Department-in Work to Rule an kalpui dan tur ngaihthlak a ni a, PHE Dept.in Work to Rule an kalpui dan tur chu hetiang hi a ni.

1) Sorkarin Office hnathawh hun a bithliah ang takin Zing Dar 9 atanga tlai Dar 5 bak hna thawh loh tur.
2) Zing Dar 9:00 ah Roll Call tur a ni.
3) Office Hour chhung chauhin run dalah Pipe Leak siam that tur.
4) Zing Dar 9 atanga tlai Dar 5 thleng bak Tui sem tawh loh tur.
5) Ramhnuaiah Tui Pipe Leak a awm a nih pawhin Dar 9:00AM to 5:00pm hun chhungah bak siam that tawh loh tur.
6) Khawl reng reng uluk takin check hmasak thin tur a ni. Rei tak kan check hmasa thin ang.
7) Pumping Hour tihtlem tur.
8 ) Zing Dar 9:00 atanga tlai Dar 5:00 thleng bak tui pump chhuah tawh loh tur.
9) Office chhungin Urgent tak tak a nih loh chuan File hi nilengin kan keu kan keu tur a ni.
10) Site Inspection neih loh nise.
11) Min dawrtu te tha takin kan dawr ang.
12) CPWD Manual ang takin kan kal anga, kan Power chin chiah kan thawk tur a ni.
(more…)

EIRU LO CHUAN DENG RAWH SE

Tuesday, May 28th, 2013

A chhun mut hahdam a hun dawn tep tihah chuan a thutna thingbuk daihhlim lam rawn pan chuan mipui au thawm a hria a, thawm chuan a rawn hnaih zela,  chutiang ang huna mipui rawn pungkhawm tur chu mak a ti ang reng hle a, chil vawi tam lem pawh a ni lo ang tihah chuan a thutna thingbuk bul vel khat tlat chuan mipui chu an rawn pungkhawma, zirtirtu hmaah chuan kawrchung ha, a in a chhuahsan dawn chuan inchei fel tak tur tih hriat theih, pawr deuh fuap hi an rawn din tir a.

Mipui zinga an hruaitu ber chuan an mi man kawk pah chuan , “Ziritirtu, he pa hian mipui chanai a eirua, vawiinah a eiru lai ngei kan man a ni, a chunga I rorel dan he turin I hmaah hian kan rawn hruai a ni” a han ti a. A tawng dan velah chuan thil tha tak ti niin a inngai tih a hriat theih hle a, a thusawi zawnga a han hawi kual vel pawh chu a zam lo hle mai. Chutia an hruaitu ber a han tawng chuan mipui lam thawm chu a tha hle maia, “Khai hlum tur” “A nung chungin a vun lip ang u” ti a lo aute an awma. Zan lama zu rui zet, a nupui pawh kut thlak nghek tu, vengthlang pa pawh chu a au pawr ve hle a, kil khat atangin “Hal hlum ang u” tiin a lo au ve nasa hle a.

Sipai an lak tuma san zawng pawha tling lo, a latu thenkhat thuneihna avanga tling te phei chu chutianga mipui zinga au ah chuan a au phur ber berah an tanga. Amwze nei manga lo a mipui an au avang chuan ziritirtu chuan ngawi turin a han ti a. An mi rawn hruai chu a mit chak tak chuan a han en vanga vanga, a hmel atang chuan a ngaihtuahna thuk ber a kawm tih hai theih a ni lo.

Ziritirtu chuan eng thutlukna tak siam ang maw tiin mipui chuan an thlir thap maia. An sawi dan chuan Gilbran hunlaiah  pawh  a pu pu leh kha hmeichhe pakhatin “Aw zirtirtu ropui, hmangaihna mak leh danglam engtin nge ka neih ang?” tiin a a zawta ani chuan uipui lian tha tak zawn sak turin thurawn a lo pe a ni. Thlahtu atang rengin mite rawn an lo ni tawh thin a. Chu hunah pawh chuan ziritirtu chungah chuan beiseina an nei sang hle. Eirua an puh a chungah chuan rorelna chhinchhiah tlak leh hremna hriatzui tlak tak a a sawi an ring a ni.
(more…)

Mizoram ah Burma mi nih a vanduai thlak khop

Sunday, May 12th, 2013

Burma mi ni lo tan chuan hrethiam suh e,

Khawlvel ah pian dawn in Burma mi nih thlang sa an awm ka ring bik lo. Mizoram ah Mizo ni turin pian hma in siamtu Pathian hnen ah duhthlang kan awm lo hrim hrim. Mahse, Mizo le Burma mi tiin kan lo piang e.

Ram harsat vangin Mizoram ah Burma mi, tun hma Lushai/Mizo cithlahtu te chi leh hnam pui te, an rawn in pulut e. Ramri ah Immigration Policy mumal awm suh, sum a pawimah ni mai, sang tel in Mizoram ah Burma mi an lut char char e.

Mizoram ah duhsak deuh leh hlawkpui deuh chu Vote te neih tir hmiah hmiah a, duh lo deuh chu Burma mi ti tlat thin a.

(more…)

India ram Political Party lian zual te sum hmuh dan 2004-2011 (Fundraising and donations)

Monday, April 22nd, 2013

Mizoram Party ten an ngam ve ang em?

Association for Democratic Reforms (ADR) leh National Election Watch (NEW) ten a political party te finance leh funding langtlang a nih theih nan a an hmalakna a zarah leh IT Returns leh EC a report an theh luh atang a a lan dan in kum 2004 atang a 2011 khan vbc 4662 teh meuh party te hian sum an la lut a. Heng an lak luh te za a 80 bawr vel (average) hi chu donation atang a an dawn niin an report bawk.

Congress in an la lut hnem ber a. 2004 a vbc 222 chuah nei kha 2011 ah chuan vbc 2008 an nei der tawh ani. BJP in dawt leh in 2004 ah vbc 307 an nei a, 2011 ah chuan vbc 994 an nawi hman bawk a. BSP in dawt leh in vbc 484 sum an hmu bawk a ni.

Za a 80 atang 99 thleng deuh thaw hi donation atang a an dawn niin an tarlang a. Chutih laiin Representation of People Act of 1951 in cheng singhnih aia tam kum khat chhung a thawh chu details a phut avangin heti zat thawh tu zatah hian za a 10 atanga 15 vel chauh mimal in sing hnih aia tam an thawh tih an tar lang bawk.

Mimal bakah hian corporates ho in an thawh nasa hle a. General Electoral Trust phei chuan vbc 36 leh vbc 26 Congress leh BJP ah an chhung kawp ve ve a. Torrent Power pawhin vbc 14 leh 13 an pe ve ve bawk. Heng bakah hian Videocon/ Dempo/ Salgaocar etc etc te hian Party hrang hrang ah sem kual in vbc chuang theuh an donate bawk a ni.
(more…)

Transparency in governance (Rorelna langtlang kan tih thin chu!)

Sunday, April 21st, 2013

Department of Personnel and Training (DoPT) in guidelines a chhuah ah chuan Public Private Partnership (PPP) Model kalpui zawng te public authorities ten inremna thuthlung, thawhpui tur thlan dan engkim a detail in mipui hmuh theih/ website ah phochhuak turin a ti ta (voluntarily).

(Thuhma: He mi in a nghawng chu tun a Mizoram a political parties te inchirhthehna ber, Health Care Scheme a ni emaw, Call Center chungchang a ni emaw, e-governance chungchang a ni emaw ldt. mipui ten zawh chawp ngai lo in a nihna dik tak full disclosure website/ internet ah an dah a nih chuan dawt puarpawleng a awm lo ang a. Thudik mipuiten kan hre zung zung tawh mai dawn ani. Kan ram hruaitu te hian an implement ngam ang em?)
(more…)

MSU FIR thehluh chhan kimchang

Sunday, April 7th, 2013

6.4.2013: Mizo Students’ Union (MSU) General Headquarters chuan Paul Zoramliana, Principal National Institute of Open Schooling (N.I.O.S), Govt. Aizawl West College behchhana zirtirna kalpui thin lakah nimin (Dt. 05.04.2013) khan First Information Report (FIR) Vaivakawn Police Station-ah a thehlut.

Open School Principal Paul Zoramliana hian Class-XII zirlaite hnenah admission fee rualkhai lo takin zirlaite hnenah Rs. 1700/- te, Rs. 1500/- te leh Rs. 1200/- te a laksak a, heng zirlaite hnenah hian receipt mumal pawh pe lovin pawisa hi a laksak mai thin a ni. Tin, heng bakah hian Open School-ah zirlaite hnen atangin monthly fee lak loh tur a nih laiin thla tin zirlai pakhat hnenah Rs. 300/- a laksak thin a, exam fee atan zirlai pakhatah Rs. 1000/- theuh laksak lehin heng pawisate hi a hlawma pe turin zirlaite hnenah hriattirna a chhuah hnuah zirlaite hian an Principal-in pawisa pek tur a tih hi a hlawmin an pe deuh vek tawh bawk a ni. Hetianga zirlaite hnena dan dik lo taka pawisa a laksak tawh hnuah zirlai mi 20 (Sawmhnih) chuang zet chu exam thei lovin a titangkhang leh mek a, chuvangin MSU hian hma a la ta a ni.

Open School Principal, Paul Zoramliana hian a zirlai naupangte exam theih loh chhan ni-a a sawi chu ‘Home Assignment an submit kim lo’ tih te, ‘Internet chak loh vanga thil tul a tihfel hman loh’ tih te hi a ni a, hei hi MSU chuan chhuanlam tling lovah ngaiin he Principal hi tun hnuah zirna lama inkaihhnawih tawh lo turin an duh thu, vawiina Press Release an siamah an tarlang bawk.

Open School Principal Paul Zoramliana hian a zirlai naupangte rilru a tihnatsak man hi MSU chuan pe ngei se an ti a, chumi atan chuan a zirlaite hnena ngaihdam a dil mai bakah zirlaite hnena pawisa a lo laksak tawh zawng zawng hi pekir leh vek turin a phut tlat a, zirlaite nun a tihbeidawnna leh zirlaite laka harsatna a siam man hi zirlai pakhatah Rs. 30000/- (Singthum) aia tlem lo pe theuh turin MSU chuan an phut bawk.

ZNP kan tlhan tlin chuan eiru ho tan khua a eng dawn, an ti

Saturday, February 23rd, 2013

News leh comment ka lo hmuh ve thuak ah chuan hmanni ZNP ho kawngzawhna ah khan an hotu pakhatin an party kan thlan tlin chuan corruption lama in hmamhnawih nia puhte case khar an tum, tih an sawi ani awm e.

Nikum maia MNF ho pawisa sem tum ang deuh khan thil tha tak anih ka ring. Corruption lama kut bal ho zawng zawng hi man in tan tir a ila, sorkar office ah office hmuh tur alawi an awm dawn si lo. Biakin nise kohhran upa an tlewm phah kawk dawn si a. ZNP ho tiam anga ngaihdam mai hi thatna riau a awm into velo maw?