Archive for the ‘Copy Paste’ Category

Lianurha of Thingsai khua Ramhuai hmuh dan

Saturday, August 4th, 2012

(Ama țawngkam angin ziak a ni)

Kum 1969 khan Ţiau kawng lamah lo atan Thalhrit kawn ka nei a, buh hmin dawnin ka lovah chuan sanghal a chhuak thin a. Chu mi veng chuan ka riak a, lungfal pang aka thlam velah chuan ka kam a. Zan khat chu khua a thim chauh tihin ka lungfal chu a per a, ka han en a, sazu te tak te hi a lo delh a, ka rawh ta a. Ka rawh zawh chuan thingpui ka in lain ka lungfal chu a per lehin ka hria a, ka zuk en leh a, a lo per hauh si lo va. Ka chho dawn a, a dang chu per ang chiahin a ri leh chhak a, ka zu en leh a, a lo per leh miah si lo va. Ka chhoh dawn țep chuan a thlanga mi chu per chiahin ka hre leh a, ka zuk en chuan a lo per leh lo va, mak ka ti hle mai a, “Engtizia nge maw ni chu le?” ka ti a, mak ti tak chuan thlamah chuan ka lut ta a.

Inrinni a lo thleng a, kan hawn kawngah chuan Pu Taithanga nen kan haw tlang a, ka thil tawn ang chiaha lungfal a kama per ri ang taka a awma a per hauh si loh thu chu a sawi ta a. Kei chuan, “Kei pawh chutiang chiah chuan ka lungfal zu awm a, mak ka tie m em mai a, a ngaihna lah chu ka hre si lo va,” ka ti a. Ani chuan, “A, Liana, chutiang chu rammi alawm maw le,” a ti a.

Kar lehah chuan ka ri pa nen chuan riak turin kan insawm leh a, ani pawh chuan riah ngei tumin a insawi a, kei chu ka kal ta mai a. Tlaiah chuan ka ri pa chu a lo kal leh kal loh ka lo thlir reng a, thim dawn țep chuan ka thlam bul kawngah chuan mi lo kal rawn țawng nawk nawk hi ka hria a, ka thlam zawn rawn thleng awma ka rin chuan ka hank o va, min chhang ta reng reng lo mai a, mi tihder tumah ka ngai mai a.

(more…)

Thu nepnawi mai mai

Monday, July 23rd, 2012

Tunlai chu ka dan pangai te bawkin thu leh hla lamah ka dang a char kher mai; thu ziak tur reng ka hre lo va, thiante thuziaksa meuh pawh comment ngaihna reng reng ka hre hek lo. Ziak ve hram ka duh si, ziak tur reng ka hre bawk si lo, tihian ka blog lama ka ziak hlui tawh tak haichhuakin ka rawn chhawp chhuak ve ngawt anih hi……

 Finna leh keimah

Mahni tawka fing intih ve tawh naka laiin nitin ka atzia leh ka lo fin tawk loh zia ka hrechhuak fo thin. Mahni tawkah lehkha hi ka chhiar tam ve thawkhat a, finna pawh tam tak ka chhar chhuak; ka finna chhar chhuah te erawh ka hmang tangkai thiam chuang si lo anih hi.

He hringnun ah hian tihtur ka intuk ve a, chung ka tihtur nia ka ngaih te chu tihhlawhtlin tumin hma ka han la ve bawk thin, mahse engmah tak tak tihpuitlin theih ka nei chuang si lo. He khawvel ropuina leh hausakna te hi ka chanpual tur an ni ve lo a niang e. A tawng tam apiang hi fing tur ni ta se, ka va’n lo fing dawn tak em. “Fing viau” nia inngaih hi ka tan a tha lo va, chutihlaiin “a hle” anga inngaih tlat erawh ka tan a hlauhawm hle tho si. (more…)

Silchar Jail atangin – III !!!

Monday, July 23rd, 2012

Darkar khat vel an kal hnu chuan zial zuin an thu chawl a, Rualzachhinga chuan, “Pathian hi a awm tak tak a niang a, awm tak tak ni ta sekan be khatin kan kawm ngeih lo ropui si a, min tanpui a duhna chhan tur ka hre lo. Heti khawpa kan bepawp lo chung pawha min hre renga min tanpui a ni tih hrechiang ngat ila chuan han biak ve chhin pawh ka hreh lo, thaba kan sut chu a tul a ni; nau Darh, kei aiin i nel deuh ang han tawngtai teh,” a rawn tichhuak a.

“Rualzachhing, chutiang sawi kual sawi kual angai lo. A khawngaih che a, a hmangaih che a nih chuan Jail-a tang lovin hmelma lakah pawh a hum thei reng che a lawm. Jail-ah rethei taka hrehawm tuarin rilru hah takin i tang a, i thiamna zawng zawng hmangin Vai i bum a, i tumruhna leh thahnem ngaihna leh i huaisenna avangin thi lova ruangin Jail atangin i tlan chhuak a, ti hian hah tak leh thlaphang zek zekin i awm mek a.

Independence-te hi sual hah kher ngai lovin British kut atanga India a indan rual khan lo independence ni ila, hetiang taka talbuai a ngai lo tur….duh leh Pu Haleluia hi tawngtai sela, pianphung leh hmelah pawh hotu chan an chang deuh a lawm, ani hi keini ai chuan a lo ngaipawimawh deuh ang..” tiin Zaidarhzauvan Rualzachhinga chu a chhang a. An han nui leh dar dar a.

(more…)

Silchar Jail atangin – II !!

Monday, July 23rd, 2012

Mahse tumah insawh na an awm lo hlauh mai a, thawm dim takin an han tan tha leh a, an han ding mar chu Darha’n Jail bang kotlang a la ban pha lova, R.Haleluia leh Zailiana-ten Lalhmangaiha keah a rualin an kutin an chawikang leh vak a, Darha’n Jail kotlang chu a ban pha ta a. A kotlangah chuan a lawnkai nghal a.

Darha a lawnkai fel hnu chuan komol, a tlang kila an suihzawm sa chu an pe chho a. Darha chu bang tlangah chuan a bawk phek a ngun takin a thlir kual vel a, duty rawn hmu mai tur an awm lo tih a hriat hnu chuan a komol ken chu a thlak thla a, anin a hmawrah a lo chelh a, a thiante chu an lawn chho ta a.

Chutia an inpawh kai kim hnu chuan puanhmawr lehlam chu Jail pawnah an thlak thla a, puan chuan an uai thla leh a. A hnuhnung bera chhuk Zaidarhzauva chu komol bang tlang atanga lopawttu awm tawh hek lo, komol nen chuan Jail bang hrulah chuan a hlawm thla tawp mai a, R.Haleluia a delh fuh thelh nghe nghe a, a tlakna lai chu leitha dur a ni hlauh a, a insawhna lo va.

(more…)

Silchar Jail atangin – I !

Monday, July 23rd, 2012

Silchar Jail Layout

Tlanchhuakte : 1.R.Haleluia 2. Zailiana 3. Zaidarhzauva 4. Hmuaka 5. Lalhmangaiha 6. Rualzachhinga

Silchar Jail hi hmarthlang lamah zauh (extend) a ni a, an zauh chhungah hian in a dung 60 ft., a vang 20 ft. pahnih an sa a. An zawm seina chin chu leirawhchan rem (partition wall) a ni a, inkalpawhna kawngkapui pakhat a awm a. A tualzawlah chuan warder chhun zan zawmin an duty a, tangte chu an kim leh kim loh darkar tin an chhiar zel thin.

1967 March thla a R.Haleluia leh a thiante an tan lai hian Silchar Jailah vai tang 70-90 vel an awm a. Mizo tang te chu Jail zawm seiah hian an dah deuh bik thin. Jail hungna lungrem san zawng hi 16 ft. a ni a, an zawm sei chin chu 2 ft. a ti sangin 18 ft. a sang a ni.
An sawi danin Mizoram a buai avangin Mizoram Jail-ah tang an tam a, Jailin a zawh loh avangin Mizorama leng lo te dah nan Assam Sawrkarin Silchar Jail hi a zauh tir niin an sawi.

(more…)

Pamanga bahzar !

Saturday, July 21st, 2012

[Source : Mizo chanchin by Hrangthiauva&Lalchungnunga]

Hman laia Mizoram thlang tla hmasate zinga Khuanglawi, Khuangchhip, Khuangvum leh Kawmho hnam, Mizoram chhim lam pan tate zinga an hnam peng Bawhmawng hnama Pamanga hi Matu ram depa an awm laia chungho zinga lal a ni a. Lal ropui tak a ni a. In ropui tak a nei a. A inah chuan bahzar a siam a. Bahzar chu inchhungah kawmchar lamah chhuat kang sang bikin an siam a. Chumi chhuata thu chunga khaw hawi theihna tawka sangah chuan tukverh khamphei zawlbuk awkpaka ang siam a ni thin a. Thangchhuah pa lo chuan siam ve ngawt theih pawh a n lo va.

Pamanga chuan a in atanga mel chanve vela hla-ah sumdawnna hmun, dawrpui a siam a. Fur lai chuan chu mi dawrpuia kal a duh chuan a bahzar atang chuan chhim chhak zawn a thlir thin a. Chumi zawn van chu a en chuan khua a tha thin a, a en loh chuan ruah a sur deuh ngei ngei thin a. Chumi zawn kawl a en tuk chuan Pamanga chu dawrpuiah a kal thin a, a en loh chuan ruah a sur ngei dawn tih ringin a kal duh thin lo va. A chhichiahna chu a lo dik thin ta a.

(more…)

Tuirial Jail Escape III

Thursday, July 19th, 2012

(Tuirial Jail Escape I)

(Tuirial Jail Escape II)

Tuirial Jail Layout

Zan dar 12:00 hnu hretah chhuah tan ni se tiin an rel a, mutna an siam ta sang sang a, thosilen an zar theuh va, thosilen hnuaiah chuan an puanthuah chu mihring mu niawm takin an siam a, zanlai dar 12:00 chu an nghak ta thap a. Dar 12:00 a rik hnu hretah chuan an tho sang sang a, Vanlalauva’n “Chawnmawiin hnu ka’n dal ang e,” a ti a. Lalhmachhuana’n, “Hmaitlang thain hma ka’n hruai an e,” tiin hma a hruai a, leiverh tanna pindan panin an in zui phei ta tham tham a.

Leiverh chhung an han vak lut chu hmaa mite keartui khawih pha theuhin an bawk vak lut a, Lalhmachhuana(Steve McQueen…mitthlaah a lang ) chuan leiverh bak la awm kha a verh tlang nghal a, dim takin a chhuak tham tham a, an verh chhuahna chu CRPF duty-na atanga lang lo chiah ko bung hnuai hnim zingah a ni a. An han chhuak chu hmasa lam chuan thawm an dim hle a, mi 6 vel an chhuah hnu chuan thawm dim sen a ni ta lo va, an ri thla ta sun sun mai a.Watch Tower-a duty ten Torchlight-in thawm awmna lam chu an en a, mau hnah che lawih lawih chu an hmu thei a, ko bung deuh anih avangin hnuai lam chu an hmu thei lo va.

(more…)

TUPAC SHAKUR HI ALA DAM TAK TAK EM?

Wednesday, July 18th, 2012

SOURCE: Weeklyworldnews.com

NEW ZEALAND – PBS reported that the  rapper Tupac Shakur was sighted in New Zealand on may 2012..

PBS is reporting that  Tupac Shakur was sighted and photographed having drinks at a bar in Auckland, New Zealand.  Soon thereafter the internet was ablaze with speculation if this was real and Tupac was really alive.

Tupac Shakur was allegedly gunned down September 7th 1996 after leaving a boxing match.  However reporters have discovered that Tupac actually survived the shooting, but he and record label executives paid off medical examiners to claim he had died.  His apparent death allowed him to escape his assailants and his constant legal battles.

Since then Tupac had lived in hiding under an assumed name in rural Pennsylvania.  Weekly World News reporters tracked down the beloved rap star to his new home.

With regards to going into hiding he said, “At first it was life or death.  I’d just been shot at and I knew it wasn’t going to stop.  Once I was out of the game, a fresh start looked too good.  All the baggage from the old life, I could let it go and walk away.”

Since then, “I mostly keep my head low.  Don’t draw attention.  Staying out of trouble.”

When asked about how he spends his time, he said, “Ya know, same old same old.  Shop at the Farmer’s Market.  Keep my bees, get some honey.  Flirt with the girls at Dairy Queen.  Nothin’ big.”
(more…)

Tuirial Jail Escape II

Wednesday, July 18th, 2012

(Tuirial Jail Escape I)

Lei an verh tantirh atangin Lalfima, Phulpui chu a tanna ward no.1 kawtah tingtang tar lam nen a duty thin a. Warder leh CRPF duty te rilru lapeng turin tingtang tar lam nen chuan a zai thin a. A zai nin hnuah Radio chu a on thung a, lunglen vak loh tum leh thawh fuh vak loh tum paw’n a zai a ngai tho thin si a, tum deuh to chunga a zai liam mai mai ni pawh a tam mai. “A tul chuan hmui vung bur paw’n kan zai anga a ni mai a lawm………!” a ti thei reng a ni.

An leiverh laiah lung a awm avangin an chawlhsan rih a, leiverh chhunzawm dan tur tactic hran an ngaihtuah a. Fima chu Radio leh tingtang bakah tin chhia nen a inchhawp tel ang a, Biaksanga hmeichhe thuam inbelin hmeichhe lemah a chang ang a, Fima zai remin alam thin ang. An tactic thar chu zanah an practice hmasa te te a.

A tukah chuan Fima chuan lam sawh tawk tawkna lam hla, “…Tleitir kekawr zuih lubuk..”, “Kei ni zawngin Rock N Roll kan chhai e..” tih hlate chu hot tak maiin a han sa a, Biaksanga kha hmeichhe lemah changin lam uar angaih lai khan zuanga tumin tin chhia kha a vaw ri ta thin a. CRPF leh warder-te chuan thil dang tih zai rel lo lekin an thlir a. Hetih lai hian lei verhtute pawhin thawm dim miah lovin lung chu chheni leh tuboh nen an chhu awrh awrh ngam ta a, an lungpui hmachhawn pawh chu an chhu bal thei ta a. Nidangah an leiverh laia lung chang deuh a lo awm chang chuan Fima te thian dun chu an zaiin an lam mai thin a, awlsam takin hna an thawh theih phah thin.

(more…)

Tuirial Jail Escape

Wednesday, July 18th, 2012

Tuirial Jail hi Aizawl Jail-ah (Millenium Centre awmna hi)tang an tam thin em avangin temporary deuh va sak a ni a. A hmun hi NH 54 atanga peng in khawchhak hawiin kan tlan a, Airfield panna kawng hmar lam a a her kualna laiah ding lamah a awm a ni.

Tuirial Jail hi thirhlingnei (barbed wire) 15 ft a sanga hung a ni a, A zau zawng hi a vang 50m leh a dung 100m vel a ni. Thirhlingnei hungna hrulah chuan ralveng awmna duty post(watch tower) 15 ft a sang ah 100ft dan vel zelah a awm a, watch tower 4 dan zelah LMG (Light Machine Gun) an bun bawk a. Ralvengte hi chhun zan zawmin (24×7) an duty reng thin.

Jail chhungah hian tang-ho dahna in (ward) 3, choka 1, tuizem pakhat a awm a. Jail pawnah hian CRPF Barrack leh Jail Office chu Gate sirah chuan a awm bawk a ni. Ward No. 3 hi pindan 3 ah thensawmin a hmar lam ber chu Non Criminal Lunatic (NCL), Mi a dahna tura tih a ni a, mahse mi a an awm loh avangin a ruak a. Pindan laita pawh a ruak a ( Biak inah an hmang), A chhim dep ber chu tang riahna a ni.

Tuirial Jailah hian mi 60-70 vel an tang a, an zinga 20-25 te chu Political Prisioner (MNF) an ni a, a dang zawng chu criminal case leh Foreigner case-a tang an ni hlawm. Tang te hian an zing atangin Board of Controller (Jail manual-ah a awm lo, tangten an siam chawp a ni) an thlang chhuak thin a. He board hian Jail tangte displine an kenkawh ve bakah administration-ah an pawimawh em em a ni. Kum 1979-a Tuirial Jail tangte’n Board of Controller hotu atan a an thlan chu Pu Ngaihchhinga a ni.

Tuirial Jail-a tang zingah hian tlanchhuah tum tlat pawl an awm a, tul ti lem lo an awm bawk a. Tlanchhuah tum ho chu Pu Lalhmingthanga’n a ho va, chungte chu Lalhmachhuana, Lalrawngbawla, Vanlalvena, Lalbiaksanga, Lalrengliana, Lalfima, Hmingtea leh Tanpuia te an ni.

(more…)