Archive for the ‘Christmas’ Category

PEACE CHILD(Inremna Nau lo piang chu) – {Krismas }

Saturday, December 28th, 2013

Kum zabi sawmhnihna chhunga Missionary ropui ber mai pakhat chu Canada mi Don Richardson hi ani awm e. Kum 1935 ah lo piangin Kum 1965 khan Indonesia a Western New Guinea ah a nupui Carol Richardson leh an naute thla 7 mi lek nen, Lu la hnam leh Hringei nia an sawi thin, hnam mawl em em leh kawlhsen em em mai, ‘Sawi’ ho an han luhchilh a ni.

An zinga an han chen tirh atang rengin harsatna tam tak an tawk a, vawi tam tak thah an tum a, thi lo aruangin an chhuak hram hram thin a ni. Theih ang tawkin ‘Sawi’ ho tawng te an han zir nghal a, an tawng lah chu a lo har kher mai lehnghal a. Amaherawhchu, an tumin an bei ngawrh bawk a, an thiam ve ta mai a. Carol chuan damlo enkawl lam a lo buaipui ve nasa a, Sawi ho pawhin an pawm ve sawt em em a ni.

Tichuan le, tumkhat chu Don Richardson-a chuan hun remchang a hmu fuh ta a, In pakhat khat tlata ‘Sawi’ ho thukhawm chu an tawng ngei mai chuan, Lal Isua chanchin chu thahnemngai takin a han hrilh ta a. Isua hun tawp lam a han sawi lai chuan an phun ta mur mur mai a, a thusawi chu a tla tha hle niah ngaiin, eng vanga phun ta mur mur nge annih a han zawh nak chuan, an hotupa chuan, “Chutianga a Zirtirte zing ami mai maiin tangka sawmthuma a hralh theih Isua chu kan ngaisang ve lo, Mahni Zirtirtu pawh hralh thei khawpa fing Juda Iskariota chu kan ngaisang daih zawk” an ti ta mai a, Missionary tan chuan a beidawn thlakin a mangan thlak hle awm e.
(more…)

Pa hun tiam.

Thursday, December 26th, 2013

“Nimahsela a hun bi a lo kim khan fa nihna kan hmuh theih nan Dan hnuaia awmte chu tlan turin Pathianin a Fapa, hmeichhe hrin, Dan hnuaia lo piangin a tir chhuak ta a” (Galatia 4:4).

Bible-hi ngun taka kan zir chuan, Pathian chatuan thil ruahman kan hmu thei a. Genesis atanga Thupuan thleng hian Pathian thil ruahman leh a lo thlen famkimna te, lo la thleng leh zel tur te kan hmu a ni. Khawvel hun tawpa Sakawlh lo chhuak tur te, He khawvel chunga Pathian thinurna berhbu leihbuak tur te, Harmageddon Indona lo awm tur te, Setana leh Sakawlh te Chatuan hremhmuna paiha awm a, chatuana a chhun a zana nghaisak an nih tur te, Mihring thi tawh te thlarau zawng zawngten Rorelna hnuhnung ber an tawh tur leh, Thiam loh chang Nunna bua hming ziak loh zawng zawng te Hremhmuna paih annih tur te, Isua Krista leh a Kohhran inneih hun tur(Vanrama Ringtute kan lawi luh hun tur)te, Lawmman sem anih tur zia thlengin a inziak lawk vek a ni.
Pathianin a Fapa he khawvela a rawn tirh dawn pawh hian a rawn Sezawl chhuah tawp hauh lo mai a, khawvel hi a lo buatsaih lawk sa diam a, a hun dik takah a rawn pian tir chat mai a ni. Chung chu engte nge ni I han thlir ho dawn teh ang:-

1. Chanchin tha a darh chak theih nan, A fapa Isua Krista pian nan Khawvel laili lai a rawn thlang:
“Pathianin Khawvel a hmangaih em em a, chutichuan a fapa mal neih chhun a pe a’(Johana 3:16) leh
“Ama hmingin simna thu leh sual ngaihhnathiamna thu Jerusalem khuaa tanin, hnam tin hnenah an hril ang”(Luka 24:47)
Tih thu an chhiar hian Kum zabi pahnihna vela mi te chu an nuih a lo za deuh thin ani awm e.
Greek miffing Celsus-a phei chuan AD 175 naah khan Lehkhabu a lo ziak hial a ni. (more…)

MITIN TA TUR CHANCHINTHA!

Wednesday, December 25th, 2013

Krismas a hnai tawh hle a, a nihna takah chuan Lal pian champha lo thlen nan kar khat em pawh ni a awm tling tawh lova, nili chauhvin a dang tawh a — hnai tawh tak a ni.

Thla thum zen zawn ka tawmna ngaiah ka tawm tawh a ni ber a. Kan tul theih em avang leh ka thil buaipui lai chu zawh fel thuai thuai tuma theihtawp (leh tlem!) ka chhuah avangin university campus pawn lamah inkhawm tura Pathiannia va chhuah takngial pawh thil awlai a ni hranpa vak lo. Tunah erawh chuan buai zualpui a reh ve ta deuhva, hahdam zawka thawk han lakte pawh a chakawm ve tawh reng reng a, krismas lah a lo hnai em em tawh bawk nen — rilrua helhkam ren run awmte pawh ka inthing thla zo deuh thaw tawh a. Hetih hun lai hi thlawhna leh lirthei dang ticket rush lai a ni a. Aizawl lam pan tum mi tamtakte chu ticket ngaihtuahin an phili buai leh fe dawn tih ka hre kar a. Chuvangin, kei chuan Delhi ka pan hma daih khan Zotlangsang lama let lehna tur ticket pawh Aizawlah ka ti fel (thlip thlep) tawh nghe nghe a. Naktip maiah Aizawl lam pana ka haw lehna tur air ticket chu ka bag-ah a awm fel ran tawh a ni.
(more…)

Tihtakzeta Lal Isua Chibai Bûktu – Mifingte {Sunday Pual}

Monday, December 23rd, 2013

Matthaia 2:1-18-a kan hmuh angin, Lal Isua Bethlehem-a a lo pian khan, Khawchhak Mifingte, Lal Heroda leh Berampute khan Chibai an bûk ţheuhva. Chibai bûk tu mi chi 2 kan hmu a – Tihtak zeta Chibai buktute (Mifingte & Berampute) leh Adera Chibai buktu (Heroda) te an ni. Vawiinah hian Matt.2:1-18 thu aţang hian Lal Isua Chibai Bûktute Mi Chi 2 Zinga “Tihtak zeta Lal Isua Chibai Bûktu Mifingte” Chanchin hi kan zirho dawn a ni.

1. Mifingten Judate Lal Arsi An Rawn Zui
Khawchhak Mifingte hi Zawlnei Balaam-a khan Messiah (Judate Lal) lo pianna tur-a Arsi lo chhuak tur thu kha a lo sawi lawk tawh avangin, Mifingte pawh hian kha Thuhrilhlawkna (prophecy) kha an rawn umzui tih a lang a (Numb.24:17). Anmahni ngaihtuah chhuah mai mai a ni lova, Pathian Thlarauvin a rawn tirh-te an ni tih alang chiang hle.

2. Mifingte Tihsual – Heroda In-ah Judate Lal An Zawng!?
Judate Lal Arsi” (Bethlehem Arsi tia kan koh tak) ngei chu zuiin, he Arsi ngei hi En-in Jerusalem khaw bul thlengin an rawn kal a ni. Arsi-in hruai a tumna hmun Bethlehem khua hi Jerusalem khawpui kal pelh a, mel 5 vela hlaa awm a ni. Mahse, Jerusalem khawpui an thlen hian, Judate khawpui a nih avangin “Judate Lal” chu Jerusalem khawpui, Judate khawpui ngeiah piang turah an ngai a, Arsi en tawh lovin, an mihring rilru thiamna leh finna chu hmang zawkin Jerusalem-a Lal Heroda In-ah an lut a, “Judate Lal lo piang” chanchin chu an zawt ta a ni (vv.1-2).
(more…)

“Christmas Shoes” – New Song

Sunday, November 10th, 2013

Krismas ni a hêr chhuak tep a
Kei chu mî intlar put zingah chuan ka ding ve a,
Thil pêk pahnih-khat lei turin.
Mahse, Krismas boruakah erawh ka chêng lo.
Ka hma chiaha ding chu
Mipa naupang manganna hmêl pu chu a ni a;
Mipa naupang dang ang bawkin
A hawi kual a, a mit erawh a ngui êm êm a,
A kuta a ken chu- Pheikhawk khing hnih a ni. (more…)

TAHNA KRISMAS

Friday, November 8th, 2013

 -H.zate  [Ni 31/Oct/ 2013]

Nipui lum bur bur, awm mai mai pawh a thlantui far zawih zawih theihna hunin mual a liam a, Furpui hun chhia leh diak, Thosi leh Ramsa tinreng ninhleina hun pawhin damte’n Kawl ah mual min liamsan ta a, Khawvel chuan hun thar, a la hmuh ngai reng reng loh tawngin, Sappui tawng a ‘Ber’ thla intanin, Thlasik rim a rawn nam tan ta a. Zirlai tamtakin an zirna hmawr anbawk tan a, Nu leh Pa pawhin thlansaphul kai a, a-sur-a-sa hnuaia an thlochhuah chu an sik tan ta a. Chu hunah chuan ani Nu leh Pa nih nawmloh zia leh Nutling Patling nih harzia chu a rawn lan tak thin ni.

He hun nuam leh hlimawm em em, India a Kutpui  hun (Festival Period)  tia ankoh hial mai hi, a nawmzia hrelo an emaw chu. A Mi’n an hril Siknieng mawizia te hi tukhaw hrilh ngailoin thlanga Tlangsam te pawhin an hria a. Chumai pawh ala ni lo , a khi chhak tlang a Tuahthing pawhin a parmawi a chhuah asin?! Tlangsam a par a, Japan hlo pawhin Lal piang chibai buk hmanloh hlau niawm fahranin dai ah par alo chhuah ve bawk a, chunga Sirva hramthiam te pawhin hramthiam tawp chhuah in anlo ri ve chel chul a. Lal thar chibai buk turin mi tin an in peih tawh. (more…)

2012 Krismas Kan hman dan.

Sunday, December 30th, 2012

Arunachal-a Kristiante hi naupang fel ve fu tawh, thil zir lai mek leh thil tha nia an hriat chu chak taka bawh ruih ruih zel an ni vein ka hria a. Krismas-ah pawh hian Speaker neih ngei turah an ngai deuh tawh a, keipawh kan khua atanga km 400 zeta hla East Kameng District khawpui Seppa khuaa Baptist Kohhran 3 awm zinga 1 Bosso ho chuan Speaker-ah min rawn sawm ve a. An bialtu Pastor leh an Kohhran Secretary te chu kan Sikul a an fate dah mek annih avang leh he khua Sualna lama hmingthang tak maiah hian naupang kan neih nual avangin a phur awm ang reng hle mai. Seppa lam mi leh sa tih tawh chuan, sual tura ngaih anni deuh tawp mai a, an tihkhai hle a ni. Zankhat pawh Truck 2 hi an intawk lawi a, kawng an inkian tha duh lo ve ve khawp mai a, pakhat zawk chuan, “min kian(side) rang mai rawh, Kurung Kumey mi ka nih hi” a han ti a. Pakhat zawk chuan, “Mai mai a, keipawh Seppa mi kani asin” a ti ve ta a. Motor dang an lo thleng zel a, an han enchian nak chuan, Bengali ve ve an lo ni a” an tia lawm.

Kan chhungkua bakah staff thenkhat hruai tel tumin kan in rep ve nasa hle mai a. Amaherawhchu, kumin hian Lunglei Venglai kohhran ho Work Camp nei turin kan sawm a, an hna a laklawh avangin Krismas pawh cham an tum ta si a, rorel a khirh ta talh mai. Kan Driver nen chauha kal bakah hun ren thei ang berin Inrinni zan (December ni 22) a chhuah a, a tuk Sunday chhuna thlen a, Krismas ruaitheh zawha kir leh vang vang kan tum ta a ni(Arunachal-ah chuan Ruai theh zawh hian Krismas chu a tawp a ni mai tih lo hre ta i la). Seppa khaw thlen hma deuh km 10 velah hian Thingtlang khaw te reuh te in 30 vel emaw lek Bula khua a awm a, chutah chuan, Speaker turin Puanthui zirtirtu Pi Chhawni a kal ve dawn bawk a, kan zirtirtu 1 a hruai ve bawk a, Inrinni zanlai dar 2 velah Rizai hlimin khawvawt vur maiah chuan kan han tho a, Assam helho tamna leh misual tak tak tamna lam kawng zan thima zawh tura han chhuah chu a phurawm ta lo hle mai.

Chtih nak alai chuan, Assam atanga Arunachal kan luh leh dawn chuan, Bhalukpong Check gate-ah Motor neitu hmingah ka hming awm chu Mizo hming ani tih an hre si a(Sikul Motor hi ka hminga Register ani a), Inner Line Permit te min la dil zui. A hmanhmawh thlak tawh si a, engemaw ti tiin ka namnul a, kan tlan tlang lui ta. A tuk Chawhnuah kan va thleng ta a ni. (more…)

Krismas 2012 @ Bangalore

Sunday, December 30th, 2012

Kei hi…
Kumin Krismas vuakvet chu, mi(sual) inpui nghaktu zinga mi ka ni ve hial awm mang e. Mi(sual)-pui te’n Krismas an hman dan leh thlalak hmuhnawm tak an tarlang ta bawk a, ka’n zep tel ve hram te’ng. Thingtlang mawngping U-a-ma hman dan ka sermon zing ta malh malh alawm le.. :-)

U-a-ma, kan khuaah
Kan khuaah chuan kumin Krismas hi Advance Christmas atanga urlawkin, hemi zan vek hian Carol sevice neiin Bangalore-a Mizo chhungkaw awm nghet deuh kan tlawh kual a. Urlawk zan erawh zirlai exam nei lai te tan pawha Pathian faka hlim taka zai hun siam niin Rock (Jesus)-N-Roll Christmas hun nuam leh hlimawm tak hman a ni a. Chutiangin Krismas niah chawchhun (ruaite) leh zanriah (ruaipui) thehin, hlim takin hun kan hmang. Sawi duah lovin Thlalak tlemte ka rawn tarlang e. Thlalatu : Tv. Johnson D Khiangte

Dr. AIT Band – Anni hi exam nei lai an ni a, chutih rualin Krismas hla khawnkhawm (medley) mawi tak an sa, boruak an vaw HOT hle.. :-)

(more…)

No Vehicle, John!

Tuesday, December 25th, 2012

No Vehicle Day ah ka va kal ve a, mi an tam hle.

Zodin atangin an block a

Balloon zuar

Krismas chibai

Ke a kal te chu

(more…)

Krismas Thuchah

Tuesday, December 25th, 2012

Pathian khawngaihna avangin hei Krismas kan lo thleng leh ta reng mai. Pathian hnenah lawmthu awm rawh se. Vawiin ah hian ka misual pui zawng zawng te krismas chibai vek u le. Vawiin ni ah hian mifingte iangin Lal thar lo piang hi thinlung leh tih tak zetin chibai i buk teh ang u. Mifingte chanchin atang hian keini misualte hian thil thenkhat zir ila ka tia, hei tlem ka rawn chhawp chhuak ve e.

1) Mifingte kha an thil hriat zawng, an nitin nuna tel, arsi atanga Lal Isua pian thu kha hrilh hriat an ni.

2) Heng hun lai hian khawchhak ramah hian arsi biak an uar hle.mahse chu chu a dik lova, arsi hi biak tur a ni lo. Mahse Lal Isua pian thu puandarh nana hman a nih chiah hian thil siam, siam chhan a nihna ang tak in hman a ni ta a ni.

3) Mifingte khan “Khawnge lal thar lo piang chu?” tiin Juda hote an zawh khan mite khan an tan lal thar a piang a ni tih an hria. Mahse chibai va buk pawh an tum chuang lo. Mahse mifingte khan, Juda ho zawk pawhin chibai buk lo mahse an va buk ta tho a ni.
(more…)