Archive for the ‘Ask | Help | Suggest’ Category

Nu-Hah ani lo maw Pa-hah ni lovin?..

Tuesday, June 12th, 2012

Nu-hah hi chu sikul zirlai-ah te pawh kan zira an sawi pawh ka hre fo mai. Hmani deuh khan pa-hah a awm ti tlat mi thenkhat nen kan inhnial vak mai a. A awm ti ho an tang ve viau mai a, hemi chungchang hi a hrechiang deuhin min han hrilh var deuh teh u khawngaih in. Pa-hah hi a lo awm ve reng a mi mizo tawngah hian?

Tîsa châkna

Thursday, June 7th, 2012

Mi pangngai nih chuan tisa châkna hi chhuah châng a awm lo thei lo. Chu chu sual a ni hran lo va, dan beh hleih theih pawh a ni bawk hek lo. ‘Mangpui’ kan tih te pawh hi taksain ṭûl a tih hunah min mantir mai a, tu nge ka duh lo ti thei che u?

June ni 6, 2012 chu zîng aṭangin ruah a tla cherh cherh a, ‘Transit of Venus’ ni tak a nih avangin khaw chhia pawh chu a huatthlala lehzual hle a, ruah sûr kârah chuan office kal tûrin nihliap nên ka inhawl chhuak ta a. Sikulpuikâwn bus stand ka thlen chuan a maka maka tam mipui an lo tlim hmur mai a. Bus a lo thleng a, luh kan inchuh a, kei lah pek chu a chuhhelh helhah ka la ṭang zui!

Chutia bus chhûngah tâwt taka kan din tlar lai chuan ka hma chiahah hian nula pakhat, ngo ving veng leh hmêl fel tak hi a rawn ding zân mai a. A tâwt êm avang chuan a sawi mawi dân berin sexy takin ka pawm tâwk chiah a. Chutichuan ngai teh, kei, kohhran ṭhalaiah pawh hruaitu ni ve hial hi ka lo pa mah mah a nih chu! Bus lah chu a tlân hur ang reng phian a, duh lo chung chunga ka dêp ka dêp tak kha, nuam lo veng veng tak a ni. Ani lah a che deuh sek a, a chet dân lah chu a ‘eng emaw’ riau lehnghâl! ;-) Thil dang ngaihtuah ka tum ngial pawhin ka thei hlawl lo, ṭawngṭai te chu khawi lamah, har tak a ni! Ka thin a phu zawih zawih a, ka âwm chu a hnungzâng nên a inhnêk rem êm avangin ka thin phu pawh chu a hre ve ngeiin ka ring. Zak viau mah ila zahin awmzia nei hek lo le, confi. takin ka dêp ta ngawt mai a ni! :-D

(more…)

Mizoram University a thil thleng mak: ~B. Thanga

Thursday, June 7th, 2012

May 15, 2012 khan MZU atangin phone call ka dawng a, Assistant Professor, Department of Mathematics(UG) a personal interview June ni 5 (Tuesday), 2012 zing 9:30 a neih tur a koh ka nih thu leh calling letter post a an rawn thawn thu ka dawng a. Interview nang hman ngei turin June ni 3-ah Delhi atanga thlawk chhoin June ni 5 zing dar 8:30-ah MZU tanhril chu ka thleng thla a, interview nei ve tur tho vai 3 an lo thleng tawh bawk a.

Zing dar 9 reporting tih kan calling letter-ah lang mahse dar 10 thleng pawh chuan in reportna an tih hmunah chuan tumah reng hmuh tur an awm lova, dar 10:15 velah chuan office a nu pakhat lo thu chu kan zawt ta a, a ni chuan interview chu a hma ni (June ni 4) a prepone a nih thu leh interview chu neih a nih tawh thuin min chhang a, interview prepone a nih thu engmah kan hriat loh thu leh information kan dawn loh thu kan hrilh a, kan tlan kual nak nak hnu chuan Deputy Registrar(Recruitment incharge a niin ka hria) roomah min ko lut a, a ni chuan Vice-Chancellor-in meeting a neih dawn avangin interview hun chu thlak a nih thu leh e-mail leh phone hmanga hriattir kan ni a, thenkhat te chu phone tlang theih kan nih loh avang a hre lo kan nih thu min hrilh a. Mahse hemi nia interview tura kal mi 4 te hian phone call emaw e-mail emaw pawh kan dawn loh thu kan hrilh a, kan inhnial deuh bak bak hnu chuan lungawi lo zetin a office chu kan chhuahsan ta a ni.
(more…)

Filler Part II – Kan theihnghilh ta em ni?

Wednesday, May 30th, 2012

Kan han tawmim thap a, kan lang leh tham tham thin. Awm khawhar hnemtu leh Zofate tana duhaisam tinreng kan sam khawm a, hmalam thlir a hnunglam kan en zeuh zeuh lai hian theihnghilh kan nei palh ang tih ka hlau a. Mizote hi hriatrengna chak lo tak hnam kan ni a, kan han ri hluai a. Kan reh leh duak thin. Duhthu kan sam a, kan kal pah leh mai thin. He mi(sual).com a lo khel ho tawh thin, ram hnuk khawih pha ni a ka hriat, kan sawi zui leh tak si loh te hi kan lo theihnghilh palh ang tih ka hlau a, hma kan sawn dan leh tun dinhmun chiang zawk a sawi tur nei kan awm tlat ring chungin Look East Policy in a ken thil pathum ka rawn thlang chhuak teh ang. (Kan romantic tlang hlawm bawk a, hmangaihna nen aw!)

Zokhawthar International Trade Centre: A hmasa berah chuan Zofate kan inkal pawh tawna ram dang nen a insumdawn tawnna kawngka hawn hmasak ber ti i la ka ti sual awm lo ve. A hawnna a rei tawh a. Kan beisei a phak em? Trade Center hawn a nih hnuah hian immigration inflow leh custom revenue ah kan san phah em? Ruih theih thilah hma kan sawn phah hial lo maw? emaw drug trafficking leh smuggling a pun phah em? Administration hrim hrim kan hmuh dan emaw han thawh khawm nawn leh i la. Sawrkhar in sum a sen ang hu in hmasawnna kawngka a inhawng in kan hria em? tih te han thawh khawm tha leh i la.

Koladyn Multi Modal Project: Hei phei chu project ang a a kal chuan kum rei lo te ah Sittwe Port thleng rawk highway siam zawh mai tur a ni tawh a. Look East Policy in a rawn ken project ah chuan boruak a nei lian ber awm e tih tham khawp a kan zenthral miliante pawhin an comment ve sek kha ani a. A thatna lai leh a hlauhawmna lai te kan sawi tlang tawh thin a. Tun dinhmunah project hmasawnna kan hmuh dan emaw kan lo hlauh em em thin drug trafficking, immigration problem, arms smuggling route etc etc… te dang tur hian kan sawrkhar hian legislation lamah inbuatsaihna a nei em? Nge kan dan pangai hmangin kan in veng thei kan ti zawk… tih hi ngaihtuah thar leh bawk i la…

(more…)

Ngatinge???

Monday, May 28th, 2012

1. Ngatinge mipate hian in bialnute mutpui kher zel in tum a?

2. Ngatinge in bialnute mutpui tura in thlem hian ka nei ang che, in tih kher zel a?

3. Ngatinge in bialnute in mutpui theih loh hian min hmangaih tak tak lo, in tih tlat zel a?

4. Ngatinge in bialnute hmangaih inti ve siin an duh lo chunga in fight vak zel a?

5. Ngatinge in bialnute hi in ngaihzawn tirha in treat dan anga a hnua in treat theih loh a?

6. Ngatinge in bialnute nena in inngaihzawn rei hnua boring deuh deuha in awm tlat zel a?

7. Ngatinge in bialnute bulah charms in neih theih miah loh a?

8. Ngatinge in bialnute hi in care thiam loh em em a?

9.  Ngatinge in bialnute hi dawt tam tak min hrilh thin a?

10. Ngatinge in bialnute hi hmeichhe awm nem mai an ni tih in hai fo a?

Ngatinge???

Background-a thil in-download hriat theih dan?

Sunday, May 27th, 2012

Bul tan nghal pawp mai ang aw.

Tunlai chu Tata Photon, Airtel etc. 3G hmang kan nih fur tawh avangin unlimited connection hmang kan tam ta lo khawp mai a. Chutih laiin ren taka kan internet(3G/2G) pack thun sa kan hman laiin computer thenkhatah hian kan download chawp ni lo, computer background-a amaha thil in-download a lo awm hian data a hek duh khawp mai a, tum aia insen nasat a awl thin khawp mai. Eng thil nge in-download tih hriat mai theih bawk si loh a awm thin hi a buaithlak a ni. Windows atangin emaw, software eng emaw hmanga download activity nei hriat chhuah a, a tihtawp dan hria chuan min han pui teh u.

Ka automatic updates ka disable vek a, java update ka disable bawk a, windows start paha software lo inload a, amaha lo in-update thei nia ka hriat ka disable vek bawk a, antivirus auto update ka disable bawk a. Eng thil nge lo in-download char char hriat theih ka mamawh hle mai. Mahni-a data kan hman aiin system-in a lo pawh hek vangin kan inseng nasa lutuk dawn e a.

Data Card

Sunday, May 27th, 2012

Tun Inrinni liam ta mai khan kan u te dawr atangin Data Card, Visiontek 82GH 3G USB Modem(HSUPA Modem 7.2 Mbps) ka lei a. An dawr a desktop Windows XP ah chuan test kan han tum a, kan ti thei lova laptop windows 7 ah erawh awlsam tein kan hmang thei a. A man min tlawm duai bawk nen lawm takin ka thleninah ka haw a, ka thleninpa laptop (Windows7 tho) atang chuan ka rawn mi(sual) kual vel a.

Mahse hei ka computer desktop (Windows 7) ah ka hmang thei hauh lo mai. Tha tak chuan ka installed ve in ka hria a. Sim a hmu a, signal pawh a hmu a, mahse signal a hmuh hnuah pawh ‘searching’ a la inti char char a. A tawpah signal chu a bo a, ‘detecting’ a in ti ve thung a. Setting hrang hrang pawh ka enkual nasa tawh a, a tihngaihna chai ka hre tawh lo.

Phone battery ui vang leh in upgrade ve duh vangin Data Card ka lei a, USB Cable pawh ka vial tha vek tawh a, mahse hei phone bawk modem a tan hman a ngai leh ta nih hi! In hriat zawng a nih chuan tih dan tur min han hrilh hram teh u.

Help!

Sunday, May 13th, 2012

Ka memory card(4Gb sandisk) hi hmani deuh atang khan ka phone a ka vuah hian “disk error..” a inti zela,computer ah format ka tuma,a format theih bawk si loh.a chhunga data vel pawh engmah a delete theih loh a, engtin nge ka tih ang khawngaih takin min han pui hram teh u.

I thluak khan conditioner a mamawh :P

Tuesday, May 8th, 2012

Psychologist ka ni lem lo a, keima experience atanga rawn thai kual vel tur ka ni a,kei chuan tha hi ka ti khawp a,I duh leh ti ve la; duh leh ti ve lo la, I thu thu.

Ui ka nei ve a, tihfin hi kan tum khawp a,atuk atang chuan recruit kan tan ta,“Hachi, thu rawh!” a hawi vual vual ringawt a. English-in bia ila ahre mial mahna,“Hachi, sit!’ ka bia tih pawh a hre lo re re, lei a hnim dut dut a, a mei avai lauh lauh a. (more…)

Pipu sulhnu i humhalh ang u

Monday, May 7th, 2012

Mizoram hi India rama state te tak te a nih vangin ramchhung hmung dang te ngaihtuah chuan heritage/historical monuments (Thil/hmun hlui) te kan nei tam lo. Mahse, hung thil hlui leh lungphun te chu chhan hran hrang te avangin ngaihven leh humhalh a hlawh lo hle thung a ni. Humhalh that an nih loh chuan reilote ah a boral emaw a chhe darh mai mai dawn si a, chu chuan kan hnam history leh thil hlu tak tak te a herliam pui mai dawn a ni. Hnungtawlh leh kut kuangkuah a thu mai mai hman kan ni lova,khua leh tui kan nih na angin thil tha zawk ti tura ke kan pen chhuah hi a hun tawh tak zet a ni. Ngun taka ngaihtuahna hmang chungin heng ah te hian keimahni theuh zawhna in zawt ila: “Enge tha tak a awm mek?”, “Enge thawk tha lo?” leh “Engtin nge kan siamthat theih ang?”

Heng thil hlui te humhalh tur leh a hmalak dan tur a ruahmanna kan siam mek ah hian thil tam tak kan hriat belh zel a. Mi then khat thil/hmun hlui te venhim leh humhalh kawng a tui tak tak an awm tih hriat te hi a nuam thin a ni. Thil hlui humhalh na kawng ah Mizoram ah hian hmalakna a la awm tlem hle nachungin sorkar mi pawimawh te leh mi thahnemngai thenkhat te nen a hetiang kawng a hma an lak tawh dan te hmuh leh thawh ho te hi a nuam duh hle mai. Hemi a tana hmalakna kawng ah harsatna kan tawh te, mamawh kan neih te leh hlawhtlinna kan lo neih tawh dan te inhriattir tlang ila chu chuan chak zawk a hmalak a ti awlsam ngei ang.
(more…)