mi(sual).com

Misual ho tanpui kan ngai e…

Kan Bengali thian chhungkua Kolkatta atrangin Aizawl leh a chhehvel ni 4-5 vel chama zin chhoh ve an tum a. IPL chu Mizoram House, Ballygunge atrangin a va la ve tawh a, mahse a lo buaipuitu ten engmah Tourism Information mumal an lo pe lo va ( an hre lo a niang?), Tourist Lodge, Aizawl a book theih loh an lo tihsak bawk sia. Hotel pangngai tak thlenna tur leh motor hmankual vel tur engtin nge an hmuh theih ang.. tih leh hotel phone number/rate leh motor hman man kan hre duh khawp mai..Tour Operator te an awm em? Min lo hrilh teh u..

A vawikhatna tan Bangalore to Aizawl fly ka  tum ve a. Mahse ka voikhat thlawkna tur a ni a vangin  hriat tur ka ngah hle mai. Bangalore  airport thlen dawn a tanga Lengpui airport a ka chhuk  leh thlenga ka tih/hriat  tur khawngaih takin min han hrilh ru khai.  Chuan eng air nge a tha ang, ticket man tlem deuh a lak dan te a awm ang em. Kolkata ah flight change a ngai te an tia, engtin nge ka ti ang. Mi dang te tan chuan a ho viau mai thei mahse keima tan chuan a ho si lo.

Chawlh hmangin Mizoram khawthlang lamah ka haw dawn a. Ka zirlai avangin ka online reng a ngai dawn a. Mobile internet modem ka hmang duh a. A man thuah te, connection a that danah te enge hmang ila tha ber ang?

Misual fel si ho zingah hian min pui thei in awm chuan ka lawm hle ang.

“Pulmonary embolism” enkawlna Hospital thatak India ah kan nei em aw. A hria kan awm chuan khawngaihin min lo hrilh ula kan lawm ngawt ang.

Pulmonary embolism: A pulmonary embolus is a blood clot in one of the major blood vessels that supplies the lungs. It is a potentially life-threatening cause of chest pain but is not associated with the heart.

Tunlai chu maiban kan te maite chhum te mai-an bai te kan hmeh deuh reng maia. Tui hi ka ti em em vek maia, mahse maiban meuh lo hi kan hmeh leh zeuh thina, maiban leh ban lo hi in hre fuh lo em ni le aw tiin kan sawisel ve rawk thin a. Nangmah ngei bazar la zuk lei ve teh, thil zuar ho hian min au liai liai a, tum loh zawk lei hi awl deuh asin tih hi chhanna ka dawn a ni.

Kan bazar ta ngei maia, maiban lei tur chuan a tai tha leh a kuang herh deuh chiat kan zawnga ke lei fuh vek bik chuang lo. Chutih rual chuan maite chu an la no bawka lei fuh loh a tlem hle mai thung. Mai-an erawh keini ang misual mawl deuh hi chuan a tui leh tui lo zuk thliar thiam miah lo ia le.

Helai ka buaina mai-an bai atana tui lei fuh dan hi ani ka hriat duh ni. Ka zawh pakhat chuan “Pathian hian thilsiam hi a thiam khawpa, mai ban deuh mai-an hi chu baiah a tui ngai lo, mai banlo mai-an erawh hi chu bai atan chuan a tui ber” a ti a. ka tan chuan thil hriat thar chu ani phawt mai, mahse mai-an kha a hnah ringawt atang chuan khawi nge ban anga ban lovang tih pawh chu ka la buai tho mai.

Hetiang ang ho te te hriat loh tur hi a va tam em, a hre deuh ten han thawh ula, kei misual mawl ang deuha hriat duh riau nei tan hriat duh tar lan phal ani bawk.

Mizo Kolhapur-a zirlai emaw, hnathawk emaw-a awm hrim hrim hria in awm mial lo maw? Ka hriat theih ho chu an zirlai an zo tawh a. Engineering seat leh admission lam zawh fiah deuh kan duh ani. Ka lawm e.

Misual zing ah Silent Spectator, regular tak a site tlawh, Post & comment pe ngai lem lo in awm ve tho in ka ring. Chutiang mi chu ka ni awm e.Browser ka hawn apiang in nitin in ka hawn hmasak ber ani tlangpui(except for my homepage Google). Ka login password ka theihnghilh kual vel hian,login lo in ka browse mai thin, site dang en kual duh tho bawk nen. Password change dan admin te khan min hrilh tha leh teh u.

Bitdefender Total Security 2010 ka hmang a, computer 5 ah ka install vek avangin, cumulative update hi a file in ka download thin a. Comp thenkhat ah hian ka han install dawn thin a, installation zawh tep ah hian “You don’t have the privilege to modify…..threat scanner” tih vel hi a lo lang a, retry eng ang mah ila, a ngai ah bawk in a tawp leh zel. (A install a complete theih loh anih chu).

(more…)

Ka computer hi eng emaw chang hian a login theihloh thin a, a chhan in lo hre mial lo maw?

A awmdan: computer ka ON a, login a zawh hmain logoff in a rawn zui zel. Engtin nge ni ang?