Archive for the ‘Advice’ Category

Isua kutah

Friday, May 17th, 2013

Sipai pakhat hian a nupui thar chu an ram lamah haw pui a tum a. An hmaah chuan lui lian tak kan tur a awm a. Chu luipui chu inkar kai tumin lawnlengah an chuang a.

Chutia an chuan lai chuan, thawklehkhatah thlipui a rawn thawk ta phut mai a. An chuanna lawng chu nasa takin a rawn nuai ta a.

Thlipui chuan an chuanna lawng chu a rawn nuai nasat em avangin, a nupui chuan a hlau hle a. Beisei tur nei tawh lovah a inngai a ni. Mahse, a pasal erawh chuan hlau hmel pawh a pu lo.

Thli chu a chakin a na hle a, an chuanna lawng erawh a lian lo hle a. An chuanna lawng chu engtik lai pawha pil mai thei a ni. Mahse, sipai chuan engmah thleng lo ang hmiahin thlamuan takin a thu reng a. Eng thu mah a sawi lo.

(more…)

Posted in Advice | 14 Comments »

Cyclone Mahasen-in Sri Lanka a nuai.

Wednesday, May 15th, 2013

Sri Lanka Disaster Management Centre thupuangtu Lal Sarath Kumar chuan, Cyclone Mahasen chuan Sri Lanka khawchhak lam vaukam khua te a nuai nasa hle mai a, mi 7 in nunna an chan bakah, ruah nasa taka a sur bawk avanga Lei minah mi 3 chu an chin hriat annih loh thu a puang.

Hetih lai hian, Myanmar chhim lama Cyclone hlauh avanga hmun him lama inthiar chhuak, mi 100 vel chuanna Lawng chu a let/pil a, mi engemaw zatin nunna an chan bawk.

United Nations thupuangtu chuan, Myanmar-a mi 140,000 vel zet, he Cyclone hlauh avanga Refugee Camp-a awmte chu hmun him lama senghawi vat annih loh chuan, Chhiatna nasa zawk a thlen an hlauhthawn thu an sawi. Source: V.O.A.(Internet).

Mak takin, India T.V. News channel ho hian an puang mang tlat lo mai a, CNN leh VOA lamah chuan a hmuh theih. (Mainland India lamah a tleh luh dawn loh vang pawh a ni mai thei e).

(more…)

Posted in Advice, Event | 12 Comments »

Lo in veng lawk ila

Monday, May 13th, 2013

(source : Facebook Thudik leh News Group)

Thlipui emaw a lo thleng dawn niai hriat chuan a hma atangin lo tilawk rawh:

1. Gas/Electric/ ­Thuk te/cable etc, off, timih vek tur
2. In chhungkaw members kimin ei tur leh tui leh nachhawkna pai far tur.
3. I mobile kha a hmain charged full thlap rawh.
4. Petrol/ ­diesel etc lak khah vek tur.
5. Damdawi mamawh tur inrin lawk tur.
6. I compound ah thli lenthluk theih thing etc a awm em ?
7. Rangva inchung nei te tan angle rod hman belh tur.
8. I account/ document/ ­cheque chhe thei te polythene in tuam la, ak rawh, emaw safe ah him takin dah la, i fb etc ah chhungte idahna hrilh rawh.
9. Torch light batteries thar/fully charged neih ngei tur. Lighter & mombati nen.
10. I mobile ah radio connect rawh emaw radio te nei rawh.
11. Thli tleh hma ngeiin i in check la, darthlalang/ ­tukverh etc chhiatloh nan engkim ruahman rawh. Tukverh bulah tawm suh.
12. Motor/bike etc chahbi kawl sa vek a tha.
13. I in him lai berah tawm/mu rawh.
14. I awmna a him loh chuan hmun him lamah riak chhuak rawh.
15. leimin tawlh mai thei hmun tlansan tur.
16. Inchunga tuizem te thliin a thlawh mai loh nan tikhat sa vek rawh..
17. Palh thila tlanchhuak thei mai turin in ralring rawh..
18. I Lalpa tawk turin i in peih tawh em ?

HENG HI FREE ADVICE MAI A NI E. I finna hmang ang che.

Posted in Advice, Copy Paste | 13 Comments »

Mizo Mizona Zahpui Lo Ila

Thursday, May 9th, 2013

Zawhte hi Ui ang hian han bauh ta sela chuan a mak kan tiin kan nuih a za hle ang. A chhan chu a pianze ken leh a nihna tur anga a awm loh vang a ni. Hetiang mi hi tunlai kan thalaipui zingah hian an awm nual nia mawle! Thlahtute atanga mizo nihna ze dik tak keng zingah hian mahni hnamze nihphung leh tawng aia hnamdang tawng leh culture hre ril zawk leh ngaisang zawk hi zu han awm nual tawh a mawle!

“ZO” tih thumal mawi tak pawh hi thil thing sawina chi khata ngai khawpa mi thing hi mizo zingah hian an awm leh tlat thin. A nihna takah chuan heng mite hi khawngaihthlak khawpa mi vanduai, mahni mizo culture-a lungawi thei si lo, hnamdang zinga saphun ngam chiah si lo emaw, hnamdang zinga inhnimphum hlen lo duh ta pawh ni sela hnamdangin an pawm theih si loh an ni a, dinhmun laklawha ding te an lo ni

Mahni culture-ah hian chiang ila, nghet bawk ila, tichuan hnamdangte pawh hian min ngaihlu zawk ngei ang. Hun hmasa lam leh tunhnai maia kan zaipawl ram danga zin te pawhin an rawn sawi ber chu sap hla leh tawng danga an hla sak ai chuan mizo hla leh cheraw kan te chuan hnamdang mit a la zawk tih hi. Mahni hnam thil ngaihsan tum tlatna rilru hi pu ve tawh ang u.

Pianna hmunin a zir loh avangin kan tawng hi kan lo thiam tawk lo pawh a ni thei e; nimahsela taima taka zir leh beih hi kan mawhphurhna a ni tih hria ila, mizo nihna thisen dik tak kai tan chuan rei han zir tham pawh hi a awm lo reng reng a nia. Zo takin nung ila, Zo takin tawng chhuak ila, thil changkang sawi nan “ZO TIAH TIAH” tihte hi i hmang ve tawh zawk ang u.

Posted in Advice, Luangliam, Mizo Society & Culture, Mizoram | 12 Comments »

Hlawhchham hi Hlawhtlinna {Failure is Success}

Wednesday, April 17th, 2013

1. J.K. Rowling – Novelist (Harry Potter) 
Harry Potter thawnthu ziaktu Joanne “Jo” J.K. Rowling hi tunhma chuan waitress hna thawk țhin a ni. A lehkhabu hi Publishers 10 chuang ten an hnawl sak hnu-in, a kal tawpna-a an CEO fanu kum 8 mi chuan a pa a ngen tlat avangin an chhuahsak hrâm a. Khawvela thawnthu ziak hralh tam ber (best-selling book series in history) a lo ni a, Kum 5 chhung lekin, Multi-Millionaire a nih phah! Kum 2008 ah khan United Kingdom-a hmeichhe hausa-ber 12-na a ni phak hial!

2. Ludwig Van Beethoven – Composer & Pianist
A violin tum thiam lo lutuk chu a Zirtirtu chuan beidawnthlâk a ti lutuk a, “Music lam leh hlaphuah kawnga beisei-bo a ni” a ti tawp. Chutih nâk alaiin, Beethoven chuan a ri hriatna a hloh zel a, a beng a ngawng hlen ta hial! Mahse, a kut-chhuak zinga ropui ber 4 te chu a Beng a ngawn hlen (completely deaf) hnu-a a siam (composed) an ni tlat!

3. Colonel Harland Sanders – Founder of KFC
Sanders chuan Kum 65 mi a nih-in a “Chicken Recipe, Kentucky Fried Chicken” siam hralh turin hmun hrang hrang 1000 chuangah a kal a, a hlawhchham. Kum engemaw zat a vahvaih-pui hnu, kum 75 mi a nih-in, a company din “Kentucky Fried Chicken” chu Dollar million 15-in an lei sak a, ram 120 ah dawr 18,000 chuang a nei tawh!

(more…)

Posted in Advice, Books, Career, Information, Lifestyle, More than words, Movies and Videos, Music and lyrics | 15 Comments »

Thusawi mite fimkhur zawk na’n

Saturday, April 13th, 2013

Thusawi thiam takin thu an sawi hi chuan a ngaihnawm a, an thusawi mil zet maia tehkhin thu an han hman ngat phei hi chuan an thusawi te hi a chiang lehzual thin. Chutih laiin kan thusawi tichiang tura milar chungchang kan sawi thinte hi finfiah hmasak awm lova khawi emaw atanga kan hriat kan sawichhuah mai hi chuan thu diklo hi kan lo thutak sawi ve chiam thei hi a lo ni a. Kan lo hriat ve atan chutianga kan sawi uar tak thudik chanve leh diklo muhlum thenkhat lo tarlang ila.

1. Khawvela hmelthat lara lar Marilyn Monroe (1926 – 1962) kha a thih hma deuh khan Billy Graham nen inhmu in Billy Graham-a’n Pathian thu hrilh a tum a, Marilyn Monroe chuan duh lovin “In Pathian chanchin hi ka hre peih love”, tiin a chhang a. A hnu lawkah a thi zui ta niin an sawi thin. Hei hi thu belhchian dawl lo a ni a, Billy Graham Evangelistic Association ngeiin Marilyn Monroe leh Billy Graham te hian hetianga inkawmna hun hi an neih loh thu an lo sawi tawh a ni.
(more…)

Posted in Advice, Information, More than words | 22 Comments »

Highway Rhymes and Wisdom in North East India

Monday, April 8th, 2013

Highway rhymes and wisdom in North East India

 

Speed thrills

But kills

 

Drinking whisky

Driving risky

 

Drink and drive

You’ll not survive

 

Alert

Avoid

Accident

 

Better late than never

 

Remember someone is waiting for you at home

Posted in Advice | 13 Comments »

Hmeichhiate hian cyberstalker-te hi hlau lovin i bei let thin ang u

Friday, April 5th, 2013

Cyberstalker kan tihte chu- thlalak/video intih danglam sak (morphing) chingte, internet kaltlang a in tih mualpho chingte, inpuhchhiatna thuthawn chingte, mobile phone hmanga invau chingte, pawisa/thil dang pe tura invau chingte hi kan tarlan theih langsar zual an ni.

Hmanni chu hmeichhe pakhat hian tap pur chungin min lo phone a, mi pakhat hian a thlalakah rapthlak tak taka a comment thu leh dawt hmanga a tih mualpho nasat zia thu min hrilh a. Ka thiam ang tawk tawkin thurawn ka lo pe a, tih dan turte ka hrilh bawk a. Engtinnge hma a lak zel chu ka hre zui ta lemlo. Tunlai chu ka friendlist a hmeichhe thenkhat chuan post ah hian cyberstalker huangtau tak an tawn thu hi an rawn post ka hmu a. Ka hmeichhiatpuite ka experience atang thil pakhat hrilh hriat che u ka duh a ni. (more…)

Posted in Advice | 9 Comments »

Kan hriat chuan hetiang lakah hian kan filhlim ang.

Monday, March 25th, 2013

Buma i awm veloh nan He post hi chhiar chhuak hram ang che. A hria chu in awmnual tawh ang a, a bik takin Call center(Scam) a thawk te in awm chuan in hrethiam lehzual ang.  Heng a hnuaia ka post hi Phone ah leh e-mail a ka dawn a ni.

‘YOU HAVE WON £750,000.00 IN GOING COCA-COLA 2013 INTL MOBILE DRAW, TO CLAIM UR PRIZE SEND UR DETAILS TO COCA-COLA OFFICE UK, EMAIL : dr.ericdavi@live.com’  tiin +918287228752 atang message ka dawng a, chuan ka mail ngei a..

Minlo mail hi enchiang teh u.. (more…)

Posted in Advice | 22 Comments »

“Better to rule in Hell; than to serve in Heaven.”

Thursday, March 21st, 2013

“Better to rule in Hell; than to serve in Heaven.”

Tia Paradise Lost Book-I a Chatuan Hremhmun rul, Setana tawng tîrtu, John Milton hian he thu phenah hian zirlai tam tak alo hnutchhiah ru reng mai.

He thu tlar khat lek te hi, van leilet thianghlim leh Pathian ropuina tual zawla indona thianghlimlo chawk chhuaktu leh, van hmun sangber atanga lei hmun thim-tuk ber a Pathianin a paihthlâk tak, rul tûr thami neitu, Setan-a’n chauhthu-barawh taka, a sual hmangaih puite hnena meidil hmun thim a sawi mawina mah nise, Milton-a’n a tawng kâ atana a thlan sak, “Vana mi tirhkah nih ai chuan, hremhmuna thu petu nih chu a tha zawk fê a ni,” tih hi a kam a hawh sakpa theihnghilhin, “Kuttlinglova lak sum hmanga Millionaire nih ai chuan; dik taka tih a sipai bel nawt nih pawh ka thlang zawk,” tiin ka nunah ka lo letling ve hmak thin. Pu Milton-a pui rauh pawh hi pa rilru tluang tih takah hian, thilphal takin a kam lian tha zawng zawng hi mi suaksuala tan a rawn hmang mawlh mawlh mai a, mahse, heng thu a rawn hmante hian a suangtuahna lo-ram fiah kakin min tlir tir a ni.

Lal Solomon-a pawhin hei hi a hrechiang ve ngang ni tur a ni, rûk tui chu a thlum a, rûk chhang pawh a tui duh bik… alo ti thin a ni. Mahse, rûk tui thlum in chuan tui dangte chu a ti tui lo vek thin a; ruk chhang thlum pawhin chhang dangte chu a ti tui lo zo vek thin a ni. Kut tling lova thil neih hi, tuifinriat tui-al in ang a ni a, kan in tam zawh pauh leh kan tui a hal zual sauh thin a ni.
(more…)

Posted in Advice, Luangliam | 7 Comments »

« Older Entries