Tawng tih hausak a pawimawh!

May 23rd, 2018 9:21 am by H.Vangchhia

Khawvelah hian tawng chihrang a tam em em a, hnam ropui leh fing deuhte tawng a hausa deuh a, hnam mawl deuh te tawng a hausa lemlo fo niin a lang – mahse, tawng hausa sa awm theiin a rinawm loh. Tawng hausa tur chuan mahni tawng emaw atang a phuahbelh ngawt lo pawhin hnamdang tawng lalut (adopt) te pawhin tawng a tih hausak theih a, chumi chu khawvel a tawng hausa ber English a hausak chhan ber pakhat pawh a ni thei ang.

William Shakespeare khan a lehkha ziaknaah English thumal 17,677 a hmang a, chutah chuan thumal 1,700 chu a ma siam ni a sawi a ni. Chutih karah chuan a hunlai khan English hi a la buaichuar khawp mai a, khaw lehlam leh lehlam te, ziaktu hrang hrang leh press khawl chhu ho pawhin a remchan dan angin thumal sipel an thlak kual vel mai mai thin a ni a. Midang ang bawkin amah Shakespeare-a hming ngei pawh sipel dang 80 lai a ziak a awm niin Milada Broukal chuan a ziak a, chutiang sipel-ah chuan Shagsspeare tihte, Shakspeare tihte leh Shakestaffe tih thlengin sipel danglam hman a ni. Amah Shakespeare ngei pawhin a signature lar tak 6 hmuh theih zing a pahnihah ngawt a hming sipel zuk thlak danglam ve roh pek a mawle! A enga pawh chu nise, Shakespeare khan English hi nasa takin a ti hausa chiang a ni.

Mizo tawng kan tih tak deuh ber, Mizoram a kan hman tlanglawn ber – Lusei/Duhlian tawng hi Zohnahthlak tawngah chuan a hausa ber niin a lang. Mizo tawng a hausak chhan pawh Mizo hnam peng hrang hrang, Hmar, Paite, Lai etc. tawng sengluh a tam vang niin alang bawk. Kan mi hmasa te khan hnamdang tawng atanga lakluh an nei nual a (ketli etc.), khang te khan kan hnam tawng a ti hausa zualin kan bungraw neh ngailoh thilah hming min neih tir a ni. Khaw hming, Silchar leh Kolkata te pawh mi hmasa te khan, Hringchar, Kulkhut tiin an sawi mai thin a, a tha ka ti takzet a ni. Hringchar leh Kulkhut an tih khan an lam thiamloh vang pawh a ni thei ang, mahse Mizo ten kan koh dan a ni ve mai -Deutschland pawh ramdang mite chuan Germany kan tih sak mai hi, chutiang zelin police pawh German ho chuan Pulizei an ti ve zel bawk a. Mizo te hian kan mi hmasate sawi dan kha, “An lam thiam loh vang,” kan tihsak ngawt zel a, a nihna lai awm mahse, chutiang lam a ngailo a tawng min tih hausak tu an nihna lamah tan tlat tur niawm tak zawk a ni. Awmna tlang leh mual a dang angin tawng inang theuh theuh pawh a thluk leh thumal hman a dang hret thei tih hrereng chungin, Mizo tawng tih hausak i tum zel ang u.

Similar Posts:

Recent Posts:

30 Responses to “Tawng tih hausak a pawimawh!”

  1. 1
    Pakak Says:

    Țawng tih hausak hi a pawimawh hairehai khawp mai ?

    [Report abuse]

  2. 2
    H.Vangchhia Says:

    Pakak, pawimawh tawps. Hairehai :D

    [Report abuse]

  3. 3
    Vl Kilung Says:

    A hausa lawm le.. ‘Ban’ pawh chi 4 in kan hmang thei a nia… :P

    [Report abuse]

  4. 4
    H.Vangchhia Says:

    Vl Kilung. Tet tuh roh che chuan :D hairehai :P

    [Report abuse]

  5. 5
    XaiA Says:

    Hausa ber ang ….

    [Report abuse]

  6. 6
    H.Vangchhia Says:

    XaiA :D lol :D

    [Report abuse]

  7. 7
    Dadex Says:

    Hausha

    [Report abuse]

  8. 8
    H.Vangchhia Says:

    Dadex, “Roshiama” tih ang deuh a ni maw? :P hairehai

    [Report abuse]

  9. 9
    badboy Says:

    i sipel chu ava mak nep nuap hlawm ve mawle :-p

    [Report abuse]

  10. 10
    H.Vangchhia Says:

    badboy :P kawrek mai rawh :P hairehai :D

    [Report abuse]

  11. 11
    Sangpuiipa Says:

    Ka kawmen hmasa kha a bo daih a nih hi.

    [Report abuse]

  12. 12
    H.Vangchhia Says:

    Sangpuiipa @11, I comment hmasa i tihah chuan enge i sawi a? I type ang a i submit lo aniang e
    :P :D

    [Report abuse]

  13. 13
    Sangpuiipa Says:

    Submit ve ngei e @#12. Police=pulit tiin.

    [Report abuse]

  14. 14
    H.Vangchhia Says:

    Sangpuiipa, avan mak ve – Vaiva khan politic thilah huatna che chu a nei a ni silo a maw? :P hairehai

    [Report abuse]

  15. 15
    Sangpuiipa Says:

    Haha, ka comment hnu ah database error kha a awm leh a, a bo leh daih a ni ang.

    [Report abuse]

  16. 16
    H.Vangchhia Says:

    A nih dawn chu, ti tawh mai ang :D hairehai

    [Report abuse]

  17. 17
    Awmtea Khiangte Says:

    A van lunglenthlak ve..

    [Report abuse]

  18. 18
    Saitawk Says:

    E khai a!!!

    [Report abuse]

  19. 19
    TuaiSialA Says:

    A thain a bengvarthlak hle mai.

    [Report abuse]

  20. 20
    H.Vangchhia Says:

    :) admin te hian enkawl hman deuh se a țha khawp mai, a chhe leh țhin.

    [Report abuse]

  21. 21
    ZerO Says:

    Ka va comment khat ta ve!

    [Report abuse]

  22. 22
    H.Vangchhia Says:

    ZerO, i post siam tum kha ka nghak a nia :D

    [Report abuse]

  23. 23
    Jacka Pi Says:

    Lo post țha em a nih hi, FB lamah I lo an dur dur :D

    [Report abuse]

  24. 24
    Jacka Pi Says:

    Ka comment khat tawh lutuk a, hmana kan zir luih luih țhin, t tih ț dan te, thlukna te ka theihnghilh zo vek tawh

    [Report abuse]

  25. 25
    XaiA Says:

    A tha leh tawh …a lawmawm e

    [Report abuse]

  26. 26
    Sangpuiipa Says:

    Tun ṭum chu a ṭha rei ta deuh.

    [Report abuse]

  27. 27
    Pakak Says:

    up

    [Report abuse]

  28. 28
    H.Vangchhia Says:

    Post thar a chhuak har mange aw. Hnam Sakhua pawn a thehlut nualin ka ring tlat :P Hairehai

    [Report abuse]

  29. 29
    nezz Says:

    I thu post chhiar a van khat ta raih raih em!! Hairehai,😁😁

    [Report abuse]

  30. 30
    H.Vangchhia Says:

    @nezz, anti chhe reng alawm mawle, țet țawt mai hairehai :D

    [Report abuse]

Leave a Reply

You must be logged in to post a comment.