Archive for July, 2017

Sehrep thenfai dan awlsam

Friday, July 7th, 2017

Tuna ka post tur hi khawpui buhfai tha ei chin tan chuan a tangkai lemlo maithei a, amaherawhchu keini buhfai man tlawm a lei chin ho in in lo tangkaipui ve tak hlauhin kan share ang che u.

Buhfai ah hian sehrep a awm duh hle a, tunhma kha chuan lung nawi a awm thin a, then a nuam in a awlsam a. Tunlai ah chuan sailungvar emawni an pawlh tawh a, buhfai rawng nen a in an em avangin then a hautak thin hle. A bik takin ration buhfai ho ah hian a awm tam em em thin a, a chan em avang hian seh zawng hian ha te pawh a bal hlawk thei thin.

Tum khat chu science kan zirtir laiin kan thil zir atang chuan thil tih chak riau ka nei a. Thil Size inanglo thliar hran nan hrik tur a ni tih kan zir a. Ka haw veleh ka ti chhin ta a. Sailungvar ho kha buhfai aiin an te a, chhang hrikna hmangin ka hri chhin ta a, a lo tha ngiang mai. Thlan hah vak ngailo in a hrik tlak vek theih nia.

Lo ti ve chhin teh u.

American flag thui hmasaber tu chu tunge?

Tuesday, July 4th, 2017

Mi tamtak chuan American National flag thui hmasaber-tu chu, Elizabeth “Betsy” Ross, anti ngei ang. A dik chiah em tih hi chhui tham taktak a awm thei a, mahse thlurbing pakhat neiin i han sawi dawn ang hmiang! Elizabeth Ross khan American flag hi a thui ani tih a damlai zawngin vawikhatmah a sawi hriat a nilo a, ama thui ngei a ni tih tuman an sawi emaw pawh hriat a ni chuanglo chungin, a tupa chuan leh hmutu tur an thih hnu leh,kum 100 dawn a liam hnuah – George Washington, Robert Morris, leh George Ross te hmaah a design chu phawrhin, chutiang chuan a thui thei angem tiin a zawt a. George Ross chuan tlem tidanglam a thui turin a hrilh ta niin Elizabeth Ross tupa William Canby chuan 1870 khan a sawi a. Tichuan, Elezabeth Ross fanu leh a tunu te hriatpuina-in “Harper’s New Monthly Magazine”-chuan kum 1873 khan a chhuah darh ta a, chuta tang chuan American Elementary School-ah te chuan naupangte zirtir chhoh a nita a ni. (more…)