President Trump ka hmuhdan (amah thlawptu lam atangin)

March 23rd, 2017 10:15 am by Henry Vangchhia

Kum 2016 United State inthlanpui a thlantlin nita, President Trump thlantlin anih chhan nia ka hriat chhan, keimah anga amah thlawptuten kan hmuhdan leh kan tan tlatna chhan nia ka hriat kan thual thiak thuak ang e:

Democracy ramdang ang bawkin USA-ah pawh mipui thlantlinten ram mipuite aiawhin ram an enkawlin vanhim hna an thawk thin a, India democracy kalphung nen erawh Capitalist kalphung an hman vangin a danglam viau thung.

Americaah hian “deep state” an tih, awnlam neiru ran chunga sawrkar hnanghet thawk te, “establishment” an tih, politics eizawnnan a hmangte (career politicians) te hi ram enkawlna lamah an lutthuk satliah mai niloin, agenda neihran (ram mipui aia ngaih pawimawh nei) niin a nawlpui hian kan hria. Ram hmangaihtu diktak nia inchhalte ngat phei chuan an khawsakphung an ning ngawih ngawih a ni. Tichiangtu pakhat chu, U.S. Congress khawsa zia mipui ngaihdan February 11, 2015 a lakah chuan za a 11 (11%) chiahin an kalphung a tha anti a ni.

American politiciante hian an campaignna a pawisa hman tur thawhtu (donor) tamtak an neih karah, thawhtam bik an awm thin a, chumite thu chu thlantlin annih hnuah an campaign agenda aiin a tlang zawk fo thin. American politicante hian chutiang a donor an ngaihhlut avang chuan ram leh ram sumdawnna lamah pawh America leh a ram mipui thatna aiin an mahni hlawkna tur leh vote an hmuh leh theihna tur an ngai pawimawh thin hle bawk. Chuvang chuan ram aiin vote hmuhbelh zel theihna chu an hmangaihta zawk a, dan leh hrai awmsa pawh kenkawh turleh kenkawh loh tur an thliar hrangin, United States a dan lalber, U.S. Constitution pawh an sawifiah dangta hret hret duhta tlat zel mai a ni.

Politics lam ngaihsak lemlo, sumdawng mi Donald J. Trump chuan kum egemawzat alo sawi tawh leh ngaimawh thin, hlemhletna leh ram leh ram insumdawn tawnna diklo chu ngaihmawh takzet tain, Politics a rawn chuangkaita tak tak a, Politics lam a zirmi zingah a hlawhtlin ring an tlem hle. Ani chuan, chanchinbu a ziahmawi aiin engkim mai chu anihna ang tawl tawl a sawichhuah a chin em vang ngat phei chuan mi nuihruk a hlawh viau mai anih kha. Mahse, a ni chuan chutiang chu engahmah angai duhlo.

Trump chuan America hmangaihtute chu an mahni malte te hnena thu sawi ang mai a ram a hmangaih thu a hrilh thiam tlat. Politics a eizawngte avanga industry leh factory ten ram an chhuahsan nasat tawh zia leh thawhrimrah a eizawng anih anga lakkir a tum tur te, sipai chakna chu indonan ngawt hmanglo a remna siamnan ( “peace through strength”) hman a duh thute chu amah thlawptute hriat duhzawng tak a ni bawk. Dan leh hrai kengkawhtu leh zahtu a nih tur thute, sawrkar hnathawk ram mipui tana thalote chunga dan a lekkawh tur thute, dan lo a ram chhunga rawn lutruk hnua kawhmawh bawlte hnawhchhuah a tumnate chuan Republican candidate vote ngailo leh vote pawh thlak ngailo ati lawmta em em mai a ni.

Ka thlir zel dan: President a nih hnu hian party lehlam lehlam hian an hlauhruk em em mai chu, globalization anlo tuipui thin a rawn sual leh an kalphung pangngai thin, lehlam lehlam a ruka kaldan phung nei them them a sual ngam hi a ni. Chutah chiah chuan President Trump duhlo tute chuan thalaite fuihpawrhin nasa takin buaina siam an awm phahta a nih hi, zirna sikul thleng maiin. President Trump chuan khawvel pumpui tan President a thlan anih loh leh American tan a thlantlin a nih a sawi phah reng a nih kha. President hluite an mahni state a kir leh thin Obama Washington a a awta tlat mai leh a thiannu ber a in ngeiah a insuan lutte pawh hian a ruka tihchhiat tumna an neih ngei a rinawm. President Trump hawtute kalphung nen a inmil — Globalization, Illuminati, leh Freemason thuken inangte hi thlir chian a tha viau bawkin ka hria.

White House a Kristian Pathian rawn kenglut leh ngamtu, Evangelical Christian vote 81% hmutu President Trump hian fing taka ro a rel thiamnan tawngtai sak thin tha hlein ka hria — U.S. President hi khawvel tan a pawimawh hle mai si a!

Similar Posts:

Recent Posts:

11 Responses to “President Trump ka hmuhdan (amah thlawptu lam atangin)”

  1. 1
    Leo dtea Says:

    Chhiar chhuak vek e
    Dik ka ti khawp mai, ka thlawp khawp che a ni.

    Report this comment

  2. 2
    Henry Vangchhia Says:

    Leo, ka lawm e. Bung remrumin kimlo takin kan thual thiak thuak a nih hi. :) hairehai

    Report this comment

  3. 3
    doc_lib Says:

    Ngaihnawm ve. Tin democrats candidate Hillary te hi chu an thiang zau leh lutuk a. Anpui inneih te, nau tihtlak te thlengin an thlawp vek mai a. Kristian ram ropui, Missionary pawh khawvela tir chhuak hnem ber ram hruaitu a tan Pathianin tlak a ti lo ani ber mai. Poll ah sang char char mahse, a huntakah Pu Trumpuia chu Pathianin a rawn chawisang anih ber hi.

    Report this comment

  4. 4
    Henry Vangchhia Says:

    doc_lib, i rawn comment a ka lawm hle mai. Democratic party hi an kal piahta (far left) ta mah mah niin alang. Tun hma, Bill Clinton hmalam kha chuan an heti em em biklo asin mawle. Rinna lamah a chak nge chaklo chu Pathian bakin a hrelo ang a, engpawh nise President Trump hian White House chhungah Isua Krista hming a tawngtaina hunte a rawn lalut lehta hi a lawmawm hrim hrim. A presidency a hlawhtling dawn em tih chu kum 2 hnuah a hriatin ka ring. Thalam han beisei zel rih hawt ila.

    Report this comment

  5. 5
    Awmtea Leo Khiangte Says:

    A ngaihnawm hle mai. Ka chhiar chhuak dap. I ngaihdan hi ka tawm viau.

    Report this comment

  6. 6
    Henry Vangchhia Says:

    Awmte, ka lawm e. :) . hairehai

    Report this comment

  7. 7
    51n.net Says:

    51n.net

    President Trump ka hmuhdan (amah thlawptu lam atangin) | mi(sual).com

    Report this comment

  8. 8
    Pakak Says:

    trumpuia chanchin, chet vel dan hi chu a ngaihnawm hrih zel e…i hmuhdan/ngaihdan ka e…

    Report this comment

  9. 9
    Henry Vangchhia Says:

    Pakak, dam gui gui maw? Lunglen thlak thin teh e, misual hi. :) hairehai

    Report this comment

  10. 10
    jpaite Says:

    Ka log in ve leh thei hlauh e!
    Good post!

    Report this comment

  11. 11
    Henry Vangchhia Says:

    jpaite, Iti lawmawm e. Hahahaha loginna theihnghilh an awm nualin ka hria :D hairehai

    Report this comment

Leave a Reply

You must be logged in to post a comment.