SIH HUAI NEI (True Story)

February 18th, 2017 8:20 pm by Ruatfeli pa

Kum 1919 ah khan Mizoram ah ‘Hripui’ alêng chiam mai a.He hrî hi influenza ni a sawi a ni.Indopui I-naa Mizo tlangval france rama kalte rawn kai haw niin ansawi!He ‘Hrîpui’ hi influenza anga sawi nimahse arâpthlâk hle a niang!He hrîin aman tawhte chu awm hmunah antlu tawpa,anthi tawp zel a ni.

He Hrîchhia hian Serchhip khua pawh nasa takin atuamve a,Chhungkuaa thi mangta thakte pawh an awm niin ansawi a,thlân pawh an inlâi sênglo hial a,khur khatah mi 2/3 te anzalh mai a ni.Thlân vûngte chu râlkhat atanga thlîr pawhin a sên vul thei hial a,an thlânmual veng chu ‘Senvêng’ tih alo nita a ni.

Kum 1933 ah Serchhip khua chhungkaw tam zâwk chu ankhaw hmun hlui(Mary Winchester anlaklêt lai(1871) vela an awmna),tlâk lam ‘Kawlri’ hmunah anpêm leh hlawm a,Serchhip khua chu mi tlêmte chauhin an luahta a.

Kum 1935 ah phei chuan pêm bâng tlemte pawh chu Kâwlriah chuan an insuan zota vek a ni.He mi kum hian ‘Mizo Zirlai Pawl’ hi din ani nghe nghe a,a hnu lawk 1938 kumah Zâwlbûk tihtawp anive leh bawk a ni.

Kum 1935 hian Mizoram pumah ‘Thlarau thianghlim harhna’ athlenga,Serchhip khua pawh nasa takin harhna chuan anuai ve a,Bialtu Pastor hmasa ber Pastor Chhâwna hunlai a ni.

He ‘Sih huai nei’ chanchin hi kum 1936 a thilthleng a ni a,ka piin apa thiltawn min hrilh a ni.

Ka pi pa hi Dêngnûara ani a,he thil atawn lai hian ka pi chu tui umli khirh rual(12yr) vel a ni a.Dêngnûara chuan Dârtuahthanga leh Dârdêngite fanu Dârneihthangi chu nupuiah neiin fa 2, Lawmthangi(ka pi) leh Thandanga annei hman chauh tihin kum naupangtê niin a boral a ni.Thenkhat chuan he a thiltawn avanga boral niin ansawi a.Mahse,ka pi chuan a thih chhan chu thildang niin a sawi thung a ni.

Serchhip IOC hmuna ‘Hmâwng’ lian tak hi ‘ Dârdêngi hmâwng’ tih a ni.
**. Pi leh pute eizawnna pui ber chu thingtlâng Lo neih a ni thin a.Lo chu Buh chînna hmun a ni a,chumi tur chuan ramngaw zau pui pui an vâta,an pho ro a,(chu chu ‘Chap’ anti.Chap an pho chârro lai hian ‘Chapchâr Küt’ pawh an hmang thin a ni),an hâl fai leh thin a ni.

Dêngnuarate nupa leh anau Pawithangate pawh an Lo hâlin an kalve a,tlâi lamah chuan thlî atam deuh thínsi a,mei chhuah palh hlauin an thlenve lehin an hal nghala,chaw fák hun meuh chuan a kâng fai vek tawh a. Chaw an fâk dawn chuan Dênga chu an vâu luite tui chawi turin a kala,a hmel chu a nûr deuh nûnga,khua chu lum atih hmel hle mai a,a thlan tui chuan a bual huh hluam mai bawk a. Chumi ni chuan Ni chu asâ bîk emaw tih tur hian asat hian asâ vawl vawl mai a,kângvâr hlim anih avangin khua chu alum em em mai bawk a,Thing kâng bâng la mût khu vung vung maite chuan khawlum anti zual hle in a hriat a.

Lui athlen chuan lungtât tiat lek tur lung ahan raplet palh a,chu lung hnuai atang chuan Sa danglam em em mai pahnih hi anlo zuang chhuakta mai a.Mak tiin aphu zawk nghe nghe a. Chu Sa chu adanglam hle a,kuttum tiat lek anni a,uite pangang ang maiin an hmâi chu a awm mêt a,avâng zawngin adum leh avâr,sen lek lekin atial biai a,an thau chum thain an duhawm reuh hle a ni.Dênga pawh chuan midangte hmuhve atan a ît a,man tum chuan a ûm taa. Man phák loh deuh si ah chuan ansawt therh therh zel a,man maiin in beiseiin a umve zel a,thui vaklo hnuah chuan luikamah an per kai a,Dênga pawh chu a kâive zel a.Mahse,chulaiah chuan Sih alo awm renga,sihah chuan an zuang lûta an bo zuita a.Dênga chu hrilhai takin a hawìhâita ringawt mai a.

SIH hi luikawr nisilo laia tuitling/tuihna insiam a ni. Chutia angaihna hrelo taka adin lai chuan Aw a hreta a.. “Khawvel awm tirh atangin helai hmunah hian kan chêng tawha,tuman minla hmu ngai lova,nang chauhin minla hmu a ni.” ti hian a hria a,a rilruin,”Chuti ka thi dàwn nge ka dam dàwn ni ang?” tiin angaihtuah hman chauha,Aw bawk chuan,”I vanneih chuan i dam anga i vanduai chuan i thi ang” tiin thudik awmsa rengsi chuan Dênga ngaihtuahnate chu alo chhàng a. Rilru nuamlo tak chuan tui chu khaiin alêt lehta a,a chhungte bulah pawh chuan engmah asawi duh lova,Ani ber pawhin a hlauh rilruk tlat avangin anhlauh a hlau a ni.

Tichuan,chaw chu an eizuita a,an eikham chuan Dênga chuan an Lo hâl chu a fang kual véla,a rilru bawkin,”Tlaklam pêr hi akàng thave emaw chule?” tiin chulam chu pan atum mek a.Chutih lai tak chuan a aw hriat hnu bawk khan,”Kângse kâng suhse,i chhawr lovang!” rawn ti lehin a hria a,a han hawi vel ruai a,eng thil danglam mah a hmu lova,a reh zui vawng vawng mai bawk a.

Chutia arawn tih hnu phei chuan athi ngei dawnah ngaiin Dênga chu a awm a nuam thei tawhlo a ni.In an thlen hnu chuan a thiltawn chu asawita a,mak antiin an hlauthawng hlawm hle a.Chumi zân atang chuan a damlo zuita char char mai a ni.

:-[ Dam tihni reng a neìh theih taklohah chuan chu Sihah chuan athlâ atâng niin an ngaia, ko turin apa Dêngleha ,pa huaisen tak mai chu athawk chhuakta a.Mahse ako haw theita lo a ni. A thla koh chanchin hi a remchan angin ziah leh a ni ang. He mi hnu reilo teah Dêngnuara chu kum 29 mi chauh niin a boral zuita a ni.

Similar Posts:

Recent Posts:

2 Responses to “SIH HUAI NEI (True Story)”

  1. 1
    Leo dtea Says:

    ngaithlaknawm hle mai (Y)

    Report this comment

  2. 2
    Pakak Says:

    ngaih nawm e

    Report this comment

Leave a Reply

You must be logged in to post a comment.