“Vote thlak” chungchang a kei leh United States.

January 11th, 2017 6:39 pm by Henry Vangchhia

Ka blog a mi ka rawn suan lut e:

Kum 2007 atang tawh khan United States-ah hian “vote thlak” thei dinhmun a insiam ve thei ni tawh mah ila ka phur tehchiamlo bawk nen ka ngaihsak ngailo. Thiante hnenah pawh ka tumloh thu ka sawi zeuh zeuh tawh thin bawk. Kum 2008 a United States President thlanna a awm khan, ram tan a mi tha a ni dawn a ka hriat vangin (a campaign auhla vang a ni ang), vote thlak tumna lam nei chuang hauhlo chuan ka nupui hnenah Barack Hussein Obama vote ngei ngei turin ka fuih. Ka fuih mai pawh nilo-in ka tur zawk mah awm e. Vote tumna lam neive lem rihlo mah ila, awmna ram atan chuan mi dik leh ram tan a tha tur ni a ka ngaih chu party politics a buailo-in kalo tan ve em em ringawt mai a nih chu.

A campaign auhhla a ropuiin a ukil nih hriat tak a tawngkam thiam Hussein Obama chu President a nita ngei a, a lawmluh ni pawh a pui hep hep teh e! Mahse, kum khat pawh a ral hma chuan kalo tanta kha inchhirna leh inngeina deuh ka neita tlat pek a. A rei zel a, mihring lem tak leh America ram chakna haw tak (he seem to hate strong America), khawvel a chak bik nih duhlo niawm taka engkim kalpui a ni chhota zel mai a ni. America hmelma Iran a thlawp a, remchang a hmuh apiangin America hmingin ngaihdam a dil a, middle east a America thiantha ber leh Democracy ram awm chhun chu a hawta em em mai a nih kha. Tichuan, kum 4 a ral dawn… 2012 a inthlan awm leh turah Hussein Obama a ding leh chu a lungchhiat thlak lek lek zawk a ni. Tin, hna a thawh hma a Nobel Peace price an pek khan a lawmman siamtute a ti nep sawtin ka hre nghe nghe. Hussein Obama leh Romney te chu ram tan a tha lo tur nia ka hriat ve ve vangin vote thlak lam ka ngaihtuah leh talo a, ka nupui pawh chuan a tu zawk mah chu a vote ta lo a, kan chhungkua atangin 2012 inthlan khan vote a tla talo a ni.

Kum 2016 inthlan lo awm tur chu Republican party a candidate an tam hle mai a ( mi 17), mi tha deuh hlir nia ka hriat anni hlawm nghe nghe. Democratic party candidate te erawh: pakhat chu kan awmna state, Maryland governor hlui, a mayor nihna a record chhe fahran, governor a nih pawh a record tha nei lemlo a ni. Pakhat dang lah chu Democratic hming a ding independent candidate leh Socialist a ni. An hmeichhe neih chhun lah chu dawt sawi avanga a hna lian thawh hmasak ber atanga an ban, record tha reng reng kum 30 vel chhung neilo a ni. Republican lamah chuan politics lam a hming la nei ngailo pakhat, frank tak mai, mi pawisawi palh hlauhna neilo a thil a nih ang ang a sawi chhuak phawng phawng mai chu an chuk rawn ta luai luai mai a — a chanchin chhui chian chakna ka neita tlat!

Donald J. Trump, New York billionaire chanchin chu behchian dawl nia ka hmuh theih ang ang ka chhiar ta char char a, chutih pah chuan Hillary Clinton leh Socialist Bernie Sanders chu ka chhui thiam ang tawk tawkin ka chhui ve bawk a ni. Donald Trump a record chuan min hnehta em em mai a, liberal chanchinbu leh professional politician ten an beihrawn nasat em avang chuan ram tan a mi tha a nih rinna ka nei zualta sauh bawk a ni. Amerian politician ho hi (Republican & Democratic), an campaign lai a pawisa tam tham thawhtute hian an thuhnuaiah an dah vek a ni ber a, chumi chu ram tan a pawi telh telh mai a ni.

Kum 2016 inthlan lo awm tura vote thlak tur chuan inbuatsaih a ngaihna zawng zawng chu ka tifel ve ta hluai mai a, mak tak maiin ka phur ve nek lehnghal a! Vote thlak ni, November ni 8, 2016 hma chuan vote thlak hma duhte tan state 37 leh District of Columbia-ah vote thlak hma (early voting) phal a ni a. Inthlan ni (election day), November ni 8 a ka hman dawnloh vang ni hauhlo chuan Donald J. Trump ka tan em vang chuan November ni 2 chuan vote thlak turin phur fahranin ka inkhalh chhuak ta a ni. A hma a voters registration tilo ka nih vang chuan polling station a duty te chuan Republican angin nge Democratic angin register ka duh minlo zawt a. Kei chuan, independent rih phawt ka duh thu sawi pah chuan, “tun tum chu in register pawh ka tumlo, Mr. Trump ka vote hmu tur a ni tho tho,” kan ti hram pek a, duty nu pahnih chu an nui nasa teh asin!

Inthlan ni, November ni 8, 2016 zanah chuan vote chhiar ka nghak ran mai a, state hrang hrang an chhiarte chu ka thlir zel a. Politics lam a lehkhathiam te chu Pu Trump-a chuan dawt a sawi chhoh tirta zel mai chuan ka lawmna an siam hle. Zing lam a liberal media hoin phurlo zet a, “Mr Tump is going to be the next President of the United States,” an rawn tih te, Pennsylvania state, Democratic party lam hmun him chu 100% vote chhiar tlin dawn tepah pawh chak zawk anla puang duhlo tlat maite chuan ka nuih anti za a, an che naupang chhia ka ti hle. Tih ngaihna thlawt an neihloh hnu, November ni 9 zing dar 2:30 a a tlin thu an rawn puang chiah kha chu “America-ah hian Kristian nih a nuam leh dawn e,” tihna te chuan ka rilru a luah nghal a, “Obama chhuak chiah anga ISIS lam hian America an rawn bei zui zat ang em le?” tihte pawh chuan ka rilru a luah tel ve bawk. Ka nupui muhil chu ka kaitho a, Trump a tlin thu ka hrilh chu, “Tinge a tlin hma atangin min kaihthawh loh…” ti chung chuan lawm hmelpu takin min rawn kuah (hug) a… “a tling ang ka tih reng kha,” a ti sap a.

United States of America a ka vote thlak hmasak berah hian ka tisual emlo turah ka ngai, ilo thlirleh phawt ang aw. Tihsual tak leh inthan leh tikah thlan nawn tawhloh a ni mai. Tihsual loh erawh ka inring hle thung.

Thubelh: University professor tam takte hi liberal zealots an ni a, chutiang zinga mi, North Carolina professor pakhat, Andrew Raynolds chuan Republican party chuan chakna an lak nasat em avangin USA chu democracy pawh ni tawhlo ( ” they win so much, it is no longer a democracy…”) hialin thu a chhuah a ni. California a hmu tello aniang e Democratic party chak lawrlakna a ni si a! Hairehai :D

Similar Posts:

Recent Posts:

27 Responses to ““Vote thlak” chungchang a kei leh United States.”

  1. 1
    Pakak Says:

    chhiar chiah ila

    Report this comment

  2. 2
    Henry Vangchhia Says:

    A tawpa tawpah chuan a chhuak ve ta. Hairehai :P

    Report this comment

  3. 3
    kanidar Says:

    A va thui ve. akekeke

    Report this comment

  4. 4
    Henry Vangchhia Says:

    Kanidar, chhiar mai mai teh. :P hairehai

    Report this comment

  5. 5
    muantea Says:

    Hei chu FB ah ka comment tawh, comment tawh lo mai ang :)

    Report this comment

  6. 6
    ahooma_ Says:

    Chhiar zo taaa

    Report this comment

  7. 7
    Henry Vangchhia Says:

    Muante, :P . nia, comment lo mai teh :D ka lawm e

    ahooma: ka lawm e aw (Y)

    Report this comment

  8. 8
    chhana Says:

    Post țha hle mai.

    Report this comment

  9. 9
    Joyce dady Says:

    I thu post chhiar a khat in lung a ti leng hle mai

    Report this comment

  10. 10
    Henry Vangchhia Says:

    chhana: ka lawm lutuk e. I post chhiar hi a manhla thin khawp mai. Hairehai :D

    Joyce: misual.com a engkim mai hian ka lung min len. :)

    Report this comment

  11. 11
    ขาย เบอร์ สวย สอง หลัก แท้ Says:

    ขาย เบอร์ สวย สอง หลัก แท้

    “Vote thlak” chungchang a kei leh United States. | mi(sual).com

    Report this comment

  12. 12
    Ruatfeli pa Says:

    Post tha e…

    Report this comment

  13. 13
    Henry Vangchhia Says:

    Ruatfeli pa, ka lawm e (Y) hairehai

    Report this comment

  14. 14
    TuaiSialA Says:

    A ngaihnawm nawn leh e :D

    Report this comment

  15. 15
    Henry Vangchhia Says:

    Ts :D hairehai :D . ka lawm e

    Report this comment

  16. 16
    Lalruanga Says:

    Post Tha E.. :-D

    Report this comment

  17. 17
    apo.af Says:

    apo.af

    “Vote thlak” chungchang a kei leh United States. | mi(sual).com

    Report this comment

  18. 18
    order tramadol online overnight Delivery Says:

    order tramadol online overnight Delivery

    “Vote thlak” chungchang a kei leh United States. | mi(sual).com

    Report this comment

  19. 19
    Phivawk Says:

    Ka chhiar chhuak dap, a ngaihnawm e (Y)

    Report this comment

  20. 20
    Henry Vangchhia Says:

    Phivawk, ka lawm e :) hairehai

    Report this comment

  21. 21
    www.skypetranslate.Com Says:

    http://www.skypetranslate.Com

    “Vote thlak” chungchang a kei leh United States. | mi(sual).com

    Report this comment

  22. 22
    Lamont Says:

    Lamont

    “Vote thlak” chungchang a kei leh United States. | mi(sual).com

    Report this comment

  23. 23
    caribou Says:

    A ngaihnawm hle mai.

    Misual.com hian ka lung a tileng takzet a ni.

    Report this comment

  24. 24
    Henry Vangchhia Says:

    caribou, i dam thin maw? Ilo chhiar a ka lawm e. Ni e, misual.com hian lung ati len thin takzet. Thiante lah kan inchharin kan inthlaliam hnemta.

    Report this comment

  25. 25
    Mirta Says:

    Mirta

    “Vote thlak” chungchang a kei leh United States. | mi(sual).com

    Report this comment

  26. 26
    kawlhawk Says:

    i tisual lo turah ngai ang. ngaihnawm viau e.

    Report this comment

  27. 27
    Discover More About The TURETH Of The Fat Burning Kitchen Review Says:

    Discover More About The TURETH Of The Fat Burning Kitchen Review

    “Vote thlak” chungchang a kei leh United States. | mi(sual).com

    Report this comment

Leave a Reply

You must be logged in to post a comment.