Kan kawng hi

July 1st, 2014 7:49 pm by Ruata 4 Cabin

Nitish Kumar Bihar CM a nih tirh khan a hma zawnga rorelna lo thawk tawh Lalu Prasad tih ngai loh a rawn ti a, chu chu thil dang zawng aiin an state a kawng a tha thei ang ber siam leh kawng tha tak siam a ni. Kum a han liama nipui a liama, fur in a han thlasik a rawn vawta, chutiang anga hun a hna kal chhoh zel chuan chhiarpui a awm leh meuh chuan Bihar chu India ram state zinga hmasawn chak berah a hlangkai nawlh mai. Thil dang tak tak chu he hmasawnna khalh kal tu zingah hian a awm ngei ang mahse kawng ngai pawimawh kawng tha tak siam lama hma a lakna hi a kawng bul pui ber pakhat chu a ni ngei ang-dawt a ni a rinawm lem loh bawk. Hetiang hi state danga an tih dan a ni. Keini lam hi engtin?

Keini lamah chuan hmanni lawkah te pawh khaw pakhat chu Pa ho in an khua a lut tur buhfai phur chu kawng chhiat luat tuk avangin a lut thei lo a ni a pawhin an pawt thleng tawp mai a. Tun ang fur hunlai phei hi chuan khaw thenkhat khaw kar kawng chu tui hawk avang leh chhan eng eng e maw hrang hrang avangin kal theih lohin a awm leh ngei ang.

Kawng tha hi hmasawnna tur atana a bulpui ber pakhat a ni tih chu tu pawhin kan hria mahse a siam that lam leh a tih changtlun lam hi kan ram hruaitute hian an hlau tlat emaw tih mai tur a ni. An tuallenna chin a that chuan an lungawi viau ni te in a lang bawk. Ram aia mahni in leh lo leh thil dangte siam hmasawn hmasak ngai pawimawh tu ram hruaitu tan phei chuan khawi maw khaw kilkhawr lai ve takte kawngte chu campaign lai lo chuan ngaih pawimawh te pawh a harsa mai thei bawk.

Thawkkhat lai khan kan district council pakhat chuan direct funding kha an sawi ri deuh a. Social media sawikhawmna atang chuan helh tak tak an tam hle in a lang. He kan district council panna kawng hi tha lem lo tak a ni a, amah hnaih bertu district atang hian KM 80 vel a hla chauh a ni a, mahse chu pawh chu darkar 5 lai te kal a ngai thin, kawng chhiat luattuk avangin.  He kawng hi mihring ni ta se chuan..

La ziah zawhloh chu niin a lang. Mahse nikum lam atanga draft a awm tawh a nia, kan rawn post mai

 

Similar Posts:

Recent Posts:

2 Responses to “Kan kawng hi”

  1. 1
    Borat Says:

    Kan kawng chhe mahse kan politician te leh engineer te in a ropui thung alawm.

    Report this comment

  2. 2
    chhana Says:

    Lungawi zawng a har a ni. Chuvangin, tunatang chuan i fimkhur tawh ang u. Ruahmanna fel neih a ngai a ni.

    Report this comment