HMANGAIHNA DER

June 30th, 2014 3:16 pm by Lal Ngamsaka

Hmangaihna der dawn chu maw?
Hlimna beisei chunga tahna,
Dai ngailoh ram dai tanna hmun,
Hlimna tellova nuih der na,
Lawmna der nena tahna hmun,
Lungngai chunga hlim der tlat na,
Thinlung tap chung si a nuihna,
Rilru na chunga ngaihsakna,
Ngai tak chunga huat der tlatna,
Kalsan chak chunga belh tlatna,
Insi rial chunga inhlatna,
Beiseibo hnu beisei reng na,
Dik reng chunga diklo nihna,
Thinrim chunga lungawi derna,
Hrehawmna nen hmalam panna,
Duhloh chunga duh der tlat na,
Tih ngailoh thil tih luih thin na,
Tlawm zawk dinhmun luah rengna hmun,
Biahthu der pawh hai der tlatna,
Hrereng chunga inbum tirna,
Hmuhsitna nen in kal sanna,
Hmangaih ber te thlahliam na hmun,
Nunhlui chhuia hnunglam thlir na,
Zahna kawna hringnun thlirna,
Chhan tu ngaia tawn silohna,
Hlutna neilo a inhriatna,
Kawng dik hria a pan ngamloh na,
Hlau chunga hringnun hmachhawn na.
Dam aia thih thlakhlelh zawkna,
Boralna kawng hmuh tai zawkna,
Zingphul khartung kik hawnna hmun,
Hmangaihna nen pialral panna.
Suihlunglenga rauthla vaihna….. etc…etc…

Similar Posts:

Recent Posts:

One Response to “HMANGAIHNA DER”

  1. 1
    chhana Says:

    A tha hle mai.

    Report this comment

Leave a Reply

You must be logged in to post a comment.