YMA vrs Tlawmngaihna

June 28th, 2014 8:49 pm by Vanhminga

Tlawmngaihna hi kan pi leh pute hun atanga kan pianpui ni berin a lang a , a hming pawh hi a mawi in ram hrang hrang tawng pawh hian phochhuak zo tak thumal pakhat hi a awm lo tih em em chu sawisual a hlauhawm. He tlawmngaihna hi Pathian zawnchhuah ram kan ni e tih nen pawh hian a inmil na lai riau neiin ka hre ve a,Lungbul thingbul kan biak hma khan tlawmngaihna hi kan thlahtu te zingah khan a lo cheng tawh a,Sap Pathian thuhril tu te rawn kal khan Pathian a awm thu leh a chhandamna chungchang min hrilh bak kha thuthar vak a awm ka ring lo.Kan nundan leh kan chezia kha a mawi sa em em a ni.Ramvah leh indo lam te chu dahtha ila.Bible thu hre ngailo hnamah chuan Mizo te hi Bible a inziak zawm tam ber pawl kan ni maithei.

Hun te a lo in her danglama lohtheihlohna vanga tlawmngaihna lo danglam ve zel a ngai ta a, tun ang laiah chuan zualko kal te kha thil tul lo leh hun heh a ni zo ta a, mitthi an awma zualko in tirh talh chu a tangkai tawh kher lo maithei 2014 ah hian. Kan tlawmngai ta lo e, tlawmngaihna thangthar ten ka tlachham e kan tih talh chuan tlawh ngailoh sahuan a ramsa te ang mai kan ni dawn a sin. Khawhar in riak te kan inhmu zo ta lo lek lek a hruaitute lu a hai tan, hmanah chuan tute pawh riah theih turah kan ngaia mahse tunah erawh mitthi in awmna atanga hla vaklo te riahna turah kan ngai tan chho mek zel, tlangvel kher an nitur a ni tih dan a awm lo a, kan vaia riah theih tih kan hriatlem takah chuan mitthi in bula hnaia mite harh thar teh ang u.

Tlawmngaihna lo dal leh zualtur leh khawtlang nun vawng him turin YMA a lo ding ta heichiah hi a ni tam takin Pathian rawngbawlna lam nena tehkhin thin chu YMA hi rawngbawlna nena tehkhin chi nilo in rawngbawlna ram zauhna tur zawk ani tih hre thelh kan tam ta. Rawngbawltu in ti hmeithai leh chhumchia te biak leh tanpui dil ngam loh hi a dik tawk lo hle a, khawtlang hruaitu in ti rawngbawlna lam ngaihsak lek lo chu a tlu sual der a ni. Khawtlang hi Pathian tello a enkawl chi a nilo, a kalsual palh chuan a pawi thei hle. Tlawmngaihna hi YMA ta a nilo a Mizo ta a ni.Mi tamtakin yma chu tlawngai tura an ngai hi a fuh lo a. YMA angin tlawmngaihna hi ti vul lo in tlawmngaihna in yma leh kohhran ti vul zawk ang u. Tlawmngaihna hlu hi a kristiana YMA ta nilo in mitin ta a ni zawk .A sei ta hle an ti ang ka kum rualpuiten tawk mai teh se..

Similar Posts:

Recent Posts:

3 Responses to “YMA vrs Tlawmngaihna”

  1. 1
    Sony Says:

    Mizo ho chauhvin tlawmngaihna an hre lo.

    Wikipedia: Altruism or selflessness is the principle or practice of concern for the welfare of others. It is a traditional virtue in many cultures and a core aspect of various religious traditions and secular worldviews, though the concept of “others” toward whom concern should be directed can vary among cultures and religions. Altruism or selflessness is the opposite of selfishness.

    “Mizo te hi Bible a inziak zawm tam ber pawl kan ni maithei Khawi lam dawt nge nita?

    Report this comment

  2. 2
    chhana Says:

    Voluntary hi hnam dang tawnga tlawmngaihna tih sawina chu a ni mai lo’mni? Nimin khan kan hnathawhna hmun Aizawla veng pakhatah chuan mitthi an awm a; a thih hun leh an puan kha darkar hnih vel laiin a inthlau. Tualchhung mi kan thawhpui ni bawk ka zawh chuan ‘an puan nghal chuan mipui an lo kal anga; an bungrua vel mipui nawlpuiin an khawih chuan thil bo pawh a hlauhawm vangin thenawm khawveng ten an tih fel phawh hnuah an au thin’ tiin min chhang. A awm khawp mai. Tunlaiah misual hi thiam takin an inlar mai tawh thin sia. Hengte vang hian tlawmngaihna pawh hi misual ho avang leh mihring kan tul tak em avang te hian a bo ni lo in chintawk neih thiam a ngai khawp mai. Khawhar in riah pawh veng thenkhat chuan an tih tawp tak hial reng hi.

    Report this comment

  3. 3
    Borat Says:

    Netherlands 2 Mexico 1

    Report this comment