Mizo kan lo changkan leh zawk nan

June 24th, 2014 9:36 am by H.Pari

13.7.2012: Hei kum 10 chuang zet chu Mizoram pawn ah ka lo awm ve ta a; hnamdang zinga rei tak han tal takah chuan eng hi nge Mizo te hian kan chhunzawm theih a, eng hi nge hma kan lakna tur tih te hi ka lo ngaihtuah ve mai mai thin a. (A hrim in ramngaw len zawng pawh hi a ramngaw chhunga cheng te ai chuan a tlang lehlama lo thlir tu te tan hian hriat a lo awl zawk ve thin a :-) ) Chuvangin ka duhthawh luata ka lo sawi tam deuh anih pawhin ‘constructive criticism’ zawngin lo la thei ta ula. Ka sawi angin kan thatna nilovin kan hmasawn theihna lai nia ka ngaih te chu:

Kan inzirtirna (education) hi a tha ka ti tawk lo. A lehkhabu thiamna chauh nilovin, Mizo te hi soft-skills leh general awareness lamah hian hma kan sawn a ngai khawp mai. Mahni hnampui zinga inla ve tawp, hnamdang zinga mahni chiaha awm chuan ngawi leh dui si kan tamna em em hi chu kan soft skills leh communiciation skills that tawk loh vang ah ka ngai.

Mizorama kan inzirtirna hi chi hnih chiahin ka thenkhat tawp thei – Sakhuana a inzirtirna, lehkhabu chhunga mi chiah inzirtirna (book knowledge education). A bak hi chu sap ram zaithiam, lamthiam, inkhelh thiam, lemchan thiam, tih vel hi ani tlangpui leh tawp. Hengte hi hnamdang zinga mahni inrintawkna min pe tu tur atan chuan an tlem ve thlawt. Mizorama ka haw changa ka thin ti ur deuh thin tu chu, sakhuana kan ruihchilh lutuk hlawm hi ka ti lo thei lo. Pathian thu ka dah hniamna acni lo, mahse mimal hmasawn theihna hun kan nei mang lo a ni.

Similar Posts:

Recent Posts:

4 Responses to “Mizo kan lo changkan leh zawk nan”

  1. 1
    H.Vangchhia Says:

    A dik hlawm fuin ka hria (Y)

    Report this comment

  2. 2
    TheHumanBot Says:

    “hnamdang zinga mahni chiaha awm chuan ngawi leh dui si kan tamna em em hi chu kan soft skills leh communiciation skills that tawk loh vang ah ka ngai.”

    Ni vek lovang. Awmze nei lova vai style a bengchen chiam pawh hi a ngai lo :) Meeting-na vel ah hian a nia ka sawi chu.

    Mizo dang hi ka la thawh pui ve miah lova, chuvang chuan a takin ziaktu sawi ang hi ka hmu ve lem lo. Mahse ni thei tak chu a niang.

    “A bak hi chu sap ram zaithiam, lamthiam, inkhelh thiam, lemchan thiam, tih vel hi ani tlangpui leh tawp”

    Dik khawp mai. Helam hi chu kan hre zul.

    Report this comment

  3. 3
    H.Vangchhia Says:

    # 2 ni vek thei lo ve, mahse a hnam leh ram a thlir hian a nawlpui sawina a nih thin kha! ;)

    Kan zia hi ui (dog) leh midum hi ka tehkhin fo thin!

    Zawhna: tinge?
    Chhanna: Ele ui ang maiin mahni in bul, ram chhungah chuan kan pawrin kan thawm a na hle a, mi ramah chuan kan ti dui tlangpui.

    Zawhna: Nih leh midum kher kher enge kan chhunna, anni angin kan sam a kir velo va, kan hmui a chhahin kan vun a dum ve si lo!
    Chhanna: ni e, kan lu a kir ve chiat chuat lo va, kan vun pawh a dumin kan hmui pawh a chhah ve heklo. Kan hnar perh dan pawh a inang lo phian, a dik a ni. Mahse, mahni nihna aia lan milen tumna lamah te, thawhchhuah mil lo tak a lirthei leh thuamhnaw inbel hreh zah lohna te, mi itsikna ngah lamah te, belhchian kan dawlloh zia ah leh thil dang tam takah kan chhun viau asin. Hairehai :P :D

    Report this comment

  4. 4
    chhana Says:

    Sawi dik phian mai.

    Report this comment