Vanbawng Khua Chu Maw…!

May 30th, 2014 12:02 pm by Thathanga

Sailo lal, Vanphunga khaw din niin, khaw nuam tka leh khaw inlungrual tak a ni. Chenna In 250-280 vel awmin mihring 2000 bawr vel lao an cheng mek a ni. Aizawl atanga hmarlam pana KM 160 vel niin Suangpuilawn leh Lamherh khaw pelh phei hnuin Khawlek thlen hmaah chian awmin, kawngpui hrulah In awmin Vengthlang lamah field tha tak siam mek a ni bawk. Khaw upa tawh tak a ni tih hriat theihna chu kum 2010 khan Vanbawng khuaa kohhrhan lian ber Presbyterian Kohhran chuan Gospel Centenary hial an lo lawm tawh a ni.

Khawchhak lamah Manipur awmin Tuivai lui chu ramri-ah hman nghal a ni a. Chhuah lamah hnahthrung lui awmin tlak lamah Vawktelunglui a luang a, hmarlamah Tuikhurlui a luang bawk a ni. Heng bakah hian luite hrang hrangin a hual vel a. Sangha leh Chakai man hun lai chuan a chheh vel luite hrang hrangah naupang leh puitling chenin an man sup sup thin a ni. Chhim lamah tlangdung lian tak awmin a hla ber leh sang ber chu Sappuizotlang a ni a. Hei hian thlipui lo thawk tur lakah a lo dang bawk thin a ni.

Vanbawng khua hian a hming a pu zo hle a. Tlang pangah khua awmin thlifim thaw heuh heuh thin chuan nipui khawlum a ti zia awm thin a. A khaw hmun a san a vangin khawthlir vel pawh a ti awlsam phah em em bawk. Thlifim atam em avangin thlasik boruak a ti vawt lehzual hle a, tawrh zawh loh khawpa khaw vawt erawh a awm ngai lo.

Nula leh Tlangvalte chu tlawmngaih kawngah chuan khawdang aiin an nep bik chuang lo. Zirna lamah an san em avangin mi ropui leh mithiam tam tak lo chawrchhuahna hmun a ni bawk. Matric passed te tam zir chhunzawmna mai tur a awm loh avangin khawpui lamah zir chhunzawm turin an liam thla sung sung thin bawk. Hei tak hi a ni Krismas tinuam thintu chu. Krismas dawn hnaiha khaw hrana lehkha zir leh tulna avanga awm bo te an rawn haw sap sap tawh hi chuan kan kim tlang hle thin a ni.

Similar Posts:

Recent Posts:

5 Responses to “Vanbawng Khua Chu Maw…!”

  1. 1
    Bucko Says:

    Va tawi si ……… :)-

    Report this comment

  2. 2
    Jennifer Lo Says:

    ku TS, tinge line tin khi word top lam khi ka chhiar ve theih loh..??!!

    Report this comment

  3. 3
    H.Vangchhia Says:

    Jennifer Lo #2 keipawh ka ni tho a lawm. :( hairehai :P
    Thlalak zeh tel niawm tak a ni, a awm der si lo! :(

    Report this comment

  4. 4
    Thathanga Says:

    Post leh hunah thlalak chu tihlan kan lo tum dawn nia….

    Report this comment

  5. 5
    chhana Says:

    Rin aiin a ngaihnawm nep.

    Report this comment