Thlangdar thah dan!

May 14th, 2014 10:00 pm by H.Vangchhia

Thlangdar hian kawng chi hrang hrangin mihring nunphung a ti khaihlak ve thei a. An ninawmna ber chu huan thlai leh theite an tihchhiat thin vang a ni bawk. Entirnan, Mizoram angah chuan serthlum a rah a a hmin tak tak hmain a tui an zuk ta thin a, chutiang chuan serthlum rah tam tak a ti tawih a, ei tling lovin kung tam tak an chhuah thin a ni.

United States-ah hian Japan emaw China atang emawin bungraw lakluhna (packing crate) a lo awm palh ni ngei tur chu kum 1998 khan Allenton khua, Pennysylvania state-ah hmuh hmasak ber a ni. Chumi chu an hmuh hmasak a ni nangin chumi chinah chuan rannung ninawm tak US khawmual pumpui maiah anni ve ta a ni. Han sawi belh lawk ila USA ah hian Asia ram, Mizoram ang a kan thosi-ngalsang (Asian tiger mosquito) ang hi thlangdar ang tho va lak luh palh niin, kum 1980’s chhova rawn ken luh palh bawk a ni. Vanneih thlak takin malaria a awm lo hlauh thung.

Engpawh nise, thlangdar hian hmun lum an ngaina em em a, khawvawt zual erawh an tuar thei miah bik lo va an thihpui vat mai thin. Chutiang chuan khawlum lai, nipui lai chuhin (ti mai ang) nasa takin an inthlahpung thin a, thlasikah chuan hmun lum zawngin, “a lai lum lum tawnah,” tiin zah hre heklo, mi in chhungah luh phet an tum tawh mai thin a ni (US-ah).

Chutiang teh hrep a ninawm leh thlai tichhe nasa an nih takah chuan a thahna hlo chi hrang hrang an siam chhuak a, an hralh thei hle bawk awm e. Mahse, rannung thahna hlo reng reng hi mihring tan a him biai a la awmlo ni ngei tur a ni, mithiamte chuan research an neih chhunzawm zel tho va. Tichuan tunkar awmta mai khan radio leh TV-ah chuan Virginia Tech. lam mithiamten mihring tan a hlauhawm si lo leh khawvel a tihrem tumna lam siam tawh zawng zawng aia tha an hmuhchhuah thu an puang ta a ni. An hmuhchhuah chu a holam angreng khawp mai a, mahse “a tha ber” an tih tlat chu! Kum hnih research an neih hnuah dawr a zawrh aiin a let 14 laiin a thawk tha zawk niin an sawi.

A pan of soapy water under a desk lamp attracts and kills 14 times more stink bugs than commercially produced traps that can cost as much as $50, the study finds. The study was conducted in 16 houses over two years.”

Chawhtawlh emaw-ah sahbawn leh tui chawhpawlh chu an dah tling luau mai a, chumi tui tling luau-ah chuan eng (light) an chhuneng a, a tukah an han en leh chuan thlangdar tam tak an lo tlahlum phung mai a ni. Mizoram-ah hian huan nei, thlai tam tak thar thei turin thlangdar vang a thlai chan teuh an awm thinin ka hria. Hetiang thil awlai angreng tak hi tih ve chin atan a tha ka ti mang e aw. Mizoram tan a a harsatna tur chu entirnan, serthlum huan nise, eng (light) siam nan electric generator emaw inverter emaw neih a ngaih ka ring.

Chhiar zau duh tan:

Similar Posts:

Recent Posts:

15 Responses to “Thlangdar thah dan!”

  1. 1
    H.Vangchhia Says:

    Ka link dah chu a tel ta chuang lo a nih hi mawle. Tah hian dah mai ang, video pawh a awm e:

    http://www.wtop.com/120/361855.....ught-Video

    Report this comment

  2. 2
    Lersia Says:

    Thlangdar hi vuak perh thlawp ai hian an mahni an zun ngei hian a rimchhe zawk tlat… mak deuh a ni…

    Report this comment

  3. 3
    saint sammoo Says:

    good post

    Report this comment

  4. 4
    chhana Says:

    A tha viau naa, kan ram atan chuan vuak/rah hlum mai hi a la that zawk hmel. A hrisel lohna (effect) a awm hmel chuang lo bawk a.

    Report this comment

  5. 5
    H.Vangchhia Says:

    chhana #4 thei huan nei la thlangdar i rah hlum sen ka ring lo. Mizoram a serthlum ei chhe chi a hring ho ngat phei kha chu hmuh harsa tak an ni. Kan kahna hlo hmante kha mihring tan an hlauhawm hlawm teh a nia aw! hairehai :( :D :P

    Report this comment

  6. 6
    saint sammoo Says:

    Po Rokhuma MSVT khan RK mixture direct hit… a siam kha maw le…. :-D

    Report this comment

  7. 7
    H.Vangchhia Says:

    saint sammoo, bawnra hmel ve a :P :D

    Report this comment

  8. 8
    Awmtea Leo Khiangte Says:

    Chhiar zauna chu ka va blind ve.. :-D

    A tha e (Y)

    Report this comment

  9. 9
    Lamji Says:

    Winter laiin chhuat dum thut khawp in kan nei thin. He post hi December first week vela min remind turin set dan awm se aw.. :) (Y)

    Report this comment

  10. 10
    H.Vangchhia Says:

    Lamji #9 khua a vawh hian in chhung lum an pan ve a lawm. :) Engemaw I chhinchhiah theihna turah ziak la :) hairehai

    Report this comment

  11. 11
    The Real Says:

    Bengvarthlak khawp mai…

    Report this comment

  12. 12
    H.Vangchhia Says:

    The Real (Y) Ka lawm e. Chhawr tangkai kan awm theih takin ka tia ni. :) hairehai :)

    Report this comment

  13. 13
    lr hlonchhing Says:

    Good post (Y)

    Report this comment

  14. 14
    H.Vangchhia Says:

    lr hlinchhing, ka lawm e :) (Y)

    Report this comment

  15. 15
    Chhuaklinga Says:

    A bengvarthlak hle mai, chhinchhiah kar teh ang. Zawngtetui lama kan chhungte hrilh tur a nih hi, an ni serthlum huan nei a ni bawk a. (Y)

    Report this comment