Mizo-te kan tanrual thiam a hun!

May 13th, 2014 7:00 pm by H.Vangchhia

Takam fin kan chelh loh zia maite hi aw, kan ti nghal phawng mai teh ang. Kum 1984 chho vel kha chuan “Missionary an that” tiin Mizoram-ah Takam duh lohna thu a thang ve nasa. Anni khan a lang a pauin min khing miah lo, central sawrkar lamah an tuan daih a, hmuh nikhua pawhin biak nuam takin hlim hmel pu sarhin min bia. An fa hrin aia let engemaw zat (ni ngei tur) a tam a tamin an pung thur thur ta mai a. Tichuan ngawi rengin an pawisa neih zawng zawng seng ngam leh puk pawh ngamin an fate vairam sikul tha thaah an thawn chhuak chur chur ta mai a. Tunah chuan kan tan a hnawk awmlo deuh a awmin min hnawhphui sut sut ta mai a nih hi.

Tuikuk-te chuan ralthuam leh mi rikrap zawng a chet an hman tak zeuh zeuh vangin lainattu pawh politician ho bak an neih tawp loh hi. Politician inkhelhna kar a hmangaihna leh duhsakna pawnlang tak ang ni lovin Zohnahthlakte hian kan chipui-te chu kan lawm zawk turah ka ngai.

Keini Zohnahthlakte ve thung chu, Mizoram a awm, “Mizo” intiten kan chipui, Lai, Lusei, Paite, Hmar, Thadou te ngei pawh changkang lo zawk a kan ngaih leh Lusei tawng hmanglo chu kan hmusit a kan nuihzat a (USA, Switzerland, UK leh Australia, Germany tih vel a awm an nih loh chuan), fiamthu thawhnan kan hmang a, kan diriam viau mai zel. Zohnahthlakte hi Mizoramah chauh kan awm lo va, Mizoram pawnah, India pawnah hmun nghet khuarin kan awm teuh tih kan pawm duh a, lungrual tak a awm kan tum luih talh a tul tawh a ni. Hnam tangrual zawk Takam te chu tuma sawi buai theih lovin sazupui ai pawh a pungchak ang mai a hmuh theih ni mahse an tanrualna leh an hmalam hun an thlir thiam vangin zaidawh takin an pung thur thur a, an changkang tulh tulh mai a ni. Kum 1985 a pa naran ve tak tak ka hriat thinte khan tunah chuan Mizoramah mai ni lo, Delhi tlang thlengin in ropui tak tak an nei tawh mai reng a ni. Thingtlang pa thi khan fa an neih changkan tawh zia mai chu.

Mizo-te hi khawi ram leh khuaah pawh awm ila, Mizo kan nih chhan Lusei, Hmar, Thadou, Mara, Lai, Ralte, Zahau leh Paite kan nih vang hian tanrual theihna apiangah tanrual kan tumin sawisel leh inhauh ngaihnaah chuan unau inhauh a inhau a inzilhin, tharum thawh lo leh inhmuhsitna awm lovin thu kan relthiam a pawimawh.

Lusei tawng hmangte hi Mizo zingah kan tam ber a, majority kan la a ni. Chutiang a nih vang chuan majority latu chuan u chan changin naute zawk minority tidarhtu ni lo va a huikhawmtu kan nih a pawimawh hle.

Similar Posts:

Recent Posts:

13 Responses to “Mizo-te kan tanrual thiam a hun!”

  1. 1
    Saitawk Says:

    “Tuikuk-te chuan ralthuam leh mi rikrap zawng a chet an hman tak zeuh zeuh vangin lainattu pawh politician ho bak an neih tawp loh hi.”
    :ril:

    Report this comment

  2. 2
    muansakhi Says:

    A ngaihnawm in a inspiring e. Tunah hian a tangrual zawnga hma kan lak loh chuan a inti darh hret hret zawngin kan kal a rinawm. Facebook a naupang dawntawi velehchhawngin Lai, Mara, Hmar etc. unaute tawngkam mawlmang deuhva an han bei ka chhiar te hian kan rilru hi chhun ang maiin a na zawk zawk thin.

    Report this comment

  3. 3
    H.Vangchhia Says:

    muansakhi #2 a nia sin. Inti Mizo bik lutuk ho hi Lusei, Hmar, Zahau, Lai, Ralte, Hmar, Thadou, Paite leh Mara kan ni nawk hlawm tlat a ni. Kan tanrual a ngai takmeuh. Mahni leh mahni kan intihbuai lai hian Takam leh Tuikuk-in hma an sawn tial tual. Chhuanlam insiam chawp a inpuhchhe kual vel lo hian tanrualna lam hi buaipui sauh sauh a ngai a ni. (Y)

    Report this comment

  4. 4
    bawmrang Says:

    Takam ho khi chu Zoram hian a la buaipui khawp ang. India Mizo, Burma Mizo, Mizo American te khawi hmunah pawh awm i la kan tan rual thiam a pawi mawh tak meuh meuh..

    Report this comment

  5. 5
    H.Vangchhia Says:

    bawmrang #4 a pawimawh takzet (Y) hairehai

    Report this comment

  6. 6
    bawmrang Says:

    Ka kawmen lohna a van’ rei tawh tak.

    Report this comment

  7. 7
    Bucko Says:

    Hawh u i tang rual ang u…..
    Ti ngawt ila, kan tan rual chuan si loh chuan a ho awm mang e….
    Hei hi a lawm politics chu ni mai…. Tangrual ang an ti a, an tang rual leh tak2 silova……
    Mizo te pawh hi tang rual ang u ti ila, kan tang rual leh si lo anga…..
    Mizo te hi chu dem tur zawng reng reng kan ni bawk si a…….
    Popst ka chhiar tam lo khawp mai a, post mil lo pui8 hian ka lo comment palh a nih hcuan ngaidam pls….
    Mahse mizo hi chu tan rual hi a hr ka ti a ni…..

    Report this comment

  8. 8
    H.Vangchhia Says:

    #7 Chapo-na leh intihveina hian kan khatliam ve reuh hlawm a, tanrual hi kan harsatna a ni ber fo. India ram chhung state dang a buaina kan tawh pawhin kan tangrual thiam ngailo fo, mahni thu duh leh sawi sep ngah kan tam tlat zel. Pawimawh nia ka hriat chu mimal tin hian kan rilru-ah hetiang lam hi kan tuh ngheh a ngai ni maiin ka hria. Kan thluak hian hetiang thu hi hre nawn awn awn sela, loh theih lo va a pai luih a ngaih chinte pawh a awm mahna le. Huiham :( :-S

    Report this comment

  9. 9
    chhana Says:

    Mizoram a awm, “Mizo” intiten kan chipui, Lai, Lusei, Paite, Hmar, Thadou te ngei pawh changkang lo zawk a kan ngaih leh Lusei tawng hmanglo chu kan hmusit a kan nuihzat a (USA, Switzerland, UK leh Australia, Germany tih vel a awm an nih loh chuan)
    Braket chhunga i dah khi keimah chiah a ni.
    Kan vengah Manga, Paihte, hna hnuaihnung tak thawk a awma; ‘Paihte mai mai’ kan ti. Mumbai airport-ah buaina ka tawh tumin Paihte pakhat, Manga ve tho a lo thawk ve reng mai chu niin. Ka buainaa min puih takah chuan ka ngai Mizo rap.

    Report this comment

  10. 10
    H.Vangchhia Says:

    chhana #9 Kan politician lar ve thin tak pu H.Thansanga f/0 Mathlenga (MPS) kha Paite hnam a ni a, Mizo dik tak a ni. Guwahati, Assam a Mizo Welfare hotu thin P.K Singson (a nihna takah chuan Singson hi an awm lo va Singsuan a nih hmel) kha Thadou (Kuki kan tih) hnam a ni a, Mizo tho a ni.

    Report this comment

  11. 11
    Dr Mahminga Sailo Says:

    Tunlai chu mi(sual) nghaktu (?) Pu HV-a hian thu a thawh tha thei hle mai.. (Y)

    I ngaihdan khi ka pawm zawng tak a ni. Nikum kum laihawla JNU, Delhi ka tlawh tuma MA (Geog) zirlai pakhat chu Mizo tawng thiam tho siin, i sawi Chakma hnam a lo ni a. Bangalore-a fashion designing college tha tal NIFT-ah pawh chakma tlangval a awm thin. Ka hriat a tlem hle, mahse ngawi reng hian an la ding chhuak dawn tlatin ka hria..

    Report this comment

  12. 12
    H.Vangchhia Says:

    Dr Mahminga Sailo, hetiang reng a kan awm chuan kan ngaih sam lutuk leh chapo inkawp hian min la ti darhin min la tichhe zual sauh sauh dawn niin a lang.

    Report this comment

  13. 13
    JOHN SELDOW Says:

    Hi…

    Report this comment

Leave a Reply

You must be logged in to post a comment.