Liquid Petroleum Gas (LPG)

May 6th, 2014 12:24 pm by H.Vangchhia

Kan naupan lai kha chuan tunlai a kan rawngbawlna ang chi hi awm ve talo chuan thing kan pu zak zak thin kha a ni a, hahthlak thin viau mahse kan taksa tan a lo that dawn zia kha ka ngaihtuah let thin. Tunlai-ah erawh chuan mahni hmasial tak a fin chuh thiam chuan eirawng bawlna khawp chu LPG kan nei thei ta zel mai. A hahdam thlak viau a, in chhungah pawh meikhu rim ilo, bel ung thlengin a van phah deuh ngeiin a rinawm. Hman a awlsamin a nuam viau mai, mahse a hlauhawmna leh fimhur a tullna te, engemaw thul a chet dan turte hi kan inzirtir thin em ka hre law, tlem sawi kan tum ang e.

Propane hi -42.2°C ah chuan gas pangai a ni a, cylinder chhung a hnawh luih (pressure) a nih takah tui (liquid) ah a chang ta thin a ni. Hetiang a dah khawl hi a remchanna em em mai chu a expansion ratio hi 270:1 (LPG a nih lai a cubic feet 1 kha boruak a an chhuah khan cubic feet 270 gas-ah a a chang thei) a ni.

LPG kan tih mai hi Liquid Petroleum Gas tihna a ni a, propane a ni. Tur (toxic) nilo mahse boruak a ti darhsarhin thawchhamna (asphyxiation) a siam thei a, hman dan kawngah fimkhur a tul hle. A rim hi mihring hnarin a hriat theih lo va mercaptan an tih mai chu an pawlh thin a, chutiang rim chu kan hnar chuan a hriat a hi a ni.

Propane hi boruak aia a rih zawk vangin a put chhuak a nih chuan lei hrulah emaw, hnuailamah a zam thla ang. Hetiang vang hian a ni ram changkangah chuan propane leak awm nia an hriat chuan leihnuai pipe thlengin an enfiah thin reng ni.

Propane kang atang a hlauhawm ber chu BLVE (boiling liquid expanding vapor explosion) an tih chu a ni a, dynamite power nen a puak hi a chak zawng a inan vangin a hlauhawm em em a, a ti hlauhawm zualtu a cylinder keh them thlawk a la tel bawk.

Propane cylinder-te hi a tung (upright) zawng a dah ngei ngei tur a ni. Gas bur chhungah khan tui (liquid) chin chunglamah khan a gas-in a awm thin. Ramdangah chuan a puah mai lohnan pipe connect-na bulah pressure relief valve a awm thin a, Mizoram a kan hmanah hian a awm ve awm ka hrelo, a awm pawh chu a ni mahna. Hei hian hun engemaw chen chu a puak tur a veng thei thin.

Gas bur, pipe nen a kan inzawm tirna bawr atang a a rawn alh chhuak a nih chuan a herhna a herhphui khan a kang chu a mit mai thin. A herh phuina chuan a meialh a tih mit hnuah pawh a leak reng tho a nih chuan, alh chhuah leh thut a puah mai a hmabak fo thin. A herhna hmang a kan off hmak-te a nih ngawt loh chuan gas alh chhuak hi tih mit tum loh a tha zawk ( Fire Fighter Skills pg700) kan timit thei lo a nih chuan a bur chunglam kha tuiin emaw khawh tiring chutiang a tih daih tum tur chu a ni a, meialh erawh tih mih tum tur a ni tawh lo thung. A mah a a kan ral kha a pawi lo va, mahse a cylinder kha sahim tawk a hla atangin tui emaw phuh daih a pawimawh. Chutiang chuan a cylinder puak tur a veng thei a ni.

Gas bur pawnah meialh a awm chuan emaw, in kangah meialh bul a gas bur a awm chuan a chhunglam a LPG kha a ti so hluah hluah thei a, chumi chuan a hu (vapor) nawrna (pressure) kha a ti pung thei ta thin a, chuti chuan a cylinder kha nasa tak a tawnin a puak ta mai thin a ni. Chuvangin a LPG chung a a hu (vapor) tih daih a pawimawh a nih chu.

In kang nasa tak mihring tumah awm tawh lohna (tumah in chhungah awm lo) leh, gas bur awmnaah chuan mihring nunna chan ngam a at huai hi a pawi thei hle tih hriat hi a tha viau bawk awm e.

Similar Posts:

Recent Posts:

21 Responses to “Liquid Petroleum Gas (LPG)”

  1. 1
    caribou Says:

    A bengvarthlak hle mai. LP Gas hi a lo hlauhawm a ni.

    Report this comment

  2. 2
    H.Vangchhia Says:

    Ni e mawle. Tangkai tak si hi tihpalh chu sawi loh, fimkhur loh vang emaw hian pawi thui tak a thleng thei tlat a ni.

    Report this comment

  3. 3
    chhana hlawnchhing Says:

    Bengvar thlak hle mai.

    Report this comment

  4. 4
    chhana Says:

    Nia, bengvarthlak hle mai. LP Gas hi a lo hlauhawm a ni.

    Report this comment

  5. 5
    Khal Khattlata Says:

    LPG hmangtu te kan chep! :-(

    Report this comment

  6. 6
    H.Vangchhia Says:

    Kan fimkhur theihna tur zawk a tan nise hairehai :)

    Report this comment

  7. 7
    Maya Says:

    (Y) a bengvarthlak hle mai.a hlauhawm zia hre chung a hman hi himna ani.Pawngpaw basangam ngawt chi pawh ani lo.Hlauh viau hi a tha.

    Report this comment

  8. 8
    H.Vangchhia Says:

    Maya, a dik a ni. Fimkhur tak a tangkai thei tak hi mahni leh hnaivai chhiat tawh theihnaah a chhuah theih tlat a ni, elwctric te thleng mai hian.

    Report this comment

  9. 9
    Puii Says:

    HV hi chu i va fel thin tak em…. mitin hriat atan a tha ngawt mai… (*)

    Report this comment

  10. 10
    H.Vangchhia Says:

    Puii, ka lawm e. Midang tan a hriat tur tha leh pawimawh nia hriat chu in tawmpui zel theih nise a tha ka ti. Hairehai :)

    Report this comment

  11. 11
    Dr Mahminga Sailo Says:

    Thuziak tha tak a nih hi le, Pu HV-a nge nge (Y)

    Vawi khat chu LPG cylinder atangin gas petromax-ah gas thun chhawn kan tum a. Gas leak a’n khu luih mai chu e, chhunzawm ngam chi a ni hauh lo (H)

    Tin, kan vengpa; Zopa dik tak paw’n a fanute gas-ah thingpui chhuan ve a tum a. Gas lighter-a an kap ri khap thin kha a hre ve ngei ni tur a ni. Gas lighter a lek kawh te te a, gas stove a khawng kauh kauh a, a alh miah si lo. Patling apumpa a buai der asin :-D

    Chuan, hnahthiala ka pu (ka pi unaupa) thung erawh chuan gas hi a hmang duh miah lo.. :-P

    Report this comment

  12. 12
    H.Vangchhia Says:

    Dr Mahminga Sailo, hre mak hle mai a :P hairehai

    Report this comment

  13. 13
    XaiA Says:

    Liquefied Petroleum Gas hi kan nei hma ve raas mawle…Sukchhunga agency a kan number chu 369…pathum zel a sem theih(ka chhinchhiah dan) :-) Vanbuangi hnen a kan consumer No. chu 181….. gas kha ka la nasa thei em a :-)

    Report this comment

  14. 14
    H.Vangchhia Says:

    Xaia, Zarkawtah kan la thin phawt a, chumi hnu chuan Vanbuangi-te gas kha kan dawr ta ber niin ka hria. Thakthing a an sem lai kha chuan bus a haw pui mai kha a awlsam thin. Model field kiang a an sem hnu kha chuan mi kan tam tawh mai bakah Kulikawn Pu Ranga/Pu Mawi-paliana-te in step chho kha a van hahthlak thei tak em vele aw! Mi kha an chuhhelh chang awm thin mahse a tlangpuiin a indawt a intlar a felfai tha thei phian. :)

    Report this comment

  15. 15
    Dr Mahminga Sailo Says:

    Kum 2003 atang 2004 lai hawl vel thleng kha chuan kan college hostel (Selesih, Aizawl) kawtah Gas bur phur pik up rawn tlan kualin, ‘Gas duh em?’ tiin an au kual thin a. Hnamdang thiante ngei pawn hriain a chang chuan an lo sawi khalh thin a nia… :-D

    Kum 2007 a’n ni chiah chu ‘Gas duh em?’ titute kha hmuh tur an awm tawh lo va. ‘Gas in nei em?’ tiin dawr thenkhatah kan kual fova. A tawpah tih fuh loh deuh phei chuan Gas bur khat Rs. 500 te’n kan lei ta a, rilru a na duh ka tih laiin, kum 2013 ah chuan gas bur khat Rs 1500 te, chhim lamah phei chuan Rs 2000 te’n an lei ta!

    ‘Gas duh em?’ tia au thin kha chu kan hmuh a rinawm ta lo khawp mai.. ;-)

    Report this comment

  16. 16
    century child Says:

    (Y)

    Report this comment

  17. 17
    H.Vangchhia Says:

    #15 gas man a van to tawh em em ve, a mak a makin a to tawh a nih chu. Gas ka lak thin lai khan Rs. 100 bawr vel, 100 a chuan paw’n a chuang awrhin ka hria! wow hairehai :-S

    Report this comment

  18. 18
    PKfanai Says:

    Post tha leh bengvarthlak tak ani e. Hman kumah, kan cook ten Gas stove lian an tichhia a, mei alh a phuh chhuak vak mai a, a chungah Dekchi lianin tui an chhuang bawk a. A alh nasat bakah a khu ngut ngut mai bawk a. Kan thelh thiam si lo, a puah mai kan hlau a, Chokaah kan lut ngam tawh bawk si lo, gas leh meialh phuh ri kha a ri hum hum thei a ni. Dekchia tui a kang vek tawh a, dekchi pawh a kang sawr ral vek tawh a, i sawi ang khian, a gas a phuh zawh nghah mai kha a fuh berin ka hria a, naupang hostel chhungah kan khung bo vek a, class room chhungah thingthiin ka tawngtai ngat ngat ringawt mai a. Kan awmna atanga km 8 vela awm Fire department kan phone a, an rawn thleng thuai a, inkang hluah hluah hmuh an tum a, an hmu mai si lo. Kan lo hui a, an rawn thleng ta a. Khata vai palian pui pui ho che kha a hmuhnawm ka tiin ka ngaisang ang reng khawp mai. Chokaah an tlan lut a, an chhuak leh a, gas an switch off a, an fire extinguisher in hneh tawk takin an phuh var luk mai a, chutah, gas bur leh Stove kang bang kha pawnah an rawn theh chhuak a. Chhiatna lian thleng lova, an chingfel thei kha an lawm ve hlein ka hria. A tukah an pu te an lo kal a, fire extinguisher chi hrang hrang min lei tir a, a hman dan min zirtir bakah Mock drill te min neih pui a, an fel ka ti khawp mai.

    Report this comment

  19. 19
    H.Vangchhia Says:

    PKfanai, a van hlauhawm duh dawn vele. Ka la naupan deuh lai minti hrechhuak. Kan gas leak a alh a, ka nu-in min tlanchhuah tir vek. Ka pa khan a va herh mit ta niin ka hria. hairehai :D

    Report this comment

  20. 20
    Dina Pa Says:

    Cylinder chhung lam temperature hi 65degree C a nihin a puak BLEVE thin an ti a. Khasi veng a in kangah a puak in thing them a thlawh khan vaipa dul a deng a. A ril a baw pur mai a, a hnuah a thi. Thakthing bazar tawp Thlangtiang furniture works pelh lawka Workshop kan tum khan RCC beam ah dingin a hnuai sa kan phuh chiam a. A dai tawh ang tiin kan kal san a. A hnu minute thum/li vel kan in withdraw hu ah an puak a nih kha. Tun hnua ka ngaihtuah hian ka hlau leh hnu hnawh thin

    Report this comment

  21. 21
    H.Vangchhia Says:

    In kang, Khasi veng a in kang ang kha Type V construction kan tih ang chi, thing hman tamna niin ka hria a, khatiang kha a kan hluai lai ang (flashover) ah chuan 540ºC a sa a ni thei.

    Report this comment