Naupang pangchang hi!

March 27th, 2014 7:40 pm by H.Vangchhia

Fa enkawl chungchangah hian midang tan a thurawn pek a awl viau laiin mahni tih a harsa talh a ni duh fo thin thung. Khawvel mihring awm tawhah hian “Fa enkawl thiam tak ka ni,” ti a midang an fuihna ang thlap a enkawl thiam hi an vang ngawtin ka ring bawk. Chutia han tih karah erawh khawvel hmun hrang hrang a mten an fate an enkawl dan erawh a dang thliah hlawm a, chumi a ka hmuh pakhat chu Mizo-ten kan chin ve atan ka duh em mai a ka thiam ang tawkin sawi kan tum thung ang e.

India ram chhung chauah nilo, khawvel ram hrang hrangah hian naupang pangchang hi an awm ve zel tho mai. Chumi zingah chuan United States hi naupang pangchang ka hmuh khatna ber a ni hial maithei. Kum sawm chuang ka awm ve ta a, hemi chhung hian ka ngaihtuah kir pawhin naupang pangchang tak (ti mai ang), nu leh pa office/hnathawk kal tur ngen a tap hawm hawm hi ka hmuh awm reng reng ka la hre miah lo. Ka ngaihtuah kir thui viauin ka inhria a, ka ngaihtuah chhuak zo tlat lo mai.

Mizo-te chuan fa kan neihin kan mutpui a, kan paw deuh reng a, kan puak loh leh kan pawm lum reng fo thin. Nausen pawm leh puak ngun chuan chutiang a tih loh chuan an tlei duh lo fo tih chu fa nei tawh chuan kan hre tlang viauin ka ring. An han lian hret a, kan duh loh ang a an awmin vin deuh hrawk mai hreh loh chang kan ngahin ka hre bawk. An tap kan thlemin kan duat leh lutuk a, an tah chhanah midang mawhpuh sak tur an hriatin kan zawn sak fo thin. Thlem nan tih thaih leh lawmman pek kan ching viau aithei bawk. Engemaw an tih a tinawn tawh lo tur a kan duhin, “Khatin ti suh, i pa/nu-in a hau hrep mai ang che,” tih kan hmang viau bawk awm e. Heti zawng hi duhtawk ta mai ila!

Ka hmuh leh hriat theih chinah United States lamah ve thung chuan a danglam hlauh thung. Naute an pian hnuin an mahniin an mut hran tir nghal a, an vil uluk viau thung. An nausen chhungin an taksa lum an nghen tir tam ve lo. Naupangin thil an zawhin an hriat awm turah thu dik fumfe lo an hrilh ngai lo va, an hriat tur chi a nih loh chuan chutiang chuan tha takin an hrilh zawk thin. Pawm a kuah hliau hluau reng emaw pua emaw pawm ve vak an ti lo va, mahse a langin an hmangaihna an hmuh tir a, an aw-in, “Ka hmangaih che (I love you)” tih an inhrilh ngun hle. Naupang an nih vangin an vin ngawt lo va, naupang pawh puitling hian an zahna an lantir tho mai. Chutiang chuan naupang pawhin zah takin an nu leh pa an biak thin phah niin ka hria.

Naupang pangchang lo tur a enkawl chhoh kan duh chuan an nausen lai atangin kan enkawl dan a fuh a ngai niin ka hria. An sen-lai atangin an len deuh hnu thleng a kan kiang a kan muttir reng mai te, an tap kan thlem dante hian an pangchang tir niin ka hre tlat. An tap a nih pawhin, “Tunge ni ka fapa lo hau mai mai, an chalah ka pen fawk ang,” tiang deuh emaw a thlem lovin, “Dam rawh se” emaw “Dam dam vanah kai,” tiang zawngin thil dang/midang mawhpuhna zawng lo va thlem tum ta zwk ila a tha viau bawkin ka ring. Tin, “I pa’n a hriat chuan a hau ngei ngei ang che,” ti lovin, an tih dik lohna kha keimahni’n kan duh lo a, ti nawn leh tawh lo turin zaidam aw tak a hrilh mai hi alo tha khawpin ka hria a ni.

Hetiang ka rawn sawichhuah ngamna chhan hi keimah ngei hi ka naupan lai a pangchang uchuak, ka piin min thutpui lo va, skul chhung a thu duh lo khawp a pangchang ka ni. Chutiang hrep ka nih vangin tun hnu hian ngaihtuahna ka hmang chho ta a, United States a mi fate chu Mizoram a kan fate angin an pangchang ve miah lo tih ka hmuhin ka chhut ve nasa bawk thin. Tichuan fa ka nei ve ta a, ka fate chuan an duh sawi mahse tapin an ngen lo va, tha takin min dil tawh mai zawk thin a, hna a ka kal dawn pawhin min kuah a min bye bye mai tawh a ni. Han ti chhin ve teh u khai, a that ve tho ka ring tlat a ni. :)

Similar Posts:

Recent Posts:

26 Responses to “Naupang pangchang hi!”

  1. 1
    mihring Says:

    Pangchang 1st :P

    Chhiar tan ang hmiang :)

    Report this comment

  2. 2
    Puii Says:

    E khaiii HV, I va han ziak tha em…. hei zet chu a tawnhriat a ziak a ni bawk a, a ril raih mai in ti ve em? (Y) Naupang thlem dan tura i sawi hi ka rilrem zawng tak a ni …

    Han inpuang ila Mi nau tahbelh, nawrh ching lutuk hi ka ngei thei rapp….akekekek….. :-)

    Report this comment

  3. 3
    H.Vangchhia Says:

    #Puii, heta awm rei deuh tawh ho hi an fate nawrh hmang emaw tahbelh tak kala hrelo a ni maithei. Ni e, naupang tahbelh leh nuar hi ka nuar tawp.

    Report this comment

  4. 4
    mihring Says:

    Tha hle mai; mahse typo a awm zeuh2 a nih hi. ;)

    Naupang tap thlemnan tihthaih emaw lawmman emaw pek kan ching hi chu a tha lo tak ngawt mai. Naupang tih thaih hi chu a thalo; an puitlin thlengin a nghawga; Lungna, lungphu thalo, thilhlauh te an nei nasa bik tih chu kan hre chiang tlang a. Lawmman pek hlei2 hi a sin tha lo chu! Naupang hi an fing si a. An tah leh hunah, ‘Bang duhlo ila ka nu ka pa in lawmman in min thlem mai ang’ tih hi rinna in an hrekiau thin. Chuchuan a entir chu, a nu leh pa chu a hneh tawh, a thuhnuiah a dah tawh tihna a ni. Naupan tet a tanga chu2 an hriat si chuan engah nge nu leh pa an hmusit loh tehlul ang? Hei hi sim a tha takzet. A dang leh ah chuan, miin kut an thlak hian kan tuar nat pui lutuk thin! Hei pawh a tha chuang lo. Ka pa hian ka u hmeichhia(fa 3 nei) bulah a sawi thin ka hrereng, ‘Vawkpui fa hauh hian fate hi hauh hlur thin suh u, inti pangchang rei mai2′ tiin. Miin min han velha, tap bai2 chunga in lam pana chhantu kan zawnlai a ka panin min chhan dan khan naupan lai chuan rilru chu a tina ve thin! ‘A nat loh kha!’ ‘A dam vat mai ang!’, ‘Nangman i ti hmasa a ni ang chu!’.. Tun hnu hian huaisen leh tawrhchhel min lo zirtir tih ka hria; ka lawm tawh zawk! Ekhaih, a va sei duh ve :)

    Report this comment

  5. 5
    H.Vangchhia Says:

    Ka naupan lai khan min tihthaih thei nasa khawp mai (ie, tahngaiin a man ang che, zunhindawt a awm a nia…) thlhrangte kha ka hlauh phah. Ka fanu hi ka tihthaih ngailo, thlahrang, ramhuai tih vel hi a hlau lo reng reng. Entirna kan siam leh mai a nia. hairehai :P

    Report this comment

  6. 6
    sheldon Says:

    Khawthlang ram ho inenkawl dan hi chu a tha ka ti. Mahse a taka han tih ve chu harsa ka ti dawn tih ka hrereng :-)

    Report this comment

  7. 7
    H.Vangchhia Says:

    Sheldon #6 ka ngaihtuah chhuah tak pakhat chu maw, “Mizo-te hian kan fate kan duat dan hi (pawm leh puak etc. lamah) keimahni hmasial tak leh duh dan ang zelin kan ti thin,” tih hi a ni. A chhan chu, naupang nakin hun tur aiin keimahni nuam tih dan kan ngaipawimawh fo. Ka sawi chhan chu, naute kha a mahin muttir ila enge a tan a pawina, maw? Kan kiangah mu sela kan tan a nuam a ni mai a, naute khan a tur reng a ni emaw tihna chang a hre lo hrim hrim. A tam mai, nu leh pa hian kan ti pangchang a, kan sawi hnu hi kan sut leh a, midang mawhpuh kan ching a, an hriatah kan inhau a, thil min zawhin dawt phuahchawp kan ching a, naupang hi zahna kan nei lo va, kan khup pawh thleng thathumlo pawh kan hau vak vak zel a, a dik lo a ni. :)

    Report this comment

  8. 8
    sheldon Says:

    @HV, a dik alawm. Mizo te hi chu kan thiamlo. Hmanni a ka post mahni inhmangaih tur tih nen pawh khan a inzul khawp mai. Thil tha hi chu kan hre vek hlawm, mahse ataka nunpui lai tak hi kan harsat tlat alawm. Naupang hriata in hauh leh naupang hauh chungchang i sawi khi a dik khawp mai. Naupang tam tak hi chuan hauh hi ngaiah an neih. A chhan chu engemaw hlekah kan vin a, anmahni ah a thawk tak tak tawhlo, tawngka vin pawh an hlau tawh chuanglo, ngaiah an neih mai mai ani.

    Naute mut hrantir chungchang hi chu ka la accept thei chiahlo. Mizo rilru atang chuan piantirh atanga han mut hran tir hi chu a harsa ani. Kan rilru puthmang hian a la phaklo rih in ka hria.

    Report this comment

  9. 9
    H.Vangchhia Says:

    #8 Sheldon, kan rilru-ah an mut hran kha thalo zawk a kan ngaih vang mai mai a lo niin ka hria, delhhlum an awm nual reng hi. Chu lovah sawi leh sawi hnu, taksaa lum an hriat hnu chiah hian a lawm enkawl an harsat tan ni. Kan duat vang emaw kan tih hian an tan a tha lo leh kan tan a hreawm tur kan insiam zawk fo niin ka hria.

    Ka fanu Janis hi ka duh dan ni lovin, a tan a tha tur ang zawk a ka ngaih angina kan enkawl mek a, kan ti fuh chho hrih viauin ka hria. Ka fapa pawh hi api leh pu khan ama mawhphurhna an hriat tir/zirtir nasa bawk a hei, kan hruaithla mah a enkawl nuam tak a ni tawp mai. Ka lawm hrih khawp mai…malsawmna zel niin ka hria. :)

    Report this comment

  10. 10
    ZerO Says:

    Mut hran tir ve tur nih chu.

    Report this comment

  11. 11
    chhana Says:

    [pheKei, ka tihdan hi a la ta rih ka ti. hintak hriat eawha pawimwh t32

    Report this comment

  12. 12
    chhana Says:

    Kei kan tihdan hi tha rih viau in a hria. Chintawk erawh hriat tha.

    Report this comment

  13. 13
    caribou Says:

    Fa han neih ve meuh chuan rinaiin duat a awl khawp mai.

    Report this comment

  14. 14
    H.Vangchhia Says:

    caribou#12 a nia sin. Nu leh pa hian kan ngaihtuahna a awm angina tha tur a kan ngaih hi research nei vaklo hian kan duat thiam ang ang hian kan duat em em ringawt zel a, a thenin kan duat sual a, a thenin kan ti pangchang mai a nih awm hi mawle, tiraw? :) hairehai

    Report this comment

  15. 15
    caribou Says:

    A dik khawp mai.

    Report this comment

  16. 16
    H.Vangchhia Says:

    #14 caribou, ka lawm e :) hairehai

    Report this comment

  17. 17
    Awmtea Leo Khiangte Says:

    Naupang enkawl lampang chu ka la chikat rih :-D

    Report this comment

  18. 18
    H.Vangchhia Says:

    Awmtea Leo Khiangte #16 training :P hairehai :D

    Report this comment

  19. 19
    Mokaz Says:

    Chuan an tar hnu ah an fa ten TAR DAHKHAWMNA ah an thawn liam hmaks

    Report this comment

  20. 20
    H.Vangchhia Says:

    Mokaz #18 Tar dahkhawmna i tih “retirement Home’ ah hian tam takte chu an an thatlai a an plan lawk ang a awm an nih a rinawm.

    Tar ho hian an thatlaiin retirement plan felfai takin an duang thin, kei pawh hian fahrahte chu ka duang ve thlap.

    Tam takte chu an fa emaw tute emaw kiangah khawsain chutah chuan an hun hnuhnung an hmang liam thin. A thente erawh chuan an retirement plan neihsa angin retirement home-ah an thlatin retirement money hmuh awmman rinchhanin englai pawh a an hriselna vilsak reng theitu awmna reitrement home-ah chuan an khawsa thin a, chhungte nen an inhlat phah chuang lo a ni. An mahni duh vang a awm an ni tlangpui zawk hmel e.

    Report this comment

  21. 21
    hltau Says:

    a dik khawp mai. MAhse naupang han duata han kuah thek thek mai tluka nuam hi ka hrelo. Zanahte hian Kanpa a zin veleh ka bula mu turin ka sawm a, kum 13 leh kum 10 an ni tawh chungin, thawnthu te kanla in hrilh a, ka duh ai mah mah in an puitling chak ka ti a, keichu ka lung hi a leng zawk. Mahni hmasiala pakhat chu a va ni teh lul me. Tih theih chuan Pu HV a rawtna hi chu a tha ngang mai. Chutiang Zelin ka nu hian min duat em em a, Aizawl ka kal changte hian Kafate nen ka nu leh pa bulah kan mu kuk zel.

    Report this comment

  22. 22
    H.Vangchhia Says:

    Naupang tan a tha ber ang em, an nakin hun zel atan a tha ang em? tih ngaihtuah tam lovin, mahni rilru hlimna, kan nawmna tur angin kan lo enkawl thin niin ka hria. :)

    Report this comment

  23. 23
    DuatDuat Says:

    Kan pa hian fa bik 19yrs a nei a,hmeichhia..forest ah te hian thui tak2 a mahin a exer thin a..I hlau lo mi ka tia,ui chiah ka hlau tia,kei ve ramhuai ka hlau ka tia..ramhuai,thlahrang etc..ngatan mah an tilo..tet lai kan lo intih thaih thin kha a lo poi zia hi…Pu Hv post hi 100% in ka thlop e

    Report this comment

  24. 24
    H.Vangchhia Says:

    DuatDuat #22 ty ty. A nia sin, intihthaih leh dawt inhrilh hi naupang nakin thleng tan a pawi tak zet. (Y) hairehai

    Report this comment

  25. 25
    Ku Muanga Says:

    E khai! A va tha ve le…

    Report this comment

  26. 26
    H.Vangchhia Says:

    Ku Muanga, #24 ka lawm e. Hairehai :)

    Report this comment