Lalbanga (King Edward VIII) kha!

January 28th, 2014 6:50 am by H.Vangchhia

Vawiin January 26, 2014 tukthuan ei hma deuh a Travel channel ka thil thlir chuan ka thil lo hriat thin min ngaihtuah kir tir a, khawvel politics inkhelhna hi kan chhiar leh hmuh theih chinte hi eng tham mah an nih loh zia ka chian phah chiang hlein ka inhria.

TV ka tih nun phat hian NEWS channel ka en hmasa deuh ngei ngei. Chanchinthar tur vak awm a ka hriat loh vang chuan Travel channel-ah kan thlak a, ‘Greatest mysteries: Buckingham palace’ tih chu alo chhuak dawn tan chiah mai a. Thil dangdai lawm ve hrim hrim lo nih bawk nen ka thlir ta zel a, Mizo ten ‘Lalbanga‘ kan tih mai, England lal, King Edward VIII chanchin chu Dr.Kate Williams (historian) leh midang dangten an chhuina, documentary chu a lo ni a.

Ka lo hriat thin dan kha chu a chuai nei zawngin a ni thin, “A nuthlawi hmangaih luatah a lal thuthleng a kalsan,” ti zawngin. Chumi piah lam ka hriat loh a lo va tam em! American nuthlawi, thlawi 2 ngat a nei ta a nih kha.

Lalbanga kha Hitlera thian tha tak alo ni reng awm a. Dr.Kate sawi danah chuan, Hitler nen khan innel tak an ni awm e. Chutih lai chuan ani Edward lah chuan a American nuthlawi ngaihzawn zunah chuan a uai hneh em em mai bawk a. Lal a nih bakah, Church of England hotu ber a nih bawk avang chuan an dan-ah nuthlawi a neih a thianglo bur mai si, a mangang chuan an ram rorel khawlah ngenna a thehlut ta rawih mai a ni. Chu a ngenna, American nuthlawi neih a dilna lah chu hnawl a ni ta bawk si, a ramah lah Hitlera thian tan roreltu nih a har tan dawn mek bawk nen chuan nuthlawi chu neih phawt a, a nau Prince Albert, a hnu a King George VI nita chu Lal tir lailawk a, boruak daih deuh hnu a lal leh a tum thu chu chiang fek fawkin ka documentary enah chuan an sawi a ni.

King Edward leh a neih tak, Wallis Simpson:

Tichuan a lal thuthleng atang chuan chhuk thlain Duke of Windsor a ni chho tain, ‘Lalbanga‘ a ni ta a ni. Hetih lai hian Hitlera chuan lal tir leh a tum nasa khawp mai tih chu an sawi leh a. Hitlera chuan, pawisa fai million 5 a pe ang a, British ho hnenah Hitlera chu mi tha tak a nih thu leh a pawl Nazi chu thlawp tur a fuih turin a thlem ta a, chu em chu a la duh ta lova, thian an nihna erawh a bo phah thu sawi a ni lo.

Lalbanga chuan Hitlera thamna la duhlo mahse Spain a zin lai a lakhran an la tum leh fan a. Historiante chuan an sawi danin, Spain a zinlai chuan a thuihhruaite hriat lova ruk bova Nazi kalphung angina a ngaihtuahna sukthlek dan sawi danglam an tum a ni. Chumi chu hriain British Prime Minister Winston Churchill chuan Nazi ho khawih buai phak loh tur a hlaah, Bahamas ah governor a dah a ni ta a. Indopui a zawh hnu pawh chuan a lal thuthleng chu chang ta chuanglo mahse, sawrkar tan tangkaina hrang hrang neiin a thih thleng Wallis Simpson nen chuan inneiin, France ah an hun hnuhnung an hman zawh tak thu chu ka en a ni. Churchill khan Lalbanga chuan Wallis Simpson chu nei mahse pawi a ti lova, mahse “‘queen’ ni lovin Duchess of Cornwall ni zawk sela,” alo ti ve tawh thin bawk a ni. Hei hi ‘Greatest mysteries: Buckingham palace’ tih documentary a tang a ka rawn ziah a ni e.

Thlalak ka zawnna lam a ka chhar, thubelh:
Mithiam dangte sawi hmangah chuan kumpinu sawrkar khan an milian pakhat, Lord Norman leh Germany a Reichsbank president hlui, Hjalmar Schacht hmangin National Socialist German Workers’ Party chu a rukin tanpuina an lo pe thin tih sawi a awm bawk. He party hi a hunlai chuan German industry neitute thlawp vek a ni nghe nghe awm e. Khatih lai khan kumpinu ram a mi langsar zualte chu Hitlera thlawpna a inhnamhnawih an tam bakah, Neville “Peace in our time” Chamberlin te, Bank of England governor, Montagu Norman te leh langsar ber King Edward te chu an tel niin an sawi.

Adolf Hitler leh banker Hjalmar Schacht:

Hjalmar Schacht (veilam) leh Bank of England hotu Sir Montagu Norman:

Thubelh source: http://dont-tread-on.me/?p=2113

Similar Posts:

Recent Posts:

12 Responses to “Lalbanga (King Edward VIII) kha!”

  1. 1
    caribou Says:

    A va ngaihnawm ve le. A lalthutthleng kalsanin a hmangaih ber a pan thu bak ka lo hre bik reng reng hleinem maw le.

    Report this comment

  2. 2
    Sihtea Says:

    A lo ni maw.

    Report this comment

  3. 3
    Dr John Says:

    (Y) Post a BVT ngei mai. Ni e, History hi a leh-lam side chauh hi an ziak thin tlangpui a. A ‘Side B’ han ngaih-thlak chuan thil tam tak inthup hi a lo awm thin.

    Report this comment

  4. 4
    H.Vangchhia Says:

    A documentary ngei mai kha in en ve atan ka duh ngawt mai aw. Ziah hmaih ka ngah ang, ka hriat chin chin ka rawn ziak mai chauh a ni. :)

    Report this comment

  5. 5
    chhana Says:

    A bengvarthlak e.

    Report this comment

  6. 6
    H.Vangchhia Says:

    “Politics is a dirty game,” an tia ni lawm ni kha?

    Report this comment

  7. 7
    Puii Says:

    I rawn post chu ka lawm hle mai,a lunglen thlak bawk si..(Y) (F)

    Ka pu khan Lalbanga ti khan a sawi fo va, ka pi khan a lo tuihnih thin a, mizo tawng a lehlin Lalbangan an chan chin a ziah pawh ka nuin a kawl tha reng thin….

    tu lehlin nge ni ka hre ta mai lo….. (O)an pic te kha an dah tel thlap a….

    An chan chin kha ngaihnawm ka ti teh a nia,love story ka chhiar hmasak ber a niin ka hria… ka khawngaih bawk si a,
    a nupui Wallis kha a hmel kha tha ka tih zawng a ni vak lo va, engtinnge maw Lalbanga hian a duh theih te kha ka lo ti thin a… website hrang hrangah kan thianhovin kan zawng kual chiam tawh thin tiin kan insawi thei ange…akekekek….

    Wallisin kal bosan a tum a, ani Edwardan i duhna apiangah i kal thei e, mahse i kalna apiangah ka rawn zawng zel ang che…… a tih te kha ..a thu khan…. awii rilru a khawih ve zia te kha….. (U)(U)

    Dodi leh Princess Diana Parisa an thih a, Lalbanga te in hlui lar zia te kha…. ..

    Report this comment

  8. 8
    Mapuia Hmar BZy Says:

    (Y)

    Report this comment

  9. 9
    Awmtea Leo Khiangte Says:

    Chhiar ila.

    Report this comment

  10. 10
    Dr Mahminga Sailo Says:

    Documentary chu en ve a chakawm hle mai.. A ngaihnawm e.. (Y)

    Report this comment

  11. 11
    H.Vangchhia Says:

    Dr Mahminga Sailo #10 Youtube lamah a video kan zawng a, a awm ho chu youtube lamin an delete sak zel mai, copy right thilah a ni maithei. Kate Wiliama, he documentary a sawi tu ber khi Royal Historian a ni ngat asin.

    Hei hi i chhiar chak maithei bawk:
    http://www.dailymail.co.uk/new.....risis.html

    Report this comment

  12. 12
    ltachhakchhuak Says:

    Ka hriat vawikhatna, ngaihtuahloh lam chu bo tak ka ni.

    Report this comment