TZUCHINOKO

January 27th, 2014 4:47 pm by BigDaddy Hmahmatea
TZUCHINOKO<br /><br />
**********<br /><br />
Mizovin rul hmuh thianglo a kan neih ‘Tlubing’ kan tih leh Japanese ho in Tzuchinoko an tih hi thil thuhmun a ni thei ang em...???</p><br />
<p>KHUH HAWNNA: Mizote hian  eng engemaw chanchin finfiah theih tak tak mang si loh mak deuh sawi tur hi kan ngah hle mai a, a sawi lah hi kan sawi uar thei nangiang lah taka. Mahse heihi in dem ngawt chi a lo ni hauh lo mai a, khawvel hnamdang, hnam upa tak tak ho te pawh hi an lo ni ve tho mai a. Heng thil mak tak tak kan sawi thin te hi engemaw a taka an lo hmuh tawh behchhan a a chanchin hian sawi a lo ni ve tlangpui thin a. Chuvangin dawt a ni han in tih sak ngawt hleihtheih lah a ni hek lo. Chutih lai erawh chuan hmuhdan, hriatdan, sawidan a lo dan thin avang te leh a taka finfiahna tak han phawrh mai tur a lo awmloh thin avang te hian a mak zawng deuh a sawi uar te hi kan lo ching fo thin zawk a lo ni a. Hetiang a thilmak, finfiah hleihtheih tak tak si loh, mahse a hmu sawi tur leh a chanchin sawi tur ting kan neih ve zingah chuan rul chikhat, upa te’n hmuh thianglo a an ngai ‘Tlubing’ an tih mai chanchin hi a mak pawl tak chu a ni ve ngei ang le.</p><br />
<p>MIZOVIN TLUBING KAN TIH HI: Rul chanchin hi ka hre tam lo khawp mai a, kan mithiam te’n a chanchin an ziah te leh mi sawi ka hriatte hi an ni mai a, han chhui a han zirchianna pawh ka nei ve hek lo. Mahse hman atanga mak ka lo tih ve em em chu kan pi leh pute hun lai atanga an lo sawi, hmuh thhianglo hial anga an lo ngaih ‘Tlubing’ an tih chanchin hi a ni tlat mai. Ka hriat ve dan chuan Mizovin ‘Tlubing’ kan tih hi rul chikhat, banrek tiat bawr vel a lian, tawite tawng chen vel lek a sei, mei zui deuh tawite nei, a tleng pawh a tleng ve lo a, amah chu intung a hmalam zawnga tlu bin tep tep thin a nih avanga ‘Tlubing’ an tih tak, inzial mum a chhuk zawng pawh a lum thei ni in an sawi thin a. Sawidan pakhatah chuan hetiang ‘Tlubing’ hi a inbin lai hmuh chuan lo dawm a, “Ekhai i tlu na palh ange...” tih pah a dimtea a tlu tur leia muttir chuan a lo dawmtu kha mal a sawm thin ni in an sawi bawk. A tak a hmu hi sawi tur an vang viau mai a. Rual u deuh te leh hre tur awmang deuh a ka ngaih te ka’n zawh kual ngial pawh hian hei bak hi chu chiangkuang tak a a chanchin sawi thei hi an awm hauh lo mai a. Rul chanchin ziahna lam te kan en kual ve ngial thin a, mahse khawvela rul chihrang 3,400 chuang awm an finfiah tawh zingah hian an lang tel ve lo tlat mai a. Chuvangin a chanchin hi thawnthu leh thil mak dangdai ang deuh a sawi mai bak hi chu hriat tur a lo vang khawp mai reng a.<br /><br />
<!--more--/><br /><br />
JAPANESE HO PAWHIN AN NEI VE TLAT: Heng Mizovin ‘Tlubing’ kan tih hi kan Mizo pi leh pu te suangtuahna khawvel atanga rawn piangchhuak a ni thei mai angem tih ngaihtuahna a awm laiin hetiang ‘Tlubing’ kan tih ang deuh hi Japanese ho khian sawi an lo nei ve tlat mai le. Japanese ho chuan hetiang rul hi ‘Tzuchinoko’ an ti a chumi awmzia chu ‘tzuchi’ tih chu ‘indona milem buhpawl a siam’ tihna a ni a, ‘noko’ tih chu ‘fapa’ tihna a ni ber mai a. ‘Straw-bat snake’ tih te ‘rolling hammer’ tih te, ‘Snake bat’ tih te ‘Horizontal bat’ tih te leh hming dang chihrang hrangin an sawi thin a ni.</p><br />
<p>TZUCHINOKO CHU: Heng ‘Tzuchinoko’ an tih te hi an pianhmang an sawi hi a danglam khawp mai a. Taksa tawi bawng liantak phek deuh, 2ft-3ft vel a sei, an taksa vang lam hi 3inch bawr vel a hlai/lian, phuhlip hlai tak tak nei, a hnungzang thlaa a uk dum deuh a a khat mawi tawk a tial thla, a taksa hnuailam serthlum rawng deuh, lu kil thum, phek deuh lian tak nei, ki tawitei pahnih leh mit lian vak lo bial deuh nei, a hnar kawn bula khuar pahnih awm, lei sen tak mahse rul pangngai anga lei hmawr kak ve lo, a taksa sir tuak a parh deuh awm, leh a mei tawite ah chuan ruh nei lo ni in an sawi bawk.</p><br />
<p>A chetdan leh a khawsa zia an sawi pawh hi keini Mizovin a ‘Tlubing’ kan sawi thin te nen hian a lo inan hmel angreng hle mai a. An sawi dan chuan a tleng a tleng lo in hmalam zawng hian khapdiau in khap ang deuh hian a kal thin a, tin, a taksa chu intung in hmalam zawng a tlu phei in a kal thin bawk ni in an sawi. Hei bakah hian ball anga in zial mum in awih pangah te pawh chhuk zawngin a lum thin bawk ni in an sawi. Boruakah te pawh sang takah a in perh kang thei a, a rawng pawh hi a duh duh in a ti danglam thei ni in an sawi leh bawk. Tzuchinoko te hian tui hleuh pawh an thiam hle ni a sawi an ni a, tui atang pawh hian thui tak tak an in perh chhuak thei an ti bawk. Tin, faifuk ang deuh te, chhimbuk hram ang deuh te, rum ri ang deuh te pawh in an hram ri thei ni a sawi an nih bakah an rim pawh a chhe hle niin an sawi bawk. An sawi zel danah chuan ramsa te deuh sazu te leh thil dangte chawah an ring ve a, anmahni hi an kawlh in an tur hi a hlauhawm em em a, tin, an tur hi thui tak an phuh chhuak thei ni in an sawi bawk. Heng Tzuchinoko an tih ho te hi Japan ram a an tlang ram Honsu leh Shikoku ah te, Kyushu thliarkar lamah te, tin, Korea leh eastern China lamah te leh New Guinea lamah te an cheng ber ni in an sawi. Phaizawl, ramngaw, tlangpang vel leh dil hnaih dum hmunah te an awm duh bik ni in an sawi bawk.</p><br />
<p>AN HMU FO ALAWM: Keini Mizote hi chu hmanlai hun atang tawhin kan thil hmuh leh hriat te chiang taka ziak a chhinchhiah thlip thlep chi kan ni lo hrim hrim mai a. Thuziak kan neih har chu thudang ni ta se, thuziak kan neih hnuah pawh kan thil hmuh leh hriat dangdai deuh te hi chiangkuang takin kan chhinchiah ngai lova, han chhui chian dawn pawh hian “Chumi chuan a ti...” tih vel bawrah hian a zuzi ral leh mai thin a, a buaithlak khawp mai a. Hnamdang te chu hetiang hi an lo ni ve hlek lo mai a Japanese ho te chuan hetiang rul mak tak mai ‘Tzuchinoko’ an hmuh chanchin hi kum zabi 13na vel daih tawh atang khan an lo chhinchhiah thlip thlep tawh tlat mai. </p><br />
<p>Kum 1950 vel khan Hashamotto a hnathawk pakhat M.Kyuzo chuan tlang pang atanga thil mum dum lian deuh rawn lum thla a tui a a lum lut lai chu a hmu a, a va tlan phei a a va enchian chuan chu thil mum chu a inzial a lo inphelh a hetiang Tzuchinoko hi a lo ni reng mai a, tuiah chuan a hleuh bo ta a ni. Tun hnai deuhah pawh khan an lo hmu fo tho mai bawk a. Kum 1969 June thla khan loneitu pakhat Tokutake an tih chuan hetiang ‘Tzuchinoko’ an tih ang chi rul hi central Honsu ah a hmu a, he rul hian amah chu a rawn zuan a, mahse a zuan fuh lo hlauh mai a. He loneitu hian a man a, in lamah hawn in reife a khawi hnuah a tihlum a, a sa chu a ei ta a. A kawchhungah hian sazupui a dawlh a la paitawh kimloh a lo awm nghe nghe a, he rul hi a seizawng 2ft a tling lo a ni. Tokutake hia he rul hian hnungzang ruh pahnih a neih thu a sawi lang nghe nghe, chutih lai chuan a sa a tui leh tui loh lam a sawi thu erawh hriat a nilo thung.</p><br />
<p>Kum 1970 khan nupa pahnih hian Tzuchinoko hi southeast Osaka bula Tojikimi an tih ah an hmu a, he an rul hmuh hi a che rang hle a, ding le vei zawngin a che chhawknghawlh ngual ngual a, phuhlip hraw tak tak nei in a taksa chu saphai ang mai hian a tial ni in an sawi. August ni 18, 1995 khan Okayama Perfecture a Aidamachi a cheng mi pakhat pawhin tlangah hetiang chi rul 20inch vel a sei hi a hmu a, a mit chu a ti chekual rang hle a, a hmutu hi a kalsawn lawk hlanin he rul hi a lo vak bo hman a ni.  Hei aia la tunhnai leh deuh zawk 2000 kum June ni 15 pawh khan Mitsuko Arima chuan lui a hetiang Tzuchinoko hleuh lai hi a lo hmu ve bawk.</p><br />
<p>ENGE NI TA ANG: Heng Tzuchinoko an tih te hi enge an nih chiah tih hi hriatthiam a har khawp mai a. Dr Karl P.N. Shuker chuan a lehkhabu ziah ngaihnawm zet mai ‘The Unexplained’ tih ah chuan a lem an ziah chap nen a dah langin tawite in ‘Pit Viper’ an tih ang chi piangsual danglam deuh an ni thei ange a ti a. Mi thiam thenkhat thung chuan ‘Mamush pit viper’ (Agkistrodon halys blomhoffi ) an hmuhsual a ni ange an ti ve thung. Heng ‘Mamush Pit Viper’ an tih ho te hi Tzuchinoko an sawi te nen nian an pianhmang, an rawng, an awm duhna hmun vel a inang hle ni in an sawi. Mithiam thenkhat thung chuan Pit viper (Crotalinae) chi zing ami African vipers (Viperinae) an tih te nen a inchawhpawlh science ina a la hriatchhuah chiah si loh chi danlam deuh an ni ange an ti ve thung bawk. A enga pawh chu lo ni ta se Tzuchinoko te hi a awm chu an awm ngei a ni tih chu a hmu tute leh a sa ei tawh ngei te pawh an awm dan atang hian a hriat theih mai awm e.</p><br />
<p>TLIPNA: Heng Tzuchinoko an hmuh kan han sawi tak te leh a chanchin kan han sawi tak te hi han chhut han chhut hian keini Mizovina ‘Tlubing’ kan tih te nen hian thil thuhmun thil inang a nih duh hmel riau in kei chuan ka hria a. Thil thuhmun thil inang an ni e ka tihna phei chu a ni hauh lo thung a. Mahse Tlubing kan tih hi a chanchin sawi tur hi kan hre thui lo hlawm em mai a, mit ngei a hmu pawh hi sawi tur kan hre hlawm manglo a ni a. Chuvangin heng kan pi leh pu te hun lai atanga hmuh thianglo hial anga an lo ngaih ‘Tlubing’ an tih te hi an suangtauhna khawvel atanga rawn piangchhuak mai mai nilova a tak ngei a awm, khawvel hmundangah pawh sawi lo awm ve thin, mahse khawvel thiamna in chiang taka a finfiah hleihtheih si loh Japanese ho in a Tzuchinoko an tih te nen hian thuhmun te a lo ni reng thei mai lo maw tih thu ah Tzuchinoko chanchin hi ka hmuh theih ang ang ka rawn fawm khawm ve a ni e.</p><br />
<p>*Source: 1). http://worldcyclopedia.org/Tzuchinoko<br /><br />
2). http://www.angelfire.com/vamp/dervampir/tzuchinoko.html<br /><br />
3). The Unexplained<br /><br />
**Image: The Unexplained tih bu ami a Tzuchinoko lem an ziah thla phone camera a ka lak chhawn.

TZUCHINOKO

************

Mizovin rul hmuh thianglo a kan neih ‘Tlubing’ kan tih leh Japanese ho in Tzuchinoko an tih hi thil thuhmun a ni thei ang em…??? (Heihi ka MISUAL pui te lo chhar ve ah ka duh tlat)

KHUH HAWNNA: Mizote hian  eng engemaw chanchin finfiah theih tak tak mang si loh mak deuh sawi tur hi kan ngah hle mai a, a sawi lah hi kan sawi uar thei nangiang lah taka. Mahse heihi in dem ngawt chi a lo ni hauh lo mai a, khawvel hnamdang, hnam upa tak tak ho te pawh hi an lo ni ve tho mai a. Heng thil mak tak tak kan sawi thin te hi engemaw a taka an lo hmuh tawh behchhan a a chanchin hian sawi a lo ni ve tlangpui thin a. Chuvangin dawt a ni han in tih sak ngawt hleihtheih lah a ni hek lo. Chutih lai erawh chuan hmuhdan, hriatdan, sawidan a lo dan thin avang te leh a taka finfiahna tak han phawrh mai tur a lo awmloh thin avang te hian a mak zawng deuh a sawi uar te hi kan lo ching fo thin zawk a lo ni a. Hetiang a thilmak, finfiah hleihtheih tak tak si loh, mahse a hmu sawi tur leh a chanchin sawi tur ting kan neih ve zingah chuan rul chikhat, upa te’n hmuh thianglo a an ngai ‘Tlubing’ an tih mai chanchin hi a mak pawl tak chu a ni ve ngei ang le.
MIZOVIN TLUBING KAN TIH HI: Rul chanchin hi ka hre tam lo khawp mai a, kan mithiam te’n a chanchin an ziah te leh mi sawi ka hriatte hi an ni mai a, han chhui a han zirchianna pawh ka nei ve hek lo. Mahse hman atanga mak ka lo tih ve em em chu kan pi leh pute hun lai atanga an lo sawi, hmuh thhianglo hial anga an lo ngaih ‘Tlubing’ an tih chanchin hi a ni tlat mai. Ka hriat ve dan chuan Mizovin ‘Tlubing’ kan tih hi rul chikhat, banrek tiat bawr vel a lian, tawite tawng chen vel lek a sei, mei zui deuh tawite nei, a tleng pawh a tleng ve lo a, amah chu intung a hmalam zawnga tlu bin tep tep thin a nih avanga ‘Tlubing’ an tih tak, inzial mum a chhuk zawng pawh a lum thei ni in an sawi thin a. Sawidan pakhatah chuan hetiang ‘Tlubing’ hi a inbin lai hmuh chuan lo dawm a, “Ekhai i tlu na palh ange…” tih pah a dimtea a tlu tur leia muttir chuan a lo dawmtu kha mal a sawm thin ni in an sawi bawk. A tak a hmu hi sawi tur an vang viau mai a. Rual u deuh te leh hre tur awmang deuh a ka ngaih te ka’n zawh kual ngial pawh hian hei bak hi chu chiangkuang tak a a chanchin sawi thei hi an awm hauh lo mai a. Rul chanchin ziahna lam te kan en kual ve ngial thin a, mahse khawvela rul chihrang 3,400 chuang awm an finfiah tawh zingah hian an lang tel ve lo tlat mai a. Chuvangin a chanchin hi thawnthu leh thil mak dangdai ang deuh a sawi mai bak hi chu hriat tur a lo vang khawp mai reng a.

JAPANESE HO PAWHIN AN NEI VE TLAT: Heng Mizovin ‘Tlubing’ kan tih hi kan Mizo pi leh pu te suangtuahna khawvel atanga rawn piangchhuak a ni thei mai angem tih ngaihtuahna a awm laiin hetiang ‘Tlubing’ kan tih ang deuh hi Japanese ho khian sawi an lo nei ve tlat mai le. Japanese ho chuan hetiang rul hi ‘Tzuchinoko’ an ti a chumi awmzia chu ‘tzuchi’ tih chu ‘indona milem buhpawl a siam’ tihna a ni a, ‘noko’ tih chu ‘fapa’ tihna a ni ber mai a. ‘Straw-bat snake’ tih te ‘rolling hammer’ tih te, ‘Snake bat’ tih te ‘Horizontal bat’ tih te leh hming dang chihrang hrangin an sawi thin a ni.

TZUCHINOKO CHU: Heng ‘Tzuchinoko’ an tih te hi an pianhmang an sawi hi a danglam khawp mai a. Taksa tawi bawng liantak phek deuh, 2ft-3ft vel a sei, an taksa vang lam hi 3inch bawr vel a hlai/lian, phuhlip hlai tak tak nei, a hnungzang thlaa a uk dum deuh a a khat mawi tawk a tial thla, a taksa hnuailam serthlum rawng deuh, lu kil thum, phek deuh lian tak nei, ki tawitei pahnih leh mit lian vak lo bial deuh nei, a hnar kawn bula khuar pahnih awm, lei sen tak mahse rul pangngai anga lei hmawr kak ve lo, a taksa sir tuak a parh deuh awm, leh a mei tawite ah chuan ruh nei lo ni in an sawi bawk.

A chetdan leh a khawsa zia an sawi pawh hi keini Mizovin a ‘Tlubing’ kan sawi thin te nen hian a lo inan hmel angreng hle mai a. An sawi dan chuan a tleng a tleng lo in hmalam zawng hian khapdiau in khap ang deuh hian a kal thin a, tin, a taksa chu intung in hmalam zawng a tlu phei in a kal thin bawk ni in an sawi. Hei bakah hian ball anga in zial mum in awih pangah te pawh chhuk zawngin a lum thin bawk ni in an sawi. Boruakah te pawh sang takah a in perh kang thei a, a rawng pawh hi a duh duh in a ti danglam thei ni in an sawi leh bawk. Tzuchinoko te hian tui hleuh pawh an thiam hle ni a sawi an ni a, tui atang pawh hian thui tak tak an in perh chhuak thei an ti bawk. Tin, faifuk ang deuh te, chhimbuk hram ang deuh te, rum ri ang deuh te pawh in an hram ri thei ni a sawi an nih bakah an rim pawh a chhe hle niin an sawi bawk. An sawi zel danah chuan ramsa te deuh sazu te leh thil dangte chawah an ring ve a, anmahni hi an kawlh in an tur hi a hlauhawm em em a, tin, an tur hi thui tak an phuh chhuak thei ni in an sawi bawk. Heng Tzuchinoko an tih ho te hi Japan ram a an tlang ram Honsu leh Shikoku ah te, Kyushu thliarkar lamah te, tin, Korea leh eastern China lamah te leh New Guinea lamah te an cheng ber ni in an sawi. Phaizawl, ramngaw, tlangpang vel leh dil hnaih dum hmunah te an awm duh bik ni in an sawi bawk.

AN HMU FO ALAWM: Keini Mizote hi chu hmanlai hun atang tawhin kan thil hmuh leh hriat te chiang taka ziak a chhinchhiah thlip thlep chi kan ni lo hrim hrim mai a. Thuziak kan neih har chu thudang ni ta se, thuziak kan neih hnuah pawh kan thil hmuh leh hriat dangdai deuh te hi chiangkuang takin kan chhinchiah ngai lova, han chhui chian dawn pawh hian “Chumi chuan a ti…” tih vel bawrah hian a zuzi ral leh mai thin a, a buaithlak khawp mai a. Hnamdang te chu hetiang hi an lo ni ve hlek lo mai a Japanese ho te chuan hetiang rul mak tak mai ‘Tzuchinoko’ an hmuh chanchin hi kum zabi 13na vel daih tawh atang khan an lo chhinchhiah thlip thlep tawh tlat mai.

Kum 1950 vel khan Hashamotto a hnathawk pakhat M.Kyuzo chuan tlang pang atanga thil mum dum lian deuh rawn lum thla a tui a a lum lut lai chu a hmu a, a va tlan phei a a va enchian chuan chu thil mum chu a inzial a lo inphelh a hetiang Tzuchinoko hi a lo ni reng mai a, tuiah chuan a hleuh bo ta a ni. Tun hnai deuhah pawh khan an lo hmu fo tho mai bawk a. Kum 1969 June thla khan loneitu pakhat Tokutake an tih chuan hetiang ‘Tzuchinoko’ an tih ang chi rul hi central Honsu ah a hmu a, he rul hian amah chu a rawn zuan a, mahse a zuan fuh lo hlauh mai a. He loneitu hian a man a, in lamah hawn in reife a khawi hnuah a tihlum a, a sa chu a ei ta a. A kawchhungah hian sazupui a dawlh a la paitawh kimloh a lo awm nghe nghe a, he rul hi a seizawng 2ft a tling lo a ni. Tokutake hia he rul hian hnungzang ruh pahnih a neih thu a sawi lang nghe nghe, chutih lai chuan a sa a tui leh tui loh lam a sawi thu erawh hriat a nilo thung.

Kum 1970 khan nupa pahnih hian Tzuchinoko hi southeast Osaka bula Tojikimi an tih ah an hmu a, he an rul hmuh hi a che rang hle a, ding le vei zawngin a che chhawknghawlh ngual ngual a, phuhlip hraw tak tak nei in a taksa chu saphai ang mai hian a tial ni in an sawi. August ni 18, 1995 khan Okayama Perfecture a Aidamachi a cheng mi pakhat pawhin tlangah hetiang chi rul 20inch vel a sei hi a hmu a, a mit chu a ti chekual rang hle a, a hmutu hi a kalsawn lawk hlanin he rul hi a lo vak bo hman a ni.  Hei aia la tunhnai leh deuh zawk 2000 kum June ni 15 pawh khan Mitsuko Arima chuan lui a hetiang Tzuchinoko hleuh lai hi a lo hmu ve bawk.

ENGE NI TA ANG: Heng Tzuchinoko an tih te hi enge an nih chiah tih hi hriatthiam a har khawp mai a. Dr Karl P.N. Shuker chuan a lehkhabu ziah ngaihnawm zet mai ‘The Unexplained’ tih ah chuan a lem an ziah chap nen a dah langin tawite in ‘Pit Viper’ an tih ang chi piangsual danglam deuh an ni thei ange a ti a. Mi thiam thenkhat thung chuan ‘Mamush pit viper’ (Agkistrodon halys blomhoffi ) an hmuhsual a ni ange an ti ve thung. Heng ‘Mamush Pit Viper’ an tih ho te hi Tzuchinoko an sawi te nen nian an pianhmang, an rawng, an awm duhna hmun vel a inang hle ni in an sawi. Mithiam thenkhat thung chuan Pit viper (Crotalinae) chi zing ami African vipers (Viperinae) an tih te nen a inchawhpawlh science ina a la hriatchhuah chiah si loh chi danlam deuh an ni ange an ti ve thung bawk. A enga pawh chu lo ni ta se Tzuchinoko te hi a awm chu an awm ngei a ni tih chu a hmu tute leh a sa ei tawh ngei te pawh an awm dan atang hian a hriat theih mai awm e.

TLIPNA: Heng Tzuchinoko an hmuh kan han sawi tak te leh a chanchin kan han sawi tak te hi han chhut han chhut hian keini Mizovina ‘Tlubing’ kan tih te nen hian thil thuhmun thil inang a nih duh hmel riau in kei chuan ka hria a. Thil thuhmun thil inang an ni e ka tihna phei chu a ni hauh lo thung a. Mahse Tlubing kan tih hi a chanchin sawi tur hi kan hre thui lo hlawm em mai a, mit ngei a hmu pawh hi sawi tur kan hre hlawm manglo a ni a. Chuvangin heng kan pi leh pu te hun lai atanga hmuh thianglo hial anga an lo ngaih ‘Tlubing’ an tih te hi an suangtauhna khawvel atanga rawn piangchhuak mai mai nilova a tak ngei a awm, khawvel hmundangah pawh sawi lo awm ve thin, mahse khawvel thiamna in chiang taka a finfiah hleihtheih si loh Japanese ho in a Tzuchinoko an tih te nen hian thuhmun te a lo ni reng thei mai lo maw tih thu ah Tzuchinoko chanchin hi ka hmuh theih ang ang ka rawn fawm khawm ve a ni e.

 

*Source: 1). http://worldcyclopedia.org/Tzuchinoko

2). http://www.angelfire.com/vamp/dervampir/tzuchinoko.html

3). The Unexplained

**Image: The Unexplained tih bu ami a tzuchinoko lem an ziah thla phone camera a ka lak chhawn.

Similar Posts:

Recent Posts:

10 Responses to “TZUCHINOKO”

  1. 1
    chhana Says:

    Kan pi leh pu te kha mawl tih chang kan nei fo awm e; mahse, heng chungchang atangte leh arsi chanchin bakah hun then dan chungchangah te hian finna mak tak an nei tih a chiang.

    Report this comment

  2. 2
    Dr John Says:

    “Hmuh Thiang Lo” (thiang lo) kan tih tam tak hi kei chu a tak tak a nih leh nih loh ka hre miah lo. Setana Thiltihtheihna nen inzawmna a neiin ka ring ringawt. Ka rinna chhan chu Kristian kan lo nih hnu hian “Thiang Lo” tia kan tih leh hlauh em em tam tak hi kan tih tawh loh leh kan hlauh tawh loh a tam em mai.

    Chhiar a har kher mai :P

    Report this comment

  3. 3
    H.Vangchhia Says:

    Ka hre lo. A mizo tawng a a rul hming pawh khi ka hre ngai lovin ka hria. :(

    Report this comment

  4. 4
    RZA Says:

    ka awi tlat lo

    Report this comment

  5. 5
    caribou Says:

    A ngaihnawm khawp mai.

    Report this comment

  6. 6
    filaxis Says:

    tlubing i tih hi ka lo la hre ngai miahlo pek a..ngaihnawm e

    Report this comment

  7. 7
    Puii Says:

    A va sei tak em!! lo ti chiam ila, ;-) mahse a ngaihnawmin a bengvar thlak hle mai, A mizo rul leh a japan rul pawh chu ka lo la hre ngai lo va…. (Y)

    BigDaddy, i ziah leh hunah chuan “para” tam thei ang berin aw ni ang….? ;-)

    Report this comment

  8. 8
    Awmtea Leo Khiangte Says:

    Thui rem rem ve. Chhiar dawn ang.

    Report this comment

  9. 9
    BigDaddy Hmahmatea Says:

    A rul hrim hrim hi kei ka ngaisang vak lo riau mai a, chutih lai chuan tlema mak dangdai deuhte hi chu ka ngaihven angreng viau thung lawi a.

    Report this comment

  10. 10
    Jacka Pi Says:

    Tlubing chu tet laiin ka hre ve tawh tlat…Big D i taimakna a fakawm leh pek e (Y)

    Report this comment