Ka pitar hmelhriat te chu!

January 27th, 2014 6:43 am by H.Vangchhia

Ka hnathawhna hmunah hian pitar nui sen sen thin biak nuam deuh mai hi a awm a, kan innel ve em em mai a ni. George Washington University lamah art history lam a zirtir bawk tih ka hria a ni mai a, chu tih loh chu ram hrang hrang history kan sawi dun thin bak chutin kan inkawm em em hran lo. Mahse tuina lam a titi dun thin kan ni bawk a, titina hun remchang a awm tawh hi chuan kiangah midang an awm em tih hre dawn lo lekin kan tui ta thin pek a. Kan hnam naupang takin kan culture leh tradition kan humhalh a, kan vawn that tlat a pawimawh zia min hrilh thiam khawp mai. Sikul mai bakah mahni theuh leh kan fate kan hrilh a pawimawh…

Tumkhat chu, ka pitar hmelhriat kal gi geih-te chuan Georgetown a a in kawmchar-ah huan tereuhte a siam thu min hrilh a, a phur khawp mai nghe nghe a. Nakin-ah chuan a thlai tharte pawh “in chhungkua-in lo ei ve ru,” tiin min thartem ta zeuh zeuh a. Lawm takin ka laksak a, in lamah kan nu pein, “pitar min thartem a nih hi, “ka ti liam mai thin. Tumkhat chu ka supervisor chuan, “tunge a nih chiah i hrechiang em?” ti zawngin min zawt ta heu mai. Ngaih a tha chiahlo nangin ka hriat chin chuan ka chhang ve mai bawk a. Ani chuan nui vur vur chungin a hming Google chhin turin min ti ta a. Kan Google chhuak ta ngei mai a, ka rin phak bakin chu ka pitarte hriat chu a lo ropui daih a ni tih ka hre ta a ni. Khawvel-a Who is Who-ah a hming alo chuang vah a nih chu!

Ka smart phone neih hmasak ber hmangin thla kan la dun ve chu phone ka neih changkan zia a sawi a, ka zak chem chem. Ani neizo lutuk tur lah chuan ulh thleh theih chi a hum ve ran zawk si a. Mamawh lovah hian an inhmang lutuk lo thiam khawp reng a ni.

Inthuamna manto a inbel uar hran lova, engemaw ni-ah erawh chuan zahawm takin a inchei thin thung. Hlim hmel pu lovin tumah a biak kala hre lova (kei tal chu), a nihna a chapo pui ngai ka hre hek lo. A hawihhawm em em mai a, a inngaitlawm em em mai bawk kha a makna a ni lek lek zawk awm e. A nunah nelawmna leh zahawmna ka hmuin biak chakawmna a nei tlat thin.

US Secretary of Transportation-te nupa te hi an chawhmeh bazar an bawr thei teh asin, tumah an inpuih tir ngailo. Ka’n ngaihtuah vang vang hian mi ropuite a piang hi an lo inngaitlawm niin ka hre ta a ni tih ka rawn tawmpui che u a ni e.

Mi(sual).com-ah ngei pawh hian mi ropui tak tak kan nei niin ka hria. Thiamna sang tak tak nei an kat nuk karah hian a ropui tak tak chin chu ngaihdan sawina lamah thleng mai hian an hriat theih viauin ka hria. Zir chhuah san leh hna chelh san ngawt hi mi ropui nihna niin ka hre lova, lehkha thiam rau rauah pawh chapona tel lova nung thin, inngaitlawm leh rilru inhawngte nun zia hian mi ropui-ah a siam thin a ni mahna. Chutah, keini ang titi khawm thiam lem lo, ri chul mai chi tello hian khawvel hi a kimin a nuam an tih bik erawh ka ringlo ve thlarawk bawk a!

Pitar-te chanchin tlem chhiar duh tan: http://art.gwu.edu/people/faculty/PT_Joost-Gaugier.php

Similar Posts:

Recent Posts:

17 Responses to “Ka pitar hmelhriat te chu!”

  1. 1
    Dr John Says:

    (Y) Post chu ka nghah-hlel ang takin ava tha em!!!

    Pu HV, I Pitar hmel hriat hi min lo biak teh, ka ngaisang riau :P

    Report this comment

  2. 2
    H.Vangchhia Says:

    Dr. John #1 ka lawm e. A hnuai a link khi click hawn theihin min dah sak lo palh a nih khi mawle. I en thei tho ang chu maw?! :) hairehai :D

    Report this comment

  3. 3
    Dr John Says:

    Pu HV, ka en nghal daih tawh :P

    A lo turu em a nih hi “Harvard University” atanga B.A., M.A., Ph.D., zo ngat lehnghal mawle!!!

    A Inngaihtlawmna khi ka Ngaisang-Over bawk

    Salute & Respect (G) (F) (P) (Y)

    Report this comment

  4. 4
    H.Vangchhia Says:

    Dr. John, “Among her over 200 publications are..” keini hian kan damchhung hian engzat publish ve ang I maw? hairehai :P

    Report this comment

  5. 5
    Dr John Says:

    Pu HV, sawi suh sawi suh,,,

    Lehkhabu 200 chu tum tlat chuan, phek pan te-te chu kan puitlin mahna le…

    Mahse, “has been published exntensively in international journals and conference proceedings” tih tak hi chu… ngaihna awm lau.. “HaiReHai”

    “Respect… Respect… Respect” tih hi ka duh tawk mai ;)

    Report this comment

  6. 6
    filaxis Says:

    inngaihtlawmna hi va pawimawh em..chhiar a nuam e

    Report this comment

  7. 7
    Sihtea Says:

    Kan Hamaradesh a, mifing milar te nen
    an khawsa zia a va in persan leng lawng ve maw le.

    Report this comment

  8. 8
    Zoram Fapa Says:

    Pu Hv a thuziak hi chu a ngaihnawm piahlamah suangtuahna ah min hruailut thui thei…Ziak zel rawh

    Report this comment

  9. 9
    Charice_mizo Says:

    Socialist a ni hrim hrim, hehe

    Scholar ho chu an heti tlat zel. lehkhathiam lo hausa an chapo duh bik, lehkhathiam hausa chu an fin vangin an chapo ve vak ngai lo.

    Report this comment

  10. 10
    chhana Says:

    Chhiar a nuam hle mai.

    Report this comment

  11. 11
    Mapuia Hmar BZy Says:

    (Y)

    Report this comment

  12. 12
    Puii Says:

    AW.., i pitar hmelhriat te reuhi chu i roh hle mai , a hming te chu a tawpah tal min han hrilh ve la ti nia…. (H)

    A Link lah hi a nung si lo va, tuna chhiar chiang turin phek thar ka hawng hman bawk si lo va, chhiartu midang pawh an ni ve mai thei ania… ;-) nge adminho thiam loh? ka tlan chhe daih… :-P

    Report this comment

  13. 13
    Puii Says:

    PS….. in thlalak dun chu…. cute dun khawp mai….in nun a thik lo maw? ;-)

    Report this comment

  14. 14
    H.Vangchhia Says:

    Puii #12 LINK khi no_nick khan ka rawn siam tha ang a ti a, ala siamtha ta chuanglo a nih hi. Kan nu-in a thik ang tih a hlauhawm loh khawp mai hairehai ;)

    http://art.gwu.edu/people/facu.....augier.php

    Report this comment

  15. 15
    muantea Says:

    Awm ve ila chuan a bulah ka tap hrut hrut reng ang maw le.

    Report this comment

  16. 16
    Awmtea Leo Khiangte Says:

    Chhiar dawn ang.

    Report this comment

  17. 17
    H.Vangchhia Says:

    muantea #15, hun hi a lawm… :(

    Report this comment