Beidawng aurawl!

January 25th, 2014 8:13 pm by RZA

Felna an phum bo a,
Dikna puan ang an hnawl maw?
Eiru an chawisang a,
Bumtu’n parthi a awrh maw?

Khawnge i ropuina?
Chhuan tur eng nge i neih le?
I hming an hre lo a,
Chhuan tur reng i nei lo e.

I silhfen mawi tak kha,
Kawng diakah a berh zo a;
I lirthei mawi tak kha,
Kawng chhiain a lem zo ta.

I nun a changkanga,
I pum erawh a ruak si;
Ram hmasawn i hmu a,
Mah se i hlat tual tual si.

Harh ta che, ka zoram,
Mirethei retheih zualna;
Midik diklohna ram,
Leilung fate rahbehna.

Chhunah an rawk che a,
Meng reng an bum nawn che a;
Chuti chuan ngawi rengin,
Rawktu chu an kal bo thin.

Similar Posts:

Recent Posts:

7 Responses to “Beidawng aurawl!”

  1. 1
    Sony Says:

    I va beidawng tak ve, RZa chu.
    Kei pawh tum hma chuan ka vei ve fu. Mahse tun hma ang em chuan eiruk hmangte kan ngaihsan rawn ta chiah lo.

    Report this comment

  2. 2
    Sihtea Says:

    A va han tha tak em..”

    Report this comment

  3. 3
    H.Vangchhia Says:

    Tha hle (Y)

    Report this comment

  4. 4
    Dr John Says:

    (Y) A Tha hle mai…

    Report this comment

  5. 5
    chhana Says:

    A Tha hle mai…

    Report this comment

  6. 6
    Awmtea Leo Khiangte Says:

    A tha e.

    Report this comment

  7. 7
    Chawngthu Pa Says:

    A tha hle mai.

    Report this comment