Motor mechanic-te la ngei tur, motor neitu tan erawh lawmawm!

December 21st, 2013 12:40 pm by H.Vangchhia

Motor kan han nei ve a, a upa ve dawn ṭan tihah “check engine” light a rawn eng phat mai hi chuan ngaihtuahna a tibuai ve thei ṭhin viau mai. Motor khawl engemaw ber fuh lo siamṭhat ngai a awm tih chu a chiang reng mai. Workshop lam han panpui ila, tunlai chhuak motor phei chu khawl hmang lovin han endik mai a harsa em em mai lehnghal si a. Chutah chuan mechanic-te khan endik manah ngawt pawh tam tak tak min chawi tir thei a, thlak ngai chauh an thlak em tih lah mi tam zawkin kan hre awm bawk si hek lo.

Chutiang a mechanic-te thuhnuai a awm lova, keimahniin kan chawi zat tur awm ang leh englai chiah nge felhlel emaw chhia emaw kan hriat theihna atan Tim Kelly hote chuan an company, Zobie an tih aṭang chuan khawl tetakte mai an duang chhuak ta a ni. He nawalh bawm tiat lek thil ṭha tak mai hi an mahni company subscriber-te tan an pe chhuak phawt dawn a nih hmel. Mizoram tan hian engtin emaw neih theih dante awm sela ka ti hle mai.

Khawl tetakte chu dashboard hnuaiah dah tur niin, smartphone hmang a khawih vel tur a ni a, Mizo ten ‘simple English’ kan tih :P ‘plain English’ in enge chhia, englai nge enfiah ngai emaw, thlak ngai emaw a rawn sawi bakah, senso zat tur vel thlengin a sawi thei dawn a ni (senso zat hi chu US chauh a nih duh hmel…ka rinthu!)

“With cars, there’s still been a great level of opacity, or lack of transparency. It’s still a black box to most of us. We can tell you not only the code that came up, but what it means in plain English,” tiin an vice president leh product management a mi Navin Ganeshan chuan a sawi a ni.

Chhiar belh duh tan:
http://www.wtop.com/256/3528149/Taking-mystery-anxiety-out-of-check-engine-light

Similar Posts:

Recent Posts:

15 Responses to “Motor mechanic-te la ngei tur, motor neitu tan erawh lawmawm!”

  1. 1
    drake Says:

    Mizoram a Nissan aka Oneton leh meghalaya shaktimaan a vuah tan ka vin awt tak :-P :-D

    Report this comment

  2. 2
    H.Vangchhia Says:

    #1 “check engine” light a en chuan a tha viau ang chu! ;) hairehai sha la la la la :P

    Report this comment

  3. 3
    chhana Says:

    A that dawn chu. Kan ram pawh a rawn thleng har lo turah ngai ang. Taka, hman deuh khan an hmuchhuak tawh emaw ka lo tia.

    Report this comment

  4. 4
    Sihtea Says:

    Ka duh ve e

    Report this comment

  5. 5
    H.Vangchhia Says:

    chhana # nimin khan radio a ka ngaihthlak zar a ka hriat ve chauh a ni :)

    Report this comment

  6. 6
    kilung Says:

    Pu Hv, i va hre tha thei ve aw.. :D

    Report this comment

  7. 7
    mihring Says:

    Pu HV chu tech trek trek bawka sawi tha thei khawp mai :D A chhungthu chhiar phawt loh chuan a thupui ringawt khi chu a awmzia hriat a har hle mai,

    Report this comment

  8. 8
    H.Vangchhia Says:

    lal mihring # 7 :P a thupui atang a enge tih hriat lutuk kha chuan a fuh lo a lawm. Pu AV Pakunga chanchinbu (Sofia) heading style a nih hi hairehai :P

    A pui thei asin. A thupuiah: MNF leh Congress inkarah thil ri ret ret a awm em ni? tih ang emaw a han hman chiah mai kha chuan a chhung hawn vat vat kha a chakawm tawh viau zel a nia :P

    Report this comment

  9. 9
    caribou Says:

    Pu HV, i zarah ka beng a var belh zel, ka lawm e. A dang pawh lo ziak zel ang che. (Y)

    Report this comment

  10. 10
    H.Vangchhia Says:

    caribou #9 Ka lawm e :) (Y)

    Report this comment

  11. 11
    jpaite Says:

    Ka motor ah hian vuah ila sawi tur a ngah ve ngawt sang, ‘check everything’ etc. :)

    Report this comment

  12. 12
    H.Vangchhia Says:

    Check engine light a en hian tam tak chu a fuel tank khar that loh vang a ni duh khawp mai. ;)

    Report this comment

  13. 13
    H.Vangchhia Says:

    drake & mihring. Virginia-ah i awm chuan MI ila? :P

    Report this comment

  14. 14
    mihring Says:

    Pu HV tunhnai ah facebook in Mizo site dang zawng2 a luah lan lai hian kei chu misual lam ah sual em2 ka tum mai a ni :D Post leh comment lamah hma kan lak a ngai hle mai. Tun hnaiah Pu HV, BigDaddy leh Khuangpu te bakin an post mang lo va. Kum khat leh a chanve chuang silent reader ah ka tanga, hetia misual a luck loh takah chuan rawn lang ve tanin ka rawn active ve in ka rawn comment ve tana,
    ka ngaihdan pawh huai takin ka rawn sawi(post) zel ang. :)

    Report this comment

  15. 15
    Dr John Says:

    (Y) Post BVT lutuk. Ava that hmel ve aw.

    Senso lam chu Thuhran… Motor chiangkuang lo, a tha lo tih hriat reng si, a Englai ber nge tha lo tih hriat chian theih bawk silo chungah chuan a, zin kawng zawh chu nuam lo deuh a ni :(

    Report this comment