Lengpui Airport – Ka Ngaihmawh Te

December 5th, 2013 9:10 pm by Dr Mahminga Sailo

Kamkeuna
Lunglei khawpuia zin chak em em thin kha, Aizawl khawpuiah tlangnel taka khawsa ve zelin; mang lama kan man phak ngai loh thlawhtheihnaah te chuangin kei a kar hi ka zin kual ve ta zauh zauh a. Tlangval phunchiar tak ka ni nge, midang paw’n an vei a an ziak lang kher lo ka hre law; nge an ziak tawh reng a, ka hmu fuh lo zawk?

Hetia Lengpui Airport ka tlawh ve tak fo hnuah hian ngaihmawh ka nei ve ta fo mai. Thil holam leh te lutuk a nih paw’n ka inphun lungawi vena ni mai teh se.

Ngaihmawh no. 1: Inthiarna
Inthiarna hmun tawp lutuk leh changkang lo lutuk hi state pakhat airport atan chuan a zahthlakin ka hria. Tin, a changkan loh chu thuhran, kan neih chhun tal hi fai taka enkawl ni rawh se.

Ngaihmawh no. 2: Security Hatkora tui zuar

Eizawnna remchang tak a ni; tin state ralmuang kan ni a, a pawi lem lo kan ti thei.

Mahse, airport terminal kan han lut a, danin a phut leh fimkhurna vang zawka security duty thenkhatin, an dinna bula ip an zen mawlh mawlh a, ‘hatkora tui sial hi lei ta che’, an han ti daih zel mai khi chu a lawmawm rualin, hnamdang mit hmuhah phei chuan a inthlahrunawm ka ti ve mai mai.

Ngaihmawh no.3: Sum tlemte duha hnampui bum duh!
Hetiang mi erawh an tam ka ring lo; Ka hmmu fuh pawh a nih mahna, pawi ka ti.

September thla tawp lam khan Bangalore-a lehkha zir duh tleirawl pahnih ka rualin an kal ve a; thlawhnaa la zin ngai miah lo chu an bangbo ve hle.

A theih anga ka’n buaipui hnu chuan, bungrua an ngah duh phian si, an bungrua chu a excess ta. ‘Bangalore thleng chuan kg khat zelah Rs. 500’ tiin Air India boarding pass buaipuitu tlangval cher lam chuan min hrilh a. Ka naute la zin chhuak ngailo chu an che buai deuh bawk ang reng; tin tlangval ka ni bawk a, ka excess ngailo bawk a, ka bangbo ve tho.

Ticket buaipuitu chu ka’n zawt nawn leh a, ‘kg 3 aiin a rit bawk si lo, ngaidam mai rawh’ ka’n ti a. Ani lah chuan, ‘pawisa chawi a ngai’ a ti deuh bur bawk si. ‘A nih leh receipt min pe la’ ka ti ve ngat a. Tichuan, nula pakhat tana payment receipt kan buaipui lai chuan, nula pakhat zawk Rs. 1500 pek chu a desktop keyboard hnuaiah a dah vat a, ka va hmu kher bawk si. Mahse, hna dang a la thawh dawn vangin a dah rih a niang tiin ka zawt lem lo.

Receipt pe tura room dang kan kal dawn chuan ticket buaipuitu chu ka en zauh a. Ka ngaihbel vang nge, a chetdan a danglam ta riau a. Chutia receipt kan buaipui zawh chuan, ka nau pakhat chu payment receipt a lak tawh leh lak tawh loh ka zawh chuan, ‘engmah a ngailo a ti a’, tiin min chhang a.

Security checking a hun chho mai bawk nen, ticket buaipuitu chu ka va hmu nawn duh ta lem lo a. Mahse, khatianga mahni hnampui ngei, zirlai phaia lehkha zir tura kal sum tlemte it tlat Mizo tlangval kha a lainatawm ka ti. Ticket kan buaipui laia ka naute an chetbuai deuh hlek laia awka vin a’n chhuah mai te nen khan a thil tih duh dan chu inmil vel viauin ka hria a. Mi pakhat tana excess man Rs. 1500 office-a peka, receipt lak ngai si, midang tana receipt ngai lo leh, biarding pass buaipuitu’n pawisa a dang mai kha ka vawikhat hmuhna a nia, ka hrethiam tlat lo. Ka hriat loh vang a nih chuan, min hrethiam se.

Similar Posts:

Recent Posts:

13 Responses to “Lengpui Airport – Ka Ngaihmawh Te”

  1. 1
    H.Vangchhia Says:

    Kuhva ei sen sungin em ni “Hatkora lei ta che” an tih Hairehai :P
    Vantlang hmunhma fai tur chuan a enkawltu an pawimawh mai a ni lo, a neitu mihringte kan pawimawh em em ringawt mai a ni. A ram neitu Mizote kan tawp hle tihna a ni mai.

    Pawisa chungchang chu a hmunah khan zawh fiah nghal chat tur a niin ka ring ngawt a!

    Report this comment

  2. 2
    TuaiSialA Says:

    No. 2 khi… :P

    Report this comment

  3. 3
    chhana hlawnchhing Says:

    A post tupa hian fiamthu thawhnan a ziah a ni lo tih a lan rual in ka chhiar zawng in ka nuih a za tlat a nih chu. Lengpui Airport a thawk ho chuan n enfiah an ngai hle mai a nih hi.

    Report this comment

  4. 4
    Vladimir Putin Says:

    Receipt phut chhuak lova Cheng 1500 kan la pek hreh loh chhung chuan….A, sawi zui lo mai ang.

    Report this comment

  5. 5
    H.Vangchhia Says:

    #4 (Y)

    Report this comment

  6. 6
    Dr Mahminga Sailo Says:

    @ Vladimir Putin… A dik khawp mai. Ka sawi dan khi ka duh khawp lo viau mai a, post a sei lutuk ka hlau si. Pawisa peka receipt lak dawn khan an office hran (entrance gate lamah) a kal turin min ti si, ka nau pakhati kha kalpui a, pek fel phawt kan tum a, an lo che muang phian bawk si nen. Kan tih fel meuh chuan, kan thiannu pakhat chuan a lo pe fel der tawh bawk si a. Hun chu nei tam deuh ila ka va zawt fiah ngat tur a nia. Ka sawi tawh ang khian, kan nau-i bangbo lutuk leh chinchang hriat loh vang ber a nia. Ticket buaipuitu lahin a lo hupbo hmak bawk si. A zia lo teh asin. Excess man pe e ti lovin, a bag pakhat lah Kolkata-ah an lo hlan thlak sak hram nen. Bangalore kan thlena, a bag a’n kim loh phei kha chuan a lainatawm khawp mai.

    Report this comment

  7. 7
    caribou Says:

    Airport Security, theitui zuar ni nghal bawk, hi khawvel hmundangah an tam ang em le?

    Report this comment

  8. 8
    LaMea CâcTùs FLh Says:

    special report ah post teh,or kalo post dawn em ni. Member tamzawk hmuh atan ka it

    Report this comment

  9. 9
    albertchhuana Says:

    Dr. Mahminga thil ron post ber kher chu a va dik chiang tak em…Security kuhva ei sen huam in…kei poh ka nuih an ti xa a lom.

    Report this comment

  10. 10
    hlatekhua Says:

    I ngaihmawh te chu a ngaihmawhawm hlawm kher mai tak a. Tawng ve ila chu ka liak hrep hlawm pek ang…ka thin nel lohna lam zawng tak a ni.

    Report this comment

  11. 11
    Thangpasaisira Says:

    In tawng sual ve reng reng bawk anih hi maw le aw,ka zin hnuhnung ber khan 2kg in ka excess a engmah min chawi tir lo thung lawi si a :-) .

    Security Hatkora tui zuar te khian zah en ah pawh an en awmin alang tlat lo,kala sawi chhuak ngai lo na chu a !!! hi kan ti khawp ah All over the world ah hian kala hre ngai lo tofff.

    Belh hlaks : Rei tak Aizawl atanga han thang bo vang vang hnu a Lengpui Airport leilung han rah leh chiah hian a ruk te a khik seih a va nuam em (H)

    Report this comment

  12. 12
    Dr Mahminga Sailo Says:

    @ caribou… Nia, airport ka hmuh ve chinah chuan, security theitui zuar Lengpui airport-ah chiah ka la hmu.. :-)

    @ Lamea… I post duh chuan lo post rawh, facebook regular viau e ti lo hian special report, ladt hi ka chhiar ringawt zel a..

    @albert.. Tlangval a-pumpa phunchiar hlawh pawh a awl viau a, mahse ka insum zo ngang lo a ni.. :-D

    @hlatekhua.. Hmasawnna tur kan la ngah khawpin ka hria..

    @ Thangpasaisira… Nia, 3 kg lek te chu min ngaihdam ve ka ring a nia, sum a lo mamawh tam deuh nge ni?! ;-)
    A dik chiah, Lengpui han hmuh khian thla a muang suai suai thin ti raw..

    Report this comment

  13. 13
    meroby Says:

    Mumbai Airport ah chuan kan excess chuan counter dang ah pawisa kan pe a, chuan recipe min lo pe a chuan ka lut thei chuah thin mawle .. mahse vawi khai chu Phakar ka chhuah ve tawh kg2 in ka excess a chuan ka bungrua buk tu hnen ah chuan min ngaidam mai tur in ka sawi a min lo hrethiam hlauh a pawisa kan save zauh kha..zia raps mawle,, mahse ka dawt a mi chu kg1 in excess a an ngaidam chuang miah lo… tawngkam tha in sial aman tih hia dik ani…….

    Report this comment