LUSHAI HILLS KHUA LEH TUI AN NI LO

November 24th, 2013 1:44 pm by ramlehhnam

Tunlai a Tuikuk vote chungchanga inhnialna lo awm leh ta hi keini Zo Re-Unification Organization, Gen. Hqrt hnuaia ZO HNAM THALAI,Gen.Hqrt. te chuan kan thiam ang tawk tawkin kan han chhui ve a.
Kan hriat chhuah theih chinah chuan hei hi a lan dan a ni.
Keinin, TUIKUK /TAKAM/BRU/RIANG ti a kan lo hriat thin hi British te record-ah chuan CHAKMA leh TIPERA tiin an ziak a.

Lushei Hills British ten min tih thin tuna Mizoram tia kan hriat tak bialah hian Tuikuk leh Takam hi an awm ngai lo a, chuvangin Mizoramah hian heng hnamte hi kan nei ngailo a ni.
Major MacCalla’n 1938 a Lushei Hills District Cover (Lushei Ram awpna Dan) ti a, a ziak ramdang mite Lushei Hills chhunga cheng vete enkawl dan tur (Control of foreigners phek 77-78 Original copy)) tih bung leh changa a ziah lan danah chuan Lushei ram mi nilo Lushei rama awm ve site enkawl leh khuahkhirhna dan ti a, a ziah ah chuan, Lushei mi nilo te (Non-Native of Lushei Hills) an awm ve hi khap tlat tur a ni a. Mahse engemaw chen atana (Temporary) awm ve ngai leh tul dangte avanga awmve theihna dan a siamah chuan hetiang hi a ni :-


1. Bengoli Sumdawng an awm theih chin tur leh an sumdawn theih chin tur an ruahman sak anga phalna kan pek ang chauhin.
2. Gurkhali Assam Rifle a thawk tha(Service rule a record tha), mifel tak a pension thlenga thawk awm phalhna kan pek ang chauhin.
3. Gurkhali Assam Rifle a thawk mek an chhungte an mahni thlawh tura lo kal, an mahni tlawh chhuanlama Bawng vulh emaw thildang tih tuma awm ngheh tum zelte erawh chu khap tlat tur an ni.
4. Tuikuk leh Takam (Chakma leh Tipera ti a British ho ten an ziah thin)te hi Lushei Ram mi an nilo a (They are not Native of the Lushei Hills) an chen (Settlement) ve hi khap tlat tur an ni.
5. Ramhnuai kalkawng (Footpath) te an enkawl peih dawn erawh chuan Lushei khawsirah emaw Lui dungah emaw in 15 aia tam lo kum khat an in bawk phalsak an ni anga, Aizawl Bawrhsap in phalna bik (Special Permit) a pek erawh chuan kum 3 thleng pawh an cheng thei ang, tih a ni bawk.
Chuvangin, tuna Mizoram Lushei Hills ni thinah hian Tuikuk leh Takam, hi an awmlo tluk alo ni. Heng avang hian 1941 chhiarpuiah pawh khan a mihring zawnga chhiarin inneih pawlh avanga Lushei Hills a awmve phalsak ate chu mi 18 chiah an awm a ni. Hei hi Mizoram statistical Record a, a lan dan a ni.

Chuvangin, Mizoram hian Tuikuk leh Takam (Chakma leh Tipera)hnam te hi kan neih ngai loh Hnam anlo ni zawk e. Amaherawhchu, 1964 a Pakistan Luitui (Khawthlang Tuipui) Karnaphuli an han khuah zawh takah kha chuan (Commission) Km 400 bial Tuikhuahin a chim ta a, a mi chengte pawh Lushei,Tlanglau, Pang, Bawm,Miria,Asho/Chho, Chakma etc te an ni a. Tui chim harsatna avanga Mizoram paltlanga refugee mi 50000 te kha Arunachal Pradesh ah te an han lut a, Assam ah pawh 30000 vel , Tripura ah pawh 70000 vellai an tlan luh rual khan Mizoram chhim lamah pawh 80000 dawn an lo lut chho bawka heng thil ah hian Arunachal Pradesh a tlanlut hote chuan awmhmun nghet pek loh leh vote pawh nei theilo a an awm avangin Chakma zinga an hotupa ber Shri,Kudi Rama chuan avui thu Supreme Court ah thlenin.

Arunachal Pradesh Sawrkar a khing nghe nghe a. Hemi chungchangah hian 1994 ah khan Supreme Court pawhin a rorelna thu a puang ta nghe nghe a tah chuan Chakma Refugee, East Pakistan ni thin a awm 1964 a Arunachal Pradesh a lo lut tun thlenga la awm ta te hi Arunachal Pradesh mi ah pawm anla ni lo a, an chen ve tak tak pawh hi khap tlat a ni tiin Suprem court chuan order a chhuah nawn ta nghe nghe zawk a, a sap tawngin ( Chakma Refugee entering into Arunachal Pradesh from their earlswhile East Pakistan into Arunachal Pradesh in 1964 and their still there remains were not native of Arunachalist and their settlement is restricted) a ti a. Hnawhchhuah mai Arunachal Pradesh Sawrkar chuan a han tuma mahse Human Rights a inrawlh tak vat avangin an hnawtchhuak talo mai a ni.

Chutihlai chuan Mizoram ah erawh chuan vote neih tir ve loh chu sawi loh khatihlaia Sawrkar thu neitute khan thil fello leh mawilo tam tak(irregular procedure)hmang ngeiin 1972 ah khan Chakma District Council tih hial hmingpu in ADC anlo peta a ni. Chuvangin, tun thleng hian Lushei ram mi nilo an tih thin tuna Mizoram tih hming lo puta chhungah ngei mai hian Chakma ADC chu a lo piang ta thung si a ni…….?

Hetiang anih avang hian Lushei ram mi ni lo tuna Mizoram kan lo tih tak chhungah hian Tuikuk District Council phutin HELPAWL te pawh dinin BRU tih hmingthar chawi a ADC Phut leh tur inruahman mekna bawhzui nana mi 200/300 bawrvel Tripura a tlan lutte hming chawiin siin an khawsa mek bawk a.Mizoram atanga tlanchhia a Tripura a refugee hming chawia Tripura Sawrkar lamin Camp siam saka mi 30000 chuang an kawllai ngei ,Mizoram Sawrkar laklet tir leh tura an rawn phut ta hlauh si a, heng avang hian Tuikuk raltlan tih hmangin vote thlak thei tur mi 10000 chuang kanlo siam phah leh ta zel bawk a. Chung an lo tlan chhuahna ramahte chuan, Bangladesh atanga Muslim Tripura a lo tlanlut rute hnawhkhah zel zawk an tum rukna Tripura Sawrkar thuruk haider ang mai a Mizoram kan hmanhlel hi a pawi kan ti tak zet a ni.

Hriatthiam tumtute tan chuan …… 1911 ah khan Tripura ram bial chhungah khuan Bangoli hnam hi 8% an awm ve tawh a, tunah erawh chuan 81% an lo awm ta a, 1941 chhiarpuiah chuan Lushei Hills ah khan mihring 187000 kan awm a. Tripura ah khuan mihring 228000 an awm a. Tichuan,tunah chuan Mizoram ah hian nuai 10 vel kanlo awm ve ta a, Tripura ah erawh chuan Tripuri (Tripura pangngai) te chu nuai 13 vel anlo tling ve tawh a kanin thlauh dan pawh hi ala pangai angin a hriat a, mahse Bengoli ho chu anlo punchho nasat avangin 1911 a 8% ni thin kha tunah chuan 79% an lo thleng ta a, a takah a lan dan chuan Tipera mi pang ngai nuai 13 vel an awm laikhuan Bengali chu nuai 37 vel an awm ve ta thung a ni.

Tin, tuna Mizoram ah hian Burma mi kan tih mai Burma awpna bial chhung atanga, an ramin harsatna an tawh avang khan 1993 vel ah kha chuan mi sing 5 chuang lai an lo tlan lut in kan hria a mahse ramdangah dinhmun tha zawkte dapin khawvel hmun hrang hrangah awmhmun tha an dapa 2003 a Burma mi hnawhchhuah tak vak si ah phei kha chuan Burma mi kan tih barma mi tak tak pawh ni chuanglo pawih, paihte leh Lushei ram buai avanga Burma awpna hnuailama an tlat chhia lo chhuk leh te zawng zawng hi 5000 bak an awm tawh in a lang lova.

Hetih lai hian Bengali-Muslim tuna Mizoram chhunga chhan hrang hrang avanga lo awm te hi 70000 leh 80000 vel tlinga ngaih an ni a. Hengte hi tuna kan hman mek ILP nei leh nei lo te an ni hlawm a. Hei
hi ILP in a khuahkhir tura British hunlai atanga an lo tih tawh ho kha a ni a. Heng mite hi Bangladesh leh Silchar chheh vel atanga lo kuallut te an ni ber a.

Burma awp rama awm foreigner ti a kan chi leh kuang ni ve ngei, foreigner hming chhala ngaimawh em em kanin zirtir lai hian ILP in foreigner tia a sawi leh an chenve khuahkhirh tura a tih hote chu ngaimawh miah lo mai ni lovin an vote neih dan tur thlengin kan buaipui ta map map mai si a……?
Chakma foreigner Arunachal Pradesh a chhuk zat an duh anga chan tha an neih loh avanga tuna Mizoram chhunga ADC nei tura ram kan lo sahthlak a tlan lutte Mizoram chhunga Minister pangpar thi awrh tirte zingah an lo intlar leh ta mai si hian ngaihtuahna a ti thui hle.

Tuna kan la ngaihtuah ngai miah loh Bengoli-Muslim singtel Mizoram chhunga awmte hian ILP tih tawp a, Vote an neih theih hunah chuan Mizoram a Mizo nula te ngei mai hian Mizoram Minister pangpar thi an awrh tir zingah Bengali-Muslim Mizoram Minister ni tlatsi pangpar thi an la awrhtir ve ngei dawn alo a ni tih hi Mizoram midik tak te tan chuan kan hmathlir zingah thlir tel ve loh theih loh a ni dawn an ni tih chu Mizo pa tan chuan ngaihtuah hmaih mai mai chi a ni thei dawn em ni, tih hi kan suangtuah ngai em le aw ?

Heng thu tlemte kan han tarlan te ngaihtuahna a tang ringawt pawh hian Zofate zawng zawng tan hian thawhharh a hun ta tak zet a ni tih hi keini ZO HNAM THALAI te hian kan zep thei ta ngang lo a ni e.
Hetiang zawnga thangtharte tana Zoram leh hnamte humhalh tur zawnga kan Zirlai rualte an lo tho harh tan ta mai hi Zoram leh hnam tan an va chuan awm em, kan ti thei dawn lawm ni.

ISSUED BY : Zo RE-UNIFICATION ORGANISATION(ZoRO),
Zo HNAM THALAI( Zo SCOUT & GUIDES),
GENERAL HEADQUARTERS,
SOUTH & SOUTH EAST ASIA AT MIZORAM, AIZAWL.
21st November, 2013

Similar Posts:

Recent Posts:

11 Responses to “LUSHAI HILLS KHUA LEH TUI AN NI LO”

  1. 1
    Vladimir Putin Says:

    Tun hma in Lushai Hills ah lo tello mah sela tunah chuan legal resident anni tawh miau va. Zo Re-Unification Organisation thu ni tlat hek lo.

    Mizoram hi kutdawh ram anih vangin Mizoram mipuite duh ang thlapin thil a kal thei lo. Chu vanga Bru ho vote zuk ban tawk tawk annih hi.

    Post tupa rawn phawrh chhuah racial doctrine hi tunlaia politically incorrect antih chu ani. Fimkhur loh phei chuan dan bawhchhiat mai theih.

    Report this comment

  2. 2
    Awmtea Leo Khiangte Says:

    Tuikuk-te hi eng tikah mah kan hnawtchhuak thei tawh lo ang. A theih tawh tlat loh. Tunhma thil thleng a ni a, siam that chu har tawh tak a ni ang. Ka lawm e.

    Report this comment

  3. 3
    ninja Says:

    Pastor vote leh Ks vote a intluk ti zawng a chhiarkawp chawk thin politician ho hi a kaikuang ber chu an ni e

    Report this comment

  4. 4
    Pakak Says:

    first :p

    Report this comment

  5. 5
    Atom c Says:

    #3- Tilo mahse a intluk miau si a lawm..heheh…

    ZORO hi thingtlang lamah chuan an reh ruih deuh reng rengin a hriat, lung an tileng e (ti teh daih ila). Mizoramah chuan thingtlang mi kan tam zawk mah si a.

    Report this comment

  6. 6
    lr hlonchhing Says:

    #3 (Y)

    Report this comment

  7. 7
    caribou Says:

    A chhiar tham hle mai

    Report this comment

  8. 8
    Sihtea Says:

    Mizo te hi zawng kan lo mawl fal bik em a tin a ni. Leh kha kan thiam ve sa tliah na ri ngawt hian kan hnam a chhan dam dawn lo. Kan hnam hui khawm a hum halh a veng him thei tur khawp a mi thiam dik tak
    kan ma mawh a. Chi ti’ang mi chu kan la nei rih lo ni in a lang.
    Tun a kan mi thiam neih ve kan chhuan ruk em em ho pawh hi
    an nih na diktak zawk chu,
    mah ni tan a chak ai khawrh,
    hnam dam zel na tur vei peih lo ho an ni hlawm si a. Chakma/Tuikuk/Bengali/Gurkhali ho vin, tun a tang a kum100 hnu lam ah chuan, kan thlah kal zel te Tiauchhak lam ah
    an la hnawt chhuak hial in ka ring.

    Report this comment

  9. 9
    H.Vangchhia Says:

    A pawi hi ka ti vawng vawng thin asin. Tah hian Takam ho an rawn tang kawh khawp mai hairehai :P
    http://www.misual.com/2012/11/.....ge-an-nih/

    Report this comment

  10. 10
    H.Vangchhia Says:

    Mizoram an rawn hnaih tanna ni a lang chu an lal, Harish Chandra khan British ho Lushai Expedition neihlai khan alo puih atang khan niin a lang. A hote mi 600 lai pein British ho kha a pui a, lawmna entirnan title, “Roy Bahadur” an pe nghe nghe a ni. Chumi hnu chuan a lal ram pawh Raja Nagar atangin Mizoram lam Rangamati-ah a sawn phah ta nghe nghe a nih kha.

    Raja HARISH CHANDRA Roy Bahadur, Chakma Raja 1874/1885; born 1841, he transferred his capital from Raja Nagar of Rangunia to Rangamati in 1874; he was granted the title of Roy Bahadur by the British, having rendered good service in the Lushai Expedition of 1871-72, by supplying coolies, boats, etc.; married and had issue. He died 1885.
    http://freepages.genealogy.roo.....hakma.html

    Report this comment

  11. 11
    Khuangpu Says:

    Lo awm ve mai mai teh se a. Siamthat theih tawh loh thil ani tawh. A pawi tih bak tih theih a awm tawh tlat lo.

    Report this comment

Leave a Reply

You must be logged in to post a comment.