Pu C.Lalhmuaka Mumang

November 20th, 2013 11:53 am by

[ He mumang(Inlarna kan ti thin) ropui tak hi Ni 18.11.2013 khan a bu an tlangzarh a, chhiar ngei ngei tur chi a ni ang. Lehkhabu atanga chang thenkhat lak chhuah i lo thlir ang u.]

Silchar G.C.College-ah  IA Exam turin kum 1959-ah ka kal a, February 13, 1959-ah ka thleng. Pu Lalnienga ISc exam tur ka hmu a.Admit card ka lak hnu chuan kan haw dun ta a. Kal kawngah chuan Pu Pachhunga In tha deuh mai min kawhhmuh a, Silchar-a Mizo pa-in  in tha deuh mai a nei chu a lawmawm hle mai tih te kal pah chuan kan sawi dun a. Kei kha Pi Kaithiangi hotel siamah khan exam chhung zawng kha awm turin ka kal ta a.

Exam mai tur ka nih avangin lehkha ka zir a, mut zai ka rel a. Hemi zan, 14th February 1959 hian ka mumangah Pu Pachhunga ka lo hmu a. Ka mumang a ni a, inlarna te an ti thin a, inlarna a ni lova. Mi hian an ngaihven viau va, min sawi tir tam tawh khawp mai a. Ka thian Lalnienga khan a in min kawhhmuh lo se mumangah hian ka hmu ang em tih chu zawhna chhan harsa tak a ni.

Miin Pu Pachhunga hi a la hre ngai lo reng reng te an ti thin a, mumang ka neih an sawinaah hian, chu chu a dik lova. Pu Pachhunga chu ka hrechiang em em mai a, naupang kan ni a, ka be ngai lova. A inchei dan te pawh kha kan hria a ni. Tichuan zanah ka mu kha kan inhmu ta a ni.

“Ka pu, engtizia nge hetah ka hmuh che ? I thi tih ka hria a, mi zawng zawngin mak an ti a, an ui em em che a. Vanramah I kal daih tawh turah ka ngai che a. Mi an thih hian ‘Lalpa hnenah a chawl ta,’ kan ti a. Mahse I thihna a rei viau tawh si a, engtizia nge hetah ka hmuh mai si che?” ka ti a.

Pu Pachhunga chuan, “ Pathianin kei min hmu turin a rawn tir che a ni tih ka hrilh duh che a. Thih hnua thlarau awm dan leh hmangaihtu Pathian ropui zia ka hrilh dawn che a ni. ………………” a ti a. Keiin, ”engvangin nge I thih?” ka ti a. Pu Pachhunga chuan, “Kan nuin, ‘Kumin Krismas chu kan fanu Neihthangi  te nupa awmna Tezu-ah zuk hmang ila, khawhar taka Krismas an hmang tur hi ka khawngaih em mai,’ a ti a.

Tichuan kan driver nen kan kal ta a, Hlim takin an awmna kan thleng a. Reilote kan awm hnuah ka lu a na a, ka tawng thei ta lova. Kan makpa Zama’n doctor a ko nghal vat a.  Doctor chuan,’ A natna hi a na hle mai a, a damchhuah pui lo mai ang tih ka va hlau em, engpawhnise he damdawi hian injection kan ti ang a. He damdawi hian darkar 24 chhunga a tha lama a thawh loh chuan a thi ang. ’a tih hi ka hria a. Chumi rual chuan Vantirhkoh rual an lo kal nghal a, Lalpa Pathian, Engkimtitheia chuan nangmah hruai turin min rawn tir a ni,’ an ti a.

Pu Pachhunga chhungte hnena thuchah : – “In haw hunah Aizawl I thlen hunin tu hnenah nge I thlen dawn?” min ti a. “Ka u, C.Chhunbura te in, Mission Vengah a ni ang” ka ti a. “Chhuna chu ka hria a lawm, kan nau a ni a. Kan dawr kawtah  khan motor atangin chhuk la, ka nupui hnenah thu sawi ang che. Khawhar takin hun a hmang a. A hming chu Chawngi a ni a, Pi Chawng I ti dawn nia. Ka ruang chungah khan a tap nasa em em a. Lei lam a thlir a, Van lam a thlir thei lolova. Ka khawngaih em em a. A bulah ka awm reng a, ka tawngtai sak a, ka aw a hre thei si lova.

……………Thil panga a fate hmaa sawi tur ka hrilh ang che. I sawi zawh hunah thingpui a pe ang che ang a. I haw dawnin I chuanna tur chu kan kawtah a lo ding ang a, I kal mai ang,” a ti a.

Khatiang avang khanin ka chhuk a, kha tih lai te kha chuanin ka lu zawng zawng kha vaivut a ni mai a, ka tawp em em mai a. Tahchuan Pu Hminga, an manager kha dawrah a lo awm a, ka sawi ta a ni. “Ka mumangah Pu Pachhunga nen kan inhmu a, a thih dan chanchinte min hrilh a…………..thu ka chah che a ni, I lo hrilh dawn nia min ti a, ka hrilh duh a ni, ka pu,” ka ti a ni.

“A tlangpui han sawi the ?”, min ti a, a thu min chah ni lovin. “A a lung a leng lutuk ang, hmu lo mai rawh, a tap nasa ang”, a ti ta a ni. He thisenah hian ka hul tih ang hlauh ka ni ta a, ka hrilh nawn ngam tawh miah lo.

Tichuan ka thu vang vang a, motor ka hmu si lova. Han kal ta ila, in bia ila, ka sawi zawh vel awmah khan motor kha remchang tak kha a lo kal phei a, tah chuan ka chuang ta a, Sikulpuikawn thleng chuan ka chuang phei ta mai a, chumi a a thu min chah erawh chu ka pa pawhin min zawt a, ka hrilh lo, mah Pi Chawngi hnena sawi tur anih avangin, an family thuruk a ni.

Similar Posts:

Recent Posts:

15 Responses to “Pu C.Lalhmuaka Mumang”

  1. 1
    Amaria.vch Says:

    Chh1ar i 1a

    Report this comment

  2. 2
    Awmtea Leo Khiangte Says:

    Chhiar dawn ang. Mahse, inlarna tih vel hi chu ka awih ngai vak lo.

    Report this comment

  3. 3
    loneeagle26016 Says:

    An sawi ka hre nual tawh mai a, hetah hi chuan i rawn bei tawi lutuk a, a ngaihnawmna tur abo vek alom le. An family thuruk i tih hi pawisa chungchang pawh a dik vek an ti si kha ani a. Amah Pu Hmuaka’n a sawi chuan a tawngrang viau nain rei deuh mai a sawi thin an ti a..a bu chu chhiar ve ngei chi anih chu..:)

    Report this comment

  4. 4
    Borat Says:

    Pachhunga, Lalhmuaka, Chhunbura, Lalnienga.

    Hming ringawt, ka la hriat ngai loh bakah a ziaktu hian tute gne an nih asawi bawk si lo. Sipai bo ka bang map.

    Report this comment

  5. 5
    lushai_er Says:

    #4: Shailendra hi zawt mai rawh, MSV-ah Chhunbur-a hre lo chu an naupan viau loh chuan pem thar an niang.

    #Pu Hmuaka hi Zirtirtu Hmuaka an tih mai thin. A awmna apiangah naupang a zirtir thiam em em a, Matric-ah topper hialah te an chhuak thin. Aizawl-ah a rawn pem pawh khan St.Paul’s H/S a an Bro. Head kha challenge ngam ngat tu kha a ni a, a challenge ang ngei hian result tha tak an nei ta reng a ni. Govt. H/S kha khutah atangin khitah a siam a ni.

    @loneeagle : A ngaihnawm zawng zawng ka khawn khawm chuan a bu in chhiar peih lo palh ang ;-)

    Pu Pachhunga thlarauvin Cheng vaibelchhe aia tam a neih thu te, maktaduaih 6 che lova fix-a a dah thu a sawi te chu a dik a ni awm e.

    Report this comment

  6. 6
    lushai_er Says:

    Pu Hmuaka hi Mizoram pawna ka chhuah hlanin a lo boral a, vawikhat mah hi inlarna a ti ngai lo, mumang a ti thin.

    Amah hian darkar 4 sawi vel a ni a ti.

    Report this comment

  7. 7
    Dr Mahminga Sailo Says:

    Lehkhabu ngei chu chhiar a chakawm hle mai a.. Post-tupa, i taima thin e.. (Y)

    Report this comment

  8. 8
    loneeagle26016 Says:

    @lushai_er :A bu khi ka chhiar chak lutuk ringot, a kim chang ang chu maw..a Pathianthu hrilhfiah chungchangte kha ka hriat chak ber pawl te an ni. Amah Pu Hmuaka kha Joint Director a Education dept a a awmlai khan kan va hmu a thildang vangin, a mumang hi ka zawt chak maimai asin aw… :D

    Report this comment

  9. 9
    Fellington Says:

    Ka chhiar ve chak hle mai a, SBS-a kan awmlai khan kan Principal Pu Saizahawla khan a sawi thin a, chiang kelh kawlha hriat a chakawm hle mai.

    Report this comment

  10. 10
    Borat Says:

    A thlawn pawn min pe mahse ka la ang, chhiar em chu ka tum hlei lo.

    Report this comment

  11. 11
    Puii Says:

    A lehkhabu fakna em ni? kei pawh han insawithei lawk ila, amah Pu Lalhmuaka hi a damlai khan a mumang hi ka zawt ve tawh, (O)
    thil mak ve tak chu a ni… mahse mumang dik em em te hi bibleah a lo awm nual mai..

    Report this comment

  12. 12
    lushai_er Says:

    A lehkhabu fakna pawh ti ula a dik tho mai, mahse hmanah khan he mumang chungchang hi sawi ho a ni tawh a…… a bu ngeiin an siam tawh e ka rawn tihna ve mai a ni.

    A chhiar peih lo erawh chhiar rawh u tihna a ni chuang law..(H)

    Report this comment

  13. 13
    LaMea CâcTùs FLh Says:

    ka comment kha bawk a, lung ava leng ve

    Report this comment

  14. 14
    rlchhana Says:

    Pu Pachhunga’n Pu Hmuaka a chah hi thil awm thei tak tak a nih a rinawm e

    Report this comment

  15. 15
    Sihtea Says:

    Thuthlunghlui hun lai a mi pawh kha
    Pathian in a vantirhkoh te hmang in,
    an mumang lam ah thil tamtak a hriat tir thin tak kha maw le.
    Khawchhak mifing ho pawh khan
    an mumang kha lo awih duh lovin
    lo sit ta se la, kan Lal Isua kha Pu Heroda kut ah a thi mai thei a sin.

    Report this comment