(1994, FIFA World Cup) Life doesn’t end here-Andrés Escobar

November 17th, 2013 7:58 am by lr hlonchhing

Football ngaihvena ngainatu i nih chuan, FIFA World Cup, United States-in 17th June-17th July, 1994 chhunga an thlen kha i la hriat ka ring. Brazil chu World Cup-a vawi li champion thei hmasa ber ni turin Final-ah Italy chu, hun pangngaiah an inhneh tawk hnuin penalty-ah 3-2 in an hneh a nih kha. Tichuan, Runners Up-ah Italy niin, Third Place-ah Sweden an ni.

1994, FIFA World Cup kher kan ziahna chhan hi Colombian Defender Andrés Escobar 13th March 1967, Medellín (City of the Eternal Spring) tia an koh, Colombia-a piang, “The Gentleman of Football” emaw “The Immortal Number 2″ an tih thin; USA nen an inkhelh laia a ‘own goal’ avanga? kahhlum a tawh phah vang kha a ni. Qualify match-ah chak loh nei lovin, vawi 6 an khelhah vawi 4 an chak a, vawi 2 an draw a. An qualify match-ah hian, 5–0 laiin Argentina chu Buenos Aires-ah ngei an pawngsual a nih kha. Beiseina sang tak nen an thlir a, mipui tam tak phei chuan, 1994 FIFA World Cup Champion an nih an ring hial a ni.

22nd June 1994 a ni a, Group A atangin an match hnihnaah Colombia chuan USA khelin, minute 35 a ni tawh a. USA midfielder John Harkes chuan Colombia Box-ah ball cross pheiin, chu chu Andrés Escobar chuan lo dan tumin an Goal-ah a tlawh lut palh ta a ni. USA chuan 2-1 a hnehna changin, an game hnuhnung berah Switzerland 2-0 in hneh mah se, Colombia chu first round-ah an tla fel der a nih kha. USA leh Colombia te an inkhelh hma hian, USA leh Colombia lam fans te’n Coach leh players te chu thah-ah an lo vau lawk ni awm tak a ni, midfielder Gabriel Gomez phei chuan a khel ngam lo hial a ni. “If you play Gomez against the USA, we will set off bombs against your families in Medellin” tih message a dawng nghe nghe a ni awm e.

Kha game kha, left-footed defender Andrés Escobar tan a game hnuhnung ber ni turah tuma’n an ngai lo. Tih theih dang an nei tawh lo, Colombian coach Francisco Maturana leh a naute chuan, an puanthuah an tel ta ringawt mai a ni. Andrés Escobar chuan America chu a chhuahsan ngei a, Nevada lama a nu leh pate zin mek chu va zawm ve mai lovin, a pianna Medellín (City of the Eternal Spring) lam ah chuan a haw ta a ni. Escobar chuan a sports career-ah a hun harsa ber nia sawiin, open letter a ram mipuite hnena a ziah (a thih hma ni li-ah) Bogota newspaper-a a ziahah chuan, “Please tell everybody that playing in the World Cup was the most rare, phenomenal opportunity and experience I have ever had, so see you soon, because life doesn’t end here” tiin a ziak nghe nghe.

2nd July, 1994 a ni a, USA in Colombia an hneh atanga ni 10-na chiah a ni. Escobar chuan a thiante bia-in, El Indio nightclub-ah an kal a. Zing dar 3 a ni a, a car-ah Escobar chu chuangin hawn a tum a, mipa pathum leh hmeichhe pathumin an zui nia sawi a ni. Chutah chuan silaia vawi 12 kapin, mita hmutu nia insawi chuan an kah lai hian, “Thanks for the own-goal, hijueputa [son of a whore]!” tiin an au niin a sawi. Escobar chu damdawiinah lain, 45 minutes hnuah a boral zui ta a ni. Humberto Muñoz Castro, Escobar thattu ber chu, kum 43 tang tura tih a nih laiin 2006 khan kum 11 a tan hnuah chhuah leh a ni.

Swiss goalkeeper Marco Pascolo chuan, “It’s terrible to have someone killed because of a game” tiin a sawi a. Brazil’s coach, Carlos Alberto Parreira phei chuan na takin, “We’ve got to start understanding that this is a game, not a war, and that all these crazy nationalistic feelings, while fine up to a point, have gone too far” a ti hial a ni.

“Please, let’s not let the defeat affect our respect for the sport and the team. See you later, because life goes on”- Andrés Escobar Saldarriaga


Mihring kan ni a, tisual thei kan ni. Kan tihsual ang zel hian, ESCOBAR chunga Colombia mipuite an thinrim ang hian, Pathian thinrim hian min hrem, dawn ta se dam tlak kan awm tawh ang em le???Kan tihsual leh tihluih tam tak min ngaidam thintu LALPA kan nei hi kan va vannei em!!

Similar Posts:

Recent Posts:

12 Responses to “(1994, FIFA World Cup) Life doesn’t end here-Andrés Escobar”

  1. 1
    lr hlonchhing Says:

    Mahni post-ah first khauh ila :-D

    Report this comment

  2. 2
    hiho Says:

    Good post. Football hi chu kan tuipui tlang a ni. Tun Mizoram Premier league khelh lai ah pawh hian Mahni veng Club te tan a na bawk a niang, inkhelh zawh ah Fans te an in sual lo chauh zel male.

    Report this comment

  3. 3
    lr hlonchhing Says:

    A mawl zawnga football fans ruh tak nih erawh a tha lem lo :-P

    Report this comment

  4. 4
    caribou Says:

    Escobar hi chu football khawvel ah a hming a chuang reng tawh ngei ang. A khawngaihthlak khawp mai.

    Report this comment

  5. 5
    Charice_mizo Says:

    Ka van lainat tak, hetih lai hian ka la te lutuka, ka lo en ve hman lo anih hi mawle…

    Report this comment

  6. 6
    century child Says:

    (Y)

    Report this comment

  7. 7
    sheldon Says:

    Lr, I rawn ziak tha lutuk. Mi tamtak rilru ah a thi hman titih tawh mai dawn. He thil thleng hi chu a runthlak lutuk ani. Its the irony of football fever. Khawvelah hian mi rilru piangsualte vang hian thil pawi tak tak a thleng fo dawn si a :-(

    Report this comment

  8. 8
    lr hlonchhing Says:

    K’u Sheldon a rawn lan meuh chuan misual.com a hot thin lai kha ka va ngai em (Y)

    Report this comment

  9. 9
    chhana Says:

    Khi thil thleng khi ka hre ve, an bei rawng ve khawp mai.
    A tawpa i thil rawn tarlan khi a dik khawp mai. Nia, Pathianin phu loh hmangaihnaa min tuamhlawm hi chu ka lawm thin ngawt mai.

    Report this comment

  10. 10
    Awmtea Leo Khiangte Says:

    A ngaihnawmin a tha e.

    Report this comment

  11. 11
    PKfanai Says:

    (Y) 1986 Mexico World Cup ah khan Brazil kha tlangrin ber anni a. Zico-a damlo chung chung an telluih tir a. Quarter Final-ah Michael Platini a team France ho nen an inkhel a. hun tawp dawnah Zico-an penalty a hlawh chhuak a, amah ngeiin a pet bawk a(Zco hi a hunlai chuan Penalty pet thiam ber anga sawi ani thin). Mahse, France goal Keeper Joel Bat khan a lo save ta si. Champion tura rin ber Brazil an tla ta ruai ruai mai. Escober-a ang tho hian Zico-a tan chuan an rama hawn a huphurhawm dawn mang e. Nimahsela, an khawpui Thlawhtheihna tumhmuna an han tum chu Zico-a fan ten an lo hmuak a, “Zico, We did not judged you by one penalty; You are still the best” tih banner nen an lo hmuak anih chu maw le!!! Brazil tan lo thei ka ni lo. ;-)

    Report this comment

  12. 12
    Khawl Thang Vuta Says:

    A tawp i kar dan chuan zirtir a nei tha khawp mai (Y)

    Report this comment

Leave a Reply

You must be logged in to post a comment.