Ka ngaihtuahna a awm thin thenkhat!

November 9th, 2013 2:16 pm by H.Vangchhia

1. Hmangaihna hian chatuan a daih a, zaidamin dawhthei viau mahse hremna pawh a neive thin tho mai.

2. Mipa chuan hmeichhia a zah tur a ni a, chutih karah hmeichhia chu zah turin a khawsak a ngai ve bawk.

3. Mihring che muang tak mai thiltihpui an hreawm duh phianin a rinawm. Mihring che vawt vawt pawh an thiltih a phelh pheng phung duh hmel. Viak-ṭha tak erawh thatchhia an vang phian thung awm e!

4. One’s dream may falter but to give up is a failure.

5. Rilru hah em em tihrehna ṭha tak chu thil ṭha leh lawmawm lam ngaihtuah tlat a ni.

6. Politician-te inkar ni lova midang hnehsawh hmang deuhte hi mawl tak an nih loh vek leh intifing chhaw veh vawh tak an ni duh viauin ka hria. Pi leh pu ten, “ṭawngkam ṭha-in sial a man,” an lo tih thin kha a dik chho zel dawn niin a lang.

7. Mi rinawm chuan midang pawh chutiang turah chuan a ruat fo thin. Mi diklo leh mi lepler-te chuan midang pawh chutiang tur chuan an ring rilru ve tho bawk thin awm e. Mahni rilru put ang hi midang put tir tumna hi mihring tam tak zia zuk ni thin tlat pek a!

8. Midang kan ṭanpui hian thinlung chhungril a hlim a, chumi chuan kan thiltih tur hmachhawn zelnaah phur tak a tih theihna pawh min pe ṭhin a lo ni.

9. Thank God humans are born “somebody” and not something else!

10. Inzahtawnna neih hi mi pangai nihna a niin ka hria. “Nangmah I inhmangaih ang bawkin I vengte hmangaih rawh,” tih nen pawh a inzul viau awm e!

11. I hriat chu hria la, I hriat loh chu hrelo ngam bawk ang che. I rilru-in dik a a ngaih kha a diklo thei tih hria la, i hriatna (source) pawh chhuikir hmasa fo ang che. Tichuan rawn tlak i ni fo dawn nia.

12. Mahni ṭawng chin umphak tum zel hi mi puitling nihna niin ka hriat tlat pek chu!

13. Thawhrim rah chu a hlu a, thawh loh rah chu a hlu lo!

14. Harsatna kan tawh hian kan nihna, kan chhungril kan phawrh chhuak fo ṭhin. Thlasik khawro lai a ram leilung a lang chiang zual ṭhin ang bawk hian, kan nihna, tunge kan nih leh enge kan nih theih tih chu harsatna leh hreawmna tawrh lai hian alo lang chhuak thin!

15. Ka upa tawlh tawlh a ka chhungte leh ṭhiante hlut zia ka hre zual zel e.

16. Mipa chuan “Pa” takin zaidam a zir. Mipa chuan pa takin mawhphurhna hlen a tum hram ṭhin a. Mipa chuan bialnu emaw, nupuite emaw a vau khur khur ngai lova, pa takin an thusawi a ngaihthlak sak zawk ṭhin. Mipa chuan mipa a nih a hria a, inchhung chetah hmeichhia ten puih an ngai a ni tih hriain hlim hmel pu takin a pui fo ṭhin.

17. Chapona tel lova induhna te, hmuhsitna tel lo leh thawhlawm thawh hnem be tlawn lova Kristianna te, party ruih chilh lova mi ṭha thlan duhna te, development pawisa eiru lova ram tan a hnathawh duh tlatna te, Mizoram pawn a kan chipuite mihrang ang a en lova, vai, Takam leh Tuikuk-te mihrang an nih zawk hriat duhna te, a lang a tuai nuihzat a thimtham kar a kawp leh hreh hauh siloh simna te, hawihhawmna vawng tlat a NGO enkawlte, ngaihsamna aia thil chik peih-te, dan leh hrai zahna chang hria a kan khawsak hunah te leh, dan kengkawhtute pawhin an tih turah hlauh nei lova an thawh ngam hunah chuan Mizoram hian lemchang nun a nung lovin Pathian nung bia tiin ramdang mi ten min la fak hle tur nia!

18. Thawhrim rah chu rilru hlimna, eiruk rah chu mi huat ruk hlawhna.

19. Pawisa hlutna hre tur chuan thawhrim rah a nih a ngai ṭhin.

20. Dâktawr ten natna chi hrang hrang anti dam thei, mahse thinlung na erawh chu a neitu chhelna leh beiseina neihah a inghat thung si!

21. Hringnun a pawimawh 7 te:
a. I hun liam tawh ngaihtuah run lo la, I tun hun I hmang ṭha thei zual sauh ang.
b. Miin an ngaihdan cheah buai suh, I thu a ni lo.
c. Hun hian engkim deuhthaw a liampui thei. Hun pe fo rawh!
d. I nun leh midang nun khaikhin ngai suh la, an nunah ngaihdan nei bawk hek suh. Eng thil chiah nge an paltlang I hre lo.
e. Nun kalphung chhut buai lutuk suh, hriat loh kha a pawi hrih lo thei. A hun takah ṭul chu I hre tho ang.
f. I hlimna kawng daltu leh siamtu chu nangmah chiah I ni.
g. Han nui seih mai teh khai, khawvel a harsatna I ta vek a ni lo tlat!

22. Hnam inlungrual nitur chuan tawng hman zau ber (majority) chuan, tawng hman tlem zawkte (minority) chu a huikhawm a ngai thin. Chutiang chuan hnam zahawm tham, hnam lian leh chak tak anni thin.

Similar Posts:

Recent Posts:

9 Responses to “Ka ngaihtuahna a awm thin thenkhat!”

  1. 1
    chhana Says:

    _Pathumna khi ka pawm zawng tak a ni. Mi che thawt thawt hi chuan ngei pawh an hlawh chawk.

    Report this comment

  2. 2
    Phivawk Says:

    Ka rilrem loh deuh point ka zawn ngial pawhin ka hmu ngang lo a ni, a dikin a tha hlawm kher mai! (Y)

    Point 27-na ‘Hringnun a pawimawh 7 te’ khi a tha hlawm si a, post hrang hlaka dah atan ka lo it khawp mai a.

    Report this comment

  3. 3
    sheldon Says:

    A dik hlawm ka ti. Mahse 5-na khi chu a harsa ve thin khawp mai. Rilru hahna neih a thu hlimawm lam ngaihtuah theih chu tha ngawt ang, mahse harsa ve tak ani. Kan vei ber kha kan ngaihtuah ngut ngut zel a.

    Report this comment

  4. 4
    Atom c Says:

    #11 & #12 te khi chhui thui duah ngai lem silo, inthup theih hauh siloh a awlsam taka mihring mizia hriatna pakhat niin ka hria (Y) #14 khi chu a mihring a zirin a ni zawk thei.

    Report this comment

  5. 5
    Sasaks Says:

    10, 11 leh 15 (Y)

    Report this comment

  6. 6
    H.Vangchhia Says:

    Ngaihtuahnaah hian hetiang lam hi ka ngaihtuah fo thin. Ka nun pawh engemaw chenah min kaihruai hle thin awm e. Hairehai :)

    Report this comment

  7. 7
    Awmtea Leo Khiangte Says:

    Tha hlawm khawp mai. I ngaihtuahna a fing e.

    Report this comment

  8. 8
    caribou Says:

    A tha hlawm lutuk tlat. Point tinte khi uluk taka chhiar nawn tlut tlut tlak an ni.

    Report this comment

  9. 9
    H.Vangchhia Says:

    Ka lawm e (Y)

    Report this comment

Leave a Reply

You must be logged in to post a comment.