Lehkhachaih (Sunday pual)

November 3rd, 2013 9:43 am by Awmtea Leo Khiangte

Kite
Mipa naupang pakhat hi a pain lehkhachaih a siamsak a, a pian a hnu lama a vawi khat chaihna tur a ni nghe nghe a. A pa nen vawi eng emaw zat an beih hnuah lehkhachaih chu a thlâwk kâng ve ta a. A thlawh sân zêl theih nân a hrui chu an zawm a, sâng takah a thlâwk ta delh delh a.

Mipa naupang chuan nuam a ti hle mai! A aia sâng zâwka thlawhtîr a duh a, a zawm belhna tur hrui a awm tawh si lo. A pa hnênah “Ka pa, a hrui hi tichat mai ang, sâng deuha a thlâwk lai ka hmu chak a nia,” a ti a. A pa chuan, “A hrui kan tihchah chuan a thlâwk sâng thei lo ang, a tla daih dâwn asin,” a ti a.

Naupang chuan, “A thlâwk sâng ngei ngei ang, a hrui hian a thlawh sânna tûr a dâl tlat a nih hi,” a ti a. A pa chuan a fapa chu chemte a pe a. Naupang chuan lehkhachaih hrui chu a zai chat ta a. A hrui a zai chah veleh lehkhachaih chu awmze nei loin a vir kual mawp mawp a, a tâwpah chuan a thlakap tliak rumin leiah a tla ta a. Naupang chuan a hrethiam lo hle mai! A hrui khân lehkhachaih kha thlâwk sâng thei loin a pawt bet tlat ni khân a hria a; mahse, a hrui a zai chah erawh chuan awmze nei loin a tla leh daih bawk si.

Pathian thupêk hrang hrang, a dân thu leh a zilhhauna te hi lehkhachaih hrui ang a ni. Kan ke atân khâwnvar, kan kawng atân êng a ni. A thu zai chata thlawh sân kan tum tikah ruh tliak rumin kan tla zâwk thin. Pathian thu a nih anga zawm mai hi remna, beiseina leh hlimna a ni a, kawng dik zawhna tûra min hruaitu meichher a ni.

Similar Posts:

Recent Posts:

7 Responses to “Lehkhachaih (Sunday pual)”

  1. 1
    Khawl Thang Vuta Says:

    Amen!
    Min kawhhmuh tum a chiang hle mai
    Happy Sunday ……..
    (Y)

    Report this comment

  2. 2
    whotalk Says:

    Thlemna te ka tawh changin hneh theihna min pe la, Vanin kawng ka bo dawn in ka banah min kai rawh..Sual hliam tuar ….chau thin mah ila..aw nem zaidamin min zirtir langin ..nunnem thlarau thianghlim

    Report this comment

  3. 3
    chhana Says:

    Tehkhin thiam angreng hle mai. Duham chu channa, ropui chak chu tlakchhiatna tihna ni ber in ka hria. A ropui khawp mai.

    Report this comment

  4. 4
    Awmtea Leo Khiangte Says:

    Pathianni chibai vek ule.

    Report this comment

  5. 5
    Dr Mahminga Sailo Says:

    Tlai deuh tawh mah ila, he thuziak awmzia leh zirtir erawh a thatna a dang chuang lo ve. Teh khin thu tha tak a nih hi.. (Y)

    Report this comment

  6. 6
    H.Vangchhia Says:

    Tha ve (Y) hairehai

    Report this comment

  7. 7
    SHauzelSailo Says:

    Ziah thiam in thra hle mai.
    Sunday erawh, kar khat a ni hmasa ber ni ani. Pathian chawlhni anilo, kan chawlh ve na ni tur chu.

    Report this comment