Masihi Sangati Convention tluang taka neih zawh a ni

October 30th, 2013 12:01 am by chhana

http://i44.tinypic.com/6teemf.jpg

Masihi Sangati (Non Mizo tia kan hriat lar) Convention vawi 28 na chu tluang takin Sihphir Presbyterian Kohhran Biak Inah tluang takin dt. 18th.-20th. Oct. khan hman zawh a ni ta. He convention a speaker chu Rev. R.Lalthangvunga a nia; thupui chu ‘Isua chu kawng, thutak leh nunna’ (Joh 14:16) a ni. Speaker hian thupui hi tum nga sawiin Pathian Thlarau Thianghlim pawlna nasa takin a thleng a ni. Convention chhung hian speaker in thupui a sawi bakah bible study-te neih a nia; councelling class neih reng a ni bawk. Pathian ni chawhnuah Sihphir bialtu pastor Rev.H.Laltlanthanga’n Lalpa zanriah Sakrament a theh bawk.

Kum 1965 daih tawh khan Nepali Kristian ten anmahni pualin inkhawmpui hi an lo nei tan tawh a; Nepali Kristian Fellowship tih hming pu a Synod hriatpuia an din chu 1975 khan a ni.

Kum 1975-1980 lai vel khan Khawruhlian Pastor bial chu MEA zirtirna diklo in a nuai vak mai a; chumi laka invenna chu ‘luanchhuah’ niin bial hruaitute chuan an hria a. Bial comt. te chuan Ramthar field a chhuak kher loin bial chhunga Nepali/Santali leh hnam dangte zinga campaign an rel ta a. ‘Bial Ramthar Comt.’ an din ta nghal a. An phur tlang ta em em a. Vai hla leh vai khuang bente an zir ta tluk tluk maia. Hna thulh hial in an inkhawm reng thin. An hnathawh chu Lalpa’n mal a sawm a; ringthar an awm ta nual mai a. An ramchhunga hmun laili ber leh vai tamna ber Khanpuiah vai Biak In an saa; hei hi Mizorama hnamdang Kristian Biak In ding hmasa ber a ni.

Aizawl khaw chhung leh pawnah ringthar an lo pun tak zelah chuan puja laia an lunglen leh mai an hlauh avangin inkhawmpui hmasa ber chu 1982 khan Khanpui khuaah neih a lo ni ta a ni.

Mizoram chhunga hnamdang zinga rawngbawlna hi a tangkai hle a; NE India, Central leh foreign-Nepal thlengin Masihi Sangati rawngbawlna avanga Kristian lo ni tawh ten anmahni khaw lamah rawngbawl tu tangkai leh kohhran dintu leh kohhran ban pawimawh tak an ni thei zel a ni. He rawngbawlna avang hian hnamdang pastor paruk zet chherchhuah an ni tawh a; Mission field hrang hranga tirhchhuah engemawzat an awm tawh bawk.

Convention hi tarlan tak ang khian 1982 khan Khanpuiah neih tan a ni a; kumtin nei chho zelin 1994 khan Silcharah Mizo driver thah avanga buaina a chhuah avangin thulh a ni tih mai loh chu tluang taka neih chhoh zel a ni a; tluang taka 2007 thleng khaihlak awm lo a neih a nih hnuah kum khat dana neih a lo ni ta a ni.

Tunhmain convention hi Mizoram pum huapa neih thin a ni a; tlem lai atang khan chhim bial leh hmar bialah then hran a lo ni taa; tun tuma kan tarlan hi hmar lam chan a ni.
Sihphir Kohhranah hian 1997 khan hlawhtling taka neih a lo ni tawh nghe nghe a ni.

Tun tum convention-ah hian ringthar 47 lai an awma; an tana kan tih theih tawk tawngtainaah keini ho hi I tang tlang ve teh ang u.

Similar Posts:

Recent Posts:

2 Responses to “Masihi Sangati Convention tluang taka neih zawh a ni”

  1. 1
    century child Says:

    (Y)
    First
    Kan tih thin lai te kha.
    Ni hman nuam vek ule.

    Report this comment

  2. 2
    Sony Says:

    Ka va lawmpui tak em.
    Mahse sawi ta phawng ila. Nepal thleng thlenga missionary tirh a ngai kher em le?
    Aizawl veng tam tak hi ram thim aia an danglamna ka hre lo. Treasury square, Rangvamual, Zarkawt, Babutlang, Chanmari, Dawrpui a missionary intirh tum hi an awm mial lo maw?

    Report this comment

Leave a Reply

You must be logged in to post a comment.